金子半之助 (新都會廣場) (已結業)

下午五時多見無人排隊，打算一試。因為我不要醬油，入座前先問可否走汁，確定可走汁才入去。入座時約1/3滿座，所有人已進食中，帳單顯示5:33入單。良久未上枱，向侍應查問，沒有回覆有冇漏單，繼續招呼其他客人。唯有繼續等，結果5:58侍應回復，落咗汁！問我要不要，不要就重新做過。 無人情況下也要等25mins，那時已坐滿人了，抱歉，我沒有本事在人滿時再等多一次！

日本人氣天丼專門店「金子半之助」終於係香港開左啦，佢既選址位於美食集中地葵芳！一早已經聽過佢既大名，佢被譽為日本第一天丼，好厲害架！！金子半之助主打日式天婦羅丼飯，選擇只有３個，貴精不貴多！三款既差別在於鰻魚、鱚魚同舞茸，其他配料一樣，有海老、帆立貝天婦羅餅、溫泉蛋、海苔同莢豌豆。今日專誠黎試佢最出名既佢呢到最出名既江戶前天丼，另外仲叫左個上天丼，至於舞茸就要留待下次食啦！一坐低已經會有杯黑豆茶係枱，有助解膩，幾貼心。每個飯都會以set 上，有味噌湯、漬物同飲品，不過飲品選擇就唔多，只有五款加啤酒揀，希望之後會有多d 選擇😌天婦羅用左芝麻油去炸天婦羅，唔知係咪咁，炸皮係呈較深色，而且有啖啖麻油香味。成碗丼飯既賣相好吸引，除左滿滿既天婦羅見唔到飯外，仲有令人胃口大開既金黃色！佢呢到醬汁已經會淋上去，所以已經好入味，但個外皮就變得冇咁脆。江戶前天丼既特色係在於果條長達30cm的星鰻，可能大家未必知星鰻係咩，佢係海鰻既一種，味道較淡，所以多數會用黎做成壽司或是天婦羅；而鰻魚腥味較重所以多數會用醬汁去燒烤。今次我真係有粗略度過，真係有30cm架！星鰻味道比較淡身，但冇魚腥味，大大條食完真係好滿

見到係日本過江龍已經令我為之心動💓，係日本要排長龍先有得食，難得經過唔洗等，梗係🐶衝入去食啦😆。其實菜單得三款天婦羅丼飯，都唔洗點諗就揀左江户前天丼，要試就食個最貴既🤗🤗。雖然都好想試下個菇菇🍄天婦羅，追加一份又好似太多野食，等下次先試啦。落左單等食期間就飲下黑豆茶，黑豆茶材料簡單又好有益，水怪本人飲左好多杯😂😂，打個底食炸野都無咁內疚。終於等到上菜，woww同菜單張相一模一樣，好似Copt and paste咁，職員好細心介紹要點食，不過我都係free style亂食😂。個魷魚天婦羅好正呀，炸左都好濕潤，又脆又軟，好食。原來個碗係裝假狗，好淺，仲以為好大碗飯，都好既，多都食唔哂🤣，飯都有d醬汁，係珍珠米，好食既👍🏻食到一半就整爆個天婦羅蛋🤤🤤🤤嘩，金黃色蛋漿流出來簡直係視覺享受，撈飯食好正，有蛋香🤤🤤🤤。整體來講炸物新鮮炸全部都香脆好食唔油膩，淋埋醬汁送飯一流，仲配左d前菜開胃，跟埋個麵豉湯，全個set合格有餘！

又要驚熱氣 又想食🙈呢間係日本嘅過江龍成間餐廳丼飯只有三款選擇 而且三款分別都唔大 不過每一款丼飯都好豐富呢❕餐廳嘅茶係黑豆茶 可以消膩呢試左兩款丼飯 一款係江戶前天丼同上天丼 分別只有魚唔同 其他炸物都一樣 入面有海老、帆立貝魷魚天婦羅、溫泉蛋、海苔、豌豆～帆立貝魷魚天婦最好味😋海老就失望啦 幾鞋下同無鮮味呢款係江戶前天丼 用上穴子 比另一款魚大 聽說好似有成30cm咁長添而個飯沾上炸到半熟嘅流心溫泉蛋係幾好味 不過原來個底得一半 唔係真係咁多飯 但都足夠一人份量嘅

間鋪好細 座位唔多 等左半個鐘先入到 入座前五分鐘店員已經幫左我地落order 但坐都入去都仲要等多十分鐘左右 如果趕時間就唔好食我地四個人叫哂果三款天婦羅飯一齊食 啲天婦羅真係好大塊 每塊都脆卜卜 佢仲會係枱面有啲調味粉俾你落 個人認為一定要落 落左好食好多！！你咪見佢個碗咁大俾佢嚇親 其實好淺 飯量就夠一個男人食 啲飯有汁撈埋係入面 就咁食都好好味🤤女仔我覺得最好share食 一黎真係好飽會食唔哂 二黎太邪惡😵雖然佢有黑豆茶話俾你解油 但食完都覺得膩 個人覺得呢啲食一兩次就夠 太邪惡🥺

