道頓堀御好燒專門店 (K11購物藝術館) (已結業)

過時過節說梗係多活動，今年就同朋友來了這間店，朋友仔傾下計，又有得玩又有得食，整得靚唔靚都好大家都笑下笑下，係玩得開心的，味道當然都唔會唔好～雖然味道同出面其他店的都差不多，但其實都不錯（始終叫有得玩下）班cake都有得自己友落手落腳玩下！係幾好玩，回憶都增加唔少啦～唯獨係等位的時間比較長（45分鍾至1小時）所以去試也要留意下啦～～店員好貼心會給你圍裙以防整污糟店員態度都不錯啊～～如果想挑戰下手藝，玩有麵的燒餅（係咪廣島燒？）就挑戰性較高了～

趁未開學前帶小朋友嚟玩自制大阪燒，午餐時間唔算多人，只係等咗半小時左右就入得去入到去已經聞到勁香嘅燒餅味道❤，全部人都笑住係咁煎炒好開心！坐底後會每人派一條即棄圍裙，枱面已經有餐牌同埋有張煮食方法放響度俾大家參考我哋未點嘢食已經好型咁個個戴起條煮食圍裙，小朋友更加興奮，因為知道一陣會自己親手整大阪燒！我哋4個人嗌咗廣島燒同奄列炒麵，同埋嗌咗2個兒童餐，兒童餐係12歲以下就可以嗌得！首先嚟係兒童餐，份量唔細，小朋友好落力攪拌啲材料，再慢慢驚驚青青咁倒落去鐵板上面，其實都幾好玩嘅當我哋好興奮咁玩緊第一份兒童餐時，其餘嘅餐不斷送嚟，但其實我哋嘅枱面根本放唔落，因為鐵板響中間，周圍四邊係好窄，所以放哂啲餐嚟嘅時候係好混亂，我建議大家如果一家人嚟，唔好一次過嗌幾份餐，最好每次嗌一至兩份餐就得，情願食完再嗌，因為佢哋送餐好快，所以絕對夠時間俾大家一路燒一路食嘅！味道方面，其實同平時買嗰啲係一樣，無太大分別，分別只係自己整嘅外觀肉酸啲囉

又一增磅活動今次約左2位😈，又3個人食4人餐餐廳可以揀自己diy定由侍應代勞4人餐前菜。冷蕃茄，作為一個醬怪，多d麻醬會好味d。暖枝豆，正常味熱盤。富士山燒我地搵左侍應代勞，先炒配料，有蘿白容，椰菜，有海鮮，炒香後，配埋粉漿一齊煎香。5分鐘後反面，再5分鐘後反多次，再5分鐘，共15分鐘後。係面加上海苔粉，鰹魚粉，同沙律醬，煎餅醬，大功告成，食得😋😋😋。廣島燒今次等我大照身手，自己黎，其實同富士山燒做法差不多，只係先落粉漿，之後再落配料，另外炒埋個麵，又反下炒下咁。堆埋一齊。記得最後要加勁多海苔粉，鰹魚粉，同沙律醬，煎餅醬。。。醬怪的我，覺得咁樣好味好多😈😈😈😈。炒面因為廣島燒到，都有炒麵，所以我覺得可以轉下個餐牌，可以轉下炒飯或者燒飯團，咁就可以唔洗咁重復，可以有多次嘗試。。。又或者餐廳想客叫多幾樣野，所以比2樣炒麵😛😛😛😛。。。繼續係熱盤🐮🐮燒牛肉以為唔係主打，就比野，但估錯了，燒牛肉好多汁，好好味，我覺得好味過d燒餅🤣🤣🤣妹仔大過主人婆🤣🤣。。蒸什菜南瓜同旺菜超甜，係一大堆肉食同澱粉質，有d菜清下，可以減低d油膩感👍🏻👍🏻。。泡菜魷魚e個都要讚，d魷魚好爽口，泡菜的酸辣度又啱啱好

