金子半之助 (新都會廣場) (已結業)

聽朋友講呢間係日本第一嘅天丼專門店原來進駐咗葵芳新都會啊，呢個就去咗試吓睇吓係咪真係咁好食🙊-江戶前天丼 $138睇相好吸引好豐盛咁，特別係條鰻魚完全吸引住我嘅眼球🤩丼飯主要有穴子、海老、帆立貝魷魚天婦羅餅同溫泉蛋等🌟30cm長嘅穴子豪邁地舖係面🤩好大條又啖啖肉，減肥個d食埋先算啦😂天婦羅同飯都沾有秘製醬油，調味啱啱好，食落都唔會好油淋淋而且就算我影左好耐相擺左成十幾分鐘，佢都唔會話軟曬，食落仲好酥脆，今餐係滿意嘅🤓！

星期日下午六點去食，排左半個小時，一入到餐廳待應先俾一杯黑豆茶，待應話可以消滯，都幾好用。menu 只有三個丼揀，揀左中間價格果個丼（$118), 都幾多天婦羅，個汁特別好食，不過如果汁可另上會比較好，因為啲汁令到天婦羅有啲淋。不過整體都好食

等了大約半小時入去到金子半之助都叫幾快，我地一行三人而這裡的飯只有三款，當然就一人一個食晒三款，差別是星鰻，鱚魚，舞茸各自在不同碗上，其他大致差不多，價錢由九十八至一百三十八元，除了追加就沒有其他食物，選擇比較少點，飲品汽水為主，最後飲免費黑豆茶。而其他如仲有海老、帆立貝魷魚天婦羅餅、溫泉蛋、海苔、豌豆仲有味噌湯同漬物。講真油的程度都可以接受，但飯口感我覺得太糊仔感，不太脆，入面材料都不錯但味道淡少少，加了七味粉會增加味道，價錢都可接受，但如果這價錢我會覺得另一間在旺角某商場更好味道。

前排吹到咁行…又金獎好巴閉咁，終於有時間去試下，9點去到得幾檯客。環境：入去門口一陣油煙味，入到去坐低好焗，高級茶記格局。服務：基本上呢間野點菜係零選擇，好…你巴閉專門呀嘛…叫個最貴既試多幾樣啦，點左菜半個鐘都未黎，大佬呀…你得幾檯客喳…咪扮忙啦，炸個天婦羅要半個鐘…唔係聞到d油煙味我以為佢係月球炸架！食物：好啦…終於等到上菜，天婦羅入口有d淋，不太脆，d蝦肉梅既，頭幾口食味道係ok既，但食多幾款會發現究竟我食緊d咩？點解每款天婦羅都一樣味既？蝦冇蝦味…穴子冇穴子味…原來個金獎秘密係個重味精炸粉度，到食完都覺得我只係食左味精炸粉x300G加一口油，亮點反而係個白飯加佢d醬油幾好食。特點：有樣野不得不佩服，佢隻碗外面睇落好高，但入面實際係得隻碟咁深，我見識淺薄，咁大個仔未見過咁得意既碗！好想知邊度有得買，我覺得俾貓飲水好啱用。

好期待食日式天婦羅海鮮丼，朋友試過覺得油溫唔夠熱炸出嚟好油。我唔信自己親身一試，炸物真係好油 炸粉比炸物厚。 蝦，穴子嘅質素好一般，無味又唔新鮮。炸溫泉蛋只有好少蛋黃流出。絕對唔推介!!!

我好少食炸嘢，因為感覺好肥，又好容易會喉嚨痛，但係同事話依家咁嘅金子半之助喺日本同台北都超級好食，佢喺葵芳開左唔係好耐，而且成日排長龍，的確會令到唔鍾意食炸嘅人都想試吓去食既。日本天婦羅最吸引之處係佢炸到金黃色，感覺吹口但竟然冇油膩同埋熱氣嘅感覺。但係呢間金子半之助全部感覺都有😖👉🏻 等左29分鐘先有得食👉🏻 炸得太燶，顏色甚至係深啡色嘅。👉🏻 有油膩感覺👉🏻 黑豆茶好香👉🏻 炸魷魚好有驚喜，雖然都係味精同埋油膩😂👉🏻 除非突然間好想食天婦羅，否則都唔會再去食👉🏻 留返喺日本及台灣食

