逸 壽司 (已結業)

非常唔錯嘅刺身同壽司，選擇多，我要叫左特上刺身，另外再加大拖羅，雖然睇落唔似係大拖羅，但係師傅話係。。。就算啦，亦冇要求要退，不過係食落的確唔係超級肥美，有d失望，好彩海膽同牡丹蝦都好鮮甜，活赤貝亦好新鮮，所以encore壽司就不過不失，冇叫omakase, 寧願叫自己鍾意食嘅，整體黎講都抵食嘅，因為新開張有8折，價錢比較親民但係坐位就唔係坐得好舒服，服務算幾好，不過上菜速度可以快少少，明明有3個師傅，得10個位左加右，都等好耐先有野食

又係一年一度放假對自己個胃好既時候～ 今次去左逸壽司食omakase 😆 佢地有好多款魚係平時好少見到既～ 除左個餐既食物之外，仲送咗枝豆、芥末魷魚杯同沙律全部都好新鮮好好食，下面係我特別鍾意既食材comment：大吞拿魚腩伴紫菜：很奢侈跟邪惡的一大塊 🤤 簡單來一點柚子皮羹鹽的調味，就帶出拖羅的味道，欲罷不能哦～銀鱈魚刺身：完全是平時吃銀鱈魚西京燒的味道，不過因為不是全熟的關係，裏面的味道有點不同，更軟綿跟raw一點的味道～蜜柑鯛：蜜柑鯛的飼料中加入了蜜柑皮, 因此食用時會散發出淡淡的蜜柑味，尤其是油脂積聚的腹部。我開頭還以為是師傅加了柚子汁吞拿魚面頰肉：外觀和口感也很像火炙和牛，油脂十足。繼腦天和拖羅後我很喜歡吃的部位之一白蝦：大條彈牙，味道清新而且很滑溜。味道比甜蝦好味得多赤鯥：油脂不如吞拿魚多，很清甜的白身魚，魚味很重，非常簡單直接嚐到魚的甜味員工跟師傅都很友善，師傅會詳細介紹魚的吃法跟閒聊。坐着坐着不經意時間就很快過去

尖沙咀做野後肚餓了，唯有一支公獨食，見到呢間新開的逸壽司，細細間，啱晒我孤獨食。甫入店內都幾舒服，好有日本feel，開放式的廚房設計，壽司師傅就响我面即叫即做壽司。一坐低侍應就送上熱茶，今次點選了特上壽司盛(10枚) $238，再送埋沙律及海帶麵豉湯。沙律配胡麻醬，入口好清爽呀！清一清口腔先。用了牡丹蝦頭熬製而成的海帶麵豉湯，鹹度適中，海帶咬落都爽口，沒有草青味，熱辣辣暖暖胃先。壽司師傅奉上壽司時，好窩心提供「賞」食小貼士，建議我吃壽司的先後次序，先吃來自青森縣的「蜜柑鯛」，未入口就聞到師傅在上枱前，為「蜜柑鯛」身上即刨柑皮的柑香，一啖放入口，微微蜜柑味，特別的清新口感，第一件已令我留下幾好感覺。北海道帶子，爽口彈牙，嫩滑無比，超級的鮮甜呀！北海道牡丹蝦，肉質鮮甜又好彈牙，膠質感重，一試就知是高質。青森縣的大吞拿魚腩，呢件肥美的大拖羅，清晰的雪花紋理，魚肉潤滑、入口即溶，豐富的魚油在口腔內遊走，超正。海膽就視乎當日返貨，平時是用根實海膽，色澤均勻又鮮味十足，入口即溶，充滿瀛風滋味。粒粒晶瑩剔透的三文魚籽，顆顆飽滿，一口咬落去好脆嫩，魚油甘香，吃到最後呢件，雖然好飽，但都停唔到口！來自東