日本"道頓堀御好燒專門店"登陸K11後，所以就想去朝聖， 之前試過打電話查詢訂座, 店員說Booking已排到2018年1月! 於是決定收早去排隊。6點前到人流不多，可以直接入座，可惜我地未齊人，所以又要一等再等，換來多於一小時的等候時間。一入座就聽到：滋滋鐵板聲效！燒店 樓底頗高，掛上紅燈籠，木製的椅桌，具大阪地道風味。餐牌多選擇，另有御好燒教學。個位對住塊鐵板，可以自己做大廚～旁邊有油同調味，可依個人口味來調味。芝士飯團：飯需煎2分鐘後淋上醬汁及芝士，其實整到好樣衰，味道一般般，個人覺醬汁味道偏咸，沒有芝士味海鮮及年糕大阪燒：原材料咁上枱, 只係需要將佢攪混, 落油倒落去, SIZE大約係一個10CM直徑既圓形。之後系每邊等佢燒5分鐘，最後加醬汁, 沙律醬紫菜粉同樫魚粉就攪掂! 其製成品賣相不錯，味道還好，粉比例不錯。平面就係一PAT粉咁, 味道同日本食到既差不多吧, 個汁好濃味，不要太重手，否則會好咸廣島燒，因為有大板燒同炒麵，其份量好足。食材： d蛋黃醬、海苔粉、鰹魚.....其實呢個叫左員手幫手整而成，因為之前的失敗=.=賣相的確唔錯呢！新鮮、好玩，是一個難忘的體驗啊 ，仲可

話說又係係facebook見到好多人講呢間野，但新屎坑頭幾個月都排隊排到傻，所以呢日見到無乜人等位，就拎左飛等位。6點半拎飛，見3張枱，以為好快得，都等左差不多30分鐘，因為枱唔算多，同埋2人都係4人枱，所以都等左陣。兩個人叫左兩份野，廣島燒同燒飯團。廣島燒個份量其實都幾多下, 女仔如果一人一份未必會食得曬張枱到會有唔同燒既教學~ 可以跟住做又或者請教果到既人, 佢地都幾樂意幫你, 可能驚你整衰左OR唔好食投訴掛LOL雖然望住教學整~都有D甩甩地但最後救返~~~ 都幾靚呀!跟住食埋個飯團, 其實呢個無乜特別, 可以唔洗試...整體黎講都幾好玩既, 但係咪值得排咁耐同咁貴食一份廣島燒真係見仁見智....

這是需要時間的一間餐廳是咁的有人無啦啦約食飯又話唔知食咩我無啦啦就揀左尖沙咀又無啦啦夜左放工所以有人無啦啦行住街等我時間 1 - 拎飛等位時間由於食店沒有限時限刻所以要等幾耐係無人知嘅So far 我地等左 1個鐘多少少就到其間係好緊張的因為你永遠唔會知拎左飛嘅人會唔會出現時間 2 - 等食時間由於只得我有 1次咁大把而又唔知正唔正確嘅經驗所以落完料都係要等不過放心，店方好有大家心圖文並茂的列出教大家點整先黎簡單d嘅飯團同拉麵大阪燒飯團最後係有少少失敗因為......有人落得太多汁了好咸個拉麵大阪燒反而好好多加埋個醬簡直接近prefec池最後仲有個廣島燒有左第一個大阪燒嘅經驗之後我地決定整2個細嘅廣島燒好成功啊個故事教訓我地做人真係唔好太貪心太貪心有時未必會 afford 得到嘅時間 3 - 暢聚時間出黎食飯唔止食咁簡單係要出黎聚下嘅傾下玩下笑下又一晚

大阪燒或者廣島燒或者文字燒都好，香港都無咩地方食到，呢間開左幾個月，終於黎試到。講真一句，全程DIY，好唔好食真係睇自己，但佢用料Ok係事實，門口有晒片教你整，入坐後又有圖文並茂，其實唔難整，我第一次整都算有版有眼。況且自己煮既又特別覺得好食，亦都好有滿足感。如果成班朋友，一邊燒，一邊飲野吹水，又有一番樂趣，只係得90分鐘，又真係唔多夠咁。今次試左道頓堀雜錦御好燒，同廣島燒，係幾好食。都係個句，啱自己口味，又有自己整既樂趣，係個特別既體驗

