道頓堀御好燒專門店 (K11購物藝術館) (已結業)

呢間大阪燒出左名咩都自己整 佢配好哂材料 蛋醬 有埋instructions 你只需要做既只係跟住佢整 已經可以整得好靚 好好味 而且如果真係做錯左 鋪頭裡staff 都會過黎提你 我見到有staff 直程幫人即刻燒埋 好貼心要注意係佢有限時 90分鐘 所以又要燒又要傾計影相 可能會趕左小小 我最後上甜品既時候已經夠左鐘 不過佢地話比多5分鐘食埋甜品 真係好趕食物：我同男朋友叫左2人餐 $388 包野飲甜品（轉酒精類每位+$10）2人餐有前菜 煙肉Caesar 沙律煙肉自己燒 覺得無必要加塊肉大阪燒總共燒15分鐘 不過幾好玩我加左年糕 燒完有d 口感（+$20）本身整得唔靚 但加左醬同 沙律醬即刻唔同哂燒牛油帶子（一般）燒牛助肉（好味既 有d 肉 balance 番）廣島燒共實味度都係差唔多 主要多左麵 其實醬都一樣 無咩驚喜最後 甜品雕魚燒 （+$10）其實無咩特別 裡面紅豆蓉 配 雲里拿雪糕 + chocolate sauce 另外 唔洗加錢有 溫里拿/綠茶/芝麻

初次到來的午餐花多眼亂的餐牌最後只點了2款食物，因為接著下場是甜品。御好燒味道其實一早調好，只是最後的調味可以自己控制，且熟的過程可以自己弄，感覺有趣，不會悶，且算是這間餐廳的特色之一。至於餃子，不過不失。

👫次次利親呢間餐廳都見到長長嘅人龍😐，究竟幾時先會過咗個熱潮🤔 為咗唔駛等咁耐，嗰日同朋友仔夜晚6點幾就去咗🤯 點知勁多位，直接就入得😂 聽聞第一次整會樣衰啲，但其中一位朋友仔有去日本學習過點整🇯🇵，整得快靚正，所以我地全程等食😳一一一一一一一一一一一一一一🔻#御好燒#芝士四重奏 <$88>呢個係普通大阪燒嚟，煎到成餅嘢咁🤔材料比較少，整嘅難度都比較低😝為咗影相靚所以淋咗大量燒汁醬、沙律醬等等，搞到成塊嘢得個鹹字，超重口味😥不過芝士份量真係超多，做到勁長嘅拉絲效果☺️🔻#廣島燒#廣島燒 <$98>▫️大量椰菜、麵、豚肉因為有好多材料嘅原因所以好難整🧐不過都難唔到我朋友🖖🏻最難控制係個麵，一唔小心就會燶😫豚肉比較薄，好快就整熟🤨不過味道食落似日式炒麵🖖🏻口味都係偏重，無咩特別😐🔻#文字燒#明太子年糕芝士文字燒 <$88>加咗明太子嘅關係，所以食落去辣辣地，幾香🤤而且年糕煙韌，增加咗口感🤓但整體感覺偏油，要喪飲水😂.🔸後記：·飲品全部都伏，可以唔駛嗌😂·檯邊有USB叉電位，不過記得帶線😆·餐廳無電話訂座，需要walk in排隊☝🏻一一一一一一一一

今日同朋友去完半島酒店個活動後. 去左K11呢間自制大阪燒食晚餐. 由於大家講左好耐都未食. 點都想試一次睇下係咩味道. 我地7點幾到. 已經見好多人等位. 我地係餐廳門口自取拎飛. 果陣叫緊7x號. 我地果張係118..... 好遙遠... 諗住都等下.. 一等等左差不多2個鐘. 係我咁耐以黎第一間等最耐食飯嘅餐廳.. 都明白嘅. 始終每個大阪燒自制嘅時間都需要用到20-30分鐘. 所以基本唔會人流去得好快入左去後. 我地叫左4人套餐. 都好似幾多野食. 我同朋友叫左杯野飲係橙. 檸檬. 柚子梳打水點知..... 見到杯野真係驚訝左一下. 因為全自制先黎泡菜魷魚. 我地好肚餓好快清哂.. 辣辣地都幾好味再黎蕃茄沙律. 酸酸甜甜. 好開胃跟住再黎左個御好燒成品幾靚... 我地好有成功感.. 哈哈再黎蒸蔬菜同炒麵. 仲有個唔知咩燒.. 有兩隻蛋整體上味道好好. 不過全部基本上自己動手. 都幾好玩. 4個人食左6百幾. 價錢都唔算好貴！可以接受. 我朋友帶住bb. 下次話一齊再黎食

