醉胡爐 (已搬遷) 新店位置

🔥一間主打特色同滋補湯底嘅火鍋店，仲有串燒同刺身食😋我今次就專心打邊爐，個期間限定湯底已經好特別好足料：金湯鴿翅花膠鍋。花膠好多，大量翅，仲有瑤柱同金華火腿，然後仲有成隻乳鴿，夠晒滋補又夠晒保健🤗由於咁足料，其實淨係食佢，兩個人都食到半飽👍🏻。🔥肉類方面今次揀咗好特別嘅蝴蝶腩，佢係本身已經煮過調咗味，整返熱食好入味，仲要份量多😋丸類質素幾高，試咗芝心蝦丸同柱貝墨丸都好彈牙，後者都幾特別因為混咗瑤柱☺️最後仲食咗個海鮮拼盤，都幾啱兩個人想咩都試啲，當中覺得鮑魚質素最高，又大隻又口感好👍🏻👍🏻。🔥另外要提就係服務好，第一次打邊爐有人幫你Keep住換碟，同埋坐得舒服，所以好啱朋友聚會🤓

又出黎尖沙咀覓食，今次係打邊爐！！醉胡爐裝修簡潔俐落，位置闊落，坐得幾舒服。😌金湯鴿翅花椒鍋 $328湯底清甜，直程可以當湯飲，湯底配料及營養豐富，極多花膠，仲有原隻白鴿，呢個湯底真係正到冇得頂。手打牛丸-8粒 $88牛丸夾起唔容易散，煮熟後超級彈牙，有咬口，成粒牛丸好似識係口度跳咁！😍花雕醉滑牛 $148牛肉用花雕醃製後散發著淡淡的清酒香氣，入口超級爽滑，配埋個湯底就更正啦！☺️Mocktail-醉 $48呢杯咁靚嘅Mocktail係用荔枝、藍蝶花、梳打水、清酒配製而成，入口香甜，帶點微醺。Mocktail-爐 $38呢杯係用蜜桃果肉、芒果汁、梳打水配製而成，呢杯就真係純果汁，冇酒精成份架！大小朋友都啱飲！🥰

今次同朋友黎左尖沙咀既中式火爐店 店內裝修好有中國氣派 店員親切招待 又長細介紹不同湯底及其用料 整體體驗好好😊😊今次叫了金翅花膠乳鴿湯 $328有原仔乳鴿仔再加足料花膠同素翅 果然一分錢一分貨👍🏻怕火鍋太熱氣又叫了一札竹蔗茅根水 清甜潤喉 都只係$68其餘推介既火鍋食物包括：匈牙利鬈毛黑豬豚肉 $208 - 肉質上盛 豚肉肥瘦比例剛好💯手打墨魚滑 $98 - 好彈牙！ 加上分量剛好 蔬菜拼盤(小) $58 - 蔬菜種類不多 但份量很大😂手打魚皮餃 （4粒）$48 - 好推薦！ 皮薄口感好！

餐廳內既環境好有feel🥰好靚。今日同媽咪可食個養顏金翅花膠湯底，鍋物仲要超級滿足，整個鴿子🐦還有食極都仲有既花膠，魚肚🤣媽咪話就咁飲2碗湯底都已經夠哂飽，真係好濃郁，每啖都飲緊濃縮精華咁🙂滿滿的骨膠原滋潤。美國桶蠔🔝King Size🙈好飽滿！肉質肥美且滑溜，耐煮性高，又唔會縮水，鮮甜爽口。黃金墨魚丸🆗聽名都知道係咸蛋黃流沙餡料，墨魚丸大大粒爽口，彈牙，不粉。花雕酒牛🆒煮完都不失陣陣酒香味，衝擊味蕾，肉質鮮嫩無比，多汁。

見菜單有3個煲揀 分別係雞煲 豬手煲同鴨煲 雞煲因為成日食 所以今日揀左個鴨煲 啲鴨係幾好食同靚既 不過真係同煲呢個字唔多夾 🥲 下次有機會試埋個豬手先 另一碗係送既 超好👍👍

