邁爵斯 (深水埗)

營業中

休息中

睇咗好多食評，知道呢度啲嘢食好大份，所以兩個人都唔敢叫咁多🍽總共叫咗三樣嘢食🍽1️⃣雙重芝士牛角包跟餐配薯角🥐牛角包整得好香，薯角好好食🍽2️⃣香辣海鮮意粉🍝份量超大碟，頭嗰幾啖好好食，但食食吓真係覺得好鹹好鹹🍽3️⃣薯蓉配香辣炸雞🍗呢個最推介，薯蓉好creamy，炸雞翼都炸得好鬆脆🍽食物份量真係好大，食唔晒唔係話好好食，但係咁嘅價錢性價比非常高，店裏需要自己出去買飛先比錢，之後職員會送上食物。其實食物同服務都可接受，唯獨衛生真係非常非常之差，大排檔可能比佢更加好，埋位入座已經見到地下有曱甴屍體，而且我哋用餐時間大約45分鐘，至少已經有五至六隻烏蠅&蚊飛來飛去，店裏餐具亦都唔衛生，枱同凳都癡癡粒粒，所以應該都唔會再去食了

今天跟家人媽媽和弟弟一起慶祝生日，就關門了在家附近的餐廳，大概七點左右便到了雖然都還需要等10幾分鐘便可以入座。這天晚上到時全院滿座外面還需要等一陣間。今天是弟弟的生日所以這餐吃得份外豐富媽媽點了一個薯蓉配鴨腿，配有兩隻鴨腿和一份大薯蓉，價錢是$47 ，真的很優惠花船。食物質素很好 👍🏻 薯蓉滑，鴨腿做得夠入味我們還點了一個雞肉墨西哥餅卷配沙律菜，蒲汁雞飯，炸芝士薯波波，香辣炸雞，抹茶鮮奶兩杯，芒果青瓜梳打一杯以及粉紅番石榴梳打一杯。沙律菜夠新鮮而且好爽口，葡汁雞飯試用珍珠米，所以米的質地較咬口，芝士薯波有濃濃芝士口味，其他飲品我都覺得OK 不會太甜總管來說這間餐廳性價比很高而且食物質素都不錯所以會再和朋友一起來光顧。

以前朋友經常幫襯，依家間小店出名叫做意粉山，係一間CP值極高嘅咖啡店。開返堂食同友人一齊過嚟試吓菜，睇吓食物質素有冇提升今次試嘅係蕃茄牛肉意粉同埋嗌咗一條鴨胸卷拼薯角、份量好大好足夠，同朋友一齊share啱啱好。首先講一講個味道、我覺得個味道酸甜幾惹味，而且個意粉嘅質感啱啱好唔會太硬亦都唔會太淋，覺得幾好外皮比較脆口，薯仔加咗蜜糖上去好惹味好好食味道好特別跟住我哋每人都嗌咗一杯梳打特飲，仲有玫瑰乳酸飲品總括嚟講我哋都會再幫襯嘅 因實在好抵食 而且味道都好好

同同事叫咗個焗特色葡汁雞飯同香蒜白酒蜆肉意粉. 返到公司發現成盒飯無雞肉, 連雞絲都無條... 實際只係薯仔局飯...我估個飯名係指無雞至於同事食嘅香蒜白酒蜆肉意粉仲離譜,  佢本身超愛食蒜頭,  但係佢同我講啲蒜粒仲係生嘅....啲生蒜粒非常'喇"喉...蜆肉係涼嘅.....好似無煮過咁...我都嚟唔切影相留底 佢已經丟咗落垃圾桶,  因為真係食唔落去...佢只係食咗一啖  飲咗好多水啲生蒜味都沖唔淡最後我哋要再出去買飯, 我為免浪費食物就去7仔買隻雞脾當餸 去配個只有澱粉質嘅焗特色葡汁雞飯.以前水準唔錯, 而且坐無虛席. 不過依家各方面簡直慘不忍睹...

