重慶雞公煲 (已結業)

2008年3月16日，雞公煲影完維園花展，成班人試下。六個人叫了三個煲，另外再加了些其他火鍋料。三個煲除了個煲本身有料之外，跟一碟配料：大辣蝦煲：已經是小辣，都幾勁，而且越食越辣，有D朋友都唔係好受得。但我覺得都可以接受，不過D蝦就麻麻，都係配料送的鮮蝦好食D。小牛魔王煲：一致通過這是三個煲中最好吃的，牛腩蘿蔔好腍，好入味，牛柏葉和牛丸都好，都有少少辣。小重慶雞煲：味道不差，但大家都不喜歡D雞太碎。配菜籃中有：菜、蝦、木耳、豆蔔、餃子等等，不過有碟來時有張白紙碎D木耳上面。如果兩個人吃一個煲，百多元兩位，都夠食。

叫了2人餐$148 (未計加一)白飯2碗, 飲品2杯, 配料一份(雜菇/豆卜/紅賜/肉丸2粒) , 雞煲一個.個煲既味道太澴, D雞件碎到好似粒"色"咁, 而且舊舊骨.本人差過就算la , 無興趣去第2次.

今晚係第一次到這店, 點了$148 套餐, 有一個大的雞公煲, 雜菜拼盤, 兩個白飯, 兩個汽水或凍紅茶. 另外叫了支啤酒. 因為不知店中食物辣的程度, 所以雞煲點了中辣, 但一試味後覺得不太辣. 下次一定會叫大辣. 雞煲比想像中細, 很濃味, 好香, 可是雞肉實在太細粒, 似是雞粒煲多點.....單吃這個煲必定不夠飽. 所以我到了自助的食物雪櫃中揀了牛肉, 蛙蛙菜同公仔面. 每碟都用保鮮紙包好, 很衛生. 可是每枱客人都會揀幾碟, 好像有點浪費保鮮紙, 不太環保呢. 見到隔離枱吃的辣蝦煲, 用的是基圍蝦, 不夠大隻所以不太吸引.....反而見到另有客人食的牛魔王煲好似不錯...

灣仔雞公煲店，套餐$148，大碼雞公煲一個加一碟雜錦。雞公煲味道夠濃郁，但當加湯後變得很淡，沒有了那獨特的味道，較為失望。雜錦的材料極之普通。店內有紅白酒供應，本想order，但今時今日一支意大利house ，在這種地方(因為坐位不算舒適)也要$138，最後點了啤酒罷了。值得一提的是，雞煲的雞件切得極細，我想一隻雞翼也能夠斬成五六件上，相當『姑行』賺死佢。若果未去過可以一試，但不要期望一個大碼雞煲能令妳飽肚。

同太太試試呢間，座得幾迫。個雞煲d雞好細舊又好油o下，其餘叫多個小菜都就真係冇特別；但係見到d食具就真係眉頭皺，即棄食具一包仲要分總共四個膠袋，唉! 既然出品只係ok，為o左我o地生活環境著想，應該唔會再幫襯。

今晚和BF去了重慶雞公煲食晚餐，已經是第2次去了！上次去已經一試難忘，今次我們差不多9點才去到，不用等，也不是坐得太迫，感覺更好！今次要了一個雞公煲特大中辣的！雞切得細細件，容易食，而且很入味！很喜歡可以到自助雪櫃選自己喜歡的食物繼續HOT POT，每款5元，細細碟，不錯不錯，分量少可以多選幾款！我們選了：豆腐卜(5元)芋絲(5元)黃芽白(5元)金菇菜(5元)(全部也是能夠absorb雞公煲的汁，好好味！)此外，我們也選了一碟肥牛(有6片) - 25元，不過肥牛就只是普普通通，不是太新鮮。不過地方有點兒少，客滿時，真的會覺得很擠迫的！但service也不錯，侍應也很細心教導第1次來的客人，怎樣去食雞公煲！雖然地點有點兒不太方便，但還是會特登來的！

放工後來了這裡試試個雞公煲. 場地淺窄, 不算坐得太舒服. 格局應該跟國內的店差不多, 但也算整潔的.來得這裡, 當然係食雞公煲. 一個煲兩個人吃, 很足夠了.雞公煲: 8分, 首先當然係剩吃雞煲, 煲雞都相當大煲, 不過雞肉比較碎, 但係好香好入味, 望落去都幾多配料, 雖然只係要了小辣, 辣度一樣不底, 係越吃越滾個隻. 吃完一轉, 就加湯變成火鍋, 場景轉換成個火鍋局. 沒有要肉了, 只係要了水餃同埋菜, 個湯底係相當之辣, 這環境之下的菜當然也是好辣, 索了湯底的水餃也好入味.實在太辣了, 惟有飲杯啤酒頂一頂.一餐飯兩種享受, 經濟抵食, 試試都幾得意的.

成日經過雞公煲, 昨晚第一次食, 竟然有意想不到既驚喜, 我地叫左一個雞公煲套餐HK$168, D汁真係好味到不得了, 不過美中不足係D雞太細舊同埋太多骨. 但一個晚餐咁既價錢真係抵架... 加上坐在側面D高櫈, 望住街景, 再加上又凍又落雨, 都幾好FEEL架.

