辣度餐廳 (已結業)

好想打邊爐，好想打邊爐，好想打邊爐！想到咁，未婚夫就揸車同我黎荃灣打邊爐，門口有一大堆錶位，方便泊車，搶唔到都有荃灣廣場嘅停車場。辣度餐廳係小店規模，大概有7 8張檯。打邊爐食物款式唔算多，但算應有盡有。除左打邊爐之外，仲有啲燒物同小食。單碟份量唔算多，價錢應唔貴。呢種形式其實好岩兩個人至5 6個人黎食。我地叫咗兩款小食，泡椒雞翼同燒牛舌。未婚夫平常唔食雞翼呀，佢話見到隔離嗰碟好似幾正，所以想試。雞翼味道似白雲鳳爪，第一口有酒香，再食落去就有少少辣，味道好特別又開胃，值得推薦。燒牛舌就切得薄薄片，燒起又爽脆，沾埋泰式醬，仲好味。濃湯豬骨鍋嘅湯底好白好濃郁，我地忍唔住要飲碗湯先，好好味！湯底仲有豬骨、蘿白同粟米，留番最尾煲到淋晒先食。配料方面，我地叫咗雪花肥牛片、脆脘魚腩、墨魚滑、牛根丸同娃娃菜。雪花肥牛以呢個價錢呢個質素都唔錯，不過佢切到咁薄無乜口感，無乜味，疊住食好啲。脆脘魚腩都幾新鮮同爽口；墨魚滑打得幾滑。牛根丸算高質，好耐無食過咁彈牙，咁有牛味嘅牛根丸喇。娃娃菜喺濃湯入面帶出另一份鮮甜。最後湯底嘅蘿白同粟米，如果淋啲就好。整體呢度都唔錯，雖然款式唔多，但係要有嘅都有，而且啲小食係

A newly opened Hot Pot restaurant... thought that they specialty is "Hot and Spicy", but I was wrong... they are in fact good at offering quality ingredients, and I really appreciated it. Not only they are putting up the latest and fresh dishes for you to choose, but those classic dishes on the menu are surprising to me and my family... We have picked the Sichuan Hot Pot as our Core, while having two ready dishes to start the dinner... Deep Fried Stick with Shrimp Paste, quite a lovely dish that

昨晚與友人到荃灣，見到餐廳裝潢不錯，便入內一試，點知一試便中伏。豬骨湯底不只我一人，無意聽到隔離枱的，都講，湯底好淡，淡到水咁。薯米，蘿蔔完全唔甜。好差。配菜因為餐廳大多只有牛肉類，而本人不食牛。叫了魚片，鳥冬，雲吞，菜，墨魚滑等。總結，貴，唔新鮮。38蚊，4粒唔新鮮的雲吞。只有鳥冬算係正常，不過如果連鳥冬都可以難食，我真係唔知可以講咩。就咁，因為太差，所以第一次寫食評，勸籲各位唔好試。

本來見到餐廳名，就以為應該係幾辣嘅。但吃第一件牛肉，完全吃不到任何辣 。（點左重慶二級辣）直到水收到半乾，先開始有辣味，大概係譚仔小辣。但老實講，食材係新鮮嘅，味道都唔錯。友人表示喜歡薯粉，夠韌（好吃過川婆婆）。店主服務好好。因為係下午，冇咩人，店主都幾幽默友善。另外，廁所頗細但係少見的乾淨。總結而言，麻雀雖小 五臟俱全，可以一試。

好耐無見呢班舊同事喇，大家都各有各忙，終於搵到一日可以大家約出黎聚下舊，而聚舊不外乎都係食打邊爐、放題、Café多，因為可以坐落啲，傾多啲計嘛~ 我地嘅聚腳點就揀咗係荃灣，算係方便到大家啦穿過荃灣廣場嘅後面，就會發現一行嘅食肆，我地都好一致認為打邊爐就緊係要辣先過癮啦，所以我地見到門口，就二話不說入咗去喇餐廳裝修幾新穎，，由於卡位已經被人佔據咗，所以只好我地坐近門口，不過座位都幾舒服，所以問題不大~打邊爐最緊要就係個湯底，事關佢會影響之後所有食材嘅味道，雖然清新水果鍋好似幾特別，但唔辣又唔夠滋味，所以最終決擇都係青花椒麻辣鍋，呢個鍋都幾辣下，不過花椒同京蔥香味會比辣味突出，麻味無咁重，整體都算唔錯大家都好肚餓喇，首先就緊係食快熟嘅雪花肥牛片啦!! 牛肉睇落都幾鮮嫩，而且脂肪分佈都幾平均，放落辣鍋到涮一陣就食得，麻辣嘅味道同牛肉其實好夾，令到牛肉更加惹味，呢個牛肉味唔係太重，好彩都無完全被辣味蓋過，價錢都算幾親民另外一種肉類就係羊肉，薄薄地嘅羊肉，都係只需微微灼熟就食得，我有啲失望，因為無嘜羊肉味，鍾意食羊肉嘅人都係鍾意佢特有嘅羶味，如果你係平時唔太食羊嘅話，呢個就幾啱你喇，不過無羊味嘅

