金園茶餐廳

營業中

休息中

關注組經常談論嘅長沙灣茶餐廳仲有金園，今日就試埋佢哋嘅奶茶同蛋撻。酥皮蛋撻酥皮層次多，鬆化而不鬆散，蛋香十足😋 但奶茶都係隔離好啲😝Gold Garden is one of the most popular cha chaan tang in Cheung Sha Wan that people usually visit for their HK style milk tea and egg tart. The puff pastry of their egg tart was multi-layered and flaky yet soft, so the pastry with the creamy custard just melt in the mouth. The Milk Tea was just so-so.

呢間金園好耐冇食過啦，知道每日會嚟長沙灣做嘢，就已經計劃定嚟食啦我鍾意呢間茶餐廳可能係人情味啦，同埋性價比好高👍🏼我鍾意佢嘅火腿奄列，係家常嘅做法，似平時屋企媽咪煎俾我食嘅蛋一樣👍🏼另外已經好少茶餐廳嘅常餐，係會用餐包，而唔係多士。所以好懷念。👍🏼今次叫咗沙嗲牛肉米，米粉份量都幾多，一定可以食到飽。另外最掛住就係佢杯熱奶茶。，唔知點解我係特別鍾意飲呢間餐廳嘅奶茶，好有奶香味。其實呢間餐廳出邊都有好多新鮮出爐嘅蛋撻麵包，次次行過都見到好多人買，而且價錢實惠。希望呢啲老店茶餐廳可以繼續堅持啦。。

早上經過長沙灣順道來試下金園，坐低即時叫一個酥皮蛋撻試試。酥皮非常有咬口，蛋汁不太甜，不愧如此遠近馳名。可惜是蛋撻不是熱的，較可惜。相信熱食的話味道更一流。我叫了沙嗲牛肉米粉，火腿奄列。沙嗲牛肉味道好，沙嗲味並未至于蓋過了牛肉的味道！值得讚。火腿奄列配餐包，味道也不俗，只略嫌偏油，整體可接受。

小編去咗旅行咁耐，最掛住就係茶記嘅蛋撻奶茶！為咗好食嘅蛋撻，嚟到長沙灣金園～➡️乾炒鮮牛河 $60其實小編嗌嘅時候都有少少卻步，因為$60仲要加$10先有嘢飲呢個價始終少貴，不過見佢係老字號茶餐廳就即管試吓。上到嚟睇都幾大碟，但明顯就唔係出晒煙，感覺佢唔夠熱都唔夠鑊氣，而且見到有啲河粉係未炒開，疊埋一齊，好影響個口感。不過佢就勝在唔算好多油，調味都唔錯，至於佢嘅鮮牛肉食得出係冇乜點啤水，唔會太過淋，仲保留啲咬口。味道🐽🐽🐽➡️奶茶 +$10呢度嘅奶茶，我覺得佢係偏重茶味多啲，入口嘅苦澀味都比一般茶餐廳重，但茶香唔算好出色，適合啲鍾意飲濃茶嘅朋友。味道🐽🐽🐽➡️酥皮蛋撻 $10佢哋嘅酥皮蛋撻係用傳統油皮水皮搓成嘅，據講近128層。呢個蛋撻非常鬆化。但層次感冇之前新華咁明顯，但同時又冇新華咁散，各有千秋。小編最欣賞係佢嘅蛋漿。因為新鮮出爐，蛋漿夠晒熱，蛋香、吉士更突出，而且真係滑溜！處於熟同未熟之間咁，掌握得好好。小編一餐晏已經有三輪出爐，相信要食到新鮮出爐應該唔難！味道🐽🐽🐽🐽抵食🐽🐽🐽環境🐽🐽🐽🐽

🍴蛋撻 $10 (7/10)新鮮出爐，咬落去都鬆化，但係唔係想像中千層嗰種口感，比較乾身嘅酥皮，ok正常，冇想像中驚喜。推薦指數: 7/10個人都係鍾意曲奇皮蛋撻多啲，不過都值得一試！

點了兩份沙嗲牛肉麵。這份麵的分量十分足夠，讓人吃得很滿足。然而，我對環境衛生有些許疑慮，因為當時我注意到有支叉子上面沒有洗得乾淨。這點讓我有些不太舒服，希望他們能夠提高衛生標準。儘管如此，整體而言，這家店的食物還是相當不錯的。除了沙嗲牛肉麵外，我還點了火腿條煎蛋和麵包。然而，我覺得麵包的味道很普通，沒有什麼特別之處。不過，他們的蛋撻卻非常好吃，口感和味道都很出色。需要注意的是，這家店的人氣相當旺盛，入場時需要排隊等候。不過我可以理解，因為他們的沙嗲牛肉麵煮得真的很好吃。無論是湯頭還是牛肉的口感都非常出色，給人一種濃郁的味道。如果你喜歡香料的結合，這道菜絕對值得一試。總的來說，儘管環境衛生有些問題，這家老店的食物品質還是相當不錯的。我建議你可以去試試他們的沙嗲牛肉麵和蛋撻，但可能需要耐心等候一段時間才能入座。希望他們能夠改進

