金子半之助 (新都會廣場) (已結業)

雖然我冇特別鍾意食天婦羅，不過見到新嘢都會想試下。我呢啲貪心仔當然要試最豐富嗰個，由於天婦羅汁已經淋咗喺天婦羅上面，所以要儘快食。有啲人食慣咗點汁嗰種天婦羅覺得呢個唔好食，不過我覺得個汁甜甜地汁咗喺天婦羅上面個皮冇咁硬，我幾鍾意，大大條嘅穴子食完好滿足

講到食日本天婦羅專門店，香港唔算多而呢間係過江龍，咁就要去試下啦一支公走去食，都係要等一段時間開頭員工好用心詳盡講解啲菜式，待遇上幾有日本餐廳feel第一次食梗係要叫最貴嗰個江戶前天丼冇令人失望！個價錢係值得嘅！丼入面除咗天婦羅之外，仲有鰻魚、蝦、溫泉蛋之類嘅嘢鰻魚係星鰻呢下幾surprised，香港地好少食到同埋勁大條最估唔到呢啲海鮮料拼埋一齊又幾夾喎成個丼睇落唔大但食曬之後就好滿足 (自問唔細食)個套餐包埋罐麥啤 “Suntory Beer”，平時好少見到嘅款式，幾好飲餐廳開喺新都會廣場，地點好就腳隔離就係葵廣，飯後消遣節目可以去嗰度行下

星期五同女朋友去試食呢間主打天婦羅嘅餐廳，lunch time去食都幾多人排隊，算耐但可以接受。Menu選擇唔多，簡簡單單唔使諗咁耐食乜👍👍👍。檯面有牌教食客點樣食法天婦羅，平時放題嗰啲就食得多，第一次認真咁食法都幾有新鮮感。我地揀咗最平嗰款天丼，個飯整體嚟講唔錯，對得起個價錢，炸物嚟講食落去冇啲油膱味，加上蛋汁撈飯😍，成個層次唔同咗，跟餐有啤酒飲，個啤酒杯係雪過拎出嚟，好特別！隻Suntory Beer幾好飲，配埋個飯一流啊！食完先知原來間金子半之助係幾出名嘅過江龍，失覺曬😂。食物整體感覺唔錯，餐廳空間唔算大，有時排隊就辛苦啲啦。如果想食與眾不同嘅天婦羅，我都幾推薦呢間😋。

我好喜歡試新餐廳，由於開張時大排長龍，所以直至今日先有機會試，突然冇乜人排，已知會伏，但最貴嘅丼都係$138+10%就豪$152俾你當買個機會開放式裝修環境ok，但比較迫，入到去好大油煙味，唔知因為佢用麻油炸嘅關係，亦或抽風太差以為會好似快餐店嘅速度上菜，點知都要等成25分鐘先有得食，就咁上粉落鑊炸啫，點解都要等咁耐？已經有成6-8個師傅喺廚房喎！見到同事上嗰份天丼超深色，明顯炸過火，立即警告佢我嗰份唔要咁燶，好在比較還可接受我叫最貴嘅諗住好唔好都一次過，結果都係最平最好，因為慳翻$44之餘，個舞茸比穴子好結論：穴子好長但好薄唔知有冇5mm厚，粉漿又厚到死蝦仔扮大蝦，炸到變蝦乾，同樣粉漿超厚飯碗好大，但原來得一半深度，似騙局出品明顯同餐牌差好遠，是否違反商品說明條例？成碗嘢最好味就係帆立貝魷魚天婦羅餅，食到較膿魷魚味！其他較貴嘅食材都係得粉漿味。

碗飯唔係到底，飯份量少。唔夠飽。炸物暖暖唔係好夠熱。鰻魚都算係淡淡的唔藉得排咁耐隊。入到去落order 後都要等一陣時間上菜。 菜單選擇得三樣。 但佢哋嘅服務都好有禮貌。

除左朗豪坊都開左間人氣天婦羅過江龍，天婦羅熱潮已經燒到入新界，午市要等差不多大半小時，不過唔知是否店內通風做得差，食完一頭出前一丁麻油麵咪。在下建議店家要搞搞個通風，或者用玻璃封封個廚房，令到油氣不至於四散到客人全身都係。炸物的確香脆及有強勁既麻油味，不過要排咁內就唔值了（而且都略貴）今日叫左個最平既飯埋單都一百元，基本兩隻海蝦，魷魚帶子餅，蔬菜及舞菇。當中海蝦天婦羅都幾失望，明顯蝦既本質不夠新鮮惹禍，無彈性又沒有蝦既獨有海鮮味，水準之下！惟魷魚帶子餅係幾驚喜，感覺呢個先係皇牌菜色，兩者加埋一起既口感好好。不過如果要我再等，呢個價位，我寧願封對而食漢堡包算了。