大胃D🎙又黎喇 邊爐友👏🏻其實邊爐依樣野真係可以日日打都唔厭囉😋😋叫多幾個朋友既話又可以叫多幾樣 乜都有得食 又可以聚下👏🏻-早幾日黑面神b終於出山陪我食飯😭😭我地去左打爐👏🏻依間招牌就係辣🔥🔥-湯底見到有個叫青花椒麻辣鍋 未聽過所以叫左試下 未落其他食材之前 飲左一啖湯 woo 好醒神！首先係好香既花椒味 之後開始感覺到麻 再之後辣既感覺出哂黎 幾有層次 唔錯喎！-雪花肥牛片 睇落質素幾好 鮮紅 油脂分佈平均 灼熟後 因為切薄片 熟左一d都唔韌 好軟熟 無所謂既筯位 而且湯底更帶到牛既鮮味 唔需要沾其他醬料已經好夠味 必食啊👍🏻-即叫即炸 1.炸魚皮 2.炸響鈴 3.墨魚油炸鬼-熱辣辣 脆卜卜 就咁食既話會覺得咸 放湯一秒食就岩岩好 依3樣都好好食啊 不過係熱氣既🙈-燒豬頸肉 燒得剛好 但餣得唔夠味 唔點個醬汁會唔知食梗咩肉 留意 個醬料生蒜好重 唔食蒜既人就點豉油好喇💁🏻-鯇魚腩 新鮮 肉質爽脆 但細骨比較多 -手攪麵 好食啊 淥完 浸一大輪 都仲好有口感 加湯底精華 真係飽飽🤤🤤-飲品就叫左自家製涼茶 應該係無落糖 岩d想平衡番食咁多野既豬仔 可惜 唔太岩我 甜d好飲好多😂👍🏻同

OT到九點先放工，求其食啲野先返去啦，經過辣度餐廳，好似幾特別咁喎，入到去先知係打邊爐，哈，又好吖。自己寫紙落單，有幾款辣湯底揀，仲有個水果鍋，咁得意就試下佢。店員送上醬料，有豉油，魚露，蒜，蔥同芫荽，簡簡單單幾款野。（茶芥$8/位）搞個混醬先～清新水果鍋（$88）有蘿蔔，哈蜜瓜，仲有深黃色個種唔肯定係咪木瓜，甜甜的。湯頭帶鰹魚湯味，仲有昆布味，滾耐左啲水果甜味先出黎，鹹鹹甜甜的，開頭覺得有啲古怪，但打打下又同食材幾夾喎，哈。可樂＆忌廉（$10/ea），加埋冰底夠凍又大杯左，仲可以無咁甜。美國肥牛片（$68），一分錢一分貨，色澤、賣相、牛味都好一般。墨魚丸（$33），餐紙上沒寫明手打果然非手打的，不過呢個價錢都不車望係啦，墨魚丸幾彈牙，入面亦有不少墨魚粒。豬肉韭菜餃（$38），好多韭菜，粒粒飽滿，而且調味不錯。脆鯇魚腩（$48），好肥美的魚，勁彈牙，果然係脆肉鯇。溫室菜苗（$28），來個小清新，吸了湯汁勁甜，新鮮又爽口。出前一丁（$16），最後黎個飽肚野先，價錢是有點貴，但出得黎打邊爐都預左。小小的店內居然有六位侍應，基乎一個人service一枱客，收碟加湯都勁快手。

