道頓堀御好燒專門店 (K11購物藝術館) (已結業)

之前有一次想黎食先發現原來要book枱，好full,今次早一星期book定，準時入去坐比想象中鬆動，二人照比四人枱，唔會好逼限時90分鐘，最低消費$100/人前一日見好多人話要睇指示教點整，又要諗食咩，90分鐘唔夠時間，所以早一日上網睇定想食咩本身諗住大阪燒或文字燒，做法簡單又啱食咁不過最後都叫左另一樣，厚豬腩肉燒，好香，真要跟足指示，做完出黎個蛋出奇地脆同香整好後又任落醬汁，紫菜等，好正！不過份量以為好大，原來都唔太大，我又叫小食，都好ok好正。泡菜尤魚，好夠味，我本身又好鍾意食泡菜芝士年糕又係幾好味最後仲叫埋芝士pancake, 一樣好正，加埋cream, 再飽都食得落叫左咁多野，兩人埋單$30x都唔算好貴，可以encore XD

之前一直都想試自己整大阪燒 咁啱開過見到新開張 即刻拉老公去試玩試食 可能因新開張 等位時間都比較長 一入門口就聞到油煙味 不過好彩每張檯都有獨立抽油煙囪我地揀咗二人分享套餐 包含前菜 御好燒 鐵板燒 飲品 同甜品而我地今晚嘅主打就係廣島燒加道頓崛雜錦御好燒餐廳每檯都附有教學卡紙只要跟住自己選擇咗嘅款式對應番教學 咁就可以開始整啦 由步驟到時間都有說明 可能我地都廚藝不精 味道不及大師傳所整嘅😂但整體黎講我地都玩得幾開心 如果一家大細黎食都好適合

第二次幫襯呢間餐廳， 貪佢可以自己落下手整野食。 大概六點半拎飛攞位， 等左一個鐘先有枱。今次叫左一個二人餐包煙肉沙律， 兩個主食， 一碟牛， 兩杯飲品同雪糕🍦。上一次黎食， 店員都有稍稍講解制作方法，今次淨係放低左粉糊，連爐都無check 有無開到，直都我地問店員，先知無開爐。食物方面， 個跟餐牛肉幾好食， 其它就不過不失。 飲品叫左西柚燒酎梳打， 西柚原個上， 要自己扭出西柚汁， 酒味唔濃，味道唔錯！以跟餐雪糕都幾好食， 唔太甜， 無冰粒感。

之前係日本食個陣以經一試難忘！由其蛋黃醬加呢個大板燒真係好鬼夾！前日突然好懷念陣味，同男朋友一齊搵下邊到有得食，雖然尖沙咀呢間要排成個半鐘，但食到好食野都值得排既！嗌左二人餐好抵食，大板燒加魷魚仲有個廣島燒，再有燒肉扇貝加甜品！味道好味又好玩！

今日原本同男人係諗住試旺角新開嗰間大阪燒嘅...可惜好多人...於是乎, 我就提議不如試道頓堀....我地就由旺角去左尖沙咀，去到K11嗰時先發現旺角都有分店🤦🏼‍♀️好蠢呀我地！去到舖面，都有唔少人等緊，呢到嘅唔好處係你拎左飛，如果等到截單都入唔到座，就無架喇...白等架喇...我同男人唯有博一博啦...真係博到last張枱...等左好耐真係好肚餓呀！一路等一路睇下點整，等左一陣就送到喇啲野食！男人嗰set係有炒麵嘅，好難反...加埋男人煮食能力有限...佢又唔睇點整...變左我一路出口..佢一路出手...我自己就無問題...仲整左少少花而呢個五花腩都好好味呀！埋單...

難得平日放假，又咁岩出尖沙咀行街，差不多晚飯時間想起這間每次放工經過都見到有人在等候的餐廳，一於碰碰運氣看看是否需要等好耐!去到餐廳大概5點幾6點，竟然沒有人在等候，實在太好了!不過唔知係咪餐廳侍應食飯時間，所以係門口等左都一段時間先有侍應安排入座。餐廳因為係鐵板燒的關係，所以入到去都有少少油煙味!餐牌入面都有好多不同的款式，最後跟朋友揀選了兩款試試。因為係自己燒的，所以枱上都有指示教你每款應該要點整同整幾耐。泡菜豚肉文字燒，未燒時的擺法很靚，很適合影相。這款只需要把所有材料攪拌在一起，便可落鐵板燒，而且煎完出黎都會好靚，係一款令人有信心整得靚的款式。這款文字燒食落有少少泡菜的辣味，有少少爽口，豚肉亦不會好肥，味道不錯!雜錦廣島燒，這款燒的時候必需睇清楚指示，如果唔係就會整得唔靚。這款有炒麵、海鮮、豚肉等配料，海鮮有八爪魚及蝦，，炒麵再加上特有的醬汁一起吃，酸酸地甜甜地，口感很豐富!沒有想過兩個人食兩份已經好飽了!如果我地點他們的二人餐一定會攬住個肚走!有機會一定會再黎玩下食下!

