邁爵斯 (福華街)

營業中

休息中

又是看報紙的介紹，來了這間店，試試小店的意粉。由於已過了午餐時間，所以人不太多。這裡是先俾錢買野食再送餐。點了卡邦尼意粉，和跟餐的紅茶。店內的裝修都幾有特色，對窗有一排櫈可以望到街，坐著喝咖啡可以消磨大半天。意粉到了，由於這裡是自取餐具的，所以店員送完餐後，我又要行多一轉拎餐具，既然送得餐就唔爭在俾埋餐具我啦。意粉真係幾好味，卡邦尼意粉的味道都幾濃，加上30多元大大碟，而家在旺角深水埗都幾難搵到性價比咁高的野食啦。美中不足是跟餐的紅茶，野食到左茶未到，到我食完，飲品都係未到。食到一半已出去問有野飲未，不過當時那個女店員就語氣幾差咁叫我等，同之前幫我落單那個有禮貌的男店員好唔同囉。雖然我杯飲品係跟餐冇加錢，咁俾得錢都係客嘛。我返唔返黎再食，好多時都係睇顧客體驗。就算野食好出色，如果客人感覺不良好，我係唔會反轉頭再食囉。受氣，一次就夠了。希望我今次係odd case啦。

睇完網上推介特登過黎試，雖然係星期五，但夜晚7點半黎到都唔算好full，一入去到就有雙人枱可以坐一坐低就有待應俾menu 我地睇，不過想落單就要自己行去收銀落同比錢。雖然飲品冇優惠，對我黎講有少少貴，不過好好飲！而且啲嘢飲全部都好靚，影黎呃like一流。 前面個杯：薄荷青瓜青檸梳打特飲$26 後面個杯：凍檸蜜 $2510分鐘之後已有第一碟意粉上枱我自己落咗唔少芝士粉，味道黎講普普通通，唔好抱有太大希望，不過個佢個份量都真係值回票價。薯角都好抵食，$20呢個價錢，估唔到佢比左咁多我地，差啲食唔嘥不過薯波就真係唔太推介大家叫，炸到出黎比較乾身

喺石硤尾翻工有個壞處，就係乜都無得食。同事介紹左太子同深水埗中間的小cafe，午餐都係三十幾蚊，絕對無聽錯！仲有杯茶飲下！同快餐店差不多價錢！係窮人或者係糧尾的恩物。同幾個同事叫左兩款意粉share食。首先叫左貴d嘅香辣海鮮意粉，個辣都幾有刺激感，而且無論意粉定係海鮮份量都好多，令人滿足了，照計兩個女仔應該都食得夠飽。另外一味就係香蒜蜆肉炒意粉，香蒜多到好似唔使錢咁！意粉炒得乾身，不過比較多油，呢個價錢絕對係無可抽剔！

小妹同朋友5人行飯聚1.大家可以揀係深水埗或太子走差不多5-10分鐘左右到喇，第一次去有google map唔難搵既2.由於晚上食飯時間較多人，店員都好有禮貌問介唔介意坐bar枱，或者坐住先有位就可以轉一齊坐，我們也不介意坐的3.燈光比較集中在bar枱以後，裝修幾有feel既餐廳4.坐低左即刻有餐牌，擇好去翻收銀位比錢就可以了5.每碟主菜(意粉/牛角酥)都有一杯中size既熱茶，連一向不喜歡茶既小妹都會飲，茶包茶不苦澀易入口6.香蒜白酒蜆肉炒意粉，蒜味較濃郁，蜆肉較多，意粉軟硬適中，一個字正啊7.卡邦尼亞意粉，芝士味重，汁量適中，火腿軟硬適中，唔使落芝士粉都得8.香草吞拿魚螺絲粉拼沙律菜，冷盤黎既，不錯的選擇以上三碟粉類份量多，唔知係咪顧住傾計同風扇吹住，都幾快凍9.最後一擊，水牛芝士煙肉牛角酥可配薯角或沙律菜，我地揀左薯角，牛角酥好鬆脆，薯角小小甜甜地正啊上菜速度快，好味程度有10分之8.5既，份量超大碟女生可以2個人share，男仔自己一碟都飽肚餐具，share小碟，醬料(芝士粉，蕃茄醬)係自助式平價飯聚一流啊，坐得幾闊落既

