金子半之助 (新都會廣場) (已結業)

今次真係中伏到喊，從來未食過咁難食嘅天婦羅！主打以麻油炸嘅天婦羅丼飯。出品太深色，賣相實在唔靚！香港師傅仔手藝明顯未到家，上枱時睇得見天婦羅油光臘臘令 (唔通師傅以為自己賣緊煎醸三寶！？) 未食感覺已經好飽好滯！海老(蝦肉)質地不知所謂，非常鞋口，毫無鮮味，直頭係唔新鮮！鱚魚質地比較好一點，即係冇咁差，至於魷魚和帆立貝粒天婦羅餅尚算軟滑，但成品散筲筲 ... 所謂嘅温泉蛋天婦羅仍有少許流心，但蛋白已經散哂食唔到；至於塊紫菜天婦羅，已經唔脆！至於d飯，完全唔夠粘，散筲筲，撈咗醬油後更加唔能夠用筷子夾起！好失敗！一碗天丼失敗嘅元素，全部齊哂！至於漬物嘅蘿蔔竟然有苦澀味 ... 最後，唯一比較可取，係醬汁加咗糖漬柚子皮中和鹹味，令味道產生少許複雜嘅層次。實在無法理解，點解晚晚keep住有幾十人喺門口排隊！今次試食一次就算，一定冇回頭！真係肥到食唔哂成碗都已經好滯。理得佢連續5屆榮獲日本全國天丼金賞又點啫，只限喺日本囉！喺香港，完全物非所值！

很多人排隊（長期多人）！！！要等位！！價錢中價 ！！叫了138！ 有穴子 海虾 帆立貝魷魚天婦羅餅 溫泉蛋 海苔 莢碗豆！食物到左 店員就介紹食到一半先吉穿隻溫泉蛋 咁樣食就可以食到2樣感覺！！e下幾好 服務不錯！！海虾 不太脆溫熱！！一般質素！海苔 唔錯幾脆！！！莢碗豆 冇炸到干晒 幾好！！！帆立貝魷魚天婦羅餅 e個一般炸到出黎都唔似個餅 成個波咁！！唔吸引。。。有d失望！溫泉蛋 e個就正 蛋黃味濃 冇熟晒 仲可以有流心正！！！！穴子 都幾大條 唔腥又冇骨慨！合格！可以再脆d會好d！！千期千期千期（重要架事情要講三次）唔好比佢個碗昆左 期真得唔多架d飯 40%左右架炸個碗架容量！！個碗底好厚！總結係可以一試！！

每次去日本，天丼是必食，貪佢不油膩，豐富嘅配菜，加上特製嘅醬油，令一碗平凡嘅飯變得不平凡。知道金子半之助在葵芳開業，急不及待去試試！專登延遲食飯時間2:30去到，排隊人不多，等了幾個人便可安排入座，店內環境較擠迫，坐滿了人！我和同事叫了不同丼，分別是天丼及上天丼，下單差不多接近30分鐘才上枱，等嘅時間比較長，明白的，新鮮即做製作需時。第一口咬下炸物，已知道是中伏，粉漿厚兼硬，期待嘅炸蝦最為失望，其他炸物尚算OK，但粉漿實在太厚，真是要改善一下，總體而言，個人覺得不是太好吃！個人評分食物 C環境 C抵食 C服務 C

日本要大排長龍既金子半之助，係香港都唔例外，店外已經排左大概45分鐘，落單之後又要等30分鐘先有得食。天丼有溫泉蛋、舞茸菇、魷魚餅、豆、海苔、海老天婦羅...秘製醬汁配日本米飯不錯，不過炸物質素真係令人失望，炸粉唔厚但感覺油膩，唔值得排咁耐隊！

日本金子半之助係香港開左分店，一段時間也有好多人排隊去食，今日同同事7：30pm去到，已經排左一條人龍，估唔到咁誇張，等了接近1小時，終於可以入去了，店子不大，其實係門口已經聞到好香麻油味，入到去經過出餐的地方，麻油味真的好香呀！只有三款丼，天丼，上天丼，前天丼，我們也叫左天丼。分別係舞茸，鱔魚同穴子。黑豆茶幾香的，易入口還教你怎麼食。等了一陣就來了，好大碗呀。有兩隻大蝦，舞茸，帆立貝魷魚天婦羅餅，溫泉蛋，海苔，莢豌豆，感覺豐富，天婦羅炸到金黃香脆，好濃麻油味道，不是好油身，也算乾身，先食炸蝦，也是新鮮爽口的，好味，不是特別大隻，但也OK了，食飯，醬汁都夠，如果唔夠也可以問仕應額外加的。那個帆立貝魷魚天婦羅餅好味，帆立貝細細粒好味，舞茸也是好香呀。有面豉湯，前菜牛蒡同薑，牛蒡幾特別。另外再加了海苔，好香脆好味喎！！溫泉蛋少少流心的，用來送飯都好正。

