重慶洪鼎火鍋 (已結業)

近排天氣都比較寒冷，朋友出街食飯聚餐，打邊爐真係不二之選。朋友介紹喺尖沙咀心臟地帶有一間新開的火鍋店，洪鼎重慶火鍋，主打麻辣火鍋，聽到個名諗起都食指大動，一於試吓。餐廳而家做緊新開張限時優惠，$1 可以選擇麻辣龍蝦鍋，有一隻啖啖肉龍蝦，仲可以鴛鴦雙拼湯底，超抵！麻辣龍蝦鍋係餐廳主打，強烈推介！松茸野菌湯底超足料，可以飲嘅！味道濃郁。盛肉拼盤A $288美國安格斯小牛排、美國安格斯牛板、西班牙黑毛豬梅肉、紐西蘭羊肉片肉質好幼嫩，份量剛剛好，最適合每樣試少少。五色火鍋小籠包 $88 賣相一流！五款小籠包，口味不同，夠晒新鮮。炸響鈴 $45 新鮮即炸，炸到脆卜卜又好香，配麻辣火鍋真係好惹味！淥3 秒就食得，索晒湯底嘅精華。蟹子墨魚滑 $78 鮮味十足，爽口彈牙娃娃菜$38重慶薯粉 $32 麻辣火鍋最佳拍檔自家竹蔗水 $58 打邊爐解渴一流餐廳環境都幾舒適，特別欣賞餐廳嘅餐牌設計，每款配料都有參考煮食時間，仲有提供計時器俾客人計時，唔驚太生或太熟，很貼心。

每次講起麻辣火鍋我就留哂口水。咁岩上網睇到報道介紹呢間重慶洪鼎, 又難得約到四個麻辣同好, 就㨂左呢間重慶小天鵝過江龍既麻辣火鍋店試試。先前一日預訂了四位, 到場點菜時店員推薦了1蚊龍蝦麻辣湯底, 不過因為龍蝦每日限量關係冇哂但依然可享受1蚊湯底依然超值。先點了個正宗小辣湯底, 食起來尚算辣帶點麻幾過瘾。同班志同道合邊飲邊食好暢快!桌上有圍裙提供及隔油設計嘅醬汁碟, 幾窩心。鴨血 $48火鍋必點厚切鴨血又嫩滑又充滿口感雪花肥牛 $158麻辣配雪花牛簡直完美配搭,牛肉顔色呈紅色, 既新鮮又香濃惹味黑毛肚 $118冰鎮毛肚大件爽口, 必食之一牛黄喉 $78牛黄喉好有驚喜又爽又好𡁻口加拿大埇蠔 $138/桶香甜大隻配麻辣ㄧ流脆鯇魚片 $68可能煮久了,有點靭口蟹籽墨魚滑 $78墨魚好香又彈牙貢菜牛肉丸 $55手打肉丸基本又有肉味又彈牙娃娃菜 $38清甜但吸收了麻辣湯,有點太辣蓮藕片 $38同湯底好配,咬落好爽脆 總括來說都物超所值 食到四人抱著肚回家 超滿足 平均每人$300消費 唯獨是湯底辣多於麻 最後愈食愈辣 如果可以再麻啲會更好 可能點了小辣嘅關係 下次期待大辣

今日同朋友黎左試呢間位於尖沙咀ge新餐廳，主打麻辣鍋。佢依家做緊promote，$1就有個麻辣龍蝦鍋，仲可以鴛鴦雙拼湯底，超抵！我地揀左麻辣拼松茸野菌湯。上湯底時連龍蝦上，堅有足足一隻龍蝦，yummy!我地揀左個盛肉拼盤A，每樣肉都有d，分別有美國安格斯牛小排、美國安格斯牛板腱、西班牙黑毛豬同埋紐西蘭羊肉片。上枱已經好吸睛，仲用黑毛豬砌左朵花。一睇已經覺得係靚野，好新鮮，食落肉質口感好好，特別推薦紐西蘭羊肉片，肥瘦岩岩好。五色火鍋小籠包 呢個睇openrice好多人推介，真係幾特別，第一次打邊爐食小籠包，有晒5隻味，岩晒咩都想試下ge我地！炸響鈴 好脆好香口，淥一淥，3秒岩岩好，索晒個湯底，正！蟹子墨魚滑 呢個又係大力推介，大大粒份量十足，墨魚滑食落好彈牙，唔似出面有d會好粉，好抵食。娃娃菜食番少少菜，減輕打邊爐食好多野ge罪惡感重慶薯粉呢份薯粉同我想像中唔同，幾特別，幾岩打邊爐，好入味自家竹蔗水叫左一jar 竹蔗水share飲，可以順便下下火，甜甜地好好味。餐廳環境舒服，嘢食質素亦不俗，下次可以翻炒。

