重慶雞公煲 (已結業)

尋晚老婆同我賀壽，本來想北上食海鮮同燒蠔，但實在太長途跋涉了，最後把羊咩咩停在光明街，帶佢去E度食雞煲E+先醒起唔記得響門口取$10 Coupon，之前打過黎，但無得訂檯，幸好7點幾來到都仲有位怕老婆食唔到辣，叫個唔辣大煲，同時進來人客的已經有得食，幸好催促了一次雞煲就來了，不過王老吉就漏單店子格局真係幾大陸，放心，唔係80年代的國內，是現代版的國內連鎖店模式，一個鮮黃膠袋套晒成Set餐具，紙巾，牙籤果種雞煲用酒精膏煲著，滾呀滾，香味撲鼻，肉質彈牙，沒有雪味，汁料濃郁，送飯Very Good．後來煲下煲下，味道過濃，待應主動加湯，味道剛好．食完雞，再自取雪櫃上的菇類同肉丸(十足十大陸形式)，其中芝士丸食到老婆要再來一客，而$20/4件的牛肉就麻麻地喇！那個似公仔麵的東西用來索湯非常好味！此店在國內有好多分店，在香港就暫時一間，現在店子細細，都幾迫下，人多食飯就麻煩，如果日後在九龍開間大舖就好喇！！

四人飯局甩了兩隻腳，附近餐廳大排長籠時，遠望仍然有幾張「吉檯」二人來也不怕太迫。唔想煩，簡單地叫了二人的麻辣雞公煲，有大、中、小、唔辣揀，雖吃不得辣，但就入鄉隨俗地叫了小辣，隨餐自選三款八個大洋以下的素菜，侍應說是湯滾起後加上去D．I．Y，幾得意的。撞正10度低溫，來一鍋熱辣辣的雞煲暖身也不錯，花椒的味嗆著來，喝啖湯是帶少少辛香，吃完雞件先有少麻的感覺，雞件肉質幾粗，是預期的雪雞。平平地的雞煲，中途唔夠湯的話阿姐又勤力的加湯，吃到一半時將冬瓜、冬筍加到鍋中，又香又濃，吃到滿頭大汗，飽肚又過隱，值得一提的是沒有小肥羊般家族生意式的服務（唔憂做），阿姐是又勤力又好招呼，要彈的就只有碗好硬的白飯，會再來的。

同老婆去試食的那晚剛剛轉涼，驚冇位所以好早就到坐定定等食，由於自已唔食得辣所以要了一個辣一個唔辣的細雞煲品嘗，過左一陣個煲就來了，未點著個爐都知d雞會好掂，因為d香味真係湧住黎，吸引到急不及待起筷，食落果然好惹味，雞肉唔似係雪藏貨色，又沒有鞋的感覺，食到尾都保持得到好多汁，要來送飯一流，好戲還在後頭，食剩d汁再放湯打邊爐，另有配料供選擇，而且份量適中，最值得推介的是芝士墨魚丸，芝士味香濃，丸身有咬口，一個字，得，還有的就是食完不覺口乾和熱氣，更不會有肥膩的感覺，這個煲做得相當之好，私人想俾多三個笑佢

天寒地冬老細未走都唔怕都要黎試下個熱窩熱氣就更加唔怕啦接近九點都仲有八成滿店員說兩個人大窩岩岩好(人多可叫特大窩)一場來到當然要試招牌菜據檯面的過膠餐墊所示原來此店為香港人創辦選雞非常嚴格多一兩少一兩都唔得喎雞缹上檯沙沙作響沙窩比大家樂的火窩大一點每件雞切得細細因此碎骨較多但肉的確是滑的應該真的不是雪藏雞而且吃極都仲有小辣還是稍為辣了少許不過後來加了清湯進入涮的部分時味道就岩岩好而且那種辣並不是一般死命要你嗆喉的辣吃完回家也不會一陣味量販式涮菜(多麼不中文的中文!)菜三蚊麵五蚊丸三粒十蚊說貴不太貴但也不太平吧普遍質素都不俗芝士蝦丸幾得意另加再追肥牛/羊($20)不過原來只有五大片而且質素也一般可以作罷唔夠飽叫碗白飯泮汁似乎更滋味爐火時大時細長期要叫店員幫手調較餐牌點菜單宣傳語句裝修陳設燈光到餐具以至衛生情況都似係內地原裝坐低左真係以為自己身在北方小鎮路邊飯店(唔包括成都)簡直令你忘記自己身在原本應該非常浪漫的星街感覺都幾特別價錢如果係大陸價就當然更好啦不過都已經好抵食食之前記得係門口拎張coupon平十蚊架五六個朋友黎食都幾過癮

令我回味的...其實是在上海吃過的雞公煲....還記得當時...天氣很冷...吃罷辣辣的雞公煲...那股暖暖的感覺...簡直令人回味....得知香港也有間雞公煲...雖然地方隔涉...但都要走過來試試....店很小...但比我想像中企理...坐在高枱上....看著外面的斜路...好像很有feel...點了一個大煲...吃了一碗白飯....拿了點配菜...再加多一個麵...麵好像不夠飽....究竟是太醒胃...還是太大食呢?這間店...味道比上海還差一倍...價錢就比上海貴一倍...但其實她...已經是很好吃...也很抵吃...可以再來...嘻嘻....

