金園茶餐廳

營業中

休息中

今日太晏食下午茶，夜晚都唔肚餓，但又想食野。周圍都係食晚飯，見呢間有啲小食既野食，就坐底喇。叫左個沙爹牛肉包。平時去開果啲都係長條型既呢道既係方型！打開個包睇睇：好多料。個包烘過，脆脆地。啲牛肉又唔un,沙爹味又夠味。呢個包好好食。估唔到一個沙爹牛肉包可以令人咁滿足！另外，店內有個呀姐好有禮貌，佢上野食既時候同佢講唔該，佢會話唔洗。難得的服務！食食下發現有最底消費，原來個包係唔夠架，但可能店內冇乜人，收銀的就靜雞雞話唔耿要，真好！

晨早流流好耐未試過食到一肚火去到坐低個女侍應用佢紫長甲叉左2杯茶膽茶俾我飲我就出聲叫換過杯,竟然大大聲話“針”滿左先插隻手指落去都算,坐低拎起餐單另一個阿叔就寸寸貢咁話:叫得野未?講左咁多成段都只係30秒到1分鐘既事我要叫就會叫你,唔駛你,而家你咩意思?咁佢行開左,口中念念有詞,全部都係粗口,真係有D想用手解決!算,叫野。黎到就中伏了女友叫左黑椒叉燒會意粉叉燒係早兩晚既,仲要一味死辣,劣!(差到唔想影,抱歉!)另外,D茶膽茶係用手指輸送的,係插到落杯底咁既服務同食物質素唔會再食。

經過盲中中入左去食午飯, 坐低叫完嘢食至發覺忘記左早前曾經去食過這間好難食, 後悔已為時已晚..............這個豬扒燴意粉實在咸到癲, 汁又杰, 件豬扒都係勉強 OK 一般  >__<我仲要傻到慣性當餐叫餐飲, 又係叫完睇張單收多 $9, 至醒起留意到加飲品要 $9今次真係要怪自己一個不留神中了圈套(食水深大陷阱) >$$<貴少少唔緊要但嘢食難食到咁, 上次食常餐已覺得很差, 試問一間經營多年嘅茶餐廳, 就連基本嘅常餐都如此難食, 真係一定冇下次!!!! 

炸雞翼是我自小至大至老不離不棄矢志不渝的摰愛，管他膽固醇荷爾蒙，可是珍味越來越難尋，99% 香港買到吃到的雞一生都在籠裡站着擠着，走地是很精準的形容詞，這些沒法自主自己命運的雞沒走過也沒見過地，雞肉味道可想而知，加上沒尊重食物食客的食店，沒醃沒融雪，把原已沒雞味的雞翼掉入滷水，有人叫便敷衍了事炸一炸，結局是黑嗎嗎、油淋淋、overdone and done，吃在口中無以名狀。金園的炸雞翼卻沒欺世盜名，新鮮生炸，要等足10分鐘，$20兩隻雞全翼，絕不可能是那1%的走地雞，但金園是魔術師，那雞翼熱辣辣，先咬一口雞中翼，雞汁飛濺，雞肉是用乾葱薑蒜醃透，香鮮嫩，皮炸得脆卜卜，最有心思是原隻炸好，再斬成三件，drum stick、wing 加尖，方便客人吃，我平日不吃尖，嫌她炸得不夠透，這尖卻是超脆，可以下酒，太美味了，第一件我用义吃，之後用手吃，滋味無窮，坐對面的吃着常餐的小兄弟全程盯着這天下無敵炸雞翼，我至現在還有點後悔沒叫他吃一件。沒酒，這裡的檸檬茶色淡而香，也好配炸雞冀。

其實我是誤打誤撞步入呢間茶記.雖則我選擇的食物好普通,但光顧完的感想.超出我期望.現在開始介紹.環境.服務:其實呢間店肯定有歷史,就算中途有裝修,也是少許,但環境光猛,打掃得乾淨,空間感也足夠.但撘枱是難免的.服務:不會5星級服務.接觸也只有落單,態度較冷淡.但勝在有茶記特色.店員快手快腳.效率高.食物品種:都是普通茶記食物.有炒粉,飯.一些茶餐.但當時給我的感覺.呢間店應該飽類.較出色.而我點了一個全日的早餐.不足3分鍾就上了第一部份的食物.令我印象最深刻反而是飲品凍檸茶,我極力推介.凍檸茶,最重要當然是檸檬,份量足夠,厚切.就自然夠酸.茶本身十分深色,入口最初有少少苦,但很快就感到濃烈的茶香.而且飲品夠凍.比起坊間的少檸檬,無茶味,呢杯簡直99分..我都係第一次遇上,如此令我驚喜的凍檸茶..飽:軟綿綿.都幾香.算好食.唯一批評,可能是凍.不過如果茶餐的飽.肯叮熱.就是驚喜.太陽蛋:賣相吸引,像2隻大眼睛望住我.一隻我立即食,感受蛋黃的香濃美味.另一隻放落火腿通粉.想起也流口水.火腿通粉:好普通的食物.點都不會太難食.通粉尚算彈牙.湯也夠熱.而份量也慷慨.沒有批評的地方..總結: 我

