達順辣蟹火鍋 (已易手) 新餐廳

作為一個邊爐控，梗係要試盡天下邊爐底，依個店啱啱開冇耐，環境同裝潢都好好，最緊要係有特別既粥底。除此之外廁所好大🤩店員服務都好好。我地就叫左個粥底火鍋套餐$198/每位計，個套餐包好多野，又有海鮮又有肉，超級豐富。*粥底火鍋-粥底好濃好厚既湯底，口感特別，有小小既粥既甜味，完全唔會令人反感似食冇味粥咁，好唔錯。*乳鴿乳鴿好入味，唔洗點醬油已經好出燒烤味，有肉底，令人想食多幾件*粥底火鍋套餐 -肉蟹肉蟹好新鮮又多蟹肉，放人火鍋唔洗煮超級耐就可以食架啦。*鮑魚未諗過有咁厚既鮑魚，值回票價！*蝦蝦新鮮，衛生，多肉，食既時候加少少醬油已經好好味*花甲+大尾魷魚+多寶魚都好新鮮，不過不先，浸住個粥底食唔錯*肥牛肥牛好大片，有少少乾身，都好好味*無花果响螺燉雞湯依個雞湯好補身，好啱失眠既人飲，我個人就飲左好多碗，味道清甜，好飲

星期六都要番工, 放工緊係要好好慰勞下自己啦! 哩間新開既達順應該開左無耐, 早兩個月行過都好似唔覺眼既, 門面幾靚仔, 見到有粥底火鍋幾抵食, 就入去開餐。入到去估唔到佢裝修咁靚, 好多中國風擺設, 而且光猛空間感又大, 即刻覺得無中伏✌店員比左個卡位我地坐好闊落~ 又有介紹下餐牌咁, 仲好快放低左配料盤同豉油比我地~ 望下望下, 發覺除左粥底火鍋好抵之外, 就咁散叫都唔貴喎, 我又唔係太肚餓所以就轉呔散叫啦湯底唔少得而家大熱既藥膳雞同花膠雞鍋, 另外特別d既有辣蟹湯鍋同順德粥底鍋, 今日想食清d所以我地只係揀左最清既芫荽皮蛋鍋落左order之後, 店員話新開張會有乳鴿送✌仲係熱辣辣剛做起架, 正芫荽皮蛋鍋點解一個普通湯底都要特別講下呢! 因為佢真係我食過最足料既芫荽皮蛋鍋, 成個鍋都係芫荽皮蛋同埋馬碲, 開頭店員放低個鍋既時候係好清既一定無用味精水, 煲下煲下真係變左芫荽湯, 勁濃勁香! 重點係❗依個湯底只係10蚊, 10蚊自己去街市買兩札芫荽都無左了, 所以真係勁抵❗中意食清清地同埋食芫荽既朋友識揀啦❤一個咁平既湯底都咁出色, 我相信佢其他湯底都有番咁上下質素。美國桶蠔桶蠔肥美十

相信各位土生土長的香港人都知道灣仔鵝頸橋附近出名有好多以"蟹" 為主題的餐廳食肆吧!今天, 知道開左間新餐廳, 又係食蟹既, 所以就決定同女朋友去試一試, 睇睇佢既虛實!!來到餐廳就發現其實佢個粥底火鍋好抵下!!首先佢而家新開張期間, 每位送半隻乳鴿!!質素好高!! 新鮮炸出黎!!咁我同女朋友就決定叫佢個粥底鍋!咁就先黎左一些蔬菜配料,之後一隻巨蟹 加5款自己選擇的海鮮!咁我地今次就叫左鮑魚,蝦, 大尾魷, 油貝同花甲餐廳好貼心有張卡寫住每種海鮮應該煮既時間, 所以我地就跟住呢個時間去煮!!發現佢獨特既湯底加埋海鮮既鮮味, 令到整件事係好完美!!其實當我地食完海鮮, 上配料既時候, 我地已經好飽既狀態!!最後D配料(肥牛/丸/等等) 我地都冇食晒!!因為要留返個肚去試試粥底!!果然每一啖粥都有好鮮既味道, 好清甜美味!!198一位, 真心唔貴!! 係超值!!食材又新鮮, 坐得又舒服!!真心介紹, 我會再回來食!! 多人更划算, 因為可以食更多唔同既海鮮!

