邁爵斯 (福華街)

營業中

休息中

呢間店係自助形式既，所以睇完餐牌，就去收銀處買餐之後自已拎餐具。我點左水牛芝士火腿牛角酥餐配薯條，飲紅茶，HKD38，很抵食。另外再點左多一份，水牛芝士火腿牛角酥餐配沙律菜，飲紅茶，一樣都係HKD38。呢度既薯條灑了香草和黑椒，頗香口，而且薯條份量也不少。至於沙拉只是幾條菜，但呢個價錢黎講算係唔錯。牛角酥口感可以，不過牛油味太重，落得太多牛油啦。紅茶無咩特別，不過幾大杯下，最岩邊食邊吹水。總括黎講，食物質素一般，但呢個價錢黎講算係唔錯。呢度人流唔多，所以唔會趕住你走，係一個吹水既聚腳地。如果想坐得耐，又唔洗洗太多錢，呢個地方，係一個幾推介既地方。

之前咁岩係ig見到有foodie介紹話呢間鋪既意粉係神級大碟!而且仲好食同抵食過薩X亞同朋友就約埋一齊黎試下!!一入到黎 成間鋪頭感覺幾好仲會有D書放係到比人睇坐位都舒適既成間鋪既FEEL係好似CAFE咁亦都冇限我地坐幾耐好多人2-3個係到聚會邊食邊傾~而ORDER就係要自己出去收銀比錢叫嘢食既跟住就番埋位等嘢食到!我地叫左一碟卡邦尼意粉、一碟薯條小食、同埋一個牛角包SET全部都係大大碟!!!叫咁嘢TOTAL都唔洗$100真係超級抵食!薯條熱辣辣好香口 可以自己出去加茄汁而意粉完全係夠2個人食煙肉既份量都好多完全冇話因為佢咁平既價錢(~$3X)而肉既份量好少味道都調理得夠濃味!!!***而牛角包真係意外地出色!為左成餐有番D清新感我地就叫左沙津做配菜D汁酸酸甜甜好開胃!而個包唔會好油 又好大個入面叫左蛋沙津做餡料非常之配合而最最令我驚訝既係我地只係叫左一個牛角包SET但店員比左2杯飲品(熱紅茶)比我地係紙巾上既 飲唔晒仲可以拎走埋!真係估唔到叫一個餐佢會按人頭比兩人份既飲品坐得舒服 食物高質 份量充足絕對會再去食XD

之前一直聽朋友介紹這間店，難得今天自己一個逛街，就試試Majesty。一到門外，見到很多人排隊。幸好我今次做獨行俠，一個人坐哪兒都可，店員就很快安排外面的露天座位給我。難得叫意粉，就想配搭飲品。點了薄荷朱古力，700ml $25，合理價錢。不過我覺得朱古力太甜，飲到後半開始不想喝(我有努力喝完就是了)。下面是我今次點的「沙嗲雞粒意粉」。環視整個餐廳都是卡邦尼亞，所以想來點不同的。就叫個好像沒甚麼人評論的沙嗲吧！最初有點失望，因為裝在錫紙盤令我覺得意粉和其他餐廳的大小差不多。誰知：(不用說明了吧抱歉因忘記拍照，唯有放ig story的照片)味道方面，沙嗲一向偏油，這份也是。吃到淡淡花生香，有飽足感。雞肉....有點韌，好像牛肉。不過因為我平時吃沙嗲都配牛肉，覺得這質感還好。最後埋單$63。之後我帶飯盒回家，和另一個家人分享。再加多點菜，也夠做第二日的午飯盒了！窮人恩物呀！如果我沒有點飲品....一餐基本上只需$38/3=$12.3 左右下次會再去的。