葵芳的金子半之助已經開了一陣子，日日都有人排長龍，難得今天早收工，就一試下先。Menu好簡單，只有三個丼套餐選擇，毫不猶豫，選擇了豐盛華麗之江戶前天丼有穴子、海老，帆立貝魷魚天婦羅餅，溫泉蛋，海苔，莢碗豆日本餐廳對於食物質素，用料，服務，環境甚至餐廳內播放的音樂都好嚴謹。邊聽有日本味道的歌曲，有時輕快，有時古典，有如身在日本。而且服務員的態度真的不錯。炸物的炸粉採用日本製天婦羅小麥粉及特選日本鮮雞蛋，鬆脆無比，每件食落都唔會覺得油膩，再加上特製的江戶時代醬汁，鹹甜適宜，穴子的肉結實，海苔香脆，帆立貝魷魚餅彈牙都好特別。食到一半，服務員建議刺穿温泉蛋，米飯便可以嚐到蛋醬的鮮味最後要介紹黑豆茶，柚子味蘿蔔同酸薑，各樣味道都有助解除天丼的油膩感。黑豆茶還可以消腫，元気です。

九點幾鐘先食飯，落到新都會本身想食Outback Aussie Grill, 點知男朋友見到呢間野排隊食天婦羅，又心思思想試吓，咁跟住咪陪佢排下隊囉。估唔到咁夜都仲有人排隊，排左差唔多成半個鐘，拎起餐牌，發現成間野得幾個餐可以揀。因為男朋友唔食菇類，就叫左兩個餐，一個係江戶前天丼，一個係上天丼。上到枱，熱辣辣，但可能因為已經夜，我覺得啲天婦羅炸得比較深色，因為啲油不斷翻炸。佢喺枱面有個牌你點樣識佢個飯，咁咪跟着指示去食。不過我唔係好聞到胡麻香味😂😂😂😂穴子我覺得係做得唔錯嘅，係幾大條。不過其他，例如蝦，帶子，我就覺得普普通通。連埋個飯食，好飽好膩，我食個飯食咗一半就已經食唔落，可能我地兩個唔係太慣淨係炸嘢配飯食。個茶飲落係幾香幾好味嘅，不過都不敵天婦羅嘅油膩🤦‍♀️🤦‍♀️🤦‍♀️整體來講，呢間野我食一次就夠。又或者，一個餐兩個人可以兩個人食嘅話，又或者有其他野可以食，相對黎講應該會好少少.....

經過朋友介紹之後，黎試下呢間餐廳。我坐低之後，即刻飲左杯黑豆茶。茶味香濃，而且味道正宗，仲可以無限添加。叫左個上天丼，過左差唔多十五分鐘之後就黎左。已經算好快，因為餐廳入面真係有好多人。鯖魚嘅魚肉細膩，顏色金黃，而且咬落去多汁又唔腥。海蝦味道鮮甜，而且有口感。隔住外面嘅黃金戰衣都仲見到入面鮮橙嘅顏色，證明食材係幾咁新鮮。帆立貝魷魚天婦羅餅一啲都唔腥，而且呢兩種海鮮夾埋一齊食嘅味道係驚奇嘅好食。溫泉蛋嘅蛋黃同一百年歷史嘅醬汁撈埋啲飯一齊食真係同日本本地嘅分店味道真係差唔多，感覺真係好滿足。

之前見過好多人排呢間新開的餐廳, 咁啱5點幾行過時仲有好多位就去左試。 餐單只得3種主菜選擇。 我同老公都叫左江戶前天丼 ($138), 我就再加多份舞茸天婦羅 ($18). 食物應該係落單即製的, 都等左成半個鐘 (仲要餐廳只係坐半滿, 未 full 的) 先至上菜。跟返佢個牌的介紹, 我地先食炸物。 但食嗰時, 啲天婦羅明顯係開始變凍, 似係放左陣先送上枱 (溫度係暖, 而非熱)。 豆同帶張都炸得好食。 帶子切成細細粒正方體咁。蝦同鰻魚啲肉炸得比較老, 唔好食。炸溫泉蛋拮穿後都仲有流心蛋漿, 但做唔到平時溫泉蛋咁juicy的感覺。 溫度係微暖, 味道一般啦。舞茸係同其他食物分開送到的, 應該係即炸即被送上枱, 所以保留到佢的熱度。 但舞茸本身無味道, 加埋佢的甜豉油 (?) 就好好食。老公覺得啲天婦羅好油, 佢啲油話似係用左多次的油的味道。我地唔多習慣無汁的飯, 加上天婦羅好乾好熱氣, 老公最後要不斷點舞茸的豉油同天婦羅去食。我就好少少, 一開始無食到啲酸薑等的配菜, 用左嚟同天婦羅一齊食就好食啲, 無咁 “漏”。 成餐最滿意的係佢地的黑豆茶, 黑豆係客人來時先放在杯中, 客人自行