外面睇間完全無特別, 但星期日下湊兩、三點去都勁多人全部即叫即整,睇到D全部都係老師傅 但勁快手 炒意粉好好食、好香, 又唔算好油, 份量都算大, 仲有假太陽蛋係面(個邊仲要脆卜卜!!)生炸雞翼都好好食, 炸到剛剛好金黃色 奶茶OK, 蛋撻我覺得一般(我唔好酥皮 同埋唔係剛出爐,所以爭少少)

忘了這是叫甚麽餐，反正菜式都沒有兩樣。沙嗲牛麵、奄列、凍檸茶沙嗲牛麵牛肉挺香濃未算是別台那種腌得林林的、冇味的肉奄列普通驚喜是包，竟是軟腍腍、香噴噴，叫人嘖嘖稱奇凍檸茶當然還是不及數十步前的新華茶餐廳的凍檸茶不知是否偏見，總覺加兩滴左顯記辣椒油，整個麵香氣昇華此店好像給人懷舊的感覺，但內裏裝橫卻新簇

老表返香港玩左幾個星期, 都係佢D朋友帶佢去大家樂, 麥記或一般茶記飲奶茶, 未有機會去奶茶出名ge茶餐廳試過.的起心肝, 星期三約左佢黎試下. 我就凍奶茶雞批, 佢就熱奶茶菠蘿油. 飲完佢都話杯奶茶又正又滑, 菠蘿油都幾好味. 我杯凍奶茶亦唔錯, 甜度適中. 如果雞批同菠蘿油暖暖地就更加好味呢.

最喜歡金園的熱奶茶﹐ 用黑白淡奶﹐ 夠香濃。最有意外驚喜的是生炸雞翼和多士﹐ 雞翼原只生炸才切開﹐ 外脆內嫩滑﹐ 肉汁全鎖在裡面﹐ 我建議痛快一點﹐ 索性用手品嘗。漲卜卜﹐ 熱辣辣﹐ 新鮮出爐的酥皮蛋撻﹐ 無可抗拒﹐ 簡直想整盆捧回家環境方面﹐ 始終是茶餐廳﹐ 是擁擠了一點。

又來到屋企附近的金園, 今次不吃常餐, 早餐了, 叫了一個干炒公司意粉, 料子有牛肉, 火腿, 叉燒等等, 味道不過不失, 但來金園除了來吃的, 當然還要喝的, 剛剛看回金園之前的食評, 很多人都是叫凍奶茶, 恕我不懂喝, 我去每間茶餐廳喝的凍奶茶雖然有參差, 但其實都不會差太遠, 但凍檸茶卻可以差很遠, 試多了, 我都是回到金園/新華喝吧, 哈哈~ 希望沒有介紹錯給大家吧, 如果來金園, 請叫凍檸茶不要再叫凍奶茶了~

聽阿妹說這間意粉不錯,所以今晚就過來吃晚餐,睇完餐牌多數都是粉麵類,意粉還分會(燴)意粉和干炒意粉,所以就決定2款都要,試一試有乜分別,就要了干炒公司意粉和豬扒會意粉,再要杯凍奶茶,現在才8點幾,但係就得一個阿姐響個場一腳踢,另外有個就一副收工了的樣子在吃雪糕,果陣都仲有人入黎食,都坐咗5-6成位,感覺人手好不足,過咗8MIN,先黎個干炒公司意粉,所謂的公司就係乜都有D,吃到有叉燒,牛肉,荷包蛋,雞肉定豬肉等等,意粉顏色好深相信係豉油王炒意粉,食落好乾身仲咸咸地,好可惜唔係我杯茶,再過5MIN,豬扒會意粉都到了,豬扒一早就切條方便食,豬扒幾好吃,意粉本身無乜味要撈茄汁吃,食落甜甜的,麵條算係幾粗身,很淋身,感覺就是浸水太久,發漲了的感覺(因為平時出面的西餐廳都是幼身的),但總算幾好吃因為怕3個人唔夠食,就特別加個茶餐生炸雞翼配茨條,的確係新鮮炸起熱辣辣,薯條幾脆有薯蓉,雞翼食落好香口,不過油咗少少,但結果係夠食有突的,好飽最後就係講番杯奶茶,佢至少落咗半杯冰,令我飲到3種口味,開頭:好甜,中段:好味,後段:淡味,但都算是滑的總括來說,份量都幾大份,味道唔係好好但唔算差,價錢唔係好貴,卡

