邁爵斯 (福華街)

營業中

休息中

只可以講意粉好大份❤️分量超足！雖然店舖面積唔係大，但入到座都唔會迫!裝潢設計行簡約風格，我個人覺得好舒服會再黎光顧！價錢抵，三十幾蚊食到二人分量既意粉，真係唔易搵❤️❤️❤️

香港地依家求其出去食個飯都要50以上，仲要食唔飽。不過我係太子搵到間餐廳真係超抵食， 一碟意粉只係35至$40仲要超大碟，大約係兩個女仔嘅食量。今次我就嗌咗個蕃茄煙肉意粉，佢係真係用返茄粒同埋超多煙肉碎整嘅， CP值勁高。如果你哋行開太子，真係可以考慮下。

意粉呢間餐廳d野食好大碟呀值得推介嘅係佢嘅價錢非常親民 叫左幾樣平均都唔過$40 而且食物質素都唔錯叫咗兩個意粉嚟試卡邦尼 羅勒鮮茄煙肉 一次過試晒白汁同茄汁2個既質素都唔錯 但係覺得卡邦尼比較好食 好香蒜味 凱撒沙律🥗加埋煙肉粟米芝士薯波 外脆內軟炸蝦🍤就炸得有啲乾 冷熱野都有700ml咁大杯但總括嚟講都係好食嘅 值得再去

日日都見到依間餐廳大排長龍，我今日係下晝三點嚟，成間餐廳得我地張枱兩個人，同埋另外四個人。但係嗌咗佢碟招牌白酒蜆肉意粉，都真係要等幾耐下，唔知係咪因為份量咁多難炒啲呢？如果繁忙時間我諗真係等到天光。先講講個蜂蜜牛角包，一想到枱係超級熱，熱辣辣嘅包好香脆，我又冇諗過原來可以搽啲蜜糖係牛角包係咁好食，18 蚊，我哋本來expect係一碟一隻牛角包，點知嚟咗兩隻，雖然一早知道依間餐廳係好抵食，但係都真係好 surprise。白酒蜆肉意粉其實都真係好好食，好香好香蒜蓉味，蜆肉多到你唔信，碟意粉好似成座山咁高，30幾蚊其實點圍皮？有衝動想問吓店員其實係咪自己鋪位唔使交鋪租，因為真係好誇張，我自己就勁鍾意食蒜頭，所以覺得依碟野真係好啱我心水，但係我估有啲人會覺得依碟嘢冇乜白酒味。總括來講，抵啊！

前日黎試左，今日又來第二次 吸取左上次食唔哂既教訓之後，今日2人只點左一份白酒蜆肉意粉加fish fingers。呢個意粉都算多油，味道唔差，加左小小芝士粉 蜆肉好多，好抵食fish fingers肉好梅，似雪左十年。小小伏，唔建議試

絕對係以分量取勝既 cafe 😯成座山咁高既意粉，見好多客人食完都會攞兩三個外賣盒打包，CP值爆燈 💡 餐廳係自助形式，要自己去落order自己攞餐具醬料，但咁貼地既頹飯價錢 (好似仲抵食過薩莉亞🤔)，仲諗咩啊？.💖 羅勒鮮番茄煙肉意粉 // $35番茄醬汁好惹味，意粉軟硬度適中，雖然欠缺羅勒既味道。.💖 蜂蜜牛角酥 // $18超鬆化，加埋淡淡既蜜糖，好上癮既口感。.💖 脆炸有皮粗薯條 // $19普通粗身薯條賣嗮，但其實有皮既都係差唔多的。如果有黑松露醬就 perfect，不過咁既價錢 🤷🏻‍♀️.💖 焦糖鮮奶咖啡 // $27❤️ 薄荷青檸梳打特飲 // $26連飲品都好大杯，幾乎係 starbucks venti size 🤦🏻‍♀️咖啡偏甘苦，即使有焦糖都唔太甜。一向對藍色飲品冇好感，但依杯梳打特飲冇乜化學糖漿味，味道非常清新 🍃.💔 酥炸魷魚圈 // $29即炸既熱辣辣而且好脆，但魷魚好韌唔juicy，失望啊 🦑- - - - - - - ‎- - - - - - - -👍🏻 不厭其煩講多句，真心好抵食😍👎🏻 店面小小，繁忙時間要等一陣，服務同上次菜速度都會慢d- - - - -

其實呢間鋪一直覺得唔錯，幾抵食，但今日發生左件事令我唔會再去。今日叫左個雞肉餅卷併沙律，上枱後發現有隻小小強由隻碟走左出來，立刻整死左佢，其實餐廳有小強我理解，比咁既價錢唔會要求太高。我已經唔想比太多其他客知，叫左店員過來，想換另一款(保險D), 4眼花shirt衫店員好似冇件事咁，唔好意思都冇句，仲話換另一款要去櫃面，咁就走左。好，拎碟野去櫃面，話換平d既餐冇得退差額。好，唯有換另一個貴d既餐，仲要我補錢，一D道歉既誠意都冇。我話要返舊餐既梳打水都話唔得，因為貴餐只配紅茶。我真係當堂呆左，所有野我都忍受，一個小小要求姐，都已經冇投訴，仲加左錢換餐，都唔可以要返支梳打水？？唔係下麻，其實我係咪應該一開始就打比食環先係正確呢？