我同男朋友都好鍾意食天婦羅丼，知道係香港都開咗金子半之助都勁開心好期待之前第一次食就係喺台北車站，嗰陣已經覺得好好食好想佢喺香港開分店，終於都比我地等到佢開分店啦去到梗係要試吓最出名嘅天婦羅丼啦，其實都有好多款種類可以揀，我哋就揀咗最招牌嘅上天丼，入面有齊六款炸物，連穴子帆立貝都有啊真係好豐富飯嘅份量都好多，而且所有嘅炸天婦羅都係新鮮炸起所以非常之新鮮同埋脆口，我自己最鍾意就係食穴子 食落去好香配埋天婦羅嘅醬汁非常之開胃比較特別嘅就係帆立貝天婦羅，炸完之後嘅味道仍然都係好香甜新鮮定唔會好快冧左另外最鍾意就係配埋雞蛋嘅天婦羅飯，食落去香甜有蛋漿嘅汁同炸物嘅味道非常之夾，成個餐仲包埋麵豉湯添食完一個飯真係好飽好滿足

今日中午食lunch嘅時候，去左新都會廣場搵食。點餐嘅時候嗰度啲員工好熱情，而且仲好專業。聽佢講解完之後上網睇下先發現原來呢間餐廳係日本有12間分店，而且仲攞過奬添。最後我叫左呢間餐廳嘅招牌菜江戶前天丼。入面有穴子（少啲脂肪嘅鰻魚），海老（蝦），帆立貝魷魚天婦羅餅，溫泉蛋，海苔，莢豌豆。30厘米長嘅穴子嘅肉質結實，而且比較少脂肪，食落去都健康啲。天婦羅溫泉蛋真係第一次食，咬落去啲蛋黃流曬出黎，可想言知油溫要控制得好準確，極考功夫。再淋上超過100年歷史嘅秘制獨家醬汁，味道絕對比出面嘅天婦羅飯更有一番風味。

I came around 610pm and queued for about 10minutes. The staff were polite and kindly explained their tea is made of black beans to reduce the oiliness of the food. I ordered their signature one with the eel. The tempura was freshly deep fried and was crispy and hot when served. The tempura powder was thin and the sauce was of the right amount. Even the ginger at the side tasted good especially since the food is deep fried.The place is definitely worth going but I think if you need to think again

新店剛開到新都會廣場，大家都會瘋到去排隊試吓！所以今日我專成响brunch 既時間，正是餐廳剛剛開門就去，希望無其他人甘早去排隊。結果真係順利地直入有位坐🤣餐廳原來無幾多張枱，唔怪得外面擠滿客人排隊，地方太細啦！餐牌嘅選擇其實都好少，只有三款天婦羅🍤丼給客人選擇，其他的都是追加同樣的食物及飲品。天丼有三款，天丼，上天丼及江戸前天丼，價錢亦都分三個不同等級。但都有基本既配搭，有海老，魷魚，帆立貝，海苔，莢豌豆及温泉蛋 🥚。另外附有麵豉湯，同埋少許醃漬蔬菜。稍後同大家講下佢嘅温泉蛋有乜特別😬江戸前天丼係三款套餐𥚃最貴的一款，皆因裏面包括左一個靈魂組合就係星鰻（穴子），不算太肥美，所以食起來沒有太膩的感覺。我本以為全枱都係天婦羅，全是炸物就好難入口，但係可能炸得夠鬆脆，沒有咬入口成口油的感覺，所以又出奇地容易接受☺️反而飯𥚃頭的特別醬汁，唔太肯定是否加了麻油或什麼，還是未有隔妥天婦羅的油分便盛上面，我覺得碗飯仲比較多油🙁另外介紹一下溫泉蛋，同出邊溫泉蛋有所不同，蛋黃嘅外面係由半煎炸嘅蛋白包住。食用教學係用流心蛋汁沾天婦羅，不過⋯seriously無驚喜🤣🤣天丼內都有基本配搭，另外加有舞茸。如果

We get to the restaurant early this afternoon eat around 12:30, but still have to wait for around 20mins. The staff are polite. I ordered the tempura rice set with the most ingredients. The tempura is fried immediately after order. It is still hot when it comes. The tempura is crispy with right amount of tempura powder. Top class tempura should not be oily and this one is in the middle level. The rice is soft. I will give 8 out of 10 for this restaurant