有朋友差我一餐，所以請左我去一間新開的粥底海鮮鍋，坐得幾舒服，價錢吾太貴，吾洗加一，每位$198。玩法：第一部份：預定兩款特選海鮮（肉蟹加沙白）第二部份：海鮮6選5第三部份：30款配料選8款📍乳鴿半隻-新張期內，光顧火鍋每人送半隻乳鴿，肉味濃，質素屬正常水平。📍肉蟹沙白-肉蟹新鮮略為細隻左，但都好蟹肉，沙白正常。📍6選5-選左海蝦、鮑魚、沙白、大尾魷、油貝。-海蝦鮑魚超新鮮，海蝦蝦肉實淨鮮甜，鮑魚一咬即斷開，其他海鮮質素正常。📍配料：配料新鮮份量多。📍海鮮粥-把所有海鮮及配料煮完後再加入粟米、芋頭粒及南瓜粒熬製成終極海鮮粥，有海鮮鮮味又有蔬果的鮮味。📍酸梅湯-$28一大樽，不太甜，濃度剛好。😋味道：7/10💰消費：$210

好鐘意食火鍋平時多數食辛辣湯今次黎試下食粥底火鍋有個好抵食套餐特式鮮味海鮮粥底有肉蟹同沙白仲可以自選多5 款海鮮8款配料上菜前先送隻乳鴿堅驚喜因為係贈送的而且整得好有水準皮脆肉嫩我地選擇左鮑魚，水魷，蜆等等其實份量好多好夠食而且非常新鮮食哂d海鮮時我試一試個粥已經好鮮甜好鮮味真係食唔停口任選八款我地都叫齊左牛肉，雞肉同豬頸肉食完海鮮食肉唔怕唔夠飽而且又係份量夠 新鮮的之後會比南瓜粒同芋頭粒 玉米 同 配菜 你可以放落d粥到整體黎講非常抵食非常好味道 真心要一試

假期周圍去食嘢，去銅鑼灣宜家傢私買傢具，買完去食飯，睇下有乜好食，成條街都係食肆，經過見到門口昵間食海鮮火鍋，198，茶芥加一全免，望見門口圖片好吸引，所以又決定係到食，上到去，環境優雅，座位舒適衞生👍叫了兩位粥底火鍋——-有5款海鮮（6選5➕八款食材(自選項目內）➕送乳鴿一隻乳鴿熱辣辣➕脆卜卜=滋味😘👍未食已經覺得好抵食，食完就更加覺得抵食大大隻包魚、🦐蟹啖啖肉、其他海鮮及食材，大碟新鮮，食完超飽飽粥底又綿又夠味⋯⋯零味精👍✌️酸梅湯——酸梅味道濃郁夠昧道食完仲有生果送👏👏👏👏👏

銅鑼灣橋底辣蟹前小小新開左一間粥底火鍋，as一間新開既餐廳又幾鬼多人食，而且裝修真係幾grand不過係古色古香果隻。食完之後小編真係覺得好鬼抵食，每一位先$198而且係食海鮮wor同埋勁多配料！大家記得唔洗加任何配料，因為呢個套餐呢個set真係已經飽！食之前仲會送每人半隻乳鴿，而且真係好多肉，而且外皮真係脆卜卜，而且調味真係好味！除咗有膏蟹之餘，你地仲可以選五款海鮮。咁我地當晚就揀咗多寶魚、蝦、大尾魷、油貝，鮑魚。佢地真係好鬼貼心，整左一個了leaflet教你地每一個海鮮要煮幾耐，所以大家都唔洗驚因為煮太耐而變得唔新鮮或肉質變硬！呢個粥底火鍋所提供既海鮮，小編真係咁講係香港食過最新鮮。另外，你地仲可以任選八款配料但唔可以repeat，我哋揀咗美國肥牛、墨魚丸、農場雞件、竹笙、蒿筍、鮮淮山，芝士腸，肉眼根。小編以為佢地海鮮新鮮，其他材料可能麻麻地或者份量好小，但點知佢地配料真係好好味，值得一讚係佢地既竹笙，份量真係好多而且好好味。佢地美國肥牛而且唔係舖晒冰果款。我地仲追加魚皮餃，豬頸肉同埋鯪魚滑，真係好好味！食到差唔多最後，佢地會送一個粥心（姐係米）同埋d 芋頭粒、南瓜粒、粟米件。卑你地

最近遍地開花🌼都令小編出多左港島🚶🏼‍♀️今次試左間抵食海鮮粥底火鍋🍲.肉蟹同沙白粥底🦀再揀5款海鮮🐟🦐🦑8款火鍋配料🥬🥕🌶海鮮都係新鮮既👍🏻小編最like厚肉鮑魚同鮮甜大蝦🦐蜆類貝類雖然唔係大大粒🖐🏾勝在係成啖海水咁放入口🌊.火鍋配料正常發揮👨🏼‍🍳仲挑戰左章魚丸黎打邊邊🦑好在唔係平時食開既麵粉章魚丸 而係八爪魚魚蛋🐙食落都幾得意😆.最後再加上芋頭南瓜粟米煮成鮮味粥 將海鮮既精華作結😎飽飽既小編都忍唔住食左兩碗🤫.重點係全set海鮮粥底火鍋都係$198免加一免茶介💰新張期間仲會送贈乳鴿🦆.人均消費：$198推介指數：👅👅👅👅👅👅👅😋(7.5/10) Encore指數：🤙🏻🤙🏻🤙🏻🤙🏻🤙🏻🤙🏻（6/10）