晚上約六時多已經要排隊，如果看過餐牌應該會放棄，因為就只有炸..炸..同炸.... 選擇只有三款！看似大大碗，原來係假！碗的深度原來只有一半！大家種被欺騙的感覺。只是看顏色已經覺得有點overcook，真的過熟.. 味道還可以，但極度熱氣。明明只有三款食物，但竟然要等約半小時才有得食，速度很慢。明明一直有客流，明明一直炸就可以，何必要等咁耐？有好多師傅在煮都好慢！差差差！唔知哩間可以維持幾耐，只得炸野係好難令人再黎幫襯。

今日去開葵芳行街，跟住經過呢間餐廳，見到新開又唔係好多人排隊，不如試吓囉！啲侍應非常有禮貌由於我哋三位入邊暫時未有座位，個侍應同我講小姐入面張三人枱應該就走架喇，不過而家由兩座位，你介唔介意我俾咗後面先。佢非常有禮貌👍🏼其實佢唔使同我講都得 喺門口睇Menu嘅時候，發覺原來佢得三款可以揀，重要全部都係天婦羅炸物由於我平時麻麻哋不過冇辦法啦都等咗就試吓啦！佢首先攞咗兩杯黑豆茶先，隻杯仲有兩粒黑豆，係需要加啲茶令杯茶更入味，黑豆淋晒再食都好好味，真係估唔到又好好飲我哋就揀咗兩個天丼一個江戶前天丼。下邊呢個係叫江湖前天丼，比普通嗰啲多咗一條鰻魚普通嗰啲天丼都已經好好味啦，有舞茸菇，其餘嘅係海老丶帆立貝丶魷魚天婦羅丶溫泉蛋、紫菜丶夾豌豆，仲有味增湯同埋漬牛蒡好好食，好豐富呀我食唔晒好飽啊！仲好細心教埋你食嘅次序點樣為之最好味好彩我呢個平時唔食炸野嘅人都有試吓，因為完全冇平日食炸嘢嗰啲好油膩嘅感覺，好乾身個天婦羅本身個師傅亦都好有heart 去整，可能呢間餐廳係香港第一間分店，值得推介👍🏼😍

同一時間，旺角朗豪坊都有間天丼，不過未去試，無辦法比較到。今日紅日，中午1點左右到達，排隊約莫15-20分鐘就入座。通風系統一般，仍然聞到油煙味。嗌個最豐富嘅試下先，有鰻魚，穴子，海老，青豆，紫菜同流心蛋。飯嘅份量唔算多，因為個碗係唔深嘅！不過，天婦羅始終都係日本人製作比較好食，相信呢間用油，係按照日本餐廳配方去溝(沸點低d)，因為食到有麻油味。不過火喉真係控制得麻麻，睇色水啡啡哋色就知道過咗火，雖然未至於燶，但食落仲有少少燶味。😕欣賞鰻魚天婦羅，同日本一樣，不過粉漿份量較多，鰻魚天婦羅上面有有少量有紙皮，第一啖食落去感覺好配合好清新，海老天婦羅就非常失色。隻蝦幼過手指尾，😖又唔係新鮮，粉漿又厚。😳食咗兩啖已經放棄，另一樣好食就係魷魚餅，魷魚粒好軟熟好好咬，👍🏻炸海苔同薑都好食，醬油同個飯都好夾。可惜剛剛喺日本返嚟，宮古島有一間天丼會配一碗鰹魚湯，當你感覺油膩，就沖落d飯度，當茶漬飯咁食，就可以整碗食哂。盛惠15X，覺得過隔離葵涌廣場掃街仲好。🤪不過職員都好細心，帶位時提你小心梯級，你煩惱手袋放係邊，職員遠處觀察到就遞個箱比你👍🏻

同貓生睇完戲就周圍行下，食下嚟到葵芳新都會廣場，新開咗間日本過江龍天婦羅店「金子半之助」梗係要試下啦！位置就喺葵涌廣場對面入口，好容易搵金子半之助只賣「丼」總共有三款，分別系江戶前天丼，上天丼&天丼跟住指示完美品嚐美味嘅天丼附上黑豆茶解油膩江戶前天丼-$138有穴子，海老，魷魚天婦羅餅，溫泉蛋，海苔，莢豌豆+漬物+味噌湯天丼-$98有舞茸，海老魷魚天婦羅餅，溫泉蛋，海苔，莢豌豆+漬物+味噌湯全部都好好味，炸粉厚度啱啱好，最欣賞系穴子同海苔食後感我同貓生以前有喺日本橋本店食過，香港水準都好好啊，唔駛再成日心掛掛飛去日本食

今日下午來到葵芳見客，見完客望望手錶都差唔多三點，就打算走去新都會廣場搵嘢食，誤打誤撞行到嚟呢間餐廳門前，竟然呢個鐘數都要排隊入座令我好驚訝，反正有時間就排隊等下。排隊無聊嘅時候拎咗張餐牌睇，寫住日本過江龍得獎天婦羅丼，而且佢只有三款丼飯可供選擇，令我對佢充滿期望。未食午餐嘅關係，叫咗最大嗰份天丼，基本上最主要嘅天婦羅都齊集，包括我最鍾意嘅鰻魚同埋海老蝦。上碟嘅時候服務員都好細心提醒我哋要點樣食先最好味，佢中間其實係有隻溫泉蛋將佢同醬汁攪勻先食特別好味。佢返嘅份量其實唔係太多，但係佢嘅天婦羅實在太大份啦，最後都係食唔晒啲飯，但總體來講都係好好味值得推薦。