金園左右各一間店 有冇人知究竟兩間係咪一樣？事關今日去食既時候，右邊鋪好多人排，左邊就幾乎直入。傻豬豬見到有人排右邊店，就問前面排隊個位叔叔有咩分別，佢又話冇，但又唔知點解啲人淨係排右邊啵。 咁左邊舖有位，我哋就直入左邊鋪。 蛋撻出名就當然一人黎一個蛋撻($10一件)先啦，鍾情於曲奇皮既我，就叫左一個曲奇皮黎試下。如圖片所見，撻邊較lone亦都已經凍晒。唯有當自己唔好彩。食落去蛋撻的確厚同碎，但蛋漿唔夠滑。另外叫左奶茶紅豆冰，作為奶茶愛好者，呢杯茶都ok，但偏甜。落order已經同咗姐姐講少冰少甜，但當佢嗌去廚房嘅時候完全冇講過，所以杯嘢嚟到嘅時候偏甜。我哋每食完一樣嘢，個碟清空，姐姐好快就會嚟收碟。辦事效率10分高。當我杯茶都仲未飲晒，姐姐已經喺度抹緊枱，並且趕你走，招呼緊下一台客入嚟。 就算啲嘢食幾好食都好，咁趕客下次都唔再幫襯了。

叫左個沙嗲牛通粉 有牛油餐包同埋火腿奄列 通粉可以煮意粉或者公仔麵嗰啲 平時好少喺其他餐廳度食沙嗲牛 呢間嘅沙嗲牛好好味 牛肉唔會太硬夠淋 沙嗲味唔會太鹹👍🏻唔驚要飲好多水

因為最近看了一個電視節目，令我慕名而來想走去長沙灣試試這兩間歷史悠久的港式茶餐廳，分別是金園茶餐廳和新華茶餐廳。 現在首先就去試試金園茶餐廳嘅蛋撻、熱奶茶、特餐的火腿奄列和沙嗲牛肉麵先!金源茶餐廳有兩個相連舖位，我們去咗老舖， 剛啱有張卡位， 伙記姐姐好有禮貌幫我地落單；另一邊廂，就不停聽到街客叫蛋撻、及其他飽點外賣，感覺好有老香港情懷!等了一陣，我們點的食物已到! 個特餐 嘅火腿奄列加餐包，個餐包鬆軟，奄列就同一般茶餐廳沒有太大分別。個沙嗲牛肉麵就不錯，麵是用大光麵，爽口彈牙，牛肉腍，再加埋沙茶醬，好有水準，無得輸!至於個蛋撻就好新鮮，酥皮鬆化，鬆軟度恰到好處，蛋槳好有蛋味，一個字形容「正」!杯熱奶茶，本人就覺得茶底有少許澀，但整體醇道和味道也可以!食飽飽後埋單，雖價錢不算平，但價錢與味道也非常合理，值得走一倘去光顧屹立半世紀嘅香港地道茶記!

慕名而來，一心要試吓佢哋嘅蛋撻係咪真係好食過新華，食過係唔錯，但係咪好食過新華就真係見人見智，要講嘅係佢哋比僱客嘅服務態度，真係體驗咗點解香港會被大陸完勝，借用廁所啫，用完比個清潔姐姐追住指手劃腳指責弄污廁所，當時廁所係稍為邋遢嘅，但係試問個廁所係公用嘅，妳係咪真係肯定係最後使用者就係個黑手，定係黑狗偷食白狗當災，就算真係唔小心整污糟咗，係咪真係有需要出來公開指責，唔係話好大幫襯，但服務就理應包咗，呀姐嘅做法明顯係幫老細趕客，有咁嘅惠僱體驗，真係唔會再有下次，亦都提醒香港僱客唔好再縱容呢啲不知所謂嘅食肆，嘅然提供飯食服務，就做好啲，已經比内地追過咗，再咁落去，香港死得啦！

［📍長沙灣｜金園茶餐廳］呢間人氣茶餐廳既酥皮蛋撻已經街知巷聞由細食到大既顧客表示 佢地啲沙嗲牛同凍檸茶都非常出色 佢地沙嗲牛肉係坊間好少食到既味道醬汁係偏鹹的 微辣微辣 非常惹味另外 佢地既茶底亦係非常有誠意茶底非常濃郁而且唔會過分地澀凍檸茶甜度岩岩好 唔洗嗌小甜都非常可以 除左人氣酥皮蛋撻 呢兩樣食物都非常值得大家試試

