道頓堀御好燒專門店 (K11購物藝術館) (已結業)

幾時都話即興約既食飯係最易約朋友一句突然之間好想食大阪燒..跟住就約喇，成件事係快好多今次係朋友發板佢話事～呢間朋友之前食過兩次，講到超好食，而且仲有得自己燒，有得食又有得玩，正啦👉🏿✨肉類雜錦炒麵 Hkd 88 💸📌等位期間見到佢播緊點整個陣已經流晒口水，每張台都會有張紙教你點整，再唔識既都可以問番店員，跟足指示做都好好食🤣人人都可以係大廚！朋友食完仲話要自己係屋企整喎🙄好味得濟超掛住咁話..不過炒麵個陣提提大家可以落多小小個炒麵汁，唔係就會比較淡，最好落到變深啡色就岩入面都有幾多肉，岩我呢啲食肉獸👉🏿✨道頓掘雜錦 Hkd 98 💸📌應該就係大板燒喇，入面咩都有小小，都係跟指示做，最後既重點係沙律醬同紫菜粉，真係幾正下！唯一一樣我唔中意既就係佢入面會有薑到底點解日本人食野咁中意有薑，食唔慣陣味呢⋯⋯👉🏿✨芝士四重奏 Hkd 88 💸📌呢款睇落好似好流咁，點知食落肚係我最愛既一款！入面好似加左薯仔咁，勁似薯蓉呀！再加埋外層燒到脆脆既芝士，簡直一流👉🏿✨豬五花 Hkd 48 💸📌肉類黎講算平，而且係用牛油燒，燒出黎真係寧舍香，好好食👉🏿✨牛五花 Hkd 58 💸📌牛肉睇落份量都多既，不過

雖然平時唔會喺屋企煮飯仔，但一直都好想嚟呢度試下自己整大阪燒，前兩日終於約咗朋友嚟玩店內環境乾淨舒服，食物方面有唔少選擇，我地揀咗二人餐。好欣賞食店將製作步驟同注意事項寫哂出嚟提醒食客，唔單止圖文並茂，仲有埋短片教學，真係好細心！我地首先整咗比較易既鐵板燒，個夾好易控制完全冇難度因為肚餓既關係，整完之後即刻食咗先，帶子大大粒，不過d肉有少少過熟，下次可以早d夾上嚟。食完就開始整御好燒喇，我地揀咗最經典嗰款道頓堀雜錦御好燒，落鐵板前要先將材料混合好。落咗鐵板之後就係一直等、翻轉，再等、再翻轉，繼續等、繼續翻轉，等既時間係五分鐘左右，重覆三次之後落埋醬汁同海苔仲有鰹魚就食得，成功！而廣島燒既材料多d，做法亦就複雜少少，除咗要整個燒餅之外仲要炒麵，咁高難度既野主要係朋友負責整，我負責等食做到呢個步驟已經將燒餅同麵放埋一齊，落埋醬汁就有得食。一落醬汁就香氣四溢，令人食指大動！二人餐對兩個女仔嚟講份量稍為多，不過因為成個過程都係自己整，所以食既時候覺得得別滋味、滿足最後食埋甜品--芝麻雪糕，為晚餐畫上圓滿既句號。

食左一餐前所未有咁大壓力嘅一餐等左成一個鐘，但係全程受壓咁樣食左90分鐘，真係唔明點解要花時間去等咁耐簡單材料，要自己撈勻，名正言順嘅自己煮自己食。其實食物唔差，不過同時間又係啲好簡單嘅材料，唔會難食得去邊。但係全餐都係自己整，唔會有人幫手。佢有所謂嘅教學，不過就算跟住整都係會整燶，因為塊板一直heat住，三個人要煮三樣嘢，又唔會幫你洗一洗個板，真係覺得好奇怪佢側邊有個計時器俾你計住每面要幾分鐘。煮燶左個鐵板根本無得洗洗再整，真係有啲離譜第一份都煎得幾順利，不過發覺煎完之後，個爐係唔會幫你熄，一直慶住，一路食一路熱好辛苦第2樣炒麵，好快就要趕住煮趕住食，因為個店員會不段走過黎同你講你仲有幾多時間煮到第3樣其實已經燶晒，塊板無人會幫你去處理，爆左都唯有照食第4樣係被迫要嗌，因為佢哩度原來有minimum charge，趕住你食不特止，仲一定要嗌好多，其實3個人每人嗌一碟都好合理，要我嗌多一碟，難道細食嘅人就唔適合喺度食？照足佢時間做，都係燶，我覺得真係因為佢地唔肯熄左個爐，又唔肯抹，咁樣一直燒住90分鐘，真係唔燶就奇。同左佢地店員講，隨左淨係不斷同我地倒數仲有幾多分鐘外，真係幫都無幫過手