吃茶記吃到麻木了？不！繼續吃！本人是日又到了很多寶藏的深水埗找吃，走到了近長沙灣的位置，上回吃過美味無比的新華，今回又試試在其附近的金園。也是一所老茶記，有自家的焗爐，包餅的水準值得一試，肚子空間不多，就喝杯茶，去兩件餅好了，一個雞批，一個蛋撻，加杯熱奶茶，就是本人是日三點三的美點。很快已經有得吃，先來介紹雞批，雞批不是新鮮出爐，已經是放了一會，幸而放入口時，仍有和暖的溫度，而其酥皮，也未受香港潮濕的空氣所影響而變腍，入口頗為鬆酥，也很有牛油香，加上餡料夠豐，洋蔥、火腿及雞肉粒，煮得軟腍，入口濕潤帶點忌廉味，淡身一點也不見得不好吃。蛋撻跟雞批的情況雷同，是出爐了好一陣子，不過同人不同命，蛋撻的酥皮，就似乎做得不是太好，那酥皮勁厚，可是又不太酥香，沒有了那種千層鬆化的感覺，再咬深一點的蛋餡，比起酥皮更熱，而且質感也頗為滑溜，但可惜蛋香不足，比起數步之遙的新華，是有點距離。又是喝茶的時候，用上這個厚身瓷杯盛着的奶茶，更保溫，看起來也更老香港，這杯奶茶茶溫還算夠熱，嗅起來有丁點茶味，但奶香就比起茶味要強得多，入口果然也証明了這一點，茶夠滑身又夠挺，果然是一杯下足黑白淡奶茶的作品，至少在滑這方

十二月中旬‧陰天來了吃茶餐，本來就是想吃餐包，但原來跟餐的是很普通的來貨包，唯有買一個外賣。回到家，噴些水放入焗爐。焗得皮脆，麵包本身也好吃。塗些牛油，又或是配上豐腴的煙薰鴨肝醬，非常美味。只是三元，是非常的簡單美味。

星期日中午時份,好多人. 一定要搭台同人坐. 我同bf入到去岩岩可以搭台, 不過過左一陣,有卡位的人走了, 職員安排我地坐過去. 而且,我地之後打波, 帶住球拍係身唔方便又唔夠位放, 職員好細心幫我地放係收銀,到我地埋單俾錢時, 好主動又記得係我地既球拍, 俾返我地. 等我地唔洗帶漏.食物及飲品好有水準. 夠熱 夠新鮮. 奄列好好味, d火腿絲唔係浸到淡而無味的, 而是咸咸香香的. 雪菜肉絲米就嫌d米粉太稔, 可能始終唔同東莞米粉. 而我bf就好like佢個沙爹牛肉麵啦. 而我平時有來呢間食蛋撻, 好香, 而且蛋汁是滿滿的, 好過美心既mass production好多. 有時食晚上既黑椒炒意粉, 好濃黑椒味, d豬排仲係炸左再切件, 好大碟, 女士應該兩人share都夠.

周日早上未夠11點半，獨自在青山道閒逛。原本想再到新華嘆杯靚奶茶，但經過金園時突然有個念頭，不如試試新的，或者有驚喜。於是本着一試無妨的心入去金園。當時那兒並未爆滿，只坐了約3/4，已經有個不好的預感。早餐、特餐都是全日供應，其實都無需要分。叫個特餐($25)，有沙爹牛肉麵、火腿奄列、牛油餐包和奶茶。落柯打後轉過頭，真的只是十幾廿秒，奄列及奶茶就送到，不用問，必然是一早整定、沖定。並非繁忙的時候都如此做，誠意有幾多？先喝一口熱奶茶，茶味濃香，對辦。不過一吃奄列就扣突分數。雖然表面上蛋沒有煎得過熟，仍有些蛋汁，不過涼了的奄列令人難有好感，還要底部煎過火，帶點焦味，當然是不合格！沙爹牛肉麵亦不行，一看那「pat」牛肉，感覺很「糊」，即刻有「是否落多了粉」的疑問。食慾又再降低。另叫的蛋撻($4)只是微暖，雖然味道略嫌甜了一點，不過蛋味夠濃，而且酥皮厚度適中又夠鬆，算幾好了。下次還是行多兩步去新華好了。