今日和朋友試了一間銅鑼灣新開張的火鍋店，不用等位，裝修算係咁，勝在夠新。最重要係有海鮮食，海鮮雖然不是很大，但好新鮮。湯底有鮑魚，蟹，大蝦。最好食係湯底的蟹，超多肉，肥牛都幾抵，食到勁飽，好抵食。仲有甜品送，不錯不錯。

今晚和朋友到銅鑼灣聚舊，聚舊首選就是火鍋，可以慢慢吃談天說地，我們又不太想吃任食的火鍋，一般任吃的大多是沒有質素，又想試試新餐廳，剛好姐經過駱克道有間順達辣蟹火鍋，門面乾淨企理，見價錢不是太貴，新開張期間還送乳鴿，就決定試去試試。餐牌有個出位粥底火鍋，包2款特選海鮮、5款自選海鮮、8款自選配料、海有3款作海鮮粥的材料，只是$198/位，我相信這個價錢真的非常便宜。肉蟹和沙白都是選定了，還有鮑魚、大蝦、鮮魷、花甲、油貝，美國肥牛、雞件、蟹柳、魚皮餃、炸魚皮、炸魚蛋、豬皮、黃芽白。肉蟹 – 肉蟹肉質相當厚肉、而且份量十足，味道極鮮，沙白有直徑有5-6cm，非常多肉，大蝦又不是平價貨，有一隻筷子長，而且沒有黑頭，鮮蝦味道十足，每款海鮮都有最佳煮熟時間，非常細心。鮑魚也是必吃的口感煙韌彈牙美國肥牛 – 顏色色澤分明，脂肪分佈平均，牛肉味重，不錯！另外就一定要點炸魚蛋，彈牙和非常大粒最後就是煮粥的材料，侍應都非常細心地把每款材料倒進窩內，還把南瓜粒磨爛，令粥底更加香濃，粥帶有多款海鮮、肉類的鮮味，口感味道難以形容。

以前打風收早呀多數都會去唱k或者打麻雀， 今次打風收早，轉左同幾個同事去打邊爐 佢有個餐人少少食其實都幾好，每位計$198，可以有個預算不過我地今日決定散打落order估唔到新開張期間，仲有紅燒乳鴿餸添呀，脆卜卜，正呀😍點咗個花膠濃湯雞鍋， 望到都覺得夠曬胶呀， 打邊爐之前一人有返一碗潤下先😋😋😋飲完湯仲可以食埋d雞先加湯打邊爐新鮮雞子都幾肥美又大粒， 我自己本人就幾鍾意食，不過雞子嘅嘢就見仁見智唔係個個接受到😆趁個湯有少少雞油用嚟淥菜，都幾唔錯，淥完啲菜又嫩又綠，仲可以順手索走左d雞油😆😋唔怕肥既話，咁食菜係最美味架竹笙本身就無乜味，所以用力索湯食又係一流既選擇有菜有肉，就係食魚啦，其實打邊爐都可以打得好健康的帶子同花胶雞湯又係好夾，鮮得泥又有花胶味，正😋

喺橋底辣蟹隔離有間食蟹嘅粥底火鍋，我見都幾多人食就試吓啦，限時兩個半鐘，每位$198，都幾抵。未上火鍋之前，餐廳送咗乳鴿俾我哋，原來新張期內送乳鴿，好驚喜，乳鴿都好多肉好好味。除咗有蟹，仲可以揀五款海鮮，我哋揀咗鮑魚、蝦、大尾魷、油貝、花甲，佢仲有教你最佳食用方法，用幾多時間去煮海鮮。蝦好彈牙；魷魚好腍身不過冇乜味；蟹係佢哋嘅重點當然係最好味啦，好鮮甜。自選八款配料，唔可以重複，我哋揀咗美國肥牛、午餐肉、墨魚丸、炸魚皮、農場雞件、竹笙、蒿筍、豬紅，每一碟份量都好多食到好飽。豬紅係留返食粥嘅時候加埋落去；竹笙吸晒啲湯味好濃好入味；午餐肉同墨魚丸普普通通；炸魚皮都好脆唔錯，雞件好大件同埋好滑；雪花肥牛都好好味。最後有飯仔粥底、芋頭粒、南瓜粒、粟米件去煲粥，雖然已經好飽但係都想試吓，仲有細個送粥嘅脆脆片、香葱、冬菜、豬油渣粒，好飽滿嘅一餐。飲品有凍檸茶，好少打邊爐會飲，我就飲返最普通嘅可樂。