呢間賣點係落手落腳整的大阪燒、御好燒、廣島燒、文字燒，款款都有，種類好多，感覺很正宗。講真食之前都唔知各款有咩分別，研究餐牌都搞左好耐，到野食黎到，落手落腳去煮，但因為點左唔同款式，大阪燒、御好燒、廣島燒、文字燒的煮法都有唔同，佢有詳細說明書解釋，睇都好花時間。本身煮O個part係最好玩，可惜得O個1.5小時，點完餐、睇晒說明得黎，得返好少時間，要拿拿林煮同食，講真實在唔太enjoy到，可惜。食物方面，廣島燒同大阪燒味道好好，仲有好多調味料如紫菜粉、醬油俾你加。但另外單點的雞肉就有少少「鞋」。呢間野成日都好爆，妹試過兩次黎都因為等太耐而等唔到。而今之，我地特登倒塔咁早5:30pm去到，因為想同媽媽食生日飯，結果佢真係俾我地即入，但5人坐4人枱，勁逼（食材好大份，根本放唔晒），加上只限1.5小時，食到趕頭趕命又坐得唔舒服。

因為香港冇得整大阪燒,所以每次去親日本我都會去整,宜家已經唔使一定要去日本整啦, 之前聽朋友介紹呢間可以自己整大阪燒,所以一到假期我就立即去試,呢度真係超多人排隊,好彩我早咗嚟,但都要等咗一個鐘,雖然係耐咗啲,但出面有個電視教點樣去整大阪燒,廣島燒,文字燒,雜錦炒麵等等,所以都唔算等得好悶,入到去我哋立即order一份大阪燒同雜錦炒麵,因為我哋之前係日本都整過幾次,同埋睇咗成個鐘頭嘅片,加上枱上面有製作方法,所以知道首先要放啲乜嘢材料整先,之後再加啲乜材料落去再炒過,最後審啲海苔目魚等等,咁就完成咗我哋嘅自家製大阪燒同雜錦炒麵啦!! 完全冇難度!!可能係自己整嘅關係,覺得特別好味!!我哋再order多一杯啤酒,一邊食一邊飲真係好爽!!

之前經過K11 已經好想試，但次次門口都人山人海，排隊都要等好耐，難得朋友早收，終於下定決心試。今次可能早去嘅關係，只係等左大約半個鐘，好快就可以入到去。餐廳嘅裝修好有日本特色，我啲朋友都要打卡。我哋七個人點咗六人餐，然後每人點左一杯特飲，上菜速度好快，眨眼嘢食已經放滿全枱。前菜有兩種唔同嘅沙律，仲有一個蒸野菜，由於呢間餐廳係DIY, 其他鐵板燒同御好燒材料都要我哋自己整,鐵板燒嘅材料比較簡單，只要放油煎下，等一陣就可以食，豬腩肉、牛肋肉、牛油帶子都好新鮮，美中不足係分量較少。黎到重頭戲鐵板燒，分別有芝士四重奏御好燒、雜錦御好燒、廣島燒同炒麵，我哋根據餐廳嘅煮食指示，逐樣材料放落去整，大家輪流煮下，所有鐵板燒味道都唔錯，而且可以根據不同口味加醬汁調味。大家邊煮邊傾計，氣氛非常好。我個人最鍾意係芝士四重奏，味道香濃。除此之外，大家就算好少下廚亦唔需要擔心睇唔明煮食指示，呢間餐廳嘅員工非常熟悉各種鐵板燒嘅煮法，大家可以問下佢地，而且餐廳更提供QR code短片，俾大家可以參考，非常貼心。整體而言，呢間餐廳值得推介，尤其是朋友聚會，雖然排隊嘅時間可能比較長，但係餐廳無限時，大家入到去可以慢慢