對重慶火鍋有種癮，特別係涼涼地嘅天氣特別想食！今次聽朋友講洪鼎開左係尖沙咀就去左一食～食麻辣野就係要同志同道合嘅朋友去食，不過我鐘意食辣但又唔係食得好辣，所以今次朋友就就我食小辣～一坐低見到做緊推廣有個1蚊麻辣龍蝦鍋超吸引，1蚊就有龍蝦食真係太抵了！落左單好快就到了，一片紅色嘅鍋底真係見到都興奮！先食左龍蝦先，有埋刀叉好易脫殼，龍蝦肉彈又幾鮮味真係好物超所值啦！另外點左安格斯prime級牛小排、黑毛肚、黃喉、重慶苕粉都十分配搭麻辣湯底！牛小排油脂勻稱，涮一涮就食得，嫩口牛味出！食重慶火鍋少不了毛肚，呢度嘅毛肚十分大塊，又厚～好有口感！另外黃喉都比較厚但不失爽口！好鐘意食薯粉，呢度薯粉就係綠色嘅，口感一樣煙韌，加埋吸晒啲麻辣香味真係好過癮！之後仲有滑滑魚片，撈左個蛋更滑，又無骨！

早排約埋同樣愛食麻辣嘅朋友嚟戰一戰呢間新店，可能真係太耐無食麻辣了，今餐食得特別滋味餐廳環境都幾大幾寬敞，安排好座位就落單點火鍋料，鍋底方面店員推介做緊嘅$1原隻龍蝦麻辣湯底，咁平緊係點啦佢個碗都幾特別，係分開2格，其中一格有隔油位㗎，飲品就點了清潤解喝又清甜嘅竹庶水鍋底像紅海般，食落層次豐富唔會死麻死辣，紅油湯有份香料嘅香氣，點了少辣辣度都唔錯帶點點麻，龍蝦都好新鮮又夠彈牙鴨血都好嫩滑，每次食麻辣火鍋都必點安格斯Prime級牛小排雪花都幾多，食落嫩腍帶一點牛脂香，份量都算唔錯黑毛肚好大塊啊，仲用冰鎮住，焯15秒好爽口喔，配麻辣真係一流牛黃喉都唔錯，再爽口啲就正滑魚片係魚塊再點上生雞蛋用焯，本身魚肉無骨又滑，再加上滑蛋更鮮嫩美味又滑滑豬肉丸有啲似貢丸感覺，好重香菇味，雖無貢丸咁咁爽彈，但手打嘅豬肉質感都唔錯薯粉夠哂煙韌彈牙，真係好追住食蔬菜點了近排被追捧好有益嘅萵筍

重慶洪鼎火鍋位於阿士里道。。店铺裝修好有點日本feel！。。現推出左$1火鍋加送龍蝦1隻，店主推介龍蝦配麻辣火鍋係好match架，味道辣帶鮮！海鮮拼盤夠新鮮。。鮑魚大大隻，海蝦好生猛，肉質鮮甜又彈牙！而魚刺生。。師傅切得夠簿片，睇落通透。。入口嫩滑有口感！麻辣配內臟亦是最佳配搭。。所以點左1份鵝腸，脂肪比例平均不肥。。有哨口！牛拼分别有款:各有特色。。澳洲和粒美味多汁，本地牛肉夠新鮮，安格斯牛入口即溶，美國肥牛夠軟滑。。還有牛丸好彈牙丫！糍粑真係好好味。。外脆內軟！好煙un。。配埋個漿汁食。。好似甜品咁，好正丫！