唯一唔好處，就係唔知點解我地次次都要坐高枱，好窄既位。但其他都好好。好味：個雞煲好入味，可以揀唔得辣度-- 我同我朋友幾食得辣，就選中辣，有D辣味(對我地黎講)又唔會蓋過晒D雞味。個雞煲上時入面有雞, 洋葱，芹菜，garlic等配料；建議先食雞，因為其他料未入晒味，但d雞可能醃得好同埋都已經煮左一排，就好入味。等食剩約20%, 可以叫侍應加水，然後出去攞料食；首推綠豆粉，好入味又彈牙；有人話公仔面都好，但我未試過。豆腐同芹菜都唔錯架。我地叫多支啤酒，仲有張$10 coupon用, 埋單都只係$109. (當然，我地唔算大食)；大牌檔價錢，乾淨好多，唔錯唔錯。不過希望下次唔使坐高枱，唔該！

I always go there, twice a week.....very yummy. Should try the "shrimp pot" very yummy with the fries. When you hot pot, should eat the "noodles"........very very good!!!!!

2 個人, 唔算肚餓, 叫細重慶雞公煲$58 小辣. size 都唔算太細, 其實就係一個人份量咁lor. 熱辣辣雞煲放係小爐上面燒住, 好正!雞切得細細件, 好嫩滑好有雞味,配料都好足, 有洋蔥蒜頭等, 再加埋d醬汁, 好香好惹味!開初食落覺得小辣好似無咩味咁, 但煲下煲下, d 辣味就出啦, 再加埋d雞呀, 洋蔥蒜頭咁, 真係越煲越出味! 伙計好細心, 煲煲到咁上下, d 水少咁d, 伙計就好主動幫手搞一搞煲, 以免黐底.到食剩幾舊雞時, 就可以加湯(辣湯/清湯)打邊爐, 再叫多碟羊肉$20, 以$20一碟羊肉講, 份量都算多ga la, d 羊都唔錯, 唔太羶, 但都有d羊味, 再放落去雞煲d汁度, 就好入味啦!呢度仲有個小小自助雪櫃, 可以用做打邊爐料, $3/5/8/10 一碟食, 好多款式ga, 唔好係每碟無牌, 有時都唔知碟係咩. 好似我咁, 一碟3粒丸, 以為係墨魚丸, 熟先知原來係芝士墨魚丸wo!!! 好新奇, 而且仲好好味tim 呀! 墨魚丸鮮甜, 加埋少少芝士味, 好香好正!小小店舖, 打理得好企理, 唔會好似打邊爐咁咁多油煙! 風格的確有少少似大陸, 成店牆都係

周六慕名光顧，七點半黃金時間去，等半個鐘頭左右才有位。基本上這是一個煲仔快餐店，點了招牌菜雞公煲，小辣，是大的（78元，另有小和特大），size其實就同煲仔飯差不多，由面到底都是雞塊，那個汁很濃，配上一點點微辣，加上蒜等大量香料，想難食都好難。吃完雞煲後，顆計會替你添豬骨湯，亦係有分清湯和辣湯，然後客人就可以出去門口凍櫃選配料（數元一份），吃第二輪－－火鍋！配料都是小小的一碟，客人可以多吃幾款，也有肉類，但吃完一個雞肉煲之後其實唔會太想再食肉。有四個夥計左右，帶位點菜倒湯和擺碗筷，各司其職，亦算快手和熱心。店面不大，兩個人去最好，大群人去，隨時早來遲上岸，在我們之前有七個人等位，到我們快走的時候才能進內！店外又是斜路和樓梯，所以亦不適合帶老人家去，如果家中小孩過度活躍，亦要小心。連飲品（最貴，8至25元不等）118元，食到半夜都仲飽飽！