經朋友邀約，到了「辣度餐廳」打邊爐。食了很多，很滿足現在是夏天，要打邊爐當然係出街嘆住冷氣打！晚上時間來到，人流不算很多，坐得舒服。餐牌供應四款湯底，配料選擇不少，價錢合理。醬油$8/位。我地點的【濃湯豬骨鍋】，睇返張相就知湯底濃郁，有很重的豬骨味，飲完不覺口渴，應該不多味精豬骨湯底又白又杰，每一塊豬骨都是大大件，很有在日本食豬骨湯拉麵的感覺。豬骨中間的骨髓可以用吸管啜出來，其他邊爐店就鮮見啦。當中的骨膠原又多又滑，很適合女士食用。另外值得一提是【限定花甲】，每天新鮮運到，58蚊價錢非常抵，很大隻很新鮮，不是平常在街巿買到的蜆仔。38元一份的【豬肚】十分爽口彈牙，好好食。唯一缺點是剪得太大份，難以下嚥。但豬肚泡浸在豬骨濃湯中，顯得特別入味，一定encore【雪花肥牛片】質素不錯，肥瘦肉比例平均，令人垂涎欲滴。【溫室菜苗】有一陣輕草味，很快便熟，令我們這班食肉獸多吃了很多菜。【豆滑腐】都是現成豆腐，水準應該有保證，浸多久也不散，容易食。最一般就是【鯪魚滑】、【墨魚滑】，好似漿和粉頭，無魚味，純粹為了飽肚是可以的。其他的食物和一般火鍋店食到嘅差不多。一行四人，總共吃了八百幾元，食物都還可以

荃灣的「辣度餐廳」，一聽名字就知道是吃辣的，朋友邀請我一起去吃火鍋，我立即耍擰頭，他卻說：「這裡除了重慶火鍋、青花椒麻辣鍋之外，還有一個清新水果鍋，保證不辣！」 原來這是一間新派火鍋店，裝修比較摩登，沒有中式大圓枱，更適合二至四人來開餐； 除火鍋之外，亦主打炭燒小食。 調味醬料比較簡單，只有豉油、麻油、蒜蓉、蔥和芫茜，不及外面的五花八門。不過如果是吃辣鍋，湯底味道已經相當足夠；如果吃水果鍋的話，如想吃出清甜的味道，亦不適宜太重調味，所以個人覺得碗內都不需要放太多調味料了。 清新水果鍋（$88) 以為會是雪梨之類，卻沒想到原來是哈密瓜＋白蘿蔔，湯底愈煲愈甜，令食物煮完都多了一種天然甜味，明知火鍋湯底好熱氣，吃到最後都忍不住喝了兩碗。 墨魚滑老油條（$50） 燒豬頸肉（$38） 叫了兩款小食，都做得不錯。油炸鬼炸得非常香脆，加上彈牙墨魚滑，是不錯的配搭；豬頸肉經過炭燒，有一陣炭香味，豬頸肉亦夠腍身，點一點泰式酸汁，好吃。 脆鯇魚片（$48）、水土魷魚（$38） 豬肉韭菜餃（$38）、鮮蝦雲吞（$35） 白魚蛋（$33）、牛筋丸（$33） 安格斯小牛排（$168） 凍豆腐（$28） 雜菜盆

我平時都幾鐘意食辣野，今日試呢間真係好堅！堅辣！坐低就見到枱底下面有個籃可以用黎擺放隨身物品，呢個設計唔錯點完野食後就開始調較自己喜歡既醬料啦～雖然選擇唔算好多，但勝在材料夠新鮮。配料有：蔥、芫茜、生蒜蓉、豉油同麻油青麻辣花椒鍋 $78呢個鍋我揀左一隻辣椒，不過都好辣！湯底一黎到已經聞到麻辣既味道，湯底好多大蒜、辣椒籽同其他香料等。一路滾就越食越辣，但細心既店員見我食唔到都有問洗唔洗幫我撈走面頭層辣油，貼心服務抵讚。墨魚滑 $48呢度既墨魚滑做得幾好，打得滑身之餘仲咬到一粒粒墨魚肉，口感唔錯～生根 $28生根呢啲索汁既野係必點既！烚軟左之後索曬所有辣湯精華，放入口爆汁果吓真係超爽南瓜片 $26我開頭以為南瓜要等比較耐，但原後切薄片後好快煮淋，食材品質OK，咬落有少少似薯仔粉粉地果種感覺～雪花肥牛片 $98肥牛脂肪分佈均勻，入口鬆化，雖然湯底麻辣但都食得出牛肉既香味。刀削麵 $22刀削麵不過不失，入口煙韌彈牙，同埋都幾掛湯~唐生菜 $28夠新鮮同大大棵，生菜都無咩野可以挑剔啦 XD餐牌