朋友突然話想黎呢間食.. 咁岩我呢個月冇返工. 所以就係同朋友聚舊既好時間!朋友做空姐, 所以2個人冇所事事都可以避開PEAK HOUR 去食飯~~~唔駛同人迫好爽呀真係~~我地2:30 先黎到..得2-3台人~正啦~~任我玩~我地叫左豪華文字燒$108同埋豪華7品$108~咁就唔洗打交啦~巨峰SOUR$32~點都要揀返杯紫色野飲~戲肉黎喇..係冇人教我地整既... 我地張台都冇個張教學紙..FREE STYLE呀~~~~我最愛~WKAKKAKA最後.. 咪就係完成~~~ 呵呵~~~唔洗驚唔熟GA~~乜都掉哂落去就得GA LA~應該佢地已SET 好哂個火...又唔會燶GA WOR! 好放心!

話說當知道有得自己動手燒餅就覺得好吸引，點都要試返次，結果我地就由5月booking等到11月終於有得試頸都長當晚6點半去到，等左大約10mins就入座，限時1半鐘我地首先點左1份廣島燒及1份道頓堀豪華文字燒首先登場係文字燒，有份menu教我地點燒，看圖識字，我地落左料燒左陣發現點解好似無咩反應既，侍應走埋黎同我地講原來個鐵板熄左，要等待爐溫升返去190度先可以開始等等等....終於升返上190度，重新再開始個文字燒燒完出黎個賣相好差，可能我地燒得唔好，燒完成pat野同縮左水咁好在d配料好食，但我唔太推介文字燒第二登場係廣島燒，呢個係最好玩同好食既整呢個既step比起文字燒要多，要煎菜&肉，煎蛋同埋麵，加上有侍應幫&教我地煎，整完出黎個賣相都好得同埋本身醬汁係酸酸甜甜食完好開胃，加上有麵食完都會飽肚d食完兩個燒之後，仲係未夠喉，咁要叫返個甜品先得叫左個朱古力pancake，雖然煎到大大細細，但個pancake個漿開得好，煎完好好食唔落朱古力cream都一樣咁好食環境方面都坐得幾舒適，但對住鐵板難免會覺得有點點熱服務方面十分好，侍應見到你搞唔掂都會主動幫手最後total3百幾蚊賣單，價錢

呢期好似好興自己燒嘢食咁所以又特登來呢度食啦去到時間係9:15pm同個服務員講兩位佢諗都無諗就已經reject我哋話今日已經無得食啦叫我地走我話呢度寫住（ Counter )最後order時間呢係10點半而最後入座時間呢就係10點鐘佢就話入去問下先一出返嚟佢又話有得食囉叫我地等等有人結帳就比我地入去吹脹左lol等左一陣終於坐到入去下睇吓有咩食先點知呢就發現咗件事秋季期間限定嘅章魚燒同Menu入邊嗰個章魚燒價錢有分別差價係＄20咁就問下服務員有啲咩分別啦個服務員就話秋季限定呢就係冇雞蛋嘩咁特別嘅呢間餐廳個嘢食少咗一個材料仲要貴啲喎R晒頭所以我都係叫返普通嘅章魚燒自己燒其實係幾開心嘅都似模似樣架燒燒下發現有啲怪怪地點解個知道冇咗啲黑胡椒同個醬嘅呢原來服務員搞錯左炒咗嘅呢個知豆係好好味架大家試吓啦叫咗個白桃骨膠原梳打最後食埋個甜品就好飽啦我明白食呢啲嘢需時...如果啲服務員一開始唔係咁樣成餐飯應該都幾圓滿

一直都想試，但次次都成村人排隊，就放棄算。今次決定拎飛，睇下有咩特別之處而要人等咁耐時間。拎飛時間是18:58，到21:30先有得入座。好啦，等成兩粒半鐘，終於有得開始食。嘩，簡直amazing: 🙄🙄🙄第一，杯梅酒唔知溝左乜野，勁難飲。第二，個芝士飯團，散既，都唔知點燒。第三，說是健康之選既鐵板雜菜，又係難食既。等左150分鐘，原來質素係........ （下刪三萬字）🙄🙄唯一可取既，係佢地服務員的態度都好。