今次試新開冇耐既尖沙咀地舖, 估唔到有驚喜!! 刺身質素比想像中高, 來貨靚 lunch set 勁抵食! This newly opened Japanese restaurant surprised me with their high quality sashimi and affordable price. I personally like urchin and Toro the most. Some kinds of rare sashimi, like amberjack tastes good too!!-🦁 環境座位唔多, 一眼睇晒. 比起一般樓上店樓底高, 而且透到日光. 唔逼好好坐!-🦁 服務師傅會問加唔加埋wasabi係飯入面, 亦有講解刺身來源地, 處理方法同食既次序. 而店員都幾細心, 見到唔記得食既次序會提我-🦁 食物 | 梅 Ume 壽司十貫 + 手卷 ($380)🍣【肥美之選】✅ 北海道海膽 | 比平時食開既濃味！ 影太耐相, 紫菜淋咗都仲係咁好食✅ 大吞拿魚腩 | 勁有驚喜, 入口即溶, 肥美冇筋！✅ 金目鯛 , ✅ 鯖魚 | 2個都好新鮮 肥美

見鋪頭試業又無乜水排隊就試下啦，間鋪係大，但座位好少，全面向師父食野，好似omakase咁樣，但前面放左個半透明雪櫃，入面係擺魚生，但可惜玻璃表面都幾污糟，呢點要注意下。點餐方面，有幾款訂左呢壽司套餐/自選魚生丼/omakase 選擇就叫左自選3款丼，簡左3文魚，帶子同赤貝，張紙係寫住每款3片，但帶子同赤貝就比左各兩件（臨食完先發現）味道無咩鮮味，只食到好冰凍，赤貝唔好食，無乜味，只係飯份量幾多下，有湯沙律跟。態度方面，師父都幾有禮貌，入黎走時都有打招呼，而侍應都好努力加水總括黎講，暫時唔會再去住😂

一個人喺尖沙咀覓食，經過呢度，見到食壽司🍣，店裏邊光猛乾淨整齊，感覺良好，咁我又鍾意食壽司🍣，就決定入去試吓😆叫咗 $380嘅 廚師發板「梅」，包壽司🍣十款，餐牌咁樣寫：「金目鯛、北海道牡丹蝦、赤貝、蜜柑鯛、伊佐木、間八、北海道海膽、沙甸魚、鯖魚、大吞拿魚腩」，同埋「蔥吞拿魚腩手卷」、「麵豉湯」，但係實際會隨着當日壽司店有那些最新鮮嘅魚生而改變😋我坐咗喺吧枱，廚師逐件壽司🍣手握炮製，食完一件再握第二件，保證新鮮😋；基本上全部都鮮味，其中特別出色嘅有：「北海道牡丹蝦」肉質鮮甜結實，上邊仲放咗啲碧綠色嘅蝦籽，好睇又好味😋；「北海道海膽」好新鮮幾creamy，仲有清淡嘅海水味，海膽 來自北海道 根室（對住 北方四島，全日本最東邊嘅城市），係日本🇯🇵其中一個出海膽 有名嘅地方😋；「銀雪魚」（呢款 menu 上冇）輕輕用火槍燒過，表面微焦，充滿油份，出奇地香口😋；「大吞拿魚腩」超甘香，幾乎入口溶化，仲用一塊脆卜卜嘅紫菜包住，好美味😋年青壽司師傅🧑‍🍳見到我影相，每上完一件壽司🍣，仲幫我抹一抹木屐砧板，等我影得靚啲，真係服務一流，讚👍

