道頓堀御好燒專門店 (K11購物藝術館) (已結業)

因為自己都幾鍾意食日本炒麵，而且呢間店係自己炒麵自己食😂。感覺都幾特別，所以就來試下自己既炒工🤣。呢度都幾多人等位，兩三點去都要排成個鐘😓。入到去點完野食就要睇下說明，睇下點炒麵。上菜時就係一堆準備好既材料，之後就根據說明開始炒。炒到對手有啲攰，但見到製成品就好開心😝😋，食既時候加上台上唔同既配料會更好味。雖然自己炒既麵賣相不太靚，因為係自己炒，就算唔係咁好食，都會覺得特別好味🤣。呢度就算係點橙汁，佢都係俾個切開既橙你自己榨😅。簡單啲講，呢度就係提供你想食既野既材料俾你，然後自己搞掂。但我見到有人會叫店員幫手，可能唔想自己郁手就可以叫店員幫手。本人覺得自己炒先有果種樂趣。