今天與男友到深水埗消費，夜晚再去搵食，經他介紹來到這裡，果然沒介紹錯！環境：裝修有點工業風，坐位幾寬敞，可能來的時間較早，不是太多客人，感覺幾舒服，唯一不好是油煙味較大。芝士肉醬意粉($38)：好大碟，份量很多，芝士及肉醬也很多，不會太咸，意粉是較幼身。 雙重芝士牛角包($26)：看上去有點燶，但吃下去不覺，很脆，有兩種芝士在內，應該加了蜜糖再烤，味道甜甜地。 薯角加熱紅茶(牛角包跟餐+$20): 很大碟的小吃，薯角很厚身，表面塗上了蜜糖，少少脆但不夠脆身，紅茶超大杯，有很濃的茶味。

今日開返堂食見咁耐冇去食，就同屋企人去食啦！去到都見冇乜人堂食，咁就入去食啦，記憶中嘅佢以前最多係張枱黐立立啲咁，但經過今日我發誓以後都唔會再去食佢，佢哋請咗好多新嘅侍應（極度多蚊定唔知烏蠅嘅物體），服務態度非常好會幫你試菜，係你開餐途中仲會不斷走埋嚟問候一下你同你碟餸，仲有佢哋啲醬汁全部都好似發酵左咁樣，雞髀當鴨髀雖然咁平都知唔會係鴨髀但係佢都唔好俾啲屍乾我吖～有養寵物都應該會有買過啲凍乾肉，如果係劣質嘅嗰啲就係嗰種感覺又乾又韌一絲絲仲要搵刀切都覺得辛苦，店內衛生十分之有問題

深水埗啲嘢真係又平又正👍🏻，雖然而家嘅深水埗好多新型Cafe，但係呢間開咗都好幾年嘅西式餐廳都唔好忘記呀！今次已經係第二次食佢哋，店內嘅裝修主要用石灰泥好復古嘅感覺，好推介佢哋嘅牛角酥，因為以一個$30都唔使嘅價錢就可以食到大過塊面嘅牛角酥，仲要係不失水準，簡直想encore多份😆😋另外就算係普普通通嘅一份薯角都已經睇到佢哋唔會馬虎對每一份食物，雖然冇任何嘅調味但係味道搭夠👍🏻👍🏻真係而家香港地有咩地方可以咁平去食一餐仲可以係咁舒服嘅環境，下午茶去坐一段時間真係可以好舒服🫶🏻

服務態度差到爆炸以前兩公婆做果時真係又平又好食，上咗雜誌開埋分店之後開始保持唔到個平衡仲有晚巿果陣想去食，諗住行入門口拎飛等位果時，一個比較瘦嘅男服務員好粗魯咁話「無位呀！出去出去出去」好似趕狗咁過咗幾個月嘅今日，我去買外賣見有幾個外賣拎咗出嚟放埋一邊，我就去望下係唔係自己果份，有個女員工又係粗聲粗氣咁講「果份唔係你㗎！坐低啦！」佢可能都覺得自己語氣唔係咁好，下一句即刻溫柔返少少咁話「坐低等等吖，未到你果份⋯」我覺得食物份量同價錢真係好好但服務員d態度真係要檢討下囉，無人迫你返工㗎！

一早已經好想試呢間深水埗區熟到街知巷名超抵嘅平民意粉店🤩嗰日去到估唔到都要等位 又真係個個好捨得等🤣係場面有啲混亂 要人直行入廚房入面拎飛仔 果然係人多生意忙。。。🦔👉香蒜白酒蜆肉意粉 $35我只可以話呢碟係我人生見過最大碟嘅意粉🤯又真係估唔到有餐廳會好似啲意粉唔洗錢咁砌意粉砌到全個碟成份咁高 完全見唔到任何空位 真係平時大胃嘅我望見都非常驚喜非常shocked🤩開心嘅係呢餐一定食得飽我kekee 但睇落易 清碟難🤣食到3/4都飽到上心口架啦 重點係佢一份錢一份貨啦 無可否認意粉太多太乾身 即使係灑咗芝士粉嘅靚靚蜆肉意粉都食得有點吃力 但蜆肉份量係同意粉成正比架喎😆總之咁大碟野咁嘅價錢出面肯定搵唔番 如果想hea hea地食個西餐過癮 呢個價錢絕對抵到飛上天！。。。🦔👉吞拿魚芝士牛角酥配薯角 $46好滿足的一個filled croissant😆因為tuna n cheese都是我最愛 但食落唔會話味道好驚人 反而底下嘅薯角炸得好脆火喉幾好🤩份量唔少之餘 蜜糖汁淋面真係增添食欲🤤

經過深水埗唔知食咩好，見到ig幾多人介紹呢間又平又大份既意粉。然後就中伏了💩講得糧尾恩物，價錢真係好平，好耐冇見過$3x既意大利粉。份量非常多，唔怪得個個都話意粉山。食物質素同我呢d地獄廚神煮既一樣，放得入口，但絕對稱唔上好食💩我既香蒜蜆肉意粉，等左差唔多45分鐘🤔咁平預左意粉質地普通，蜆肉份量幾多，蒜係煮完先放係面，所以意粉山下係冇味既。餐廳仲有好多烏蠅同蚊滋同我say hello😣可能大家會話，咁平你想有幾好食呀？我反而覺得犧牲味道，單靠份量做gimmick不可取。令我失望既地方係衞生太惡劣😢自助餐具一定要自己洗！睇得出佢地係沖下水就算，仲有汁乾左痴係匙羹上面，叉既空隙又有不知名食物殘渣😢強烈建議大家，糧尾自己煮或者食麵包都好過幫襯佢。