好耐之前食過一次Majesty，個陣對呢間Cafe嘅印象好唔錯，Majesty無論係環境、格價、食物質素同份量上都好唔錯，所以對呢間Cafe嘅印象非常之好近排瘋狂比啲friend係IG度洗版，某雜誌介紹完呢間Cafe之後，好多人都趨之若鶩，過嚟朝拜好耐冇食過啦！今日咁岩經過太子，見到唔算多人排隊，即刻入去再食下平野先<忌廉磨菇雞肉長通粉 $42> (評分:4/5)呢個係是日推介系餐牌上面係冇嘅，Majesty 食物嘅份量都好大，絕對唔使驚食唔飽！次次黎呢度都會嗌意粉同男朋友share，一定要share，如果唔係一定食唔晒你到一點意粉嘅份量大概系出邊西餐廳嘅兩倍。講返個意粉嘅味道，唔單止個長通粉嘅份量多，香草同芝士佢都灑左好多系意粉面，所以成碟意粉係非常之香嘅！雞肉嘅份量唔算好多，大概每人可以食到56舊到，$42一碟長通粉算係咁啦<爵斯墨西哥捲(BBQ醬雞肉) $46>  (評分:4.5/5)墨西哥卷係我嘅最愛，上次食嘅時候已經覺得好好食，所以今次特登嚟encore！墨西哥卷嘅陳皮整得好煙un 彈牙，絕對拍得上出邊嘅高級西餐廳質素！墨西哥卷包住BBQ醬同雞

今日第二次叫外賣雖然今日唔見上次高傲靚女收銀仲多咗幾個waiter, 但 attitude 仍然散慢。入面起碼有5,6個人排隊等落order，waiters 出出入入仍然無人理。終於落到order, 同上次一樣等咗30分鐘以上先攞到外賣。香蒜白酒蜆肉炒意粉，依然勁香香蒜味今次仲付上一個茶包。

前幾日去花墟行花市之前，KY嘅friend子就帶咗我去一間太子附近嘅西式餐廳，而KY從來冇諗過嗰度會咁抵食咁好味又揼本嘅餐廳出沒🙀事關我哋三個女仔淨係食咗兩碟意粉已經飽到濟😱即刻去片啦！========================🥢香蒜白酒蜆肉炒意粉🍝 $35香港物價咁貴，KY就真係冇試過食一碟意粉嘅蜆肉係多到數唔盡🖐🏻蜆肉炒得頗為煙靭，而睇相都見到蜆肉鋪滿成碟意粉山⛰️，完全係普通餐廳嘅Double份量✌🏻特別要讚嘅係佢嘅蒜香味非常突出，對於KY呢種鍾情蒜香味嘅人真係啱矖🥰雖然略嫌意粉炒得過乾身，酒味都冇乜，不過就食得出佢有種好香濃嘅橄欖油味，有少少油膩但意外地又吸引人繼續再食👻呢個價錢來講非常對得住良心🙀========================🥢香辣海鮮意粉🦑 $45呢個價錢KY會expect佢得一兩樣少少海鮮🧐，但係有冇諗過佢竟然有魷魚🦑、螺肉、蜆肉、蝦🦐咁多款海鮮在內，而且都炒得幾煙韌😋依碟意粉唔係淨係得個辣字🙅🏻‍♀️🙅🏻‍♂️，而係有種酸酸甜甜嘅辣味，應該有番茄醬🥫夾埋辣椒一齊炒，鍾情食辣嘅人一定要試🌶咁嘅質素絕對超越左佢嘅價錢💸

我們大約午餐時間1300到，餐廳已經滿座了，我們有三個人，等了大概15分鐘才有座位。以小店規模來說，食物選擇尚算充足，除了有6、7款意粉，還有牛角包，飲品選擇都挺多。餐廳是以自助形式點餐和取餐具。傳聞食物份量頗多，為了不浪費食物，三個人最後點了卡邦尼亞意粉 （$38）和羅勒蕃茄煙肉意粉（$35）和脆炸芝士薯波8件（$28）。食物份量果然像傳聞般非常充足，每一碟意粉都像一座小山般。味道方面未算很令人有驚喜，因為整碟菜式就是以意粉為主，沒有甚麼配菜，例如兩款意粉配菜皆是煙肉，只是意粉汁味道不同，故味道比較單薄，而意粉汁相信是摻和了味精，吃多幾口就會覺得很飽滯。至於小食來說有一點驚喜，薯波挺香脆，芝士味道突出，還吃到薯仔香，不錯！以這個價錢來說食物質素尚算合理的，在租金高昂的香港，願意低成本提供分量充足而味道尚可的食物，這間餐廳算很有誠意，但個人建議可減輕味精的成分，突出食物的鮮味。故若想追求地道美味的意粉，這間餐廳也許不太合適。餐廳空間不大，放滿桌椅後, 走廊通道剩餘空間不多。而且長期有人等位，故不太合適閒聊聚餐。