今日又好想食海鮮，於是相約朋友一試鵝頸橋新開的達順辣蟹火鍋。餐廳的闊落舒適。食物的選擇好多完化，可以揀食小菜或者打邊爐。我們見粥底火鍋相當抵食，只是$198一位，於是點了份粥底海鮮火鍋。新張期間還會送上乳鴿，乳鴿肉嫩多汁，非常惹未，用來佐酒一流。餐廳列出了煮海鮮的時間，非常貼心。海鮮送上枱面是非常生猛，當中有肉蟹和沙白，而五款自選海鮮有鮑魚、蝦、花甲等。煮海鮮前先落粟米、南瓜和芋頭熬粥。肉蟹大大隻，吸收了粥底中南瓜和粟米的甜味，更覺鮮甜。鮑魚爽口鮮甜，毫不欺場。海蝦的肉質彈牙，吃得出是新鮮的貨色。貝類鮮甜無沙， 大尾魷厚肉。吃完海鮮還有八款自選配料，想不到餐廳的丸類也很不錯，章魚燒和墨魚燒入口彈牙,有濃郁的海鮮甜味。鮮雞件也是肉味清甜，入口嫩滑。最後待應會加粥到火鍋中，還可以加入脆片冬菜和香蔥等增加香氣。打邊爐最重要的都是火鍋配料，達順的海鮮非常新鮮，價錢相宜，值得推介！

灣仔鵝頸橋附近有好多辣蟹火鍋，今日嚟到呢間達順辣蟹火鍋，本身係真係想食辣蟹， 但見到有個咁抵嘅粥底火鍋，仲有都有蟹食，5款海鮮加8款配料，即刻要試下佢！兩個人座位，坐得舒適。老闆仲送左隻乳鴿俾我地，好脆口好食粥底到左，仲有隻肉蟹，值得一讚係隻蟹已經幫我地分好哂，非常方便食。好多其他餐廳食嘅粥底，隻蟹都要客人自己分體，呢一點非常貼心！全部海鮮上到枱都仲郁緊㗎，好新鮮！隻蟹好多肉，鮮甜，我地食完留返蟹蓋繼續煲粥。不過我覺得其他海鮮更岀色。沙白:多肉，好多肉汁，海水味重啲，夠鮮甜鮑魚:肉質好彈牙，好正，如果有多隻就好 哈哈蝦:肉質爽口唔會淋，蝦嘅鮮甜岀哂嚟大尾魷: 彈牙，但覺得有少少腥油貝: 細隻啲但食落啲肉都好甜花甲: 鮮甜唔會腥，大隻多肉，肉質夠新鮮彈牙其實我地食完啲海鮮都好飽配料個8款我地都係勉強食完，太多了！肥牛有驚喜，必點！重肉味，脂肪分佈平均花膠仔真係好揼本，咁嘅價錢喎，我冇可能有咩要求，食落食得岀唔係個啲扮花膠，必點！農場雞件，唔錯，肉質嫩滑又唔會得嚿肥膏。嗌左兩個菜，後悔了，份量超多，因為簡一款菜已經非常足夠！最後終於食哂啲嘢，可以芋頭粒南瓜粒去煲粥。呢到最後仲要比勁多粥我地

香港人喜愛吃火鍋，無論天寒地凍或是大熱天時都受歡迎，難怪各式各樣的火煱店應運而生，我較喜歡粵式傳統火鍋，最近銅鑼灣洛克道開了一間名為「達順辣蟹火鍋」。此店隨了交通方便，簇新的裝修和寛敞的地方亦是賣點之一，火煱店的枱如擺設過密，令食客坐得不舒服，更好的食材，亦會大打折扣。 由於怕吃辣，所以揀選了藥膳醉雞鍋做湯底。藥材包括龍眼肉，淮山，黨參，紅棗和薑，加入半只嫩滑的雞，煲出來的滋補湯水非常美味可口。火煱食材有嫩滑的美國肥牛，鮮甜味美的帶子和花膠仔，肥美的白鱔片，無羶味的羊肉，蔬菜有鮮嫩的油麥菜和皇帝菜，爽口的鮮淮山，香甜南瓜，最後還奉送香脆嫩滑的乳鴿和清甜西瓜，享用了一餐美味的火鍋。