車品品小食 (已結業)

今日第二次去..同男友冒住橫風橫雨過去大角咀...雖然尋晚先食完..但今日本來去交電話費..男友失驚無神話去車品品...我梗係去啦^^..所以今日又去左車品品度食啦...今日下晝去見唔到老闆娘>.<叫左兩溝、蝦籽白粥、魚蛋+豬皮+蘿蔔同埋紫牛...今日個兩溝加左菜甫..第一啖係好辣(我同男友都唔食辣的)..但食下食下雖然個口仲有辣味但越食越好味..蝦籽白粥同埋蘿蔔仍然係咁好味！另外一提，個紫牛好好飲...我個人暫時比較鍾意紫牛呢..下次要試埋金牛先得！希望下次去可以再見到老闆娘啦！

今日3號風球兼中午時份, 冇乜人, 叫了魯肉餃蝦子麵, 三溝碗仔翅同炸豬油渣, 麵好快黎, 但翅等了又等, 要趨先發現漏單, 再睇其他人都係咁, d呀姐禮貌好好, 但得罪講句, 做野真係幾滕雞, 又冇記性, 唔知係咪新黎做, 希望慢慢好d啦. 魯肉餃太甜, 湯太淡, 蝦子咸, 如果逐樣分開食就一般, 點知一齊擺\落口, d味道就0岩0岩好勒. \"翅\"就一流, 真係粉絲好食過魚翅. 豬油渣份量不多, 但建議比隻大些少既碟裝好d, 隻豉油碟太細勒, 好似好小家咁.

前晚8點幾去左試, 先唔講食物,老闆o既招呼都真係唔錯, 不過唔知係咪做左成日好累, 成日行錯位點左豬腸, 蘿蔔, 牛腩, 翼尖, 辣炸魚旦, 包心丸,魯肉餃, 生菜, , 一碗翅,一個幼麵, 仲有老闆台台都極力sell o既蒜蓉花技丸,一杯梨茶同一杯豆漿梨茶同豆漿好快就上, 不過略嫌細杯左d, 女朋友話個梨茶冇咩味, 又唔甜又唔潤, 好似飲水咁, 個豆漿就冇咩特別啦之後等左5分鐘後,d 野食先黎, 可能多人叫外賣掛..先試下個魯肉餃, 表面有d 蝦子, 肉餡味道不錯, 但好似甜左少少..其實其他食物都較為偏甜, 牛腩,豬腸都係.......最好味我覺得係個蘿蔔, 清爽甜, 最快俾我KO哂個翅..女朋友話ok, 我就覺得同深水步某車仔麵o既翅好似一樣味道咁......埋單時, 老闆問d 野食點, 我就話d 餃甜左d, 佢話會留意下

近日見到各位網友對車品品有很高評價,所以特地去走一趟........知道是新開,所以對服務同出品時間唔會有要求.....因為在運作上一定是混亂...之前已經知道這裡是吃什麼的,所以亦不會有特別的厚望.....魯肉餃沽清....無得食....叫了4車仔面,辣魚旦,籮白,豬皮,亦尖油面要咖喱汁中辣,另一個要豆卜,籮白加蒜香花枝丸油面,一碟才心,一黑牛一紫牛........還有豬油渣....$8一小碟豬油渣真是很貴,亦不特別好吃.車仔面咖喱汁雖然香但唔知點解佢染到碗油面都係紅色.....籮白有渣..但甜...蒜香花枝丸是叫來的,不特別亦太硬(只不過出面其他地方無得食所以覺得特別,相信魯肉餃亦是一樣).運作混亂,落單混亂,希望不久將來可以改善,唯一欣賞的是老闆娘的熱誠..... !對我來說,這間只不過是一間極之普通的車仔面店,是否真是有如各位網友般值得去吹棒呢............?因為價錢便宜,可以有什麼的要求呢.....!順帶一提,昨夜我見裡面有一大棚人,不知是否Openrice的網友在裡面開P........

最近上貴網, 發現車品品重出江湖. 腦海裡即時浮現了魯肉餃上面洒滿蝦籽的樣子, 很有衝動再吃一次.即晚聯同老公去食. 舖面大了, 裝修也很好. (忽然又懷念坐街邊的風味, 人真是…永遠無法滿足的)原先坐入走廊盡頭的內廳, 但鄰桌坐了十多人, 談笑聲在細小又四面環牆的內廳,顯得份外吵耳. 所以轉到近門處的座位, 立時得享安寧…首先最想點的是魯肉餃, 可惜老闆娘說售罄, 太可惜了…最後點了招牌什麵配烏冬+台灣蒜茸花枝丸, 炸乾豬油渣, 咸肉粽, 紫牛(由老闆娘推介), 朱古力雪糕+忌廉(黑金牛混合體)招牌什麵配烏冬+台灣蒜茸花枝丸–整體都唔錯. 白蘿蔔真係好甜, 真係無用糖水煮或浸? 個台灣蒜茸花枝丸只屬一般.炸乾豬油渣–看得出是有誠意的作品, 但不是兒時的豬油渣, 始終欠缺了一點…咸肉粽–出乎意料地好食^_^紫牛–芋頭雪糕香, 不過加左汽水之後好多泡, 我唔係幾鍾意.朱古力雪糕+忌廉–個朱古力雪糕有朱古力粒粒架, 好味!老闆娘依然笑容可躬, 令食客還是願意再來幫襯!希望下次食到魯肉餃. 老闆娘加油!! ^_^