次次經過呢間都排哂長龍所以今日特登夜小小去 佢收22:30 我地21:00去果然唔洗排隊😚入到去 佢得3款丼飯選擇價錢$98-$138我地一場泥到就叫左$138嘅江戶前天丼😛店員一開頭同我地講啲飯有好多 係兩大碗白飯壓成 所以我都擔心食唔哂 點知一泥到 望落好多 但啲飯勁小😂😂所以唔洗擔心食唔哂佢嘅天婦羅炸得幾香脆 食落唔算好油膩 不錯！蝦我就覺得普普通通 反而帆立貝魷魚食落味道好鮮味 有彈牙口感 我中意😆另外呢個丼係多左條星鰻 肉質鮮嫩 口感酥脆 同埋佢個秘製醬油甜甜地 送飯一流🤗另外佢旁邊嘅蘿蔔同薑都好好食 好解膩 全部食哂haha

今日九點幾十點見冇人排隊入去試下一入到去成間鋪都係油煙 好臭，一入去已經飽左半。同青衣城個間真係冇得比。叫左個天井，有湯有漬物有菇 帶子 蝦 蛋 仲有綠色植物蝦有一隻ok 但。第一啖咬落去有啲油抑味。頭先飽咗一半依家真係飽晒。個菇幾好既。除左個抑味其他都係正常另外講講環境開放既廚房開房式廚房但係咁邋遢真係第一次見。正所謂獻醜不如藏拙。好心佢啦抽風唔夠抽唔晒啲油煙係依家店既主要死穴。其實唔知佢係咪炸耐左。定係冇換油所以啲色會變成咁。天婦羅本身都夠味係唔洗再點野。要讚下既係職員態度一流不過要等20分鐘先有得食。正常價錢。不過比我揀會去青衣個間。

次次經過葵芳都好想試吓呢一間新開嘅過江龍天婦羅店🍤🍤但係次次見到門口排晒長龍就會放棄排隊😂😂今日12點去到葵芳終於見少啲人排隊就決定去食下啦🙆🏻‍♀️🙆🏻‍♀️🙆🏻‍♀️一入到去侍應好似日本咁樣有禮貌服務 感覺非常良好👍🏻👍🏻侍應仲會比黑豆茶俾我哋暖下身黑豆茶味道非常好又可以消滯去油🥳🥳然後我哋決定叫兩個天丼黎食🤓🤓天丼入面有舞茸 海老 魷魚天婦羅餅 溫泉蛋 豌豆 海苔 另外仲會有前菜同麵豉湯 相當之豐富 店員仲溫馨提示我哋食到一半就可以刺穿個溫泉蛋將啲蛋汁撈入飯到 非常之好味😋另外特別一讚就係嗰個魷魚天婦羅餅超級好味同埋魷魚好有彈性🤤🤤🤤🤤🤤總括嚟講 雖然呢間天婦羅比我喺日本食嘅感覺好似有d油 炸味比較重 但係佢都幾大份同埋即整即食 相當之唔錯 下一次都會想再嚟食🤤🤤

第一次食係係台灣，價錢適中，質素在價錢之上。個蛋同汁配飯一流，炸物很丰富，魚和舞菇也很出色！但餸多，相比之下飯量比較少，食到後段飯食晒但仲剩返啲餸！附送黑豆茶，很好！如果多返少少飯就完美！

自從失戀，一個人的時間多的是，咁我唯有約朋友食多D飯啦。聽人講尼間d天婦羅好正，咁我就約朋友試尼間，睇下有幾正先。哇，間野真係得天婦羅食，無其他選擇，個餐牌好少款選擇。。。我同朋友分別叫左有海鰻的和菌類天婦羅的款式，其他料應該一樣。。。黎左，超大份，鰻很大條啊～菌類天婦羅好好食～評價如下：鰻大條，但普通，沒驚喜菇(菌類)最好吃，口感也不錯蝦，普通，沒驚喜帶子，好吃，口感不錯紫菜。。。不建議加，不好吃，味道不和，失色，影響了唔好以為個碗好似好大，好高。。。我和朋友研究過，其實Ｄ飯得個碗既一半高，佢唔係見底架～但份量一定夠一個人食，因為佢Ｄ料都好多，食到你飽。我食到中途已經想放棄，那我專攻天婦羅，想住剝左Ｄ衣，淨係食入面既野食。。。點知發現剝左一大碗外皮（麵粉？炸粉？）唔怪之得咁飽啦～整體見仁見智，食LUNCH比較貴。兩個人加埋$259.xx。。。平均$ 130...