從日本過來的大阪燒。如果想食大阪燒，道頓掘也是不錯的選擇，可以自己燒，隨自己愛好加調味。如果唔識燒，店員會教你，也有計時器幫助，不用擔心燒癃。點了個特選御好燒，味道不錯。

TGIF! 今晚難得有朋友可以陪我食早飯, 即係衝去成日勁多人排隊既道。6點鐘已經到尖沙咀, 再上去k11上面間, 果然不用等位。第一次食飯要親自下廚, 又冇做足功課, 有點迷惘, 但幸好有位職員介紹煮法, 及後幫我們煮埋,太好了。可以學習下, 下一轉自己黎! 芝士四重奏文字燒重芝士味又起絲, 口感不錯! 上碟前記得要加汁和沙律!仲有"綠色粉"!(事關我都吾記得!)炒面好惹味! 精髓在於鰹魚汁, 和鼓油! 海鮮文字燒海鮮口味, 味道更鮮!特別鍾意呢個牛油芝士年糕。一定要趁熱食! 好好味啊!三個人似乎未係好夠, 所以追加烏冬,咬口煙靭! 凍食又得, 如果想熱食就下炒炒佢又得! 整體味道不錯, 不過份量較少, 御好燒只是一人份量, 要追加其他配料先夠!

K11入面一間專食到道頓堀大阪燒嘅餐廳，晚市都幾多人係出面排隊叫咗一個文字燒同埋大阪燒佢有兩種方法嘅你可以自己燒又或者叫職員幫你燒文字燒比較容易啲所以我哋就自己試吓又成功左喎味道都幾好大阪燒呢就好複雜啦好彩叫咗店員幫我地燒如果唔係一定浪費左😂😂呢個大阪燒好多步驟，但係啲醬好好味

自己弄鐵板燒好味又好玩，同朋友仔嚟試試，建議大家早啲嚟囉位，平日晚上六點到需要等一個鐘，可以一邊等位一邊等齊朋友，餐廳有限時用餐時間一個半鐘，每位最低消費$100蚊。御好燒價錢$88-118，文字燒就$78-108，餐牌有教學步驟可以跟住整，仲有廣島燒、大阪燒、燒肉、班戟等，價格中等，值得試吓喔！ 🍹略嫌酒類飲品不夠未😚芝士4重奏文字燒$88文字燒有椰菜及芝士，另外有低筋麵粉、水同醬汁混合，將食材放落鐵板，切碎所有材料鋪平煎燶，食客用一個細鐵鏟，鏟起燒焦鍋巴食，別有一番風味喔！道頓掘特選御好燒$98御好燒就豐富啲，有海鮮、豚肉及椰菜，可以先做個大阪燒，麵條用燒汁炒香，在鐵板一邊煎蛋，再將炒好的麵條和大阪燒放在上面，用2個鏟合作將它反轉，再搽相當多的燒汁、紫菜粉、沙律醬同木魚碎，任由自己創作幾好玩！道頓堀御好燒專門店地址: 尖沙咀 河內道18號K11購物藝術館2樓210號舖電話: 34682264分店:  旺角、太古、荃灣、沙田、 大埔

有限時的餐廳..............時間尚早.....人流未太多....點了一個套餐............先來個前菜沙律.................開始要自己手動了............煙肉芝士..........賣相算不錯吧................套餐還有炒麵......但過程有點複雜..........有點失敗..........下次再努力.....帆立貝不過不失.....配上各款醬汁....不錯！

呢間餐廳座位唔多，無論平日定假日都勁多人等位，次次都要等成個鐘或以上😕今次試左個二人餐($388)，包括有御好燒同廣島燒各一份，燒肉同燒帶子各一份，仲有埋前菜、甜品同飲品。芝士四重奏御好燒：哈哈 估唔到手殘既我地都整得似模似樣喎！味道都唔錯，可能自己整既野特別好食😂重頭戲廣島燒！睇完說明之後，發現廣島燒既製作好複雜，有自知之明既我地叫左服務員幫手整😂 呢度既服務值得一讚，服務員好用心咁幫我地整，製成品無論賣相定味道都好有水準👍🏻👍🏻 燒帶子同燒肉都ok，可以一試！總括而言，呢個餐相當豐富，絕對係抵食之選！

本人是燒牛肉愛好者，見到有燒牛，尤其是日式燒牛，就會有種吸力吸了入去，這間道頓堀亦不例外，原來是自助鐵板燒，最底消費100元，反正來到便試一試，首先點了一客午餐 A4 宮崎和牛牛肋肉 $138，有7小片牛肉，煎了片刻便吃～～～～～～結果是韌到不能下咽，好像食香口膠般咀嚼完要吐出來。好想埋單離開，實在太失望了還說是A4 和牛，由於有最底消費，被迫叫多一客加拿大豬腩片$108，去超市買荷蘭豬腩片好食得多。最大鑊是那些濃厚的油煙味餸飯，很弱的抽風系統，沒有第二次了

聽聞御好燒walk in要排好耐隊，所以6點幾就開始去等，冇咩人，好快就有得入坐。三個人叫咗炒麵，御好燒同大板燒各一份。一開始諗住三個人叫三樣嘢食就夠飽！唔知係咪一路煮一路食，煮嘅時間仲耐過食嘅時間嘅關係，食完三份都仲係好肚餓😂 炒麵嗰麵質好彈牙，調味係要靠自己調。不過食物味道同質感都唔錯，可能係因為自己煮，又跟足佢個instruction ，其實都好難會失敗。等佢熟嗰時真係好痛苦，係咁望住個timer倒數😂😂

自己製作的食物都是特別好吃的，跟朋友一齊煮更是美味。一個燒餅的份量看來不大，但是吃起上來因為有很多椰菜的關係非常飽。其實都是一些簡單的材料，沒有什麼烹調技巧，只要煮熟了再加點醬汁就好食。如果隊沒那麼長都會再去食。