尖沙咀醉胡爐出名「醉湯底」，今次專登去試吓佢哋近期人氣嘅火焰龍蝦海鮮鍋！第一次嚟食，原來呢個火鍋真係好架勢，連個鍋都好古色古香！成個火焰龍蝦海鮮鍋裏面有原隻龍蝦切件、好足料，加上大蜆、蕃茄同埋西芹。首先店員喺我哋面前用猛火將龍蝦炒香然後即刻灒酒，火焰龍蝦即刻喺我哋面前出現，畫面好震撼同埋陣陣海鮮香味撲鼻而來！🤩最後再加入龍蝦高湯，一滾起就可以享受咗碗靚湯先😋淡淡鮮甜濃郁龍蝦味而且仲有蕃茄酸甜味，好開胃！我都飲咗好多碗先開始打邊爐😝 龍蝦肉大大嚿好彈鮮甜好新鮮，大蜆都好肥美！手切頂級安格斯肥牛賣相超靚😍油花分布好均勻所以幾乎入口即溶，質感好滑溜又juicy，而且牛肉味好濃呀！黑松露蟹肉餃比較少見而特別嘅火鍋配料，黑松露味好香蟹肉亦都好鮮甜，同個湯底好夾！不過要注意滾嘅時間，滾太耐好容易會爛咗個皮，食唔到珍貴嘅餡料😝黃金炸魚皮睇相都見到上面布滿晒鹹蛋黃醬，超級邪惡但係極度好味😋仲脆過薯片，充滿鹹香好惹味！鍾意食炸魚皮嘅朋友一定要試吓！最後不得不讚負責照顧我哋嗰台、比較年長嘅店員服務真係好殷勤、好有禮貌，不停幫我哋換骨碟，招呼好周到，呢種服務態度真係好值得嘉許呀！

幾個月沒吃火鍋，突然很想吃吃。當然要找一家有特色的，好吃的。朋友介紹來這裏，說湯或非常豐富，有驚喜。火鍋店坐得舒服，裝修精緻。我們叫了金翅花膠雞湯。金黃色的雞湯非常入味，而且材料豐富，有大量的魚翅、全隻雞蛋、滿滿的花膠。黃金炸魚皮這個非常好吃，魚皮超級厚身，滿滿的蛋黃醬，咸香味美。而且即叫即炸，熱辣辣，分外好吃。本地手切雪花肥牛火鍋必吃。 油花均勻。價錢也不貴。桂花蚌、鮮鮑魚，兩款海鮮都非常新鮮，juicy.

聞說呢一間打邊爐嘅湯底超級豐盛，立即來試試佢。醬料非常齊全，整潔。尤其是非常鍾意佢個XO醬。我們正正是為了這個湯鍋而來的～ 金翅花膠雞湯鍋。果然名不虛傳，全金色嘅湯鍋。 全隻雞， 海量花膠魚翅。 黃金色嘅湯底。 淨係食呢一個湯鍋，已經非常滿足了。 非常有味，我們每人先喝兩碗才開始打邊爐。吃火鍋，肥牛當然是必要的，這裏的肥牛也蠻不錯。油花均勻，入口即溶，非常軟滑。不是厚切，燙幾下就可以吃了。另外，手打丸亦是推介之一。

好友預先訂枱到醉胡爐打邊爐🍲，位於尖沙咀柯士甸路20號保發商業大廈地舖。 星期五晚上我們一行四人大約七點半到達，打邊爐慶祝生日🥳，店內空間感十足， 樓底夠高，枱與枱之間有屏風相隔，私隱度高。 有好幾款湯底都好正，今次我們就揀金翅花膠乳鴿湯，再每人點幾款火鍋配料。 打邊爐點少得豬牛羊🤤， 三款都好好味， 牛肉非常嫩滑，正👍🏻！ 桶蠔大大隻又鮮甜， 另外丸類和餃類都好高質。醉胡爐是我近期吃過最有質素的火鍋店， 無論服務質素、食物水準和環境都好好。 這裏有很多款火鍋湯底， 下次又可以試下其他了。😚