老公今晚要去踢波，晚飯係一個人的浪漫，出左街成日好攰，所以就去下呢間屋企附近嘅餐廳。其實佢開業兩個月時我嚟過一次，當時係食意粉，印象中味道可以，三十幾蚊又有埋野飲，算係平靚正之選。今晚食碎蛋沙律牛角包🥐，可以選配沙律菜或者薯角，我揀左後者。自助形式落單，之後放個號碼牌嘅枱面，食物就會稍後送到。一個人被安排左喺吧枱位置，外面微風吹送，都幾寫意。食物份量大得令我吃驚，牛角包係正常size，但碎蛋好多，佢嘅牛角包唔算好香牛油味，熱食尚算鬆軟，凍左就略嫌有少少硬，碎蛋沙律味道正常，有足夠嘅mayonnaise。薯角上面淋左蜜糖，我再加埋茄汁一齊食，酸酸甜甜嘅感覺幾新鮮，不過份量真係好多，大約有30-40條，我最後只完成到三分二。跟餐飲品係熱紅茶一杯，冇得加錢轉其他，飲唔出係咩茶，但食完熱氣野飲返杯茶消下滯都幾好。服務唔錯，餐廳內只見到兩個員工，喺星期日晚客滿嘅情況下仍然有人帶位，亦會介紹下食物飲品，不錯。

餐廳座落深水埗與太子交界，距離地鐵站大概7～8分鐘的步程，位於不起眼的唐樓中間。餐廳的樓面不大，只有12-13張枱，大部分是二人桌，燈光柔和，是典型cafe的格局。食物選擇不多，餐外的黑板寫滿了餐廳的所有菜色。這間餐廳以西餐主食為主，意粉的款式不多，但味道一流，態夠做到歐洲意粉的水準，重要的是它的份量，它一大碟好像不會蝕本似的，份量足夠二人食有餘。小食有傳統的派對小食，薯條，薯角洋蔥圈等。飲料款式選擇多，絕對要試。

福華街係深水埗內街，附近都係舊式小店，平時行街都好少會去內街，除咗揾食之外喺社交平台見到有朋友去咗間西餐廳食，食物份量超級驚人，而且評語不錯，睇留言先知係依間餐廳襯經過深水埗，就決心入去一試餐廳位置唔近地鐵站，大約行15分鐘先到。鋪面係一般Cafe嘅簡約裝潢，以木為傢俬主調，有格調之餘令人感覺舒適休閒門前有手寫餐牌，彩虹色粉筆吸引眼球，係有心思嘅小店。一睇價錢真係令人嘩一聲，都係不過$40嘅餐今時今日仲可以喺邊到揾到依個價錢嘅西餐？就算茶餐廳都食唔到喇！店內燈光柔和偏暗，有小小工業風嘅格調。牆邊寫住「自助取餐處」，實際係自取餐具同醬料嘅位置，應該係為咗減少員工工作量，從而降低食物價格，可以食平啲，自取又何況四周掛有唔同嘅句子、古典街燈、植物做裝飾，別緻又有情調，好啱約會/朋友聚餐。廚房係Open kitchen，同食客坐位離一小段距離，但都久唔久聞到炒煮嘅香氣，聞住都覺得餓~小食脆炸有皮粗薯條($19已經好大份)，餐牌有普通粗薯條、帶皮粗薯同薯角揀，平時比較少食到帶皮粗薯，囗感比較豐富，薯皮位會帶脆而有咬囗薯條上灑咗鹽、糖、胡椒、香草等，入囗非常惹味。自取茄醬調味，茄醬同平時食嘅有唔同

離太子站約10分鐘路程，在寧靜的福華街頭，唯獨有一家店門外有著熱鬧人龍，就是這家。十號籌號，約等候了40分後入座。畢竟只是小店，店員屈指可數，也是無可厚非。點了人氣的香蒜白酒蜆肉炒意粉及香辣海鮮意粉，上菜後各嚐一口，不論是味道還是份量都相當出色。白酒蜆肉意味道豐富，但意粉略嫌有點乾身。辣海鮮意辣道適中，蒜香濃郁，各種海鮮毫不吝嗇地填滿意粉的空間。最後附送紅茶一杯，簡單而完滿。後記：若食法以一客意粉主菜，配上自己喜愛的小吃，飲品隨意，那應能更全面地品嚐這家自家小店吧！擇日再來！