原本是去馬家莊食午餐, 但另一位同事講起有同事推介此小店, 而這同事對食都有少少要求,所以決定一試!問心講一個餐35至43元包一杯紅茶, 而且份子很大, 基本上足夠一男加一女去食,真係抵食! 香蒜白酒蜆肉意粉---個人認為是最好食的一款! 蜆肉的份量很多, 而香蒜和白酒味道平均配合, 正!香辣海鮮意粉---第一口食就有感受到特出的味道, 這辣度應十分合適愛食辣的人!沙嗲雞柳配滑蛋飯---我沒有試過, 但上司話好食吉豬配滑蛋飯---吉豬可能炸得過了火, 個皮炸得比較硬, 而且肉汁不多! 豬排下面是薯皇, 薯皇炸得香脆好食! 而滑蛋亦煮得不錯, 以43元而言, 算是有誠意之作!跟套送一杯紅茶, 紅茶雖是茶包, 但飲得出不是普通cheap貨!不過小店不像其他餐廳可以加錢更改餐飲! 而單點一杯餐飲要廿幾元, 個人認為小店若能讓客人加錢換餐飲就更好了！另外, 小店環境不錯, 有花上心思! 這裡其實都合適喜歡慢活或拍拖情侶!

呢間野由一年前佢開由冇人食到佢而家上埋新假期今日又過去食 冇他 貪平同近今日又叫外賣 因為實在太多人啦價錢係意粉偏平 其他同出面差冇幾叫左個carbonara 餐跟紅茶 冇得轉特飲唔知係咪多左人黎 店員態度差左我明明叫外賣 佢俾左堂食牌我🤦🏻‍♀️🤦🏻‍♀️搞左一陣 終於轉左外賣Carbonara ($38外賣加$1）份量係十足 但冇乜味可言 煙肉冇煎香過先加落意粉 意粉過淋 完全唔夠醬汁👎🏻👎🏻👎🏻👎🏻

之前嚟咗呢間cafe食晚餐~環境佈置都唔錯, 簡簡單單幾舒服, 不過地點就真係幾隔涉, 由太子站E出口行過去都要起碼十分鐘~不過亦都可能係位置偏遠嘅原因, 食物價錢係幾抵的~ 而服務嚟講就比較一般啦, 因為主要係自助形式, 自助買食物, 拎餐具同水等等, 而且人手都比較不足, 食食下想搵侍應都要等好耐~我要咗碟卡邦尼意粉, $38好大碟, 連我呢個自認大胃王嘅都食剩少少~味道嚟講, 就正正常常啦, 講真未至於好好味, 食多幾啖都覺得有啲鹹, 而且意粉口感都唔太al dente, 但以呢個價錢同份量就已經幾唔錯~又唔洗加一~ 計整體嚟講都真係一間值得支持嘅小店~ 所以下次會再去試吓啲咖啡同小食~

My Order:香蒜白酒蜆肉意粉 ($35)羅勒鮮蕃茄煙肉意粉 ($35)熱焦糖鮮奶咖啡 ($27)熱玫瑰鮮奶咖啡 ($27)本來就是衝著價錢和份量來的，所以味道上就別太認真了 香蒜白酒蜆肉意粉份量很多蜆肉亦給得很大方，很愛濃濃的蒜香味，但意粉味道太咸，吃完會很口渴!羅勒鮮蕃茄煙肉意粉這個是超咸!! 吃一口有點咸到苦的感覺T^T 但就是一整個以量制勝的節奏吧~熱焦糖鮮奶咖啡 咖啡味不夠香也喝不太出有焦糖。熱玫瑰鮮奶咖啡是很真實的「玫瑰」咖啡，一般來說喝玫瑰咖啡只有淡淡的花味。但這裡的玫瑰咖啡，花味極濃，甚至會有苦的葉味! 不太討好=[

晚餐$35一個意粉⁉️😱你無睇錯😱 真係有！其實我想試all day 同玫瑰雞翼😭😭😭 但玫瑰雞翼好似已經停賣左～想搵平野食？ 深水埗一定滿足到你☺️深水埗小店Cafe💕 份量有幾大碟唔洗我講 看圖就會明白了😳當然唔好要求味道有西餐水準 但係調味係ok的🤤 建議跟我咁樣叫 一碟炒 一碟creamy D如果3人食的話叫2碟已經好夠🤣可叫小食☺️洋蔥圈好吃🤤即叫即炸😻真係好有心思的小店，每個意粉會送杯熱茶😆🍝香蒜白酒蜆肉意粉 $35🍝卡邦尼意粉 $38🍟香炸薯條 $15💦洋蔥圈 $22