繼續尋味蛋撻之旅 2️⃣不久之前試過隔離嘅「新華茶餐廳」今次試埋比前者更強既「金園茶歺廳」我們中午時份黎到，預左要等位，但入埸時間比預期快，只須等左5 分鐘左右，代表了茶餐廳的客人流動性之快，每刻都有客人進出。這裡比新華茶餐廳闊落，而且新小小，感覺更好。見師傅將一盤盤蛋撻推出，漲卜卜蛋撻超吸引，每盤蛋撻迅間已經被掃清，堂食客人差唔多每位客人都會嗌一個酥皮蛋撻，可想言之其吸引力。百層酥皮入口即化無誇張；蛋漿香滑 甜香，厚度十足，不得不讚和新華的蛋撻也同樣高汁，酥皮蛋撻果然名不虛傳。聽說沙爹牛肉麵也是必試，所以叫多個茶餐 $48沙爹牛肉麵和坊間的沙爹牛肉麵絕對不一様，沙爹醬並不是一稠狀的醬，醬比較稀和偏少，牛肉就吾錯有手切牛肉的鮮味，肉質也不錯；麵質恰好湯夠熱更多沙爹醬我相信更好味火腿奄列，咸香蛋濃，少燶邊，奄列中間濕潤，唔錯；估唔到甜餐包也十分軟熟，一口奄列一口包好正。熱奶茶溫度足，茶奶平均，口感幼滑，喜歡。

今日特意來長沙灣，就是食一次過食兩間蛋韃名店品，先前食過新華茶餐廳，再向南行一分鐘就見到嚐這間更出名的蛋韃名店金園茶餐廳。金園茶餐廳是一間歷史悠久的老字號，聲譽卓著，吸引了很多食客，比新華茶餐廳他更要排更耐才有一個外賣蛋韃。今次我同樣點了他們的招牌蛋韃，發現真的是名不虛傳：酥皮蛋撻- 皮薄而酥，不會油膩，每一口都能感受到酥香的口感。👍💪- 份量十分足，一個就有手掌大小，吃兩個就飽了，性價比很高，而且服務快捷。🥚🥚* 蛋韃內裡的蛋漿香滑，一流中的一流做得很好，讓人回味無窮。* 蛋韃的份量十分足夠。🤭⚡️ 好味指數：🌕🌕🌕🌕🌕🧀️  約230-240kcal 卡路里/份金園茶餐廳的蛋韃是我吃過最好吃的蛋漿，值得一試。

❀┈┈┈┈┈┈┈┈┈┈┈┈┈┈長沙灣人氣茶餐廳✨只為了剛出爐的蛋撻假日專程去食金園蛋撻 中午12點左右有少人龍 但都好快有位～基本上每枱客人都會柯打蛋撻 除了堂食之外都有外賣 每十分鐘出爐保證熱辣辣👍🏻┈┈┈┈┈┈┈┈┈┈┈┈┈┈𐂐 ⠜酥皮蛋撻 $10@1 (8.8/10)蛋撻新鮮出爐漲卜卜 賣相十分之靚仔😻未開吃已經聞到蛋香 甜度恰到好處🤤外層酥脆內裡嫩滑且不算油膩 果然名不虛傳！𐂐 ⠜乾炒牛河 $60 （7.8/10)久違的乾炒牛河😋河粉炒得乾爽入味 加點辣椒油更為惹味 牛肉口感正常 味道不錯但配上芽菜及洋蔥口感會更好呢┈┈┈┈┈┈┈┈┈┈┈┈┈┈

唔知點解呢間茶記出品嘅蛋撻突然衝出個熱潮🤔其實好多年㗎喇，小妹好多年前係呢頭返工都成日食，所以搞到我都專程去拜會吓，睇吓個蛋撻係咪改良咗🤣🤣同埋呢d 舊式茶記已經買少見少…🌱特餐包括:- 沙嗲牛肉麵，牛肉偏少同碎但味道正常- 牛油餐包，超軟身，牛油都足夠- 火腿蛋醃列，偏油但有蛋香- 茶走，茶膽唔算濃，正常水準另加蛋撻兩個，新鮮出爐，蛋滑，皮薄！水準同以前一樣咁好食！總括嚟講，樣樣都正常水準，舊式茶記味道。蛋撻係新鮮同算大個，價錢實惠。最正係有齊晒午餐，特餐，快餐，而三款都全日供應👍🏻👍🏻👍🏻 呢三款餐價都只係$47，凍飲及多士另外加錢。蛋撻就$10/個👉🏻溫馨提示: 今日可能星期日又撞正食晏時間，都需要排10分鐘先有位。而呢個時間又可能係蛋撻出爐時段，堂食中都見到出咗三轉，全部都係酥皮底👉🏻👈🏻如果有曲奇皮底就更加好了😅