金園茶餐廳

營業中

休息中

去開長沙灣，本來想食雲南米線，點知勁多人，最後行多兩步試左呢間"金園"。叫左個特餐，沙爹牛普普通通，杯熱啡拎到過黎瀉左一半，不過味道Okay，火腿炒蛋炒燶哂，致癌首選。

原本是去杜鵑的，誰知假日休息，幸好我已有兩手準備。KC所講同一街有兩間相似的茶記，已去過新華，今次選擇金園。茶餐有叉燒湯意、餐包雙蛋。餐包大大個，不是新鮮出爐，仍保持鬆軟；太陽蛋煎得水汪汪很有光澤，蛋白周邊又煎得脆口，師博技術不錯；幾片薄薄的叉燒，沒有口感，但意粉就出奇地彈牙。奶茶唔錯，茶味夠香濃。老公的早餐，只是腿通及叉燒意的分別，但價錢比我茶餐平$2。見有蛋撻新鮮出爐，中間的燉蛋脹卜卜，口感較為實了少少不滑嫩，而酥皮用得出色，一層層夠晒甘香鬆化。

平時在長沙灣番工，成日會和同事去呢間茶餐廳食lunch，有時又會特登買呢度的菠蘿包做早餐。這裏的菠蘿包夠大個，d皮又脆，而且只係3蚊，好抵食! 但我和同事們最鍾意的都是這裏的黑椒炒意粉，勁有穫氣，有少少辣。其中一款的黑椒豬扒炒意粉更是常吃的，因為佢d豬扒係用秘方醃製，有少少南乳味，非常好味的!

第一天青山道的兩間茶餐廳，運作模式很相似，連餐牌也差不多的，也都是有出爐新鮮麵包供應，分別吃過，先寫這裡。趁菠蘿包剛出爐，就要了一個及一杯熱咖啡。這裡的菠蘿包是「硬脆」版本，並非傳統一類的鬆軟版。椰蓉皮不算甜，硬硬脆脆的，不差；包本身非常之鬆軟，熱熱的又有淡淡的蛋香，高水準。相信不吃菠蘿包，就算吃餐包也很出色。咖啡香濃，茶記水準。而伙記亦很有禮貌，值得一讚。14元半，很經濟，這裡的包做得不錯，可以一試的。下一天，吃了比這個好一點的。

這店不宜午餐及晚餐!原因是這裡食物的種類不多,同埋冇飯供應

今次唔駛等就有位啦~ 例牌都會叫菠蘿包+ 熱奶茶, 柸茶就唔及在佢附近果間"新華", 但又唔係好差, 個包就兩間差不多咁喇~ 價錢就貴dd ... 要$14.5 .. 咁既配搭"新華"係$13.5~

本來想食菠蘿包, 但四幾嚟來已經話賣哂! 老闆介紹我食餐包油$6, 就試試啦~ 個包算大, 幾軟身, 味道OK架! 柸熱奶茶$11就一般啦~ 因本人覺得多奶, 味道唔夠濃~ 附近果間新華好D播!!!

27-5-2007 1714係長沙灣想食件中西合壁的餅或飽，除左新華茶餐廳，還有隔一條街的金園。蛋撻不是新鮮出爐，仍然鬆化，甜味適中，蛋味亦重，當然有用爐保持溫度；凍奶茶稍為比新華差，但都已不錯；椰撻又凍又唔鬆化，差勁，不過主角搭夠，記得新鮮出爐先好食。17蚊可以當晚飯食，真係抵到爛！

如果對於無飯不歡的人講, 就絶對不適合金園, 但茶餐廳堅持不買飯類食品, 但客人仍不絶係有佢既道理, 一般食客都會選特餐(火腿奄列+沙爹牛肉麵+飲品),一般茶餐廳食品,但佢個沙爹牛肉麵, 竟然可以拎我個戒食牛肉既細佬都要食佢(雖然都係唔食牛肉,淨係食佢d沙爹汁)己經係一絶 .但我除欣賞佢既蛋撻同奶荼外, 仲有係佢既會意粉同紅豆冰都不容忽視的, 如大家有機會不妨去試

我是這茶餐廳的常客。每當心情唔好或是要自己一個人搵食時，都會選擇這裡。貪佢人小小坐得舒服，又唔會有太多人食煙，環境企理。相信是家庭式的運作，這裡甚至沒有收錢的單，全是靠老板娘的記性。還有一點的是，這茶餐廳並沒有飯供應，是好是壞，我就唔去評論，但曾親眼見過不少人因為這裡沒有飯吃，不幫襯就離開。當沒有太大胃口時，一定會叫特餐熱檸蜜。特餐是沙爹牛肉麵加火腿奄列。食物中規中矩，但熱檸蜜就是我的至愛，確實是幾潤喉，而蜜糖味也不會過重。這裡出名的還有蛋撻，有時我也有幫襯。熱騰騰，好香蛋味，長期都可keep住高水準。