在寒風中比賽，又累又凍，想著的，除了是賽前定下的策略外，自然是之後去那裡吃餐好的。日前聽過食友介紹這裡，說辣雞窩便宜又不錯，比賽完畢，適逢要約友人一聚，就拉其一起來試試。這裡是小王子的舊舖，現成了一間火窩店。如小肥羊一般，這裡也是國內的連鎖品牌。朋友在減磅，說只吃一點就夠，就只叫了個小的雞窩，試一試。每張檯都有個簡單的化學爐，食材以砂窩盛著，再放上去燒，保持滾燙，亦很和暖。這裡標榜辣汁底是不加水的，看上去果然是濃濃的。嚐一小口，香料味重，主要是茴香及芫茜籽的味道，洋蔥下得夠，也有吃馬來沙爹的口感。加了切碎的紅尖椒在內，以我的標準來說，是辣的，以吃不得辣的友人來說，當然更是滿頭冒汗。雞件幾細件，碎碎的，要仔細的吃才吃到肉，如果沒吃錯，是鮮雞來的，肉質嫩滑，連僅有的幾件胸肉都不「鞋口」。其實最美味的，還是煲內「同煲」或「墊底」的配菜，計有洋蔥、原粒蒜頭、芫茜等，統統給我用來吃光一碗白飯。窩底可以加湯，另有火窩配料可以買來繼續淥，都唔錯。埋單63蚊，很便宜又吃得暖笠笠，很滿足。下次要來吃牛鍋及辣蝦。

同兩個好耐冇見既好朋友食飯,見個日既天氣凍凍地,就諗住去食煲仔同打邊爐,見到飲食男女介紹過呢間兩樣都有既舖頭,就膽粗粗去試下.一路用火慶住一路食都唔係好罕見,不過晌咁凍既天氣之下咁樣食真係覺得好暖.而且仲可以好似打邊爐咁樣慢慢加餸食真係好新鮮.講返食物先,我地叫左個雞煲小辣,覺得雞既份量唔係好夠,可能我係比較想食肉啦,所以先覺得唔夠.而個度既自助料都幾夠,而且都有大路想食既野.我覺得如果有埋竹笙就prefect喇.朋友都覺得我揀呢間舖頭好有心思,個晚大家十下十下又傾既傾下既情況之下,過左好開心既一晚.我覺得如果夠多人既話,會食得過癮d,因為可以叫晒3個煲食又可以叫多d料,下個星期朋友生日再試呢間先,不過有成6個人,我諗下有冇得訂位先~

1月1日新年想試新野,便到這裡試試.晚上七點,都幾多人, 由於店舖面積不是太大(約三十個座位),所以相信一大班人都會幾難等到枱, 幸好我只是兩個人. 點了招牌雞公煲(中size, $78),兩個人剛剛好. 味道不錯, 拿來送白飯真係幾好食. 之後, 點了生菜和牛肉加落煲當作打邊爐, 叫做一煲兩食的方式算幾特別. 天氣真正轉冷的時候, 我相信會再來試牛肉煲

敏&大頭文食評<二>睇雜誌介紹,咁o岩呢排又凍凍地,所以專登去灣仔試下呢間雞公煲。夜晚八點去到,都幾full,好彩唔駛等位,間鋪唔算大,三四十個位左右啦。間鋪好似o係中國好多地方都有分店,幅牆貼滿o左o的介紹,而且好多都係簡體字,連檯面o的筷子套都係寫簡體字,有少少感覺返o左大陸食飯咁。呢度個餐牌好簡單,得三種煲揀(淨係記得有雞同牛),叫o左招牌既重慶雞公煲,有細,大同特大,我地兩個人就叫o左個二人份量既大size煲($79)個煲真係幾多料呢,o的雞好惹味,仲有o的洋蔥青椒之類o係個煲度,另外再叫o左白飯兩個(每個5蚊)黎送,。到差唔多食完既時候會有人埋黎幫你個煲加湯,可以加辣湯或者唔辣,呢個時候就可以出去出面個雪櫃度揀配菜黎打邊爐,配菜既價錢有3,5,8同10蚊之分,價錢好合理,最普通既打邊爐配料例如丸,豆腐,生根,麵,菜,金菇,餃等等都有得揀。埋單兩個人都係食o左$110,食足兩個鐘,又好食,真係好抵。呢度招呼唔錯,o的waiter會自動自覺同你加水同加湯,唯一覺得唔太好既係通風唔多夠,一入去已經覺得煙到對眼少少唔舒服,食完全身一大陣味

i do think the ingredients of the hot pot are excellent! the taste is so good... it can serve even 1 ppl for hot pot.. highly recommended! We spent only $140 for 2 ppl for dinner .... very reasonable..

呢間面積不是太大，約四十個位，牆上貼滿宣傳報，話係上海好出名。叫了個一人和二人餐，都係食雞既。一人係煲仔飯，而二人餐係類似迷你火煱既雞煲。先吃後涮的意思是先吃完雞，之後侍應便會加湯，就可以涮其他食物。感覺得意，但主角'雞'不是很出色，雖然侍應強調一定用新鮮雞。