店內食物味道還不錯，廣島燒好評，蒜味炒飯也不錯，這兩個好評but，店裡的服務我無法滿意。烤物點了牛舌和牛肋，一開始牛舌被我烤得有些老，於是另一份牛肋拜託服務生幫忙料理，店裡一位年輕女服務生，沒好氣抄起一盤肉通通撥上鐵盤，對我們說了一堆你想吃什麼程度的就怎麼烤咯 自己烤！ 我要是知道怎麼烤我還需要拜託你嗎？ 倒在鐵盤上誰不會啊我只不過不知道什麼時候拿起來啊！真的吃了這麼多店家從來沒有碰到這樣客戶拜託幫忙還臉板板沒好氣的 別家都是主動上來幫忙料理的ok？你覺得不會料理的客人不能來吃飯早說啊我也不會進來啊！店家還收10%服務費？ exm？

第二次呢間餐廳，中午最好，唔使點排隊。最低消$100，通常都會過的。問左店員御好燒同文字燒的分別，原來文字燒煎完都好似糊仔咁，所以御好燒應該會口感好啲。两個女仔叫左一個泡菜豚肉御好燒，上次點雜錦個種，覺得雜錦好食啲。由於我地唔太識燒，唯有不停叫店員過黎幫手。成品冇上次香口，不過味道還是十分不錯，外表可以再煎脆身啲。另外再點左個五花腩，因為已有調味，少少偏咸，不過香口好食。飲品叫左桃味骨膠原燒酌梳打，還好。甜品叫左朱古力pancake, 唔係麥當勞個種口感，可以自己燒得薄啲厚啲，都幾好玩，味道比麥當勞好。整體黎講算食物質素唔錯，如果抽氣機方面做好啲更好，因為食完一身油燒味，久久不散。

今晚同朋友嚟呢間御好燒專門店, 有得玩有得食真心正。 每個都好好食, 可能係自己整嘅關係啦, 下面有相嘅都係我覺得好食嘅。 要提嘅係呢度嘅店員好值得讚, 雖然有曬製作指示又有timer, 但佢見你唔多識整都會伸出援手, 塊板燒焦咗又會幫你摌乾淨無黑面。佢啲食物用料係唔錯, 所以點整都唔會難食得去邊。 所以呢度好岩一班fd一齊來, 我地每人食咗百零蚊, 係等位真係超級超級耐。。。 少啲耐性都唔得, 我地呢晚係等咗超過一個鐘的!

可以自己動手製作大阪燒😍有得玩又可以食 超級過癮🤣店員更會主動幫手的🤪.雜錦廣島燒 $118有八爪魚粒 椰菜絲 炒麵多種材料配上蛋黃醬 海苔 鰹魚碎更覺滋味😋💖可隨自己愛好而選擇🙆🏻‍♀️仿如置身日本🇯🇵一樣☺️富士山燒 $118擺設得像富士山🗻的模樣😇有魷魚鬚 蝦 🦐 鱆魚 雞肉 豚肉多種材料可隨自己愛好而選擇不同醬汁配料🙆🏻‍♀️

