重慶雞公煲 (已結業)

同老婆去試食的那晚剛剛轉涼，驚冇位所以好早就到坐定定等食，由於自已唔食得辣所以要了一個辣一個唔辣的細雞煲品嘗，過左一陣個煲就來了，未點著個爐都知d雞會好掂，因為d香味真係湧住黎，吸引到急不及待起筷，食落果然好惹味，雞肉唔似係雪藏貨色，又沒有鞋的感覺，食到尾都保持得到好多汁，要來送飯一流，好戲還在後頭，食剩d汁再放湯打邊爐，另有配料供選擇，而且份量適中，最值得推介的是芝士墨魚丸，芝士味香濃，丸身有咬口，一個字，得，還有的就是食完不覺口乾和熱氣，更不會有肥膩的感覺，這個煲做得相當之好，私人想俾多三個笑佢