雖然一早知道份量十分大但我地2個大胃王都點左2客意大利粉 仲叫小食🍝叫意粉餐/其他餐都會附送紅茶一杯意大利粉黎到面前確實好大份 起碼有平時份量2-3倍!!!-香蒜白酒蜆肉炒 ($35)白酒蜆肉意粉比很多蜆肉好多蒜蓉 好香 味道豐富!~~但意粉有D乾身-卡邦尼($38)平鬼黎都唔馬虎!醬汁調味都岩岩好 creamy得黎又唔漏炒出嚟有濃濃的煙肉蒜香味-炸洋蔥圈 ($22)有D淋 唔係好脆 ~ 一般-除咗要位之外 CP值好高! 份量滿足到好多大胃王嘅食慾!

睇網上有人介紹呢間餐廳慕名而來， 因為有我幾鍾意食嘅意粉， 同埋地點都算係鬧市中嘅本地小餐廳， 好想試下。第一樣抵讚嘅係意粉嘅份量真係好大碟， 好似平時係supermarket買嘅一包意粉落曬落去煮咁卡邦尼意粉睇到都知道用料十足， 煙肉，火腿同意粉 的分量都好多， 一碟真係食唔曬 除非好肚餓同埋要慢慢食吞拿魚碎蛋沙律牛角酥配蜜糖薯角牛角酥係好香脆， 但如果再熱返少少味道會更好， 甜甜地嘅薯角好似bbq咁， 同平時一向點茄汁有啲唔同。香脆炸魷魚圈呢個就新鮮熱辣辣嘅感覺， 唔使點醬汁就咁食都ok另外再嗌咗洛神花茶， 尤其係食咁多煎炸油膩嘢， 飲番杯花茶好舒服

呢一間係出曬名"價錢平""大大份" 周圍都有佢既廣告推介即刻同朋友去試下 當然7點幾 門口有幾個錶位 岩曬揸車人士可以黎好好彩我地黎到咁岩有位 泊好車諗住去拎飛門口冇任何指示點解拎飛 點樣排隊~佢地好忙 唔好意思都要問一問見有個員工行黎門口 同佢講聲4個人 佢望一望我 跟住同我講等陣丫!!過左5分鐘 因為佢地好忙 唔夠擔走去問佢係咪要拎飛 我地等~等多2-3分鐘 突然見有個人入去拎住張飛行返出黎 已經知死火!!我忍!!行入去拎飛 個職員態度好差 仲有D反白眼咁問我幾多位?我答完4位佢就寫張紙俾我!!我同朋友係出面等左好耐好耐 已經聽到有唔小人經過門口話呢間野職員態度好串 又等得耐因為平 因為好大碟 都忍!!已經等左2個鐘 有個朋友仲話只要唔係冇得食都算數~果然講完唔夠5分鐘 有個女職員走出黎同我地講 你地4位我真係俾唔到位你佢話佢地冇限人食野時間 所以有好多人食完野坐係到吹水唔走 佢都冇計同我地講唔好意思 叫我地下次先在黎!!!!我朋友唔甘心 叫佢叫d人換一換位就有啦點知佢睇唔睇一下就話盡左力 真係冇位!!我朋友直接入去叫人轉 人地即刻好好人換位因為真係等左好耐 唔希望連食既機會都冇!

💁🏻‍♀️Majesty (深水埗)🍴-上網見到啲人介紹呢間餐廳好勁，咁岩又見佢好近我住果頭，所以星期日就諗住試吓啦，點知⋯都幾伏😖😑本身預左要排隊，但真係排左勁耐，等左差不多9個字先有位，食lunch都變左食下午茶😑😑入到去，七國咁亂，好似玩緊overcooked咁，想要兩杯茶都要問幾次先有，落單又要等🍝 香蒜白酒蛤蜊炒意粉 🍝 （$35）份量就真係多，成座山咁高，但賣相唔太吸引，香蒜味好重，但就真係重手得濟啦，搞到完全食唔到白酒 🍶味，仲要食完勁口渴，不過意粉都炒得幾有咬口嘅。🧀 卡邦尼亞意粉 🧀 ($38)又係一座巨山系面前，但呢個cabonara真係冇咩芝士味，又冇蛋味，淡到好似淨係食意粉咁😵我覺得自己好似煮得仲好過佢💩仲要成碟咁大份，根本食唔曬。打左包返去都唔會想繼續食🤦🏻‍♀️浪費左咁多野，覺得自己好折墮啊😵坐得又唔係特別舒服，啲貨堆到周圍都係，隔離仲要冷氣機滴水，應該唔會想食第二次了💡建議店員系下次客人落order果時可以提醒🔔吓個份量，以免製造咁多廚餘😑📍Majesty (深水埗)#深水 埗福華街15號地舖#小丸子搵食記 #小丸子深水埗-#hkig #hkigfood #h