同朋友係TST行街係度咁上下, 就搵D野食下, 去左打邊爐.鍋底點左卜卜蛤鮮蟹魚湯鍋 ($298), 主要係肉蟹+蛤+荽茜+魚湯, 個湯滾起來的確鮮味十足, 可以先飲湯再打邊爐.胡爐牛併盤 (小) ($388) - 有牛胸爽, 牛舌芯, 同肥牛牛胸爽牛胸爽火鍋片切牛胸前肋骨上的一塊細小的筋膜類肌肉，實屬罕見, 含豐富的骨膠原牛舌芯肉味濃郁，牛舌軟腍，啖啖肉香肥牛淋滑肉味濃, 可以一試手工乾貝帶子餃 ($58) - 人手做, 足料, 味道很好.美國桶蠔 ($168) - 特大SIZE, 比一般店的大, 煮了良久後仍然很大隻, 鮮甜.黃金炸魚皮 ($88) - 香口, 重魚味, 比普遍版特別

「醉胡爐」同厚福街的「胡爐」屬同一集團，其火鍋🍲質素有保證，今次就去位於尖沙咀韓國街附近的「醉胡爐」，餐廳🍴用上高級食材，推崇滋補湯底，令人一食忘懷。餐廳裝潢寬敞，樓底高，環境乾淨坐得舒適，感覺比較新派。😍食物款式眾多，除咗可以打邊爐🍲，仲有小食、刺身同埋串燒，不過今次主要想打邊爐。用上QR CODE 下單方便衛生又環保♻️。招牌鮮椰青雞鍋（HKD 288):雞鍋呈上時店員會炒一炒雞件，用牛油🧈爆香雞、椰子🥥肉、杞子、紅蘿蔔🥕之後再贊酒，火焰🔥效果好靚，之後再將一個新鮮椰青汁倒入去，湯頭呈奶白色，雞又帶有酒香，飲一啖湯，滋補養生，忍唔住飲咗幾碗🧡😆XO鮑魚蝦餃王：XO醬味濃，蝦🦐粒彈牙入味，食得出鮑魚粒好惹味，皮薄喊靚，用椰青湯簡單碌一碌，中和下，吾錯。皇帝柱貝墨魚丸：墨魚丸爽口彈牙，食材用了矜貴，彈到可以用來打乒乓波。海鮮拼盤：大蝦新鮮爽彈，肉質飽滿無沙粒沙白，手掌✋🏽長既蟶子，好鮮甜。蜆都好正，掛起左椰子🥥味湯頭，一絕！鮑魚都無輸，好有誠意介左花紋，方便食用，吾會太韌，易吞，夠嫩！蔬菜拼盤：有打邊爐🍲必食嘅油麥菜、爽脆生菜🥬同埋掛汁大白菜，全部都洗得好乾淨，白菜食落好似上湯白津，充滿

今日一家人去尖沙咀行街，經過醉胡爐火鍋，就入去食晚餐，之前已經食過，湯底超正，食材非常新鮮，上次食花膠雞窩翅，今日試另一款 卜卜蜆鮮蟹魚湯鍋，卜卜蜆好鮮甜，湯好好味， 飲左幾碗，加拿大象拔蚌刺身(例牌)288 元好味夠新鮮， 呢個價錢一啲都唔貴，大大碟。手切頂級安格斯肥牛入口香滑，手工乾貝帶子餃、手打牛丸、手打墨魚丸、手工雲吞可以叫半份，可以試多幾款，唔怕食唔哂，萵笋片、炸支竹、稻庭烏冬，侍應服務非常好，今晚真係大滿足😃😃