今日同同事早收工，經過呢間日本餐廳，見未快多人就入去試下入到黎餐廳比想像中細，我諗大概坐七台客左右，但就好乾淨我地兩個都叫左中間個OMAKASE $480位，旁邊仲有個平啲不過全部壽司前菜枝豆，八爪魚刺身有銀雪魚、北海道牡丹蝦、飛魚，送上台就即刻口水流銀雪魚超肥美，入口滑溜溜，同食落係有油香，好肥美。北海道牡丹蝦，都大隻新鮮大吞拿魚腩伴柴菜，好大夠啊！可能我早食我見到個師傅好似拎左條全新原條既吞拿魚切俾我；）7款壽司，一個手捲師傅叫我食左手捲先，我就食呢個吞拿魚腩手捲個白蝦超鮮甜，真係好鮮甜，真係完全係食到好鮮甜味😍 活北極貝、吞拿魚面頰肉壽司、伊左木壽司、沙甸魚壽司，我好似都係第一次食，幾特別。仲有我最鍾意嘅海膽，好滿足我想講我真係勁飽食唔晒，佢D刺身好鮮甜，好肥美，所以最後兩三舊飯都唔好意思冇食到😂 呢間CP值都唔錯🥰

親民價嘅廚師發辦真係少之有少，呢間新開張，仲要好有質素，即刻想推介俾大家！👍🏻竹🤍前菜芥末八爪魚、枝豆🤍刺身四點北海道牡丹蝦、銀鱈魚、飛魚、大吞拿魚腩配紫菜。刺身冰凍，新鮮。蝦頭嘅蝦膏非常澎湃，飛魚切成碎粒，拌左醬油、蔥花、薑絲，入口並唔會腥。大吞拿魚腩係驚喜所在，入口即融，爆哂油脂。🤍壽司七款白蝦、活北寄貝、蜜柑鯛、依左目、北海道海膽、沙甸魚、吞拿魚面頰肉。魚類壽司夠新鮮，全部沿住魚邊位去厚切，不過微腥就總不能避免。海膽顏色偏黃，但口感頗鮮甜，帶甘飴。呑拿魚面頰肉肥美度十足，火炙得恰到好處，筋位好易咬。活北寄貝爽甜，肉質厚實！🤍蔥吞拿魚腩手卷份量非常足夠，滿滿吞拿魚茸，綿綿滑滑，米飯微微黏住紫菜，唔會鬆散。💡而家試業階段，有八折添～～

尖沙咀亞士厘道新開壽司店逸壽司，食材新鮮，由日本新鮮直送，價錢親民就可以享受廚師發板質素，這次點了只需$380一位的”梅 Ume”omakase，壽司師傅就在你面前即場做壽司，客人可以一邊品嘗美食，一邊欣賞製作過程。梅 Ume (時令壽司十款+蔥吞拿魚手卷) $380在等侯的期間奉上枝豆和芥末八爪魚粒作前菜，八爪魚滑溜有嚼口，充滿wasabi味，枝豆份量不少，令人吃不停口胡麻醬沙律清新爽口十分開胃，麵豉湯用上蝦頭去熬煮，十分鮮甜暖胃北海道海膽肥大又厚十分飽滿，甘香濃郁，在咀裡慢慢化開，鮮甜美味赤鯥輕微炙燒過散發著焦香，魚肉質細膩，油脂豐富，魚肉香甜，有入口融化的感覺銀雪魚半生不熟的銀雪魚，魚肉嫩滑，魚油脂香豐富，香甜而不膩，炙燒過份外甘香可口，還有一絲絲的口感鯖魚很濃的魚鮮味，肉質鮮嫩肥美大拖羅油脂味香，入口漸溶，香口魚鮮味在咀裡徘徊，口感軟綿，非常高質金目鯛肉質柔軟鮮美，魚味突出北海道牡丹蝦大隻又鮮甜，肉質爽彈，很美味赤貝新鮮度高，爽口富咸鮮味，極為甜美帶子潤白富光澤，大粒又厚身，滑腍微爽，味清而鮮間八油潤鮮甜，十分爽口，入口柔滑細緻蔥吞拿魚手卷入口陣陣魚香，香甜美味