平日諗到想食平又好食嘅意粉一定係呢間去過兩次🥢兩次都係叫咗白酒蜆肉蒜香意粉同埋香辣海鮮意粉🍝一上到枱真係好大碟！🍽白酒蜆肉蒜香意粉，真係每一條都有好多蒜頭碎，一上枱就覺得勁香不過如果炒得更熱就更正🍽香辣海鮮意粉，如果無錯應該係香辣醬加茄汁 帶出鮮味 又唔會只得一種味道咁單調見識過呢一間餐廳你就會明白點解佢會俾人列為「窮人恩物」👍🏻👍🏻因爲真係大件夾抵食，太平！每次食緊嘅時候，都會有班年青Fans排隊等位

六點零黎到，揀左張二人檯座餐具就自已出去拎的，自助形式，去買野食就去收銀處買完就會比個鐵牌號碼你放在檯面的之後就會有人送食物來了。叫左卡邦尼意粉 $38超超超大碟呀，一睇就知唔會食得晒哈哈，味道OK,不過呢個意粉乾左D,唔夠多汁另外個香辣海鮮意粉$45呢個好味呀，唔係好食得辣既，都應該食到的好香的！微微辣辣甜甜，仲要好蒜香味！海鮮有魷魚呀，蜆呀，呢個好食過卡邦尼的！真的，兩個人叫一碟意粉好了，因為真係唔會食得晒最後意粉我都係打包回家吧！真係抵食，四十幾蚊個意粉，食到飽飽之餘，仲食剩好多，唯有帶走吧外賣盒一蚊個再叫左個海苔芥末蝦沙律牛角包配薯角$49 ,Um其實無芥末味的另外薯角超多，甜甜地甘！好食呀飲品要左凍既蜜桃烏龍茶$25,無乜烏龍茶味，不過好香蜜桃，而唔會太甜，都OK埋單只係$157 ,抵食到不得了！另外員工好好人，又好有禮貌！！

睇見網上介紹深水埗呢間叫Majesty既餐廳，出面大份抵食，於是特意來試試夜晚八點黎到，見到數人排隊，等了約十五分鐘便有位了！舖面設計簡潔，一進去便有陣濃濃既意粉氣味，全部都係三十幾蚊一個餐，完全係窮人恩物原本跟男友決定叫一碟意粉加一個牛角酥餐，點知牛肉酥售罄，最後叫了一碟卡邦尼，香辣海鮮意粉加一份炸薯條🍟飲品就叫了熱情果柚子梳打同焦糖鮮奶咖啡☕️意粉軟硬度適中 ，醬汁惹味，cp值極高至於飲品不算上特別，但勝在選擇多，有養生系列，朱古力系列，梳打特飲同花茶總括而言，呢間餐廳值得再來，若在附近返工一定經常黎，希望下次有機會試試佢既牛肉酥同其他小食

有朋友介紹呢間鋪，話價錢平、份量多、味道好。行開呢頭就去試一試。間鋪門面裝修到好似酒吧咁，經過呢間鋪，你唔會估到佢係食意粉、牛角包、飲咖啡。門口擺咗幾個木架menu，加埋五顏六色嘅字，好吸引人入去試試。鋪入面嘅裝修就似一間cafe，比到人屋企嘅溫暖。坐底之後叫咗一個炒意粉同一份薯條，本身想再叫多一份意粉，但聽人講話好大份，都係食咗一份先，唔夠先再叫，咪做大晒鬼薯條首先上枱，呢到有2款薯條（有皮同冇皮）同薯角比人揀，平時好少食到有皮薯條，當然要叫嚟試一試，睇下有咩分別。有皮薯條比起普通薯條較為硬身少少，除咗鹽之外，呢到嘅薯條重落咗少少香草同糖，食食下會食到甜味又會食到咸味，都幾過引。主菜終於上枱啦😋一上枱真係嘩咗一聲，好大碟，正常人一個人應該係食唔晒。意粉啱啱炒好就上碟，熱辣辣好好味，一放入口就食到好大陣蒜味，建議大家帶定香口膠或者香口珠。本身以為咁大碟咁平一定唔足料，咁諗完全錯😂除咗碟邊嘅蜆肉，意粉入面都包咗好多粒蜆肉係入面，食完真係超級飽個意粉重有一杯熱茶送，食完咁濃味嘅意粉飲返杯熱茶中和返就啱啱好😋