過去一年幫襯左幾十次, 要排隊半粒鐘, 但近幾月人流忽然大減, 不論周六、周日、閒日, 都冷冷清清. 今日幫襯時, 全餐廳只有一人吃雞煲, 我們是第二枱. 咁少人, 侍應都好忙, 來來去去只有一人ready 服務, 叫加湯又要叫第二次, 乜都要等等先. 那當然是小事, 問題是, 食物竟然腐壞。肥牛"益" 了, 吃幾件就吐. 日本魚片(白紅色那種) 竟然都變壞, 食入口時, 有種垃圾房醃死魚既臭味.講開臭, 其實一入去已經覺得間店臭臭地, 成間店充斥一種漂白水"up 臭" 既發霉味道. 真係臭開有條癮. 經過數十次幫襯後, 如無意外, 今次是最後一次. 這是我曾經非常喜歡的餐廳, bye bye.

昨天與男友在三個選擇下，決定到此一遊。在灣仔行過去，都需要一段時間。其實餐牌上沒有什麼選擇，二人份的煲有牛及雞，我懷疑牛是會惹味一點的，但既然她的招牌是雞，那便吃雞了。汁湯濃濃的，我覺得像姐姐雞煲，當然味道也不止於此，湯還帶有川辣味道。為了就喉嚨不適的我，又怕賴野的關係，我們點了小辣。襯著白飯吃，很開胃。而濃湯的味道會因著水的渾發而愈來愈辣的，因此，實在無需吃中辣，以至吃得太辛苦。於食物的意見，我覺得真正的雞肉太少了，既然汁這麼好，雞卻切得小小的，實在令人難以滿足。最後，我們叫多了兩份(可以自己在雪櫃取的)的食物，西蘭花椰菜花及芋絲，都是吸汁的好材料。至於環境，可能是星期一晚，晚上黃金時間也有空台的出現。不太嘈，算是不錯。香港吃大陸野，別有一番風味。吃時都極有回到大地的感覺，味道的確非普通餐廳可扮的。是小肥羊以外的另一食法。有下次

天氣涼涼地, 食煲就最好...叫了一個二人set... 有一個大雞煲, 火窝料.. 白飯, drink.... 我們叫了中辣.... 但其實可以要大辣, 因為都唔係好辣... 好野味... good...但係d 雞就無乜肉...之後係shabu shabu... 都ok... 一般咁啦...service 都幾好... 又抵食... ^_^

同事突然提起話想去食重慶雞公煲，其實本人無咩興趣，不過在幾經游說下最終也是去了。可能是平日的關係，晚上七時多也沒有兩檯客。望一望這裡的公司簡介，雞公煲變成了雞弓煲，意思也只是一只雞拿著弓射向煲而得名。這與四川雞公=公雞既意思很大出入，我本人則覺得是有點兒取考。四個人點兩個煲，香辣虾和大雞公煲各一(雞公煲要中辣)，看看有什麼把炮可以在國內開成180間。不一會，兩個煲也送到，賣相並不十分吸引。先試雞公煲，幾強烈既味道，不說得是香，反正就不太好受。雞在舖上面，下面就有些蒜、洋蔥等鈎味，雞唔算太辣，不過沒有鮮味，我完全唔覺得好食。反而底下的洋蔥等就幾入味。香辣虾煲份量比雞公煲要大，好多虾在上面，由於我是不吃虾的，唯有睇著人食。不過，評價也是幾負面的，沒一人讚賞。大虾下面有薯條和一些香菜，我總覺得有點格格不入。另加了錢自選了些配料，即食麵、豆腐和菇，$5/份，幾抵食的，尤其即食麵浸在鍋內，辣得來也很野味。總括來講，來個招牌煲不什特出，總之就不合我口味。不過我相信這模式在大陸確是有市場的。

看看門面，知道食雞煲，以為仲有其他小菜食，原來係特色火鍋店。雞公煲原來在全球還有很多連鎖店。打開餐牌，見到chicken pot中間有隻辣椒仔，已經心知不妙，原本打算即刻走人，但又覺得唔好意思，所以便姑且一試。兩人點咗招牌既重慶雞公煲($95)，要大煲加唔辣，千萬不要被“大煲”兩字嚇倒，其實只是二人份量，雞煲一上桌，即嗅到濃濃的香料味，很刺鼻。湯底用上洋蔥、大蒜、香草、芹菜、花椒及數十種香料做成，湯底味道太濃太鹹，唔辣其實都有d辣，很重胡椒粉味，整個煲有很多雞件，但雞肉甚少，我們還自選了兩碟五蚊火鍋配菜，係紹菜及豆腐，兩碟加埋十蚊算抵食。個人認為這個湯底不太合本人口味，食後覺得很口渴，所以應該不會再幫襯。

Although it s very tasty and fun to go, it s a bit expensive thou. I went there 3 times, always order the chicken pot, i do think the chicken are too small, but it s very special.Worth to try

老公今天特意從太古過來跟我吃個午飯我倆當然要好好珍惜這短聚的時間老公就提議來這家未嚐過的店了二人餐: 雞公煲+小菜4碟+白飯x2+drinksx2 ($108)**雞公煲(中辣)其實不是太辣...反而覺得很香..有很濃濃花椒八角的香味..汁用來拌飯食也是很美味~ 雞切得很碎..但可能正因如此..雞肉都十分入味~ 雞肉很滑~~ 超味美~確是十分惹味的菜~**小菜很普通..沒有很深印象~但老公選的烏冬很捧~! 沾得滿滿的雞汁...又不會很油~很美味呀~!!老公也很喜歡午餐肉...~唔...不過老公本來就是偏愛午餐肉呀...店子小小...卻又像是蠻乾淨的樣子服務員的service也不錯呀...~老公十分愛這餐午飯~ 吃了很多呢...~heehee愛這裡的菜...也愛這裡給了我很好的回憶~PS~ 不用加一呢...