洪鼎新開張優惠 $1蚊麻辣龍蝦鍋凡惠顧麻辣湯底單拼或鴛鴦 加送龍蝦一隻 需消費滿500元或以上才可享有此優惠冇呃你㗎 真係有一蚊湯底仲有龍蝦送 超抵正宗洪崖洞麻辣火鍋湯底 又香又麻又辣非常惹味嘅一個湯底 有大量香料及乾辣椒 還有香噴噴嘅牛油 色香味俱全 一個好嘅湯底係打邊爐嘅靈魂所在一蚊湯底配龍蝦 冇花冇假大大隻嘅龍蝦就在眼前 龍蝦走過油 已經鎖住肉汁 將龍蝦放落湯底灼幾分鐘就食得龍蝦吸收咗麻辣汁嘅湯底味道之後 味道更為豐富而且非常夾 蝦頭嘅蝦膏好甘香 非常鮮甜 肉質一梳梳充滿彈性又爽口 另外叫咗個海鮮拼盤A $398活石蚌魚刺身一條 海蝦 鮑魚 貴妃蚌超豐富嘅海鮮拼盤 全部海鮮都非常新鮮 鮑魚肉厚彈牙 貴妃蚌冇沙鮮甜 海蝦紮紮跳夠生猛活魚刺身條魚上枱嘅時候仲識喐架，魚肉鮮甜 又吾腥 點少少豉油同芥辣已經好好味餐廳設有大魚缸養著活海產 所以呢度嘅海鮮一定保證新鮮蟹子墨魚滑$78食到粒粒蟹仔脆卜卜 墨魚滑打到起曬膠 非常彈口 食得出鮮甜嘅味道耗兒魚$78有三大條剝皮魚 中間一條大骨 唔識食魚嘅都可以試下 整體全部火鍋配料新鮮而且分量多 本人最為推介這裏的響鈴，鮮鵝腸，五色小籠包及炸糍粑

我同朋友們一直都是麻辣火鍋的忠實fans，見到尖沙咀新開了這家重慶洪鼎火鍋，馬上來試試看！一坐底有兩個位真係好細心。一個係有充電位，枱邊有USB位比你充電架。一個係調味碟，原來調味碟有兩邊，一邊放豉油蒜蓉，一邊有個隔隔可以隔開油同食物。有吃開麻辣鍋的朋友都知道，會吃到全隻碗也是乾了的牛油，這裡就不會先叫個紅糖糍粑吃，這裡的紅糖糍粑做得好好，外脆內軟，有咬口不會過硬，配上紅糖漿，正！吃火鍋湯底最為重要，嗜辣如我們當然叫麻辣大辣啦，不過為左照顧吃不到辣的朋友，今日就加多邊雞湯，黎個鴛鴦鍋鍋底真是超讚呀！麻辣那邊夠刺激，味道有層次，又麻又辣又香。雞湯非常清甜，還有原隻雞脾在裡面足料食物方面叫左個海鮮拼盤。性價比超高，海鮮超級無敵新鮮呀！勁高質。上枱時，蝦腳魚頭還在跳，鮑魚同貴妃蚌又好大隻，味道超級鮮味，又甜又彈牙，無得頂，想不到在麻辣鍋店也能吃到如此高質的海鮮除了拼盤以外還叫了一系列的魚類海鮮，都非常好。吃麻辣怎可以少了肉！牛魔王的我們點了港牛澳洲牛拼盤，一次過試到不同的牛。嘩、拼盤的擺盤好靚，本地肥牛新鮮有肉味、安格斯牛板腱好林、牛舌粒是驚喜，好味道呀鵝腸午餐肉是必叫的。鵝腸新鮮沒有異味，