店面裝修似cafe, 環境舒服。今日中午嚟到，都有不少中學生幫襯。我就叫咗羅勒鮮蕃茄意粉，食意粉會免費配茶。 一嚟到份量係超級多！！意粉堆到好似山咁，意粉上都有唔少蕃茄。味道方面就有啲鹹，中間都要不停飲水，不過咁平嘅價錢都唔好要求咁多啦😂大大碟意粉都只係賣$35, 仲有茶飲，坐得又幾舒服，真係好抵好抵！美中不足就係跟餐唔可以加錢轉咖啡，只可以單買，同埋餐茶係用外賣杯裝，明白可能係唔夠人手洗杯，不過都係有啲唔環保🙈🙈🙈

晚上接近九點睇過openrice先黎到呢間叫Majesty嘅鋪頭雖然openrice上寫住佢閂九月點但我地照報 去到當然係未閂門啦由於九點先去個道街上嘅店鋪都閂晒門條街都比較少人行去到門口佢個門口又比較暗門口又冇燈 差啲miss咗 好唔起眼嘅門面入到去燈光都唔係太明亮嘅我地揀咗個牆邊二人位坐一坐底就有人拎餐牌比我地佢啲意粉都幾平下晚餐食個三十幾蚊意粉係好抵佢又冇加一 比較自助嘅形式餐具都同水都係自助形式拎原本揀咗個雞柳意粉但佢話雞柳賣晒所以唯有轉其他意粉啦佢先黎嘅係香辣海鮮意粉個海鮮意粉好吸味 好入味個香辣味辣得黎帶點甜 好惹味 個調味好好 所以幾好味呀 意粉係啲平料黎 但佢賣三十幾蚊 平料都係正常 但佢好多蜆肉 真係好多 份量都好大碟 海鮮係得蜆好多 少少魷魚圈 得兩隻蝦仔但佢調味真係好食 甜甜酸酸嘅辣 好惹味跟住黎個香蒜白酒意粉岩岩食完個香辣海鮮意粉 比較濃烈嘅味所以頭個幾啖係完全食唔到個香蒜白酒意粉有咩味佢係比較啖嘅 但之後食下食下 其實佢個蒜味都幾濃食完成個口都留有個陣蒜味同埋海鮮意粉一樣啲蜆好多好多好多真係好多 意粉份量都比較多所以我覺得好抵食味道都唔錯 啲蜆比較唔入個蒜味跟

I’ve been here twice now and the food I think is wonderful. Staff are very friendly and helpful and the atmosphere is relaxing. Perfect place if you want a nice little cafe/bistro to go to. I recommend the croissant with cheese and bacon. It’s really tasty.

今日又來深水埗搵食，順便行下電腦商場，就選擇了好近嘅呢間餐廳食西餐去到門口都覺得雖然地方細細簡單裝修都唔錯，特別係深水埗區，去到門口見到餐牌價錢都抵食嘅，就入去試一試羅勒鮮蕃茄煙肉意粉：30幾蚊份量都抵，蕃茄味嘅意粉其實間間西餐都有，不過真係唔係間間都好食，講真這個啲蕃茄味就有啲假，同意粉唔係好混合，意粉我覺得林左少少，不過連埋價錢一齊睇算係咁硯肉炒意粉，賣相真係極之麻麻，味道真係都係麻麻唯一可讚的就是這個全日早餐，份量夠大份，種類都比較多同特別，滑蛋炒得不錯我都明白一分錢一分貨，用料份量其實都夠，如果啲汁同意粉再煮好啲，加返少少錢我都覺得值，店主要繼續努力

這間coffee shop 除了飲品還有食物供應。晚上時段一碟意粉才$30多元份量多而已味道不錯。飲品$20-30也是大大杯。餐廳內環境舒適清潔。唯一問題是老闆娘木無表情一點笑容都冇。

上個月頂更湊姪女，帶佢返學校上暑假班，湊左佢返學之後發現好野，但剛同姪女食左午飯，仲點食得落今日放工去大埔道睇醫生，順路去試下，點解咁有印象?因為好平咯，諗住夜晚貴點，又唔係wow, lunch/dinner一樣，餐牌上食物全日供應比男友傳染有選擇困難症，個All day breakfast 好豐富，就咁決定啦，果然真係好大份同豐富都係$68，已經係全店最貴，男友叫左卡邦尼意粉$35，超級大碟，早知份量咁勁唔叫小食，炸薯角$20一大兜，味道都唔錯，如遲少少入去可能要等位無餐叫，飲品要散叫，都係20幾蚊，又係都幾大杯，感覺好鬼低食