上年呢間大阪燒餐廳登陸香港時造成哄動，吹捧到成為當時飲食界潮流，個個都爭住去朝聖。但聽到話排隊排到今年又剩已經冇興趣食，反正唔係特別喜好大阪燒。不過近來偶然機會下終於試過，因為有朋友請食飯，就黎咗呢度食。入到去氣氛好有日本風格，海報座位櫃臺都有陳年日本燒肉居酒屋feel。望下menu其實都唔平，就叫咗個廣島燒同些少小食。基於冇人想動手整個廣島燒，大家都係純粹想食啫，就邀請侍應幫手整，hea住睇佢煎。侍應當然有板有眼，煎到出黎賣相非常吸引。廣島燒入面係加埋拉麵，所以其實都幾夠份量同幾飽肚，咁都算out of expectation的抵食既。最重要係表面個層醬汁同沙律醬係任唧，非常好！

首先叫咗個六人套餐再加299嘅牛扒加飲品。六人套餐，係好食，因為係自己煮。牛扒係靚，同夠 juicy。“送餐侍應“ 態度非常親切有講有笑，反之接待我哋嗰位侍應 (我哋叫佢 “接待侍應“) 態度就完全相反，感覺好似叫你：“有問題咪煩我，自己問題自己解決“。我同班朋友好聲好氣問嗰位 “接待侍應“：請問邊啲食物係應該點煮？佢回應：用自己手機 scan 個教煮卡上嘅 QR Code 就會知道點煮。我哋個個聽到眼都凸埋，已經限我哋時間 (90 分鐘)，仲要我哋自己睇片？。我眼見有兩位侍應直頭幫埋其他客人煮，咁我再問佢：如果我哋真係唔識點煮，可唔可以請嗰啲侍應幫幫手？佢就答：我哋無咁嘅服務喎。佢竟然咁答，咁仲點解要收我哋加一服務費？啲食物係要我哋自己煮喎？問心，妳咩態度對啲客人？我哋識煮就唔使問啦。煮唔熟入晒急症室，係唔係可以隨時同妳公司索償？另外，佢哋有間員工休息室/更衣室。門口有個鞋架擺放所有員工替換嘅鞋，門係 “趟門“ 設計，個 “趟門“ 係長期打開仲係對住食客，咁樣長期打開，請問食客點會食得開心呢？點解可以咁疏忽同唔衛生？結論：只得食物係好。

因為自己都幾鍾意食日本炒麵，而且呢間店係自己炒麵自己食😂。感覺都幾特別，所以就來試下自己既炒工🤣。呢度都幾多人等位，兩三點去都要排成個鐘😓。入到去點完野食就要睇下說明，睇下點炒麵。上菜時就係一堆準備好既材料，之後就根據說明開始炒。炒到對手有啲攰，但見到製成品就好開心😝😋，食既時候加上台上唔同既配料會更好味。雖然自己炒既麵賣相不太靚，因為係自己炒，就算唔係咁好食，都會覺得特別好味🤣。呢度就算係點橙汁，佢都係俾個切開既橙你自己榨😅。簡單啲講，呢度就係提供你想食既野既材料俾你，然後自己搞掂。但我見到有人會叫店員幫手，可能唔想自己郁手就可以叫店員幫手。本人覺得自己炒先有果種樂趣。

第一次經過此店，人龍太長唯有放棄去食拉麵。2個女兒吵吵嚷嚷一定要食，跟她們約下次再試。前幾天又要到該商場，老公5時就去取票，我們順利6時左右入座。第一次做大阪燒，完全摸不著頭腦。桌上鐵板一直開著，實在會擔心好奇的小朋友會受傷⋯ 作為父母要邊兼顧小朋友又要弄食物，實在比較輪盡。由於有小朋友，便點了2份兒童餐，餐內包雪糕，可用以控制小朋友情緒。份量是比正常的少，但第一次來，作為嘗試是好的。建議先詳細閱讀方法，及清楚不同「燒」的分別。一開始我就要請職員幫忙，幸好小妹妹侍應有耐性的教⋯ 但此店的男侍應明顯沒耐性又不友善。得到店員幫忙的第一件成品後，就開始有信心及掌握到如何弄⋯ 另外點了$75的牛肩肉試⋯ 只有小小的5片，牛肉味不足，還是不應該在這裡吃燒肉就這樣每人一份，先醫飽肚子，就開始讓小朋友參與。首先問店員取紙圍裙吧～ 然後讓他們幫忙mix好材料；當然最後還是要家長幫忙一下，便讓他們幫忙倒在鐵板上，幫忙按計時器⋯ 他們已經好開心所以，來這裡還是一個不錯的親子體驗雖然食物其實好一般⋯⋯ 來這裡就是享受DIY體驗吧～