一直都唔記得打食評，話說呢餐係上個月去食既咁因爲打電話去既時候Full booking，當時就選擇walk in，等左10分鐘就大入坐啦一睇到個menu 都唔知點order好，好彩有個服務生主動上前同我地逐一介紹就聽個服務生講，同男朋友叫左個2人套餐個前菜就係自己燒既煙肉加凱撒沙律，唔錯之後材料就慢慢陸續送上男朋友點左個廣島燒（有炒麵做底），而我就點左個芝士御好燒 （最鐘意芝士）下面呢個就係男朋友幫我燒既芝士御好燒唔係好似廣島燒咁厚既，但對女仔泥講一塊都好飽。有芝士真係正上加正，仲有拉絲口感好好男朋友既廣島燒就幾有層次，有蛋，有麵，有肉，有蝦🦐同魷魚。雖然燒得唔太完整，但自己燒都燒得唔錯，一塊其實都已經好飽最後仲有得燒牛肉同牛油扇貝男朋友話牛肉太薄，所以食唔太出味但我地都覺得個牛油扇貝燒得好香，好味，但就唔記得影相😂😂 最後最後，同男朋友一人一個抹茶雪糕，似係Häagen-Dazs抹茶口味總括而言，係一個好好既體驗，可以自己試下燒下，又好挽又好味，仲好飽Tim

之前的長龍店，要排幾小時才能吃頓飯，無論有多好吃也不值，現在因為分店多了終於有機會即興一嘗。店內環境有驚喜，日本風的高天花掛著燈籠，排得不太密的枱，兩個人入座也是四人位子，十分寬敞舒服。先點了大阪燒和廣島燒各一。大阪燒做法較簡單，只是把那碗材料拌好就可以開始燒，每桌都有計時器可用。廣島燒步驟較多，又要炒麵很繁忙。我們有點傻同時間燒兩個，它們又差不多時間做起，結果要忙著吃，哈哈～大阪燒未拌前，個人喜歡少點紅薑味。某人好像很喜歡拉花🤣吃完覺得不夠，又點了芝士文字燒。以前在日本吃，師傅會先燒一片香香的薄脆，不過自己做沒甚講究，也是熟了就吃便好😝 個人挺喜歡文字燒用小平匙挖來吃的感覺，這個芝士味能吃得出。我們也有點牛肋肉和生啤，肉不錯吃。食物方面質素味道不錯；入店限時90分鐘，真的只夠煮和吃，不夠暢談，好像有點失去圍著燒的真義... 很多店鋪來到香港就只有形而失卻了靈魂，有點可惜。原來這店跟日牛涮涮鍋同屬和心集團，之前我們申請了會員，有一張滿300減150的券，十分划算，如果間中會光顧這集團，一定要加入。（記憶中優惠可以即申請即用好抵）

啲雨由朝落到晚⛈真係好長氣💨💨💨 成個假期想行遠啲都唔得😑 好在今日有朋友想去「道頓堀御好燒」食大板燒，小秘書 終於有嘢玩😆 夾好哂時間，避開啲繁忙時段，我哋成功六點攞到位✌🏻笨手笨腳嘅我，每次都搞到好頻能🤪 究竟係落油先、定落料先... 👉🏻👈🏻 不過今日都唔失禮，一手一腳煎咗個「御好燒」、「帶子」仲有「牛肋肉」🙌🏻🙌🏻 不過去到整「廣島燒... 即係加埋啲炒麵落去果隻大板燒」呀，就認真考起我🧐 最終都要搵侍應幫手☺️ 可能有份出力，啲嘢覺得特別好食😄 係呢？要唔要約埋小秘書 下次整比大家試吓呀？😆

有去過大阪的人相信也有吃過大板燒，這家大阪燒專門店除了提供大板燒之外。他們的賣點是讓客人自行理料大阪燒。我點了一客厚切豬肉大板燒和一客蒸野菜。當大板燒送上時，我們只需要按餐牌上的指示，慢慢拌勻材理和粉漿。最後倒入預熱的鐵板上。經過十多分鐘的烹調後，倒入預先準備好的醬汁和沙律醬。一客大板燒便完成了。大阪燒的味道不錯，整餐晚飯的樂趣除了有美味的食物外，更可以享受DIY大阪燒的樂趣。此外，蒸野菜更是沒有添加任何調味料，完完整整把蔬菜的味道展示出來，更可以中和一下口味較重的大阪燒醬汁，實屬不錯。

今次去左K11呢間食大板燒既餐廳，由於無訂位，walk-in排隊大排長龍，可能好多人見到要等咁多個都無等走左，號碼叫得好快等左一個鐘左右就到我地，我地點左個兩人套餐。前菜係煙肉凱薩沙津，煙肉係自己燒，生菜都好新鮮，連唔係好食沙津既我都覺得幾好食。御好燒，有哂教學教你到底點樣整，睇完之後我地跟住步驟就開始自己整啦，煎5分鐘就要轉一次，3次之後就完成喇，係咪幾成功呢，原來都幾易，賣相都唔差，食落都覺得幾好食。牛肋骨唔算太香牛肉味，不過都幾軟，都ok。牛油帶子廣島燒，好似同御好燒差不多味，但多左炒麵，份量都幾多。整體黎講都唔錯，又有得自己燒下野食，算係比較特別，下次黎可以試下叫其他野食。