經過漫長嘅抗疫旅程. 十分之空虛同埋無奈因為好多餐廳都冇開門 幫襯咗好多間多年嘅餐廳都倒閉了真感慨好在糧尾首選的邁爵斯仍然生存今次同朋友過嚟試味道和之前有改善了，比之前更加野味好吃 看得出廚師的心機今次過嚟試的是香辣海鮮意粉🍝😉💪🥹味道好野味開胃加上份量足夠我好朋友一齊share再嗌左兩個小食一個係炸芝士條，唔係一個玫瑰雞翼配薯蓉，賣相都唔錯可以再encore臨走之前仲叫咗一個外賣返去同男朋友一齊share 份量都好足夠

我諗好多人都見過呢一座堆到好似山咁樣嘅意粉平時好多西餐可能細細碟就已經賣緊百幾蚊，但係呢度只係需要三十幾，細食小小嘅女仔可能都已經夠兩份食今次就嚟試吓佢係咪真係平靚正～就試咗佢最平嘅意粉，同埋叫咗杯梳打，薯角仲有炸魚手指意粉雖然有少少乾身，但係真係味道唔差，而且都俾咗唔少蜆肉，呢個價錢呢個質素，個份量仲要大成咁，完全冇嘢可以挑剔薯角都一樣好大盤，基本上係飽到食唔落，梳打都係又平又大杯，全部都係兩個人分享嘅份量， 完全係良心價錢，糧尾恩物！

呢間人氣小店最出名就係成座山咁大份既意粉🍝叫一碟意粉已經夠兩個女仔share 飽到上心口而且價錢非常相宜 最平三十幾蚊就有一份pasta!不過個人最鐘意佢地既牛角包薯角餐牛角包外脆內軟 入面仲夾到好多餡～薯角裏上蜜糖 甜甜脆脆非常惹味！呢間餐廳絕對係糧尾恩物😋😋😋

早幾日係附近工作完，一個人tea tea佢😁見到menu都幾豐富，上網睇相幾正感就入去試下。 一個人諗住叫個輕食。就試左個 薯蓉配玫紅雞翼，同埋熱情果柚子梳打。等候期間都有吾少人入黎叫外賣，望一望先知外賣叫一樣嘢都已經有全單9折。四十蚊吾洗既意粉，連廿幾蚊既墨西哥卷都有。我心諗，嘩平到感，到底賣幾多先賺到錢😂😂Anyway入正題，十分鐘左右店員就拎到黎我面前。薯蓉價錢雖然吾係超平，但一食發現，並吾係kxc 開粉沖果種，佢個薯蓉勁香牛油味而且有淡淡奶香，薯仔味都好夠，我一個人食晒一啲都吾濟😋我都算幾大食，份量都ok,雞翼都算大隻而且炸得啱啱好，有汁係面都仲脆身，肉質吾乾，尚算juicy。而杯飲品就正正常常，酸酸甜甜都幾開胃。總睇呢間舖CP值都幾高，環境坐得舒服，出餐算幾快，我見隔離枱order啲意粉多到山感，都嚇一嚇，感既價錢，有感既質素份量，真心比我預期好食好多。而家啲餐廳一間執完到一間，作為一個香港人都覺得好心酸呀，真心希望呢啲有心做既食肆可以捱過呢關，多啲人幫趁😃

這家餐廳是我搭巴士的時候會途經望得到的，以前疫情前比較多人所以一路都未敢過來試，疫情底下明顯是小人了光顧，所以決定過來試一試。一進去的時候就有一位女服務員過來，這裏是自助形式所以自行到收銀處點餐付款然後會取了一個座位號牌放回自己的桌面上，到時會有人送餐過來。我點了呢個卡邦意粉，媽媽點了一個葡汁雞飯，飲品方面我點了一杯芒果青瓜梳打，一杯玫瑰乳酪特飲。意粉個賣相都不錯，卡邦尼意粉芝士味可能不太重，但是絕對食了不會油膩所以都不錯總括來講這餐價錢性價比都很高，在抗疫情況底下絕對是能夠食得飽的。另外臨走時還點了一些外賣 回去孝敬家人這很優惠$150以上還有七五折實在太抵了！所以會繼續過嚟幫襯