265
4
4
| 餐廳: | 逸 壽司 |
|---|---|
| 優惠: |
於此國泰夥伴餐廳用餐賺里 ! 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
港鐵尖沙咀/尖東站 L5 出口, 步行約2分鐘
繼續閱讀
電話號碼
23286299
開飯介紹
位於尖沙咀的日式餐廳，價格相宜，用料新鮮。主打壽司廚師發辦，午市亦有刺身丼飯等定食。
繼續閱讀
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關獎賞計劃
優惠
| 餐廳: | 逸 壽司 |
|---|---|
| 優惠: | 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
招牌菜
食家推介
聖誕假期後🎄第一個工作日，全日無停過😵💫 靠三文治+咖啡由朝早支持到放工😮💨做完嘢嗰一刻即feel到勁肚餓🤤 決定近近哋喺客戶新港中心寫字樓附近搵嘢食☝🏻返到屋企先食，真係頂唔住😼聖誕節日食得太豐富😬 想食清淡D！行到亞士厘道見有間日本壽司店🍣「逸壽司」啱啱開晚市🥢見未有其他食客，可以自己靜靜哋食晚飯☺️ 冇諗咁多，就行咗入去！因為啱啱開門，見壽司師傅都喺度準備，服務員(妹妹）見我一坐低即刻送上熱茶🍵仲好有禮貌😊初時以為只係供應壽司刺身，原來仲有Omakase廚師發辦🤩不過自己一個人，我諗住快啲食完返屋企休息！睇完餐牌，就決定揀12件自選壽司set🤨1️⃣ 吞拿魚腩2️⃣ 吞拿魚3️⃣ 油甘魚4️⃣ 深海池魚5️⃣ 真鯛6️⃣ 魴紼7️⃣ 火炙左口魚邊😍8️⃣ 三文魚腩9️⃣ 帶子🔟 池魚1️⃣1️⃣ 赤蝦1️⃣2️⃣ 甜蝦因為我係第一位食客，師傅好快已經準備好👍🏻 一嚟到見到質素好得喎😍 師傅即時好細心介紹每一款💯 真係冇諗過😊 因為呢間小店裝修好平實！邊食已經諗一定要再嚟encore🤪 真心覺得性價比🉐食到中段，陸陸續續有食客入嚟！見坐喺我隔離嗰啤情侶揀Omakase，偷偷忙吓😜 見到又好吸引😍忍唔住whatsapp好朋友約農曆新年後食開年飯！等我準備飲埋杯茶去埋單，有兩位女士嚟到問有冇位，服務員話一陣有兩個Booking暫時未能安排，但師傅即時問服務員booking時間，了解之後同服務員講時間上可以安排到兩位入座！心諗呢間小店竟然咁用心👍🏻👍🏻 講真，就算疫情關係市道唔好，都未必間間餐廳會咁做🤩埋單嘅時候，忍唔住問另一位服務員(姐姐) 呢度開咗幾耐，原來上年7月開業嘅，心諗呢度雖然冇好靚嘅裝修，但食物質素同服務🉐 所以食過嘅人都會再encore😉📍逸 壽司 (尖沙咀)📍尖沙咀亞士厘道24-38號天星大廈地下A2A及A2B號舖
繼續閱讀
今日去尖沙咀買交換聖誕禮物🎁用嘅禮物。行到攰，就去咗一條後巷仔見到有一間新開嘅壽司店。環境非常乾淨，一張圓形嘅枱，令到坐唔同位置嘅客人都可以見到師傅準備壽司嘅過程。 餐廳員工服務非常體貼，當我冇茶飲嘅時候，好快來添加。 餐廳嘅午餐好多選擇，有自選三色Don 飯、烏冬餐、手卷、10粒/12粒壽司餐等。以$198就可以叫12粒自選壽司，仲要由廚師即時從冰櫃裏拿出刺身切開一片片，再用手握放在壽司🍣上，非常新鮮及用心！未食壽司前，叫左個餐前小食 - 吞拿魚菠菜。 估唔到望落去似青瓜嘅食物原來係菠菜，整得好精緻。吞拿魚粒，好似細個媽媽買俾我食嘅魚干方粒零食。12件自選壽司🍣 $198帶子爽口彈牙，肉質通透吞拿魚腩 /吞拿魚： 入口即溶脂肪肥美風口，色澤非常粉嫩好新鮮。非常濃的吞拿魚味。油甘魚、深海池魚、真鯛、火炙金線鯛、火炙左口魚邊： 各款魚類都非常新鮮，唔會有好聲嘅味道肉質好爽口三文魚、三文魚腩：三文魚嘅脂肪好均勻，唔會過肥，色澤有油光。芥辣八爪魚軍艦及蔥吞拿魚腩軍艦-紫菜做到非常新鮮好脆，唔會霖身。 入邊嘅八爪魚同吞拿魚腩都好新鮮。最後要讚一讚餐廳貫徹日本當地手握手壽做法，每一粒壽司裏面都已經加咗Wasabi，好正宗。 唔使再突登加Wasabi喺刺身上面先食。咁嘅價錢有咁嘅服務，非常值！
繼續閱讀