這裡未開已經約了一班圍內食友柴娃娃又來吃，現在車品品舖面大了很多，我們坐在裡面的「四合一」大檯，地方寬敞又冷氣足，十分舒適。十幾人，在這裡是怎樣叫也吃得完的，也不知幾多轉，落花流水的，是見東西就吃。油渣、大腸、翼尖、牛腩、鹵水蛋、澹心皮蛋、生菜魚肉、碗仔翅、鹵水牛利，統統都吃回以前的味道，是一眾熟悉又滿意的小吃。可惜鹵肉餃是沽清，也好，留一點想吃的下次再來吃。反而是第一次吃這裡的菜飯，飯身乾身不油，又有香味，菜乾及冬菇的香味也有，非常出色。不吃麵不吃粥，吃這個菜飯都會稱心滿意。當然最後是特意問定老闆娘的兩款糖水，津紅及大四喜，吃開的不用介紹，總之有就會吃。津紅清香起沙，大四喜﹝圖示﹞清甜又有粒粒士多啤梨配襯，是再戰江湖的兩味甜點。但事先聲明，應該是賣完即止，亦不知是不是天天供應，看食緣吧。埋單每人四十六蚊，吃得飽飽又坐得舒適，一個字~抵！題外話：見老闆娘弱不禁風又戴著口罩的樣子，也真的要保重，還有仗要打的啊！

尋晚同朋友睇完Toyko Drift...10:30到唔想食得太飽,又記得之前睇到OpenRice話車品品開返,於是一於去試下!我叫左皮旦瘦肉粥,朋友叫魯肉餃。皮旦瘦肉粥極速送到,好細碗.....$15!!樣子亦不討好,似潮州粥+皮旦瘦肉!食落口.....凍過室溫!尋晚得23,24度....好失望~~完全無諗過皮旦瘦肉粥會係凍架....仲要無味~絕對係潮州粥+皮旦瘦肉,我好肯定!魯肉餃我試左一隻,淨係食到好甜囉!唉....無心機影相~~早知去文匯街食菜干豬骨粥同腸粉啦!

响咁多年嘅覓食經驗中，從來未試過懷著咁興奮嘅心情去試食一間鋪頭...自從上次因一時唔耐煩而放棄咗試食機會後，就一路後悔到依家，真係從來未有過呢種感覺...當一知道火鳳凰重生後，馬上推掉所有約會，會合女友飛奔前往...鋪大咗好多，仲有三十幾人嘅party room添，恭喜晒老闆娘...之前打俾老友做定research，一坐低就瘋狂叫嘢食--- 蝦籽白粥、豬油渣、魯肉餃、魚肉碗仔翅、四餸車仔麵、淨蘿蔔、皮蛋酸薑、兩杯梨茶，最後再加個阿婆蛋糖水，令旁人為之側目，心諗:呢兩個人係乜構造嘅lei?梨茶味道淡淡，好家常feel，冇一咲可厭嘅香精味，如果甜番少少會更好；豬油渣香且脆，係明符其實嘅油渣，不過就貴咗少少(大約六七蚊一小碟)；蝦籽夠鹹香，配上homemade白粥，再放D油渣响面，實在好味..^_^；之前對魯肉餃有好大期望，食落係好食，但反而覺得驚喜不大；碗仔翅入面嘅肉絲夠，而且係一絲而唔係一嚿嚿，足見心機，亦不感到落咗味精，女友都話OK，魚肉亦係自製，不俗；車仔麵亦唔錯，特別出色係魚蛋，自家製，一食落口就同外邊嘅唔同，有魚味亦夠質感，配上香辣咖喱汁，唔錯；蘿蔔好清甜，冇渣，同女友不斷問點解

看見食評話這裡的東西好吃，便專程來試一試，來到的時候，已是三時十五分，車品品落半閘，我們係門口行下逛下約三分鐘，裡面既唔知係六七位定係七八位員工，見到我，都無出打個招呼，我們看車品品的開舖時間，寫明下午三時開舖，我們惟有到好彩飲茶，出到，想去車品品再試一試食物，點知仲未開舖，望下個鐘已經係下午四時四十五分。第二天下午三時二十分到該處，車品品已經開舖，但約了朋友試下好彩那些點心，故飲完茶才到這裡買碗仔翅回家品嚐，見到該處的豬油炸渣似乎用五花腩做，回家吃碗仔翅，很多的冬菇片及肉絲，可惜冬菇片太多，影響口感，而味道雖然比一些售買碗仔翅的檔口好些，但味道卻嫌寡些。見到有位阿達姆說見到員工服務好，原因係「老闆娘」坐陣，員工唔敢服務差，除非博抄，所以呢，見到老闆娘，招呼都好些。