買過兩次外賣 嗰兩次都係因為太多人等堂食唯有食外賣不過就算係外賣都等咗好耐吓😅Anyway 今日行過 可能係平日 都係等一兩張枱 咁緊係等啦 可以食新鮮嘢 唔使再食凍晒嘅外賣好快有位係自助形式嘅諗咗食乜就去cashier比錢之後就會比個牌你都有心理準備會好大份 所以淨係嗌咗個意粉同牛角包share 先上意粉落單過咗一陣就有好creamy 好夠味 唔係淡茂茂 係爭隻蛋黃 同埋如果d煙肉係炒過先呢可能會再好味d🤔而意粉比較淋身 不過我反而鍾意😂😂😂好怕意粉咁有咬口好快就上埋最想食嘅碎蛋沙律牛角酥😍😍😍可以揀薯角或沙律緊係揀薯角啦 有我最鍾意嘅蜜糖d碎蛋沙律好足料唔會食到最後得返個包薯角熱辣辣 連蜜糖食簡直無得頂如果可以再多d蜜糖就好了👉🏿👈🏿佢仲有茄汁provide (自己唧）成件事就係巧巧味咁嘅價錢咁嘅分量咁嘅味道超晒班兩個人食到勁飽唯有美中不足係坐咗喺風口位d嘢食凍得好快下次真係要揀個好d嘅位

經過見到有人排隊等就排埋一份，雖然已過中午1:30，但仍人龍不斷，原來三十幾蚊有個意粉餐，飲品大大杯，平民恩物。majesty 主食是意粉和牛角包，飲品多選擇。坐底睇真見到人哋碟意粉勁多量，又唔太餓，结果改食牛角包配薯角、凱薩沙律。蜜糖薯角係好味，其他不過不失。

食物份量超大，一份意粉二人份量試左蕃茄煙肉意粉，味道偏濃，蒜香濃郁飲品價錢合理，冷熱均以700ml為準全店食物份量都非常豐富，價錢亦非常合宜餐廳以自助形式，而且不提供訂位，盡可能早一點揾位

我公司喺太子, 一向喜歡到處搵新野食的我, 某日搵到呢間, 又平又大份嘅 餐廳。其實我已食過好多次的了, 意粉大多$30幾蚊, 都係大大碟, 我1個人係食唔晒的。而佢嘅牛角包, 都係又平又好食的。 今日, 我就食左碎蛋沙律牛角包呢個碎蛋沙律牛角包套餐, 可以跟沙律或薯角。 佢d薯角都好好味好大份嫁!但因為真係太多, 我係會食唔晒的所以我就叫左跟沙律。跟餐仲送杯熱茶。杯茶都ok嫁! 係好濃嘅紅茶! 午後提神very good講返主角-牛角包先!  個牛角包係蜂蜜牛角包來! 面頭撒左d蜜糖喺度, 食起上來好好食嫁!碎蛋沙律餡, 多到爆出來! 正呀! 沙律菜都好新鮮, 配左黑醋同沙律醬, 食起上來好fresh!餐廳環境都幾有格調, 仲會播歌, 之前會播d英文歌, 今日就播eason食物又大份又抵食又好味! 推薦