逸壽司的好處係所有位置都係壽司吧枱，一個人享受me time 都唔會尷尬🙌🏼🐙自家製小食 - 芥末八爪魚芥末味重但又不至於‘好攻鼻’，因為芥辣八爪魚都係較濃味，下面有啲🥒青瓜絲，可以食完之後清一清口腔🌿～特上壽司盛（十枚） $268當日食材十分新鮮，件件魚生都係厚切。因為就係坐喺壽司吧枱，所以可以即時見到師傅製作嘅過程☺️留意到師傅係每一件壽司中間都會加少少芥末😂 當日就有以下壽司：拖羅 深海池魚 鮫鰈 油甘魚 秋刀魚牡丹蝦 帶子 火炙金線鯛 海膽 三文魚籽拖羅入口即溶😍 深海池魚、鮫鰈和油甘魚都十分肥美🤤秋刀魚比較少見，師傅配上少少蔥和姜蓉，入口一啲都唔腥👍🏼 牡丹蝦和帶子都十分鮮甜✨ 火炙金線鯛油香感十足🌟 海膽份量十足，十分滿足😚 三文魚子粒粒都好飽滿👍🏼環境：4/5所有座位都係壽司吧枱，可以見到師傅即席製作料理✨環境乾淨企理。服務：4/5師傅會主動為每樣食材作介紹～店員也會適時斟茶👍🏼食物：4.2/5食材十分新鮮，每一件都係厚切上，十分滿足🌟🌟Revisit: Yes
繼續閱讀
✈️個個都想飛 唔通個個都飛到咩？暫時未飛嘅可以去【逸壽司】過下癮先亞士厘道呢條食街有好多餐廳，早兩日放假就去之前bookmark咗嘅逸壽司食#tea🍵間餐廳門面以木系簡約設計， 餐廳得一張bar枱，我去果陣2點半，就冇咩客人啦見到afternoon tea 同set lunch有好多選擇一場黎到都係想食壽司多d結果嗌咗all day sushi 全日自選壽司 12件 $198雖然有得實現壽司自由，但我點菜果一刻好似確診咗選擇困難症一個人拎住支筆唔知揀咩心水好 師傅見我咁頭疼就話幫我揀12款都好呀，我自己填一定又係填果幾味落完單冇耐店員送上🥗日式沙律同 🥣麵豉湯我唔見全日自選壽司張order紙有寫包前菜同湯喎 係咪送錯呢？店員見我一臉疑惑即刻同我解釋 12點-6點幫襯全日自選壽司照送呀🍣仲提我follow ig 會送時令小食 - 芥末八爪魚 ($38)芥末八爪魚爽口彈牙，加上辣辣wasabi，作為開胃小菜真係一流飲住湯，食住八爪魚，等師傅表演冇幾耐，師傅瞬速整好12件靚靚正正嘅壽司同我介紹面前嘅壽司🍣🐟當日試咗：大拖、三文魚、真鯛、深海池魚、油甘魚、池魚、赤蝦、魷魚、帶子、金線鯛、左口魚裙邊、拖羅軍艦件件魚生都新鮮鮮美，好好食😋相信大家都有心頭好嘅壽司呢度特別推介： 🔥火炙金線鯛、火炙左口魚裙邊🔥應該話我鐘意火炙系列火炙過後突出魚油香，刺身變得更肥美逸壽司食物選擇多，性價比高💰佢仲有做 #廚師發辦 最平都係$398#omakase 都可以豐儉由人如果下次想食#お任せ 都會考慮黎呢度試下始終價廉物美覺得#teatime 黎幫襯小店係正確選擇坐得舒服 自己又自在#逸壽司尖沙咀亞士厘道24-38號天星大廈地下A2A及A2B號舖
繼續閱讀
🌃 餐廳位於尖沙咀亞士厘道 ， 鄰近尖東站 ，日式餐廳門面以木系簡約設計， 餐廳内只設有bar枱， bar枱以雲石設計為主調， 餐廳有omakase 及 單點主餐牌所選擇-👨👩👧👧 以下為 梅omakase，$398， 一人晚餐份量。.🥗 小食 兩點 | 芥辣八爪魚。吞拿魚昆布及枝豆🔘 芥辣八爪魚爽口彈牙， 吞拿魚昆布口感有些像吞拿魚粒嘅零食， 另外仲有一碟枝豆，作為開胃小食感覺不錯.🍣壽司10貫👉春子鯛🔘鯛魚的一種，比較少見， 帶有少少甘甜嘅味道。.👉北海道牡丹蝦🔘 口感充滿彈性， 味道幾鮮甜。.👉赤貝🔘 口感爽脆， 帶有海水味， 點上醬油可以提升鮮味。.👉蜜柑鯛🔘鯛魚中散發淡淡蜜柑香氣， 建議不用點醬油，原味道更加清晰。.👉左口魚🔘 食落幾爽甜，油脂感豐富。.👉深海間八🔘 口感爽而滑溜， 魚味濃郁。.👉秋刀魚🔘 幾肥美， 脂香味濃郁。.👉銀鱈魚🔘 口感結實，食落幾爽口， 魚鮮味濃郁。.👉大拖羅🔘入口即溶，油脂感非常豐富， 十分滿足 .👉海膽🔘 味道幾鮮甜，帶有海水味.🍣 手卷一貫| 蔥吞拿魚腩🔘 口感軟綿綿， 食得出魚嘅鮮味， 帶有油脂感.🍜 麵豉湯， 正常發揮。.🍨 乳酪雪芭， 酸酸甜甜的味道，甜品為呢一餐作完美嘅作結。.📍 逸 壽司尖沙咀亞士厘道24-38號天星大廈地下A2A及A2B號舖.*此價格只供參考及以當時為準，實際價格或會與本文章有所差異。-
繼續閱讀
您可能會有興趣的...