其實係寫呢篇食評之前已經黎過呢度食過幾次晚餐, 一路都覺得唔錯, 有得打邊爐同食燒物亦都帶過唔少朋友黎食, 個個都話會返"卓", 所有今次就特登影埋相 寫反個食評先好野緊係要開心share下喇...ps: 今次同朋友一行5人食呢餐的比D鋪面相大家睇下先.. 個裝修.環境.格局係幾有feel, 睇得出老闆係落左D心機..鋪入面仲有個黑板寫左D是日新鮮海鮮好喇...開始叫野食..食野喇... (PS: 相入面有食評, 自己禁入去睇)果日岩岩係第一日有1664白啤既生啤賣,我地5個人當然唔執輸喇, 人頭一人一杯ps: 我飲左4杯-__-打邊爐最緊要係個湯底 我地叫左個 "青花椒麻辣鍋" 中辣唔錯 唔算太辣 出面未見過 幾有特色打邊爐醬料係好緊要既 呢度最特別係佢個"麻油"正常人整醬都係大概 8分鼓油2分麻油, 但係呢度一定係8分麻油2分鼓油 個麻油係超香 香到言語不能形容之後想加辣既話 經理仲幫我地整左一人一磅仔既即炒辣椒好香, 細問之下 原來個辣椒係用牛油炒 同埋個麻油都係自己加左工, 難怪 未係出面食過...之後下面就係我地叫既燒物同火鍋料先介紹燒物..火鍋料...最後我地食左好多野..

剛好在荃灣廣場睇完電影，就四處遊蕩搵野醫下肚仔荃灣廣場既食市黎黎去去都係個幾款都食厭曬，倒不如走出小區搵下D地道香港人熱愛的打邊爐文化。咁就被我地發現左間新開無幾耐既餐廳本著新開高水準的格言，就入左去食啦~~~~~~~辣度餐廳，我本人就係被呢個名吸引著。因為我實在太愛吃辣了，希望呢餐無令我失望啦!!!!><海鮮類、餃子類、肉類、蔬菜類、火鍋配料，都係打邊爐個種類，應有盡有!!!更甚提供左小食類別，令大家等野上黎個陣都有D食物落下肚裝修都落左不少心思，簡潔又光亮可能時間尚早，人流不多，好岩我地兩個人慢慢傾先來個調醬汁的前哨~~~本著我地叫左個重慶麻辣鍋(中辣)，我地就清清地咁調左個蔥花蒜泥豉油由於新店開張未耐，店家送左個即炸蝦片俾我地試食即炸蝦片脆卜卜，再配上個秘制馬來西亞醬，個種類似於麻醬既味道中和左剛剛炸出來蝦片的油脂感味道還真的有特色，不錯的前菜~~~燒牛舌 $35為了在等火鍋來之前都有D小口吃著頂住既關係就叫左自己最愛的牛舌旁邊仲配埋個酸酸甜甜的醬，非常開胃像我這樣的小女生就愛一口焦脆(燒牛舌塊)一口酸甜味(醬)牛舌燒得不會太過份，仲十分嫩~~雪花肥牛片 $98一

週二晚同幾個朋友喺荃灣食晚飯，呢間餐廳應該係新新地(?)，近住荃灣廣埸，上次睇戲已經見過。只係小店一間，位置唔多，但乾淨企理，而且平日客人唔算好多，坐得舒服，播住純音樂，可以靜靜地傾下計。晚市供應火鍋，選擇唔算好多，勝在價錢唔貴。醬油$8/位，有豉油、麻油、芫茜、蒜蓉、蔥，獨欠椒絲，愛食辣嘅我問問店員，佢地提供左【青花椒麻辣醬】俾我地，正喎花椒味隱約滲出，加上青辣椒，既香又帶少少麻，可以預計佢地嘅同名鍋底都會非常惹味餐廳共有4款湯底，包括重慶麻辣鍋($78)、青花椒麻辣鍋，濃湯豬骨鍋、新鮮水果鍋($88)，辣度可以自選。配料有牛、豬、雞、羊，選擇唔多，比較特別係有豬皮、豬腰、豬腦花等，價錢同一般火鍋店差不多。另有丸類、餃子、蔬菜、麵食等，平均三十零蚊碟。是日《新鮮運到》，會寫喺黑板上，當日有蝦、花甲、脘魚腩。濃湯豬骨鍋 $78鍋底已有粟米、兩大件豬骨，味道不俗，湯底有少少胡椒味，唔會太鹹；但未至於會濃到要黎飲用，畢竟係普通湯底價位。花甲 $58花甲大概有10隻，幾大粒架，雖然蜆肉唔算好飽滿，但粒粒冇沙，滲入湯底豬骨味，非常鮮甜豬肚 $38朋友們一致覺得豬肚好食，腍身得黎爽口只係切得有點