今日無咩特別野做，個朋友打黎講葵芳開左間天婦羅的餐廳，佢好想食叫我同佢一齊試下，咁我就陪佢啦！6點鐘由尖東收工即刻過去，去到6點9左右已經排長龍🙈🙈，足足等到7點半先入到座。叫左個上天丼有蝦、有魷魚、有魚還有隻半熟蛋，睇落個款都唔錯，天婦羅蝦啲粉太厚蝦太熟，食落一般。魚同魷魚都還可以。另外叫了一個舞茸天婦羅有驚喜食落夠脆味道濃好食。有得飲黑豆茶都唔錯有個牌教你點食法為之最好，睇完都唔係好明。原來送餐個侍應都會再講解多次點食法。

Don don don! 今次黎到食丼飯香港真係好少有得食呢類 令我諗起係沖繩食既炸物！呢間店鋪環境一流 佢有個開放式既廚房比你一目了然咁睇清佢地既流程 好乾淨好企理 d師傅都好整潔 日本既感覺比人就係乾淨整潔 未食之前 外觀上已經加晒分講下杯野飲先茶 咩茶黎咖 黑豆茶！ 我真係井底之蛙 未飲過🙈🙈之後我上網睇番 黑豆茶既益處 我係度就唔多講喇 行動就最實際 去超市買番包自己番工果陣飲先！好喇 講番個丼先我就點左 上天丼大家睇圖就知入面有d咩 打卡影相係一流！海鮮唔腥好食！ 炸蛋係最正既 另外蝦都幾爽口 全部食落都唔會覺得油膩 唔錯超級飽肚 不過炸物食得多 就覺得好熱氣 會怕生飛滋 所以食一次半次都夠！食完又可以係葵芳行街買衫喇❤️

於2016年4月25日無意中在東京台場光顧過金子半之助，當時已覺得非常美味，原本已忘記了，當網上廣告預告，預計會在葵芳新都會開張，再上fb搜尋一下資料，才看到自己在日本的打卡，才知道是同一間店，估唔到3年後在香港再遇，有口福由開張至今都想來潮聖好耐苦無機會，今日突然間機會來臨當然唔會錯過啦星期五12:45pm到達，因為一人來容易有位，01:00pm便可入座，其他都是一個人來光顧的食客，都安排座2人枱，不用搭枱因為只有豐盛華麗之「江戶前天丼」才有穴子，所以不用選擇，同步下單，等左30分鐘天丼送來了豐盛華麗之「江戶前天丼」138元穴子、海老、帆立貝魷魚天婦羅餅、溫泉蛋、海苔、莢豌豆餐附：味噌湯、漬物牛蒡及薑味道如何新鮮炸起，熱辣辣，脆脆的，一定好味

「金子半之助」被喻為日本第一天丼，開左緊係要黎試下啦！一入到去即刻見到個半開放式廚房，望住全部廚師喺度認真準備丼飯每個師傅都分工合作，有專屬崗位，砌靚個丼飯後就淋秘製醬汁😋店舖內位置都算多丼飯選擇唔多，貴精不貴多嘛😎仲有教你點食最正添！餐廳選用既茶好特別，係黑豆茶，好健康呢！當飯都會跟一個味增湯同埋漬物《江戶前天丼》$138呢款就係店舖最熱賣嘅一款，因為佢有原條天婦羅穴子魚，其他配料有鳳尾蝦、帆立貝魷魚天婦羅餅、溫泉蛋、海苔及莢豌豆！原條天婦羅鰻魚可以話係前無古人、後無來者，顛覆左我對鰻魚嘅印象🤩其他配料來講，帆立貝魷魚天婦羅餅都好深印象，帆立貝都幾鮮甜，加埋魷魚有咬口，perfect match!炸完嘅溫泉蛋都仲可以有蛋汁流出嚟，加埋秘製醬汁撈飯一流🤩《上天丼》$118配料有鱚魚、鳳尾蝦、帆立貝魷魚天婦羅餅、溫泉蛋、海苔及莢豌豆，雖然就冇原條天婦羅鰻魚咁震撼，但係鱔魚都好好食，一啲腥味都冇，但又唔會冇左魚既鮮味～金子半之助對食材嘅要求都好高，天婦羅麵糊係用日本製小麥粉同日本雞蛋調配、炸油係高級麻油、醬汁用天然大豆製成💯淨係誠意都贏左啦❤️基本上啲天婦羅唔算太脆，但係凍咗都一樣好食，醬汁