After watching a theatre drama nearby, my friend and I decided to pay a visit to Kaneko Hannosuke for a quick dinner, as it was relatively early and there was no queue outside the restaurant yet.I got this Edomae Premium Tempura Rice Bowl Set with miso soup and pickle. I didn’t touch the pickles as I am not a big fan of it, and the portion of the rice bowl was huge! I didn’t have any tummy space left for them. Sorry pickles! Miso soup was ordinary.The tempura was really enjoyable as it wasn’t oi

自開張後，我哋又再嚟啦，金子半之助位於葵芳新都會廣場處於大街嘅假門口真係帶有日式餐廳嘅風格但唔好攪錯商場內嘅先係餐廳真正嘅入口。食物方面好簡單，主打就係呢三個丼，分別係江户前天丼，上天丼同天丼。而不同之處就係江户前嘅主角就係長30公分原條星鰻，油脂肥美，而上天丼嘅主角就係以鱚魚代替，天丼就係舞茸飲料方面都係罐裝飲品，汽水，而比較有睇頭就係而個suntory beer放大幅相可見色澤清澈氣泡鮮明，易入口。主角上場，江户前丼，除左丼食，仲跟有麵豉湯同倆款餐前小食，用作解去多餘嘅油膩感而員工送餐時，熱盛地講解食用方法，佢提意可在丼上灑上七味粉調味，食到一半後，可將温泉玉子整破，再以蛋黃撈飯就另有風味。上天丼，丼食中有魷魚，玉子，海老，紫菜，大之同江户前一樣，分別在星鰻變成了鯹魚，但個人認為上天丼會更適合女仔，因為份量剛好，唔會太飽之餘，鯹魚嘅口感仲好滑PS:雖然外觀好大份，其實碗嘅深度略淺，同埋金子半之助，另一個特色就係佢嘅天婦羅唔駛沾汁，但廚師已經事前用秘製醬料拌飯，所以另類味道值得一試

最近又有日本過江龍嘅餐廳，總店喺東京日本橋！見到啲相份量好似好大碗咁，即管試吓有咩咁犀利😌排咗15-20分鐘隊就有位😴，Menu選擇只有三款，幾好唔洗太多選擇，專注做好三款就夠（如果好食）➖1️⃣ 江戶前天丼 $138👈重點係條好長嘅炸穴子，即係類似鰻魚只係冇咁多脂肪，夾住柚子絲食幾好味｜2️⃣ 上天丼$118👈重點係鱚魚。其他配料都係一樣，炸海苔、莢豌豆、海老、帆立貝魷魚、溫泉蛋➖結論冇乜特別驚喜嘅地方，炸出嚟嘅味道都差唔多，近近地聞仲有陣油益味，魚幾滑，魷魚好味，海老好鞋口🍤 反而我最鍾意係枱上嘅一壺黑豆茶幾香仲幫助消滯添😆太多炸嘢嘅關係真係好飽好飽⋯🤰

朋友住葵芳，話新都會開了新的日本過江龍，專門吃吉列丼，午市還要排長龍，當然一試啦！一入到去，師傅的炸物廚房空間是開放式的，可以聽到炸物時的脆卜卜聲，超治癒～餐牌只有三款飯（竟然！），點了江戶前天丼和天丼，分別是配星鰻或舞茸，其他炸物都一樣。星鰻超好食！炸物外皮是有味道的，醬油味不會太咸，加星鰻很滑的肉質和平均油脂分佈，真是超好吃！（要先吃海鮮喔）對比起蝦，炸蝦變得好遜色，哈哈～之後的是舞茸，是大大份是爽滑菇～之後吃到覺得油膩，飲啖黑豆茶（有兩顆黑豆在內），可以馬上解膩，超貼心！大讚，好喜歡呀！

啱啱去完日本返嚟，因為媽咪好鍾意食天婦羅，喺日本食完一直都念念不忘。所以就帶佢嚟試吓新開嘅日本過江龍，睇吓質素如何啦～以為開咗幾個月會小人啲，但都等左半個幾鐘啊我哋叫咗一個江戶前天丼同埋一個天丼。 Order完之後，侍應就送上黑豆茶。餐廳仲有教你點樣去食天丼好貼心啊首先上枱嘅係江戶前天丼，嘩視覺真係好震撼呀，一條長長嘅穴子足足有25 cm咁長～另外一個天丼，都係滿滿的天婦羅。好啦當我地試第一啖，我同媽咪都認為同日本嘅質素仲差好遠。你睇吓天婦羅嘅顏色，好明顯深左，有啲過咗火喉，而每一隻天婦羅食嘅時候都會bit油出嚟，真係有少少失望㗎下次都係去日本先食啦