去日本o個陣食過呢間餐廳,所以就算返到香港要排幾耐都要食到!!等左成個鐘頭終於入場~呢度基本上就係大阪燒大阪燒同大阪燒一開波因為有排都未食得,所以叫左個和風冷豆腐同埋豐盛鹽麴椰菜沙律豆腐好滑,醬汁又夾,因為係自己落,所以唔怕太鹹~,由於太好食,我地叫左2round~豐盛鹽麴椰菜沙律份量都唔細,D海草好有咬口,仲有鹹水味,因為有好多蘿蔔絲,所以更爽脆,不過我覺得沙律醬少D都得,宜家太濕了...大家為了鐘意薯仔的我叫了個馬鈴薯來燒~~雖然要燒好耐,但燒完真係好惹味,外面燒燒焦Gei口感係最好食!其實我燒呢D好差,所以跟住D主角都係朋友負責燒~~我最期待係雜錦廣島燒,因為有麵~~呢款麵有咬口有味道,越炒越入味.正!雖然切到我o個度已經散開曬,不過一樣好食,特別係一片片不知名食材,好有鹹香~芝士文字燒係因為芝士控而點,開頭我都無o羊興趣,不過炒完佢非常厚實,仲成塊pizza咁,食欲大大提升!!入口又唔會覺得D芝士好漏,都係多得朋友炒得夠焦~至於野菜豚肉文字燒適合我呢D唔係鐘意重口味gei人啦~雖然佢點都係邪惡,但油膩至中加返D菜,罪疚感都少D嘛~呢度我要提醒各位,千其唔好好似圖示落咁多醬,因為

同事們本身想去試吓的。不過見到門口勁大隻字話有minimum charge, 就多口問個侍應晏晝係咪都照計一百蚊最低消費啦。。。。佢話全日都適用呢個條款。佢有lunch set，但又要加一前叫100蚊以上🤷🏻‍♀️咁佢不如個lunch 定價100蚊啦。黑人問號到爆。🤦🏻‍♀️

最近終於去試左大熱嘅DIY日本燒，當晚係星期五晚上，我同朋友七點前去到攞飛，但見仲有好多張飛先到我地，唯有係附近兜下，結果足足等到九點先有位，肚仔已經非常餓雖然得兩個人，但侍應安排左張大枱俾我地，坐得好闊落。我地點左一個雜錦御好燒同軟芝士厚燒班㦸，飲品就要白桃🍑燒酌骨膠原活乳酸飲料，朋友就叫左壺清酒🍶雜錦御好燒材料有蝦、肉、八爪魚🐙、蛋等等，我地跟住指示同計時器一路倒食材去燒，最後加上醬汁紫菜，過程係幾好玩嘅，大約十分鐘後就有得食。其實個人認為味道似章魚燒，而且我唔太鍾意有薑味，所以覺得一般之後就到軟芝士厚燒班㦸，製法更加簡單，只係將粉漿倒去剪pan焗幾分鐘就食得，再自行配上忌廉或者紅莓🍓，味道唔錯，如果配料可以有更多選擇就好而我點嘅白桃燒酌飲品係粉紅色，有好青春嘅感覺，好適合女仔飲，而且酸酸甜甜好清新，帶有少少酒味唔難入口，仲聲稱有骨膠原成份，各位少女一聽到實會興奮，飲完可能會靚D㗎始終因爲枱枱都係自己整嘢食，餐廳中油煙味比較重，侍應會間唔中過嚟幫手鏟走煎pan上嘅焦黑。雖然我認為食物其實不太特別，但重點係過程有gimmick，幾個朋友可以自己DIY，享受一下煮食嘅樂趣，有興趣可以嚟