/逸壽司🇭🇰/#sa尖沙咀篇 ➖➖➖<抵食omakase •新開單點仲有8折優惠>➖➖➖尖沙咀呢邊其實都有好多壽司店有唔少選擇 有平有貴 今次呢間都係新開無耐今次呢個set $380 就食到10件壽司+手卷+湯 另外仲有兩個set 貴啲多左刺身同食嘅壽司有少少唔同Menu 會兩三個月轉一次 雖然有列明set 有啲咩時令魚刺身 但都會有少少改動➖➖➖🔹壽司x10件🔹每件飯入面都有少少wasabi 米飯硬度適中會食到壽司醋微微酸味1️⃣金目鯛: 肉質較嫩 魚肉帶甜香 2️⃣北海道牡丹蝦: 味道鮮甜 如果質感再爽彈啲就更好 3️⃣赤貝:呈橙紅色 爽口 海水味唔算好重4️⃣帶子⭐️: 雪白肥美 鮮味十足 唔洗加豉油調味5️⃣間八:肉質呈粉紅色 口感帶韌 部分會有少少脆口 脂肪含量唔算高 6️⃣北海道海膽⭐️:質感creamy 份量多 鮮甜無腥臭味 略嫌紫菜快腍 好易瀉 食得有啲狼狽🙈7️⃣銀鱈魚⭐️: 比較鍾意食燒過嘅魚🐟魚香突出 帶炙燒過嘅香氣 8️⃣秋刀魚:平時少食 所以第一啖個魚皮會有啲腥 不過魚肉部分鮮甜同嫩口 連薑蔥食會無咁腥9️⃣鯖魚: 魚肉酸味較突出 配上紫蘇葉 無腥味🔟大拖羅: 紋理清晰 入口即溶 無筋

上星期自私食🤣🤣揀我喜歡嘅壽司。餐廳簡單佈置，坐位舒適，仲可以望到廚師製作壽司添，即叫即手扼添，見到樣樣都想食，所以揀左全日自選壽司，Omakase $198有12件壽司都好抵食。.魴鮄：清甜爽彈，魚肉粉紅色。深海池魚：肉質結實爽口。火炙金線鯛：微微燒過嘅鯛魚帶出魚香。火炙左口魚邊：入口溶化，又彈牙。帶子：帶子肥味仲係king size。三文魚腩：肥美油潤。鮮鯖魚壽司，鮮鯖魚都幾清甜。赤蝦：蝦肉味美鮮甜，仲晶瑩剔透。芥味八爪魚軍艦蔥吞拿魚腩軍艦.午餐仲包沙律菜配胡麻醬同一碗麵豉湯添。

今日同到左尖沙咀#逸壽司，品嘗🏮Omakase，價錢大眾化，分別有$380 梅、$480竹同$680松。想食多元化的我選擇了松，另外老友就要了份#吞拿魚壽司盛，大家一齊分享。#前菜，先有沙律🥗、枝豆同芥末八爪魚🐙開開胃。#Omakase 松 -刺身七點廚司建議由淡味開始食到濃味。北海道牡丹蝦，蝦🦐身爽彈，肉質鮮甜，咬落膠質感重。石螺鮮甜爽口。金目鯛魚味重。間八越咬膠質越重。清酒煮鮑魚很軟淋而且非常之彈牙。飛魚🐟 用醋調味，己切開一粒粒容易食。最期待的大吞拿魚腩，嘩😍入口即溶，魚油在口腔盤旋，好yummy 啊😘。-壽司七款海膽鮮味色澤均勻，香濃creamy 入口即溶。日本神戶牛, 牛味濃肉質juicy。赤鯥、銀雪魚、白𧎚同沙甸魚都很新鮮。石垣貝肉質晶瑩剔透，鮮甜爽口。仲有京蔥吞拿魚手卷，魚蓉分佈在脆脆紫菜內，食極都有，很正😄。#吞拿魚壽司盛有大同中的吞拿魚腩、赤身、面脥肉、腦天同京蔥吞拿魚手卷。吞拿魚腩、赤身，非常之嫩滑，入口充滿油脂魚香，面脥肉肉質爽口，彈性十足。吞拿魚腦天相當軟滑，魚味極濃。食材高級而且超新鮮，款款厚切，我哋都食到舔舔脷，一定會再Encore。