今晚約左墨丸米－行四人食飯，她已經打電話訂好位了，所以我地不用㯲飛仔等位，實在太好了眼見已有好多人等位，不然有排等！不過這餐廳規矩要過半數人才可入座，而且又有用餐時限90分鐘。我地全部人都係第一次食，所以完全沒有大阪燒經驗，基於有用餐時限，我地好快決定點四人分享套餐＄588（有加一），橫店都唔識點不要再浪費時間好彩上菜速度都算快，但那些什麼廣島燒御好燒唔識分，每種煮法又唔同，於是問下店員應該從何入手，點知店員話有個牌教點煮，然後便行開了。其實我地都見到個牌，但我地完全無煮野經驗，睇完對我地來說有點難唔太明我地初初都有研究點煮，可惜得90分鐘時限，研究完再煮又食唔切於是後尾都係憑感覺煮熟就算，後來才知道店員會幫忙煮的，點解見到我地煮到不似樣都無店員來幫忙嘅？所以後來我地食得又急又趕，唔知自己食左咩落肚！四人分享套餐包前菜三款，有枝豆，和風蕃茄沙律及野菜蒸，野菜蒸放上鐵板蒸，但我地由開始蒸到食完，那些野菜都好硬，唔淋完全食唔到廣島燒有椰菜，豚肉同麵。四人分量來說豚肉比較少，麵質比較硬。肉類雜錦炒麵初時以為廣島燒的麵炒得不夠時間，所以今次將這個麵炒耐點，怎料也是比較硬4人份量來說肉類份量也是

日本菜除咗壽司之外，最出名一定係大阪燒！喺網上面見到呢間係尖沙咀嘅餐廳有得自製大阪燒，覺得好有趣，可以嘗試吓做大廚嘅感覺！餐廳嘅裝修好有日本風味，店員一如以往會用日文向你打招呼！餐牌嘅選擇有好多，連大阪燒都有好多種配搭。我哋最後揀咗厚切豬肉大阪燒，加咗芝士，唔知係咪因為係自己整出嚟嘅，所以覺得好好食，個樣同出邊賣嘅大阪燒都有九成似啊！厚切豬肉大阪燒材料加芝士厚切豬肉大阪燒半製成品厚切豬肉大阪燒 終於完成啦！除咗大阪燒之外，我哋仲叫咗蛋包炒麵，睇佢條片好似好容易整咁，點知自己一整嘅時候就炒到爛晒，但係都係好好食嘅！蛋包炒麵材料荔枝梳打，巨峰提子梳打食飽飽飲下佢啲梳打可以refresh一下下喔~總括來講，所有食物嘅份量都好充足，價錢亦都好合理，如果大家都想做大阪燒師傅，記得要來呢間餐廳試吓啦！

是緣試過等左3粒鐘都入唔到去食,今次諗住1個人實無死啦, 又唔多人等緊，前面得幾個，都等左差唔多半粒鐘，跟住又搞錯左睇戲時間。所以睇戲又遲左omg一個人的浪漫，唉。跟住急急忙忙叫左個文字燒，隔離pair情侶成日望過黎，咁一個人食大板燒好有問題咩。深夜食堂個阿叔都係咁啦。言歸正傳，不太建議叫文字燒，因為個醬粉係稀既，唔好叫錯，叫番大板燒個樣個啲就最好。btw, 差啲燒焦 😅😅

這間餐廳朋友好想試 我地一早知道要等好耐 所以6點鐘就去拎定飛 最後都等左差唔多兩個鐘 但因為係商場入面 行住街等都可以接受 如果係室外就好辛苦我地一行五人 叫左個4人餐 另外叫多左兩個牛油帶子同奄列炒面 發現最好味的奄列炒面 廣島燒就普普通通其實食到中段 發現樣樣食物味道好似差唔多 😂😂😂 同埋可能大部份都要落好多醬 食到尾段都覺得好滯服務 唔錯 店員見你攪唔掂都會主動幫手 但如果要等咁耐 就唔會有下次 或者等熱湖減退先 😂😂