雖然位處地庫 但冇減人氣非常多人黎食 如果要食 就要早啲黎排隊麻辣龍蝦鍋 拼 白果木耳雞鍋 $1 (新開幕限時優惠)非常之抵食 一蚊個湯底仲要送送進口龍蝦一隻俾你每日限售二十份 要享受呢個優惠就要早啲嚟啦另外亦可以配鴛鴦湯底 一個湯底兩種口味 抵食龍蝦先拉油至半熟 再落火鍋裏邊煮4分鐘龍蝦肉不單只嫩口而且蝦殼非常香盛肉拼盤C $720餐廳有好多不同牛肉嘅拼盤而最利害就係拼盤C 包括好多不同部位嘅和牛 包括以下五種M4/M5澳洲和牛牛肩後肉M4/M5澳洲和牛後胸肉M4/M5澳洲和牛牛肩卷M4/M5澳洲和牛三角肉M9澳洲和牛牛丸和牛一放落水 剝大約10秒就可以食千萬不可剝超過10秒 否則就過熟另外最有驚喜就係和牛牛丸食落除咗有牛味之外 仲好有油香白鱔片$88白鱔片好爽脆 又厚切 必點五色火鍋小籠包 $88餐廳除咗火鍋之外仲有小籠包食小籠包並非一般蒸嘅 而係落喺火鍋入邊煮本地生菜 $38油麥菜 $38新鮮爽脆紐西蘭羊肉片 $88羊肉味香濃即炸脆響鈴 $45響鈴少又係即炸嘅 放入湯之中吱吱作響

快到新年了，又係時候約下朋友聚一聚，一起吃個團年飯！想了很久，還是覺得打邊爐最合適，因為沒有時間限制，可以慢慢吃慢慢傾！在openrice找了一下，看到亞士厘道開了一間新的重慶火鍋，這正合我心意，一於去試下啦！餐廳門口應該很氣派，內裡坐位也感覺很舒適，以四人卡位、八人卡位、什至12人位也有，位置寬躺，裝潢富中國色彩！火鍋選了 - 「正宗洪崖洞麻辣鍋」配 「養顏木耳雞湯鍋」正宗洪崖洞麻辣鍋：點了小辣，看到上面鋪滿了辣椒、花椒等，未開始吃已經感覺到它的辣度了！不過它的花椒味很香，用來打邊爐確實是一流啊！至於辣度呢，吃起上來還好，不算太辣，但吃起上來很惹味！養顏木耳雞湯鍋：有很大隻雞腿在內，雞湯味濃，如麻辣太刺激的話，這個也不錯的啊！盛肉併盤盛肉併盤有五款肉類，包括有美國安格斯牛小排、西班牙黑毛豬、紐西蘭羊肉片、美國安格斯牛板腱。餐廳很細心地注明那是什麼肉！當中我最愛的是西班牙黑毛豬及美國安格斯牛板腱。西班牙黑毛豬肉厚很有質感，半肥瘦口感幾好，肉味濃，配上麻辣香味真的很惹味！美國安格斯牛板腱美國安格斯牛板腱肉色呈紅色，非常之靚，肉夠大片，很有口感，肉味特別濃，我最愛牛板腱了！鮮鵝腸鮮鵝腸環繞

喜愛麻辣火鍋既我，聽同事介紹尖沙咀有一間不錯的麻辣火鍋，位於尖沙咀比較方便。就決定一試。八點半前離座有七折優惠，還有幾個海鮮拼盤非常吸引👍我們諗都冇諗即時叫咗一個海鮮拼盤及一個牛肉拼盤湯底其實加了大量炸過的辣椒，麻子及蔥頭，有份獨特的麻辣味，正👍分咗五種不同國家的牛肉，各種牛肉口感不同，個人比較喜歡美國安格斯牛肉入口即溶，見到雪花油脂分佈，可見真材實料👍海鮮拼盤職員棒來的時候，海鮮樣樣生猛紮紮跳，魚刺身入口鮮甜爽口，鮑魚大大隻，好新鮮全部仲識郁。桂花蚌好新鮮好滑，而且碌過之後，更增添風味👍午餐肉炸到脆卜卜，就咁食已經好好味。鱔片-片片好厚肉，咬落爽口啖啖肉😋新鮮肥鵝腸，不會太多肥膏，碌一碌即食，非常爽口👍這間是我食過馬辣火鍋最好食的一間，食物新鮮，高質素，老闆亦會親自介紹食物給我們，態度非常友善，非常滿意。

