影片
以上資料只供參考, 請與餐廳確認詳情
有一次係Openrice搵食見到呢間火鍋小店，LUNCH時間居然有午市套餐，雖然款式唔多，不過食物吸引，決定星期六去試下。中午時間1點半前黎到，店內食客唔算多，但無諗到9款套餐中，有5款已經售罄…..😫本身已經唔算多選擇，而家更無選擇😥。結果同朋友都揀左香草雞扒，不過一個配即炒意粉，另一個配薯菜。午市套餐包餐湯，分別係西蘭花忌廉湯同水果南瓜湯前者好重西蘭花味，但完全無忌廉香，似係西蘭花蓉羮，唔好味。後者南瓜香甜，比較好味。香草雞扒配即炒意粉 $58意粉的確係即炒，有黑椒、洋蔥香，上枱果陣香噴噴!! 唔似坊間炒完放左好耐果D，意粉仍然彈牙，而且分量好多。雞扒唔單止大塊，仲好厚身，嫩滑又多汁。呢度既雞扒有別於其他餐廳既雞扒，多左一陣燒烤香味😌，似係煤爐燒多過煎。點埋個又蒜又酸既汁，別有一番風味。香草雞扒配薯角 $58薯角份量一D都唔少，分分鐘食完仲飽過食意粉!! 薯角係即炸，不過略嫌炸得唔夠脆口，但勝在重薯味。如果薯角可以另上會更好，因為雞扒太多汁，大部分薯角都點到D汁而變淋左。餐廳食物唔錯，而且幾大份，可惜太快無乜選擇，如果套餐供應時間長番少少就更好🤤。
繼續閱讀
上次同事帶我嚟食晏，食咗個蒜蜜豬扒意粉，當然已經好欣賞餐廳將我平時麻麻哋嘅豬扒煮得色香味俱全👍（上次未開始寫食評） 今日再去食lunch, 點咗醬燒豬肋骨配意粉$66，跟餐水果南瓜湯及涼茶（任添） 南瓜湯清甜，有果肉，感覺好健康同開胃。 涼茶夠凍，今次無上次咁足料，好淡味，希望下次改善返。 豬肋骨上枱好靚好吸引❤️豬肋骨燒到有脆口口感，好正👍肉亦無乾身問題，調味無過火，唔會太酸，好味過outback😅真係好滿意 意粉亦有誠意，唔係白意粉上，而係已經調好味，唔係碟頭飯玩法😜下次再嚟
繼續閱讀
之前經過 見到餐廳名 已經好吸引辣度餐廳 以為係食辣野 但原來午市 係有特別既Set Lunch夜晚就只做火煱Lunch黎要等位 等左幾個字 終於有位同朋友一人揀左一個餐兩款唔同餐湯南瓜湯 - 啖啖南瓜既甜味 湯面仲有蘋果切到碎粒 西蘭花忌廉湯 - 比較清小小 再黎就主食啦 蒜蜜豬扒 煎得好出色好香口！意粉都好香蒜味 味道帶甜醬汁方面 餐牌寫秘制辣汁 但我就覺得唔辣 酸味較多 但如果覺得豬扒肥膩 點下都唔錯！朋友點既黑椒牛柳絲炒意粉 好香 牛柳絲都有醃過 唔馬虎 再黎是日涼茶 羅漢果茶 飲得出真材實料
繼續閱讀
4個人飽肚食左$1035 連加一湯底正 夠麻辣 牛都唔錯 仲送糖水紅豆沙都係出色老闊十分nice 野飲係任飲 員工好細心會不斷話幫你加野飲下次會再幫襯！👍🏻👍🏻😊
繼續閱讀
一年四季最啱香港人胃口既緊係打邊爐！ 呢間舖出面就有泊車位，冷氣充足，可以電話預約，放假都唔洗排餐死先有飯開。之前已經幫襯過，職員友善，材料新鮮保持水準！👍👍 湯底絕無油膩咁!👍👍👍我同老公最鍾意佢地既雪花肥牛，特色火鍋材料及自家制既青辣椒醬和紅椒辣醬。 亞囝同亞囡就最鍾意佢地即叫既制既特色小吃和炸物最近佢地週年記念活動汽水，涼茶免費添👏👏會再幫襯!！
繼續閱讀