達順辣蟹火鍋 (已易手) 新餐廳

朋友約飯局，打邊爐一定係不二之選，今晚有朋友就提議去呢間新開既火鍋店試下。火鍋湯底有好多選擇，比較特別有藥膳醉雞，香茜皮蛋，四川麻辣，花膠濃湯雞，當然都有清湯，沙嗲等選擇，價錢非常便宜。我們都點了很多東西，但以下的特別深。辣蟹湯鍋得知原來餐廳係知名老字號橋底辣蟹開之後，想都不想就叫辣蟹湯鍋做湯底，一上黎，大大隻蟹以辣椒粒浸住，見到都胃口大開，辣香撲鼻。湯頭充滿蟹的鮮甜，蟹鉗大大隻肉質結實，真係有食緊橋底辣蟹既感覺。東星斑原條東星斑上枱，魚片薄切，再配魚頭魚尾拼成，甚為用心，好似刺身風格一樣。放入湯鍋吸收辣蟹湯，非常惹味。農場雞件一向耳聞農場雞既嫩滑，今日終於可以試到，由於無激素，所以對人體更加健康，果然肉質鮮美結實，皮脆肉嫩香味濃郁。魚皮餃打邊爐必點既魚皮餃，外皮爽脆， 魚肉味鮮， 肉餡結實肉味濃，真係不錯。靚豬皮豬皮蛋白質豐富，放入辣蟹湯入面煮夠時間，一咬，辣蟹汁爆發又爽口。貢丸手打貢丸，口感非常彈牙又多汁。花甲新鮮嫩滑。酸梅汁打邊爐點可以無清涼解滯既酸梅汁，又可以降肝火，簡直係必點。總括而言，在銅鑼灣邊沿的位置可以搵到質素不錯又平既打邊爐，呢間真係好選擇。

前幾天途經銅鑼灣洛克道，發覺一間新開的火鍋店名為'達順辣蟹火鍋'。今天星期日，特意和家人來到此店幫襯，火鍋店交通方便，離地鐵站只是數分鐘的行程， 店鋪地方濶落，予人舒適寧靜的感覺。我們揀選了藥膳醉雞鍋做湯底，湯底有濃郁的藥材和酒的香味，將新鮮嫩滑的雞加入煲滾後，香氣溢出，眾人已急不及待先嘗一碗藥膳雞湯。火鍋食材我們點了美國肥牛，羊肉片，白鱔片，花膠筒，帶子，南瓜片，粟米，皇帝菜，芋頭，油麥菜和鮮淮山。食材甚有水準，尤以美國肥牛最為突出，脂肪分佈均勻，入口嫩滑，我們前後點了三碟。最後火煱店還贈送兩隻燒乳鴿給我們，令我們盡享美味的一餐。

同幾個朋友約食飯，都係打邊爐最合心水。 今次去左呢間新開無耐既火鍋店，整體感覺都唔錯，價錢合理。我地點左花膠雞火鍋湯底，原雞落鍋，都幾鮮幾健康，喝一口湯，發現應該無落鹽，噢！我覺得幾好，味道可以自己調，何況唔會越食越咸。大家點左幾款，食材都幾新鮮，牛肉好香口肉質鮮嫩。鱔片大塊，而且鮮味爽滑。雞子超級大粒，煮完都有咁上下大細，食落過穩，味道唔錯。竹笙都幾大條，而且吸左雞湯汁，勁美味爽呀。鮮帶子好鮮甜，份量都好抵食。點左2種菜都好新鮮，洗得乾淨食得放心。火鍋店環境氣氛都唔錯，而且仲有燒乳鴿送，乳鴿香口皮脆，極惹味。食完一枱火鍋，每人都只係200幾賣單，其實都真心抵，最緊要食材唔錯，服務都幾好，地方又唔會太逼，下次可以再來試下海鮮餐。

上星期經過， 見剛開張， 昨晚放工就約同事一齊試吓間新食店有散叫及$198海鮮粥底火鍋，2個人，就食粥底最驚喜是一坐低就有免費送乳鴿，經理話是新開期內才有送乳鴿係枱面仲有張時間表， 教要煮多少時間請記得， 個餐無水供應， 要叫飲料， 但啲酸梅湯好平， 每勺$28.00, 好抵飲海鮮都好新鮮， 原來呢間之老板係呢條街有幾間海鮮酒家， 所以貨源充足， 都可保証海鮮新鮮👍👍食完海鮮， 還有8款火鍋料食， 其中五花肥牛好正， 記得要點最後到落粥時， 仲有伙記專門幫手整， 啲粥有海鮮味， 好好味， 每人都食咗3小碗呢餐真係食得好飽， 到結帳時才知新張其內至8月底， 有9折優惠，真係超抵食👍👍