黎到呢間餐廳食相信真係要選擇weekday下午食先係明智的決定。曾經試過打電話book位，發現想預約1個月的位都好困難。店員只會回答最快係半年後。希望分店開多左，就俾多d人嘗試到呢個有得玩有得食的餐廳啦。美味remark當然要試下呢個廣島燒啦。枱上都有張好貼心的教學，教我地每個step點樣做，簡單易明。過程當然係好論盡啦，好緊張做每個step啦。一到要反的時間，總係會飛d野出黎。當然整出黎同想像中不同啦。不過過程好好玩，一齊嘻嘻哈哈咁。自己努力的成果當然美味啦。分量都算足夠，如果2個人想又食廣島燒又食甜品，各點一個已經好飽飽。Pancake 都不錯，好有蛋香味。加上有埋士多啤梨的配襯，冷熱的口感好特別。可惜又係貪玩，所以整到每塊都不同大細。

以前睇漫畫見得多, 一直好想知御好燒係點, 結果朋友帶我黎食, 終於滿足我好奇心.一放工即刻去拎票攞位, 未到6點半都已經排成十幾人, 等到差唔多7點可以入去.第一次食咩都想玩下, 2個人叫3份御好燒, 分別係廣島燒, 蒜頭豚肉御好燒和芝士??重奏.枱面有指引教點樣樣製作, 一邊摸索一邊整, 食落都覺得好味啲.首先挑戰廣島燒, 第1次唔敢用晒麵糊, 結果包唔晒露左啲炒麵出黎.再黎芝士??重奏(唔記得正確名稱...)算係最易整, 將材料攪拌後放在鐵板煎, 成形唔難.最後蒜頭豚肉御好燒, 同樓上一樣好容易整好,但前2次放太多燒汁, 甜得滯, 第3次唔敢再加太多,另外, 蒜頭好味, 但食完口氣好重.隔離枱索性搵職員整埋, 雖然整得靚, 但都唔及親手整好食(玩)

之前去大阪食過大阪燒已經覺得好正，因為嗰次係可以自己親手燒，幾好玩。喺openrice見到呢間高居榜上的人氣大阪燒店同樣都可以自己燒，睇落好吸引！見到食評話booking已排到幾個月後，所以把心一橫去walkin等位算，估唔到未到6點已經有好多人排緊，拎左飛要等大概四十幾五十張，最後等左兩個幾鐘先有得入，不過我諗平日去會好好多既。佢有個教學圖畀我地自學自燒，基本上店員都唔會點幫你，口頭講解都唔會，但都會經常巡下望下，如果見你真係好搞唔掂都會出手既。一開始都雞手鴨腳，但後來就開始熟手，成個過程都幾好玩有趣。食物質素都唔錯，材料算多，製成品食落都ok，係落醬汁時重手左搞到過咸。整體感覺都滿意，最後食埋班㦸好飽。

之前行街經過，見到門口咁多人，已經好好奇！點知一睇原來，係日本大阪燒，仲要係標榜DIY自己制。諗住拎飛，點知已經要等成100個位！所以就打消念頭😩第二次決定5點半就黎到！不過都係要等10張枱。等的期間，見到源源不絕的人拎飛，多人到好誇張！我地大概都要等到7點先可以入座，一入到去，就知道點解會咁耐，先可以入座，原來餐廳沿用反，日本文化唔會搭枱！我地兩個人被安排，坐四個人的枱，牆壁更有叉電設施，實在太貼心！每人限時90分鐘，枱上更有牌教你，如何自己動手做大阪燒，如果遇到困難，更可請教店員！餐廳標榜食材，由日本直送，係唔打唔撞之下，終於可以食得啦！由自己一手一腳，整出黎真係幾有滿足感味道方面，更拍得住係日本食的味道👍🏻👍🏻完全可以再黎多一次