餐廳裝修簡潔優雅，小店座位唔多，卻相當舒適，充滿日式風情 ，開放式廚房， 可以近距離欣賞到壽司師傅，在我面 前即製壽司的過程， 讓人賞心樂事。炙燒司壽司盛(午餐定食)八件壽司+手卷$108 ▪三文魚▪蟹柳▪左口魚▪裙邊金線鯛▪熟蝦▪帶子▪鯖魚▪油甘魚▪鰻魚手捲午餐包括一客爽脆的沙律菜配胡麻醬，及一碗熱燙燙的麵豉湯。特別喜歡炙燒壽司， 魚身被火炙後，魚油被迫出 ，顯得特別油潤， 還帶有陣陣火炙焦香， 魚油滲透底層壽司米飯，每口米飯都是充滿油香 ，風味迷人。三文魚火炙後， 特別 油光亮澤，魚的鮮香被釋出，更能細嚐三文魚的鮮味。左口魚魚油甘香， 鮮香滑溜。 蟹柳鮮甜細嫰， 還有 一絲絲蟹肉，加上沙律醬，惹味大大提升 。帶子大粒圓潤，肉質保持半熟狀態， 十分綿潤滑溜。裙邊金線鯛， 雪白的魚肉，柔潤軟嫩， 鮮味在口中綻放。鰻魚手卷外層的紫菜好脆口， 肥美的鰻魚，咀嚼時， 慢慢沁出魚油 令人口舌生香。全日自選壽司12件$198▪吞拿魚腩一件▪吞拿魚一件 ▪真鯛兩件▪三文魚腩兩件 ▪帶子兩件 ▪蔥吞拿魚腩軍艦兩件▪銀鱈魚兩件每款壽司十分新鮮，賣相相當 吸引。 特別喜歡肥美的吞拿魚腩及吞拿魚， 漂亮的

3 Set Omakase 嘅刺身都係時令刺身，好新鮮！師傅👨🏻‍🍳手勢都唔錯，飯大細同醋份量岩岩好🥢，而且上菜速度理想🤩，除左omakase，仲有~$100嘅丼飯可供選擇🍙：-1️⃣「梅Ume Omakase 🍣($380)」-包10款壽司sushi：金目鯛 - 肉質細膩清甜北海道牡丹蝦 🦐 - 口感重膠質，正👍🏻赤貝 - 頗爽口，正常蜜柑鯛🍊- 鮮甜，有淡淡橘香👍🏻伊佐木 - 有微微炙燒香味，肉質彈牙👍🏻間八 - 肥瘦而不膩👍🏻北海道海膽 - 超鮮甜，零腥味，好creamy👍🏻沙甸魚 - 刀工幼細，好重魚味鯖魚 - 肉質結實，清甜，有薄荷香味👍🏻大吞拿魚腩 - 無筋，油脂慢慢溶化，好香🤤👍🏻同珠米融為一體👍🏻-另包：蔥吞拿魚腩手卷Hand roll🐟麵豉湯Miso soup🥣綠茶任飲Green tea🍵-⚠️：omakase嘅壽司會逐件上菜，以上圖片只供參考~

原來最近亞士厘道開咗間新嘅壽司店見佢新張期間有8折就去試吓店內只有吧枱位 可以一邊睇住師傅料理魚生壽司會睇到流口水🤤今次食哩個係『特上刺身午餐set』跟個麵豉湯、沙律個湯好好飲 好鮮甜又夠濃似係加左魚骨去煲👍🏻.刺身：🔸赤貝🔸牡丹蝦🔸大拖羅🔸真鯛🔸池魚🔸北海道海膽刺身真心好新鮮，食到魚味，唔會腥。大拖羅超滑，入口即溶；海膽濃味又creamy；赤貝好爽口，鮮甜；牡丹蝦大隻，口感讚。整體水準唔錯，如果配一配壽司米飯會仲正。