早兩日食完，覺得物有所值首先，喺醬料上有教導解辣的醬料方法。而且分開兩面，可以提供隔油的功能，非常細心，最欣賞餐牌會有寫明每一樣食物要煮幾耐，非常貼心行為。喺食物質素上，羊肉片有味又唔會太蘇✨五色小籠包好食，各有5種唔同味道，一人一粒估味道，幾好玩本地手打肥牛一碟有好多，幾抵食，蝦滑入面有好多蝦，而且真係幾滑，個人覺得係比較值得試吓嘅🌟我哋係八點半離坐有七折，四個人食加埋人均300，個個食到好飽。下次一定要再食！

首先行經尖咀比個門口吸引入去食，坐低見到有$1麻辣龍蝦鍋就叫咗個，加埋松茸野菌湯嚟一個鴛鴦麻辣鍋D麻辣料多到呢！好在有自知之明叫小辣，唔係真係辣到開不了口，另外真係有隻龍蝦仔，無花無假Like下Facebook有碟重慶炸酥肉當然唔輸蝕like下la，黑毛豬有韌勁，非常惹味，鐘意飲返杯朋友仔可以用作下酒菜比起平日食火鍋，依間重慶洪鼎火鍋多咗好多少見食材，女漢子朋友仔即刻叫咗幾碟試試重慶大刀豬腰片 $58無呃你，豬腰片真係少見，厚薄適中，加埋麻辣味好夾，咁少見真係要叫碟試下重慶伸腿瘦鵝腸 $88千其唔好滾太耐，唔係就好韌，餐廳建議時間為15秒，跟時間食就好爽口滑滑魚片 $55又真係名副其實好滑，拌勻蛋黃食更加滑，加埋麻辣鍋湯底好似食緊水煮魚桂花蚌 $120桂花蚌好新鮮！滿滿鮮味，海鮮迷Venus全晚最buy依碟桂花蚌，讚一讚都算大碟，依個價錢幾抵食手打鮮蝦滑 $78份量都唔少，真係見到有原隻蝦係入面，口感好彈牙，堅有蝦味，必試！蜂巢冰豆腐 $30題外話：非常吸味，放係麻辣鍋食會噴火，放返係松茸鍋先食到，比一般滑豆腐多一份咀嚼口感重慶苕粉(薯粉) $32好煙韌，大大塊入口零舍滿足，搭麻辣鍋食

最近朋友介紹我地去左一間唔錯的麻辣火鍋店. 聽講呢間辣火鍋店係來自重慶當地著名的連鎖火鍋品牌, 屬於當地數一數二的火鍋老字號。既然咁出名, 當然一定要去試下啦. 餐廳內外裝修都充滿中國式的古風風格. 地方乾淨企理. 自助醬料區正宗洪崖洞麻辣鍋 (小辣) + 木耳雞鍋 雙併鍋 唔使講招牌洪崖洞麻辣鍋 一定必點啦, 聽講鍋底是用左自家秘方來烹煮, 用上四川新一代辣椒、燈籠椒、茂汶花椒、醪糟、冰糖等用慢火炒四小時，製作出香醇的荔枝味型鍋底. 不敢吃太辣的我們叫左小辣, 味道不太刺激口感亦不會太麻, 湯頭回甘細膩. 而個木耳雞鍋的鍋底就比較清甜又清潤, 裡面除左有四分一隻雞外, 仲有唔少木耳.盛肉拼盤A餐(包括 美國安格斯牛小排 + 美國安牛板腱 + 西班牙黑毛豬梅肉 + 妝西蘭羊肉) 肉類質素都唔錯. 安格斯牛小排細細件, 油花比較多, 牛味亦比較重; 牛板腱大大块但比較薄身,脂肪唔多, 但口感都唔會太硬; 而黑毛豬梅肉口感都幾軟腍.重慶伸腿瘦鵝腸 鵝腸處理得好好乾淨, 冇多餘肥油肥膏, 灼一灼就食得, 口感好爽;細細粒的鵪鶉蛋, 一啖一粒. 鴨血 麻辣鍋必點“鴨血”,