重慶雞公煲 (已結業)

2 個人, 唔算肚餓, 叫細重慶雞公煲$58 小辣. size 都唔算太細, 其實就係一個人份量咁lor. 熱辣辣雞煲放係小爐上面燒住, 好正!雞切得細細件, 好嫩滑好有雞味,配料都好足, 有洋蔥蒜頭等, 再加埋d醬汁, 好香好惹味!開初食落覺得小辣好似無咩味咁, 但煲下煲下, d 辣味就出啦, 再加埋d雞呀, 洋蔥蒜頭咁, 真係越煲越出味! 伙計好細心, 煲煲到咁上下, d 水少咁d, 伙計就好主動幫手搞一搞煲, 以免黐底.到食剩幾舊雞時, 就可以加湯(辣湯/清湯)打邊爐, 再叫多碟羊肉$20, 以$20一碟羊肉講, 份量都算多ga la, d 羊都唔錯, 唔太羶, 但都有d羊味, 再放落去雞煲d汁度, 就好入味啦!呢度仲有個小小自助雪櫃, 可以用做打邊爐料, $3/5/8/10 一碟食, 好多款式ga, 唔好係每碟無牌, 有時都唔知碟係咩. 好似我咁, 一碟3粒丸, 以為係墨魚丸, 熟先知原來係芝士墨魚丸wo!!! 好新奇, 而且仲好好味tim 呀! 墨魚丸鮮甜, 加埋少少芝士味, 好香好正!小小店舖, 打理得好企理, 唔會好似打邊爐咁咁多油煙! 風格的確有少少似大陸, 成店牆都係