好耐好耐冇食過日式丼飯，係葵芳行行下見到有間幾吸引既日式丼，二話不說就入左黎食！充滿日式餐廳氛圍，客人一入餐廳，在場店員都會以日語表示歡迎。興幸我地早左黎，因為再晏啲就好多人。呢間係日本第一天丼過江龍，8月中先岩岩開幕，！Menu 款式唔多，只有三款天婦羅丼飯選擇，同朋友分別嗌左江戶前天丼同人氣爆登既天丼。每位客人都會配贈黑豆茶，幫助解油膩感，茶味香濃，甘香唔苦澀，唔錯！朋友嗌既江戶前天丼，食材包括有穴子(鰻魚)，海老，魷魚天婦羅餅，溫泉蛋，海苔，莢豌豆，另配漬物及味噌湯鰻魚既份量比想像中大好多好多，已經長到超出碗既範圍，見朋友食得津津有味就知一定掂！天婦羅式製作，改善左鰻魚原本既皮下脂肪既油膩感，變得鬆脆美味，愈食愈過癮。天丼，食材包括有舞茸，海老、魷魚天婦羅餅，溫泉蛋，海苔，莢豌豆，另配漬物及味噌湯天婦羅丼一定要襯熱食，時間愈耐炸物既口感都會隨時間改變，所以一定要提提大家～海老，香脆彈牙，仍然保留海蝦既鮮味！店員建議食法：先刺穿將溫泉蛋並融入丼飯中，拌勻一齊食口感同味道更佳。呢個食法真係不得了，蛋漿融入飯粒後，加上原本淋上既拌醬飯汁，令人回味三分，依家諗起都好餓！另一出色天婦羅就係

午餐.好像是剛開了不久的天婦羅店想不到大概下午一點半來到也要等半小時有多才能入座.餐牌只有三款天婦羅飯...三人每人點一款- 鰻魚原來沒有了鰻魚汁的鰻魚就沒有了吃鰻魚的感覺吃起來就是在吃普通炸魚的感覺- 鱚不知道是什麼魚呢吃起來也沒什麼特別- 舞茸即是小菇.整體來說太油膩太厚皮了吃起來很膩很滯店員在我們剛坐下來時介紹茶杯裏有放了黑豆可以幫助解油膩在送餐來的時候也有介紹旁邊的漬物可以解油膩另外 天婦羅面也灑了些柚子皮相信也是用來解膩果然是很需要呢.另外醬汁略嫌不足部份炸物和飯不夠醬汁來伴著吃感覺較乾.另外飯碗看起來很大但其實很淺不過吃了炸物飯也不太吃得下了.可能本身沒有很喜歡天婦羅感覺一般價錢亦略貴

一直很想試日本過江龍的天婦羅丼飯被譽為日本第一天丼的金子半之助落戶香港數月今次來到葵芳終於可以一嘗當日17:45來到 不見初開幕時之人流店來只有數枱客人 不足以坐滿半場餐牌選擇不多反映店家對招牌菜之信心貴精不貴多 令人對食物充滿期待 一貫日式作風 桌面有紙巾、黑豆茶供應上天丼 ($118)點餐約等十分鐘上菜店員細心介紹食用方法。非常好天婦羅新鮮炸起 很脆很香逐樣點評鱚魚沒腥味沒骨 蠻嫩的海老 是實肉非爽口的 共兩隻 肉比較柴帆立貝魷魚天婦羅餅 很好吃 很有咬口溫柔蛋 做到流心效果 飯的醬汁都集中在底下 要攪拌才吃喔 不然會很咸店有加一 感覺性價比很一般 不會再訪

今日要去葵芳整野，整完經過呢間平時好長龍嘅天婦羅店，見到無乜人就入去試下。😌餐廳有3個set，因為鍾意食穴子嘅關係，揀左$138 再另加一嘅「江戶前天丼」。等左20分鐘左右，個餐終於到，見到個樣係合格嘅，但一放入口，每一啖都係室溫。我見人地嗰碗係冒煙㗎，點解？點解我嗰碗咁嘅？！😭😭😭講番我個餐嘅內容物，有一碗天婦羅丼飯、一碗麵豉湯同兩款漬物。天婦買丼飯之中，我最期待嘅係穴子，但係期望太多真係會注定難過😔穴子放入口中竟然唔係熱，仲感覺佢已經炸左好耐，淋哂😑另外其他食材都有同樣嘅問題：唔熱，只係比室溫高少少。但係，炸海苔係脆嘅😀麵豉湯方面，濃淡度適中，而且夠熱，非常夠熱🤩最後到漬物，都算唔錯，係一般🇯🇵日本食到嘅味道。除左食物嘅質素，餐廳嘅服務同環境都好重要。員工超級有禮貌，以日式餐廳嚟講，非常到位👍🏻而且餐廳好乾淨衛生，好抵讚💁🏻‍♀️但以食物質素嚟講，我諗我試一次就夠😑

江戸前天丼🐟 ($138)基本上全間餐廳得三款丼就是鱚魚、舞茸、還有圖中的鰻魚而其他天婦羅內容物都是一樣的當日試左鰻魚及舞茸(即係菇)鰻魚最貴但又冇乜特別喎舞茸最平但好大份又夠多汁 ($98)可能這是菇控的偏見小柱、蝦都好味最正係溫泉蛋成件事好夾好驚喜Btw 10月頭去食平日6半pm已經要排隊食飽走人見到起碼20人排緊 超人氣！原來東涌都開左 利東街都準備開葵芳應該會少咗人吧等過咗熱潮之後唔使排隊的話我都會再去食嘅哈哈