新店重開，我都黎試下，老板娘依然非常親切，之前睇食評話其他員工好似唔多有禮貌，可能新請返黎，我今日去佢地都已經幾好招呼，叫o左碗仔翅同埋魯肉餃，準備真係有返咁上下，同我樓下某食店果d碗仔翅真係兩個級數... 見倒仲有車仔麵，一次食唔倒咁多，下次再試，其實呢度對我黎講唔多就腳，但真係值得特登行黎食多幾次。

其實一早係openrice見到好似好吸引係佢停業之前已經想試但係冇機會,宜家終於搵到一晚黎試今晚2口子嗌左1.碗仔翅2.雜車仔面3.魯肉餃今晚既野食都等得比較耐,男朋友已經有dd唔耐煩算啦,好彩都有時間既...老闆娘都好nice,只可惜我既性格比較cool..不過食野最緊要係味道味道呢先上既係碗仔翅其實我真係食得出好味過出面果d,但男朋友話冇乜分別anyway我都覺得分別不是很大..後來又黎埋雜車仔面,我地叫中辣,待應話都ok辣不過我地一放入口,真係一d都唔辣既..所以就麻煩佢地拎d辣汁黎,點知拎左咖喱,算啦,照食可也~其實雜車仔面都唔係我諗咁大碗(因為諗住大碗所以想食!),起碼我一個女仔都會食得晒...(有可能係我大食既),至於d送真係冇咩特別...有d我覺得係水準之下比如豬大腸呀,雞翼(有毛!),同紅腸(有怪味)最好食反而係粒魚蛋~蘿蔔有水準呀,我平時唔食都食左入口!最後係魯肉餃,呢個味道偏甜,可能我同男朋友都唔鐘意食偏甜既菜式,所以唔太得我地既歡心..其實我仲有好多野想試,如豬油渣,梨茶,不過唔想又等太耐,所以就算了整體黎講味道冇想像中咁好,可能係d野唔岩我地胃口,感覺上較有家庭

夜了來，所以想試的蘿蔔，魯肉餃，無晒。老闆話應接不暇，供不應求，唔好意思。咁諗住叫糖水啦，係阿婆蛋花湯，因不感興趣，於是只叫了秋梨茶同翅仔烏冬(翅+半個烏冬)。哈，都幾得意。招呼好，環境亦好了，仲話有好容納36人的派對房，唔錯。看得出老闆很用心經營。o係餐牌到見佢有網址(http://www.dogbonbon.com)

魯肉餃- 一碟8隻, 上面有蝦籽, 仲有菜tim. 好味呀!蘿蔔- 幾清甜, 如果可以再淋d 就好啦...碗仔翅(兩溝) - 好足料, 無味精味!新舖好大好靚, 唯一美中不足就係d位比較迫(non-卡位), 坐得唔太舒服.

一知道車品品老闆娘再次重出江湖，己經急不及待走去試。初頭諗住舖頭收凌晨12點就唔咁早去迫啦，咁就差唔多10點先去到，點知老闆娘話好多野都己經賣晒!!我想食既蘿蔔同魯肉餃都沽清，連菜甫都掃埋.....=(相信好多人都同我一樣實在太掛住老闆娘既野食.... 但都要俾d耐性俾佢，雖然好多野都賣晒，但至少有一樣野冇變...佢既野食一樣咁正!!!努力呀!!!

滂沱大雨,入到去,並不是太多人,據聞有人單是排外賣已花了一個半小時。認真誇張!我們把傘放0係地上,員工便立即上前問我地要唔要膠袋袋著,真係細心~服務已經沒有一百分都有九十看看菜單,上面標榜不用微波爐及豬油煮食,一來就先叫了個黑牛(即是朱古力雪糕加可樂) $12,老實說,我一向不喜歡喝可樂,但朱古力雪糕同可樂產生出的化學作用,竟然是出乎意科地夾!兩者混合在一起,質感有如泡沫咖啡,香香甜甜地但沒有汽水的"那"口。另有紫牛(即香芋雪糕加雪碧) 及金牛(即呍呢拿雪糕加上玉泉忌廉)。魯肉餃$20 8粒,以生菜做底,上面灑上蝦籽,一口咬下,甜甜地, 仲有好多汁。碗仔翅不愧為五星級,超級足料!好香冬菇~我是冬菇的支持者呀!!!加上辣菜甫真係好食都暈~~~~還有一小碟豬油炸,想必是佐酒送粥的最佳小食,一條條,好香脆,又唔油膩。不過$8一碟,真係貴左少少,都估唔到會咁細碟!最後叫了一碗車仔麵,聽聞該店的蘿蔔非常馳名!蘿蔔都出名?車品品的蘿蔔不但完全沒有渣,而且味道極之清甜!!!你完全唔覺得自己係食緊蘿蔔,而係食緊瓜!好正好正!!每人消貴大約三十五元,結帳時$70不用找,當係小費,因為真係太好味,太正!點