今日放咗工同老公一齊去葵芳食天婦羅🍤蓋飯晚飯時間我哋等咗大概半個鐘好彩裏面嘅人都唔算食得太內所以我哋好快都有位啦一入到去侍應就比餐牌我哋其實我哋一早喺出邊已經望咗餐牌知道自己想要啲乜嘢當然立即order啦因為真係好肚餓好彩有杯黑豆茶暖下胃先等咗大概15分鐘碗飯終於黎啦我哋冇叫到穴子天婦羅因為我哋兩個都唔係好鍾意食天婦羅蝦同埋魚天婦羅🍤鋪滿晒成個飯嘅面！應該係啲天婦羅汁淋左落去天婦羅上邊所以啲脆脆有啲冧咗, 無甘脆不過都係新鮮熱辣嘅！加分！個飯睇落去真係好大碗但原來個飯碗係高身左其實得好少飯總括來講都係好食嘅！

今天來這裏試吓出名的天丼，看圖片很吸引，有炸蝦兩隻，星鰻魚一條，魷魚天婦羅餅，價錢$138。下午三時來到還有人在排隊，等待了大約20分鐘才可以入座，店內很大的麻油味，應該是用麻油來炸天婦羅，餐牌只有三款選擇，食物大致相同，都是有炸蝦兩隻，凡立貝魷魚餅，溫泉蛋及炸紫菜，不同的是其中一款是舞茸，一款是喜魚，一款是星鰻，落單之後還要等成15分鐘才有東西吃，等到很期待，到食物送上時，有點失望，因為天婦羅看上去有點油，不是很乾身，而且顏色有點心深，應該是油換得不夠密，蝦比圖片的細很多，不夠鬆脆，都係有點油，最好吃的是星鰻，份量夠大之餘，吃落有鮮味，而且夠脆。

之前係網上得知呢間金之助係香港開已經好想食，今日終於夾啱時間同朋友嚟食係呢到嘢食係default就係一個set咁上, 叫天丼會包埋味噌湯同前菜一上枱已經聞到一陣好獨特既麻油香天婦羅炸得好脆口, 食材亦食得出用心挑選，我呢個上天丼係有炸海老， 帆立貝魷魚天婦羅餅，鱚魚同温泉蛋. 朋友嘅就冇鱚魚但多左條勁大條嘅星鰻我特別想提下佢嘅鱚魚天婦羅，呢種魚我都係第一次食, 雖然係炸過但仲啲肉仲係好嫩，好香魚味而且同鬆脆嘅天婦羅脆好夾個人覺得食日本嘢除咗食材之外，米飯都係好重要嘅一環，呢到啲米粒粒分明，好有咬口，又香，整整爛隻温泉蛋撈埋啲飯一齊食真心超好食另外仲想提下佢呢到啲茶係選用咗香脆比較小有得飲嘅黑豆茶，個人好鐘意個陣黑豆味好香又解油脷，而且每飲完一杯店員係會keep住幫你refill好細心

早左收工, 行開葵芳, 知道有間新開日本拎晒獎既過江龍, 即管試下.真心想試, 所以早少少六點半到, 好好彩唔洗排隊.環境同坐既位OK既, 係枱與枱迫左少少,  冷氣細左少少囉, 有D熱.員工有介紹食法, 不過來來去去都係果句.叫左兩個丼: 江戸前天丼, 上天丼.評語:1) 咸, 所謂醬油得個咸字, 我六點半食, 食完飲左幾枝水, 依家十一點都仲好口渴.2) 天婦羅好硬, 個皮厚, 仲好似加左蛇羹果D蛋散去炸咁, 但好奇怪, 蝦又淋架喎.3) 食材無味, 講真蝦, 星鰻, 乜鬼都無味, 不過可能因為醬油咸得濟, 所以搞到乜都無味.4) 有個讚, 兩個飯都有溫泉蛋,  個蛋質數幾好, 好有蛋味.一個咁咸既飯, 加隻煎蛋, 其實如果加條腸仔, 我完全覺得係一個值$40既快餐.佢依家收$100,,,完全唔值.總結: 唔好食, 貴, 唔會再試.

早前睇朋友去食呢一間金子 半之助， 讚口不絕味道唔錯嘅 餐廳， 所以今日晏晝同老婆去食咗呢一間餐廳 每人叫左$85左右, 我叫咗吉列魚柳 飯餐， 我老婆就叫咗一客 天婦羅 炸蝦飯， 係地點 非常方便 嘩排隊時間比較耐咗啲都排咗成三十分鐘左右 不過嗰度嘅天婦羅真係ok嘅！