第一次見邊爐有乳鴿試然後就“唔小心”叫左，據時珍兄記載乳鴿肉有補肝壯腎、益氣補血丶清熱解毒丶生津止渴等功效。雖然唔洗補腎，但補氣血巧重要架，清熱解毒唔知岩唔岩無啦啦出面30幾度的太陽出來了同office 冷氣的濕毒呢？至於在生津止渴未試得出功效前，湯底都已經每人飲左2碗個湯底一黎見到成隻乳鴿加d 翅在面，仲有巧大塊的冬瓜tem, 店員好貼心見我地影完一大輪就黎問洗唔洗幫手切件乳鴿易食d拿起冬瓜方便打邊爐tem. 醬料8款起選，沒叫肉肉唔整都okay~ 爽脆牛胸爽小弟第一次聽，但同行食神表示好食就order，厚面皮問店員煮幾耐：1分鐘就掂水第一次食果真名乎其實的爽脆口感得黎略帶牛味。秘製蝴蝶腩又係少見的部位，同上食神推介小弟大鄉里第一次聽，煮到佢軟身就食得食落覺得似牛筋腩。柱貝墨魚丸幾大粒下又有可見的柱貝在。活鮑片大塊夠甜唔知係因為湯底定本身所以twins 甜忍唔住叫左粉絲吸佢個湯d精華黎食，飽到high high 第一次叫一札野飲係沒飲幾杯because of you ~~湯底。最欣賞佢個湯勺要湯又得，隔湯又得，有生熟之分的筷子位位有份永不落空，裝修有種逼格的感覺，環境幾大下，目測

呢間已經成為我哋心水打邊爐店之一每一個湯底都好有特色，每次都飲幾碗湯先開始打邊爐今次我哋試吓卜卜蜆鮮蟹魚湯鍋侍應先幫我地略炒海鮮，再加湯煲滾，就可以先飲湯後打邊爐加拿大象拔蚌刺身例牌都只不過係$288，非常新鮮，象拔蚌鮮甜爽脆，刺身食或者打邊爐淥一淥都正手切頂級安格斯肥牛叫小份量已經好多，牛肉油脂分布均勻，好林又香牛肉味手打墨魚丸，手打牛丸好鍾意食手打丸，新鮮彈牙又爽口手工雲吞，手工干貝帶子餃，皮薄餡靚，隻隻都脹卜卜㗎萵筍同炸支竹索左啲魚湯好好味

好開心，無意中發現左一間高質火鍋店。無論係食物，環境，定服務，都係一級棒👍🏻店內環境好寬闊，而且裝修佈置都好有格調。好鍾意佢一開始就上曬d配料比我地自己調🎨，服務超好。落單係手機scan code落，十分方便。同朋友點左好多野食，人均消費$400。以下列一d我鍾意嘅item👅招牌鮮椰青雞鍋 ($288) ❣️呢個湯底真係jeng到痴線😍由服務員喺我同朋友面前親自整個鍋已經覺得個體驗唔錯(見到火🤣)整嘅中途就已經聞到超級香嘅椰子味😍搞到我同朋友都急不及待想飲一啖(小心熱)。雞湯好濃郁潤滑，加上椰子嘅香味，真係會飲上癮，係其他食物黎之前，我地已經飲到就黎要加湯🤣🤣👅胡爐牛拼盤(小) ($388) ❣️雖然係小拼盤，但都已經應有盡有: 牛舌芯，安格斯手切肥牛，極上手切牛頸脊，牛胸爽，霜降牛粒，每樣都好足。價錢唔算平，但質素真係高。我食呢d牛真係唔使落調味料。正牛咁貴真係值得😋👅海鮮拼盤 ($128) ❣️每樣海鮮都十分鮮甜！而且睇返個價錢會比單叫海鮮抵。呢個價已經包一只鮑魚，一隻蘇格蘭特大聖子。仲有蝦，青口同蜆。特別係聖子，真係食得出的質素。👅醉 (Mocktail) ($48) ❣️打邊爐飲moc