車品品小食 (已結業)

終於27/9去試完, 一般啦, 冇乜驚喜。蝦籽魯肉餃面, 蝦籽幾好, Ｄ魯肉餃就有創意但味道一般, 咁既水準$28蚊就貴咗Ｄ, 叫咗豬紅, 菜, 亦尖, 羅白, 豬紅硬, 冇乜味, 亦尖普通個普通, 李x記汁煑重好味, 蘿白就是蘿白, 清甜, 只有蘿白味, 燙底好清好清, 好鬼清, 最正原來是那杯加兩蚊就有的秋梨茶, 面同餸分開上本來係好事, 點知分開咗成十五分鐘, 碗蝦籽魯肉餃面先至上就差Ｄ合共$46蚊, 咁嘅價錢車仔面, 唉!!

感謝有Openrice這大眾飲食平台令我們搵食的和銷售的能作個參考，令我們知道有問題能作善後、交流和改進，任何人也「為兩餐」而openrice實是眾人之福呢。在此要對食家「冇啖好食」君先說句「對不起」，好彩您是OR這邊的食家幸好您出了這食評。那天因先後煲了兩煲津紅：第一是早一點做熱用的而另一煲隨後煲的是留下準備作凍賣的而還未完成，是伙記大意補充時取錯了，知道那時卻知賣了一碗外賣走，味道需不失但口感確是打了折扣。29日上午看到這食評，下午對已這伙記作了紀律處分即時革走。但看您的食評也真的深深體會那失望之情，將心比心吃東西也要好心情，那就下次不要光顧我吧……順道行經移移玉步，找我或任何一個員工告知是「那碗外賣紅荳沙」，自當原銀奉還也希望這善後令您滿意。俗語有說「百家口味」，小店也本著力求改進的心會多加留意是事實的食評，積極回應，希望能在此互相交流的平台裡做出一股好風氣並肩成長和進步哩！各食友要多多交流指教喔！

今晚去完力奇打邊爐順便過黎買碗紅豆沙回家吃。回家發覺真的是紅豆還紅豆，水還水，並不是綿綿紅豆那樣亦不像沙，還是一粒粒很完整的，真的有點失望。其他的東西雖還沒機會一試，但一碗紅豆沙也如此，著實沒再光顧的理由。

今日去開fd屋企, 本來車品品就係我fd屋企樓下, 新鋪都不是太遠, 之前次次都無機會試, 今次同fd行遠d都要試下!我地大致試了~1.碗仔翅~ fd 話好味~ 我無試2.雜面~ 睇落去好多料~ 我都無試3.魯肉餃~ 好好好好味~ 加埋蝦子~ 好鮮味4.蝦子面~ 未試過蝦子面加蝦子~ 好好既配搭~ 好味5.菜莆~ 免費2小碟~ 撈面食一流~ 不過幾辣6.梨茶~ 清清地少少甜~ 一飲就知係自家製造~ 不過甜多少少仲岩我老闆娘果然待客非常熱誠~ 雖然價錢貴左d ~ 不過都值

好好味又唔係未去過可以特登去試下試完就會知值唔值得再特登去同男朋友去食左魯肉餃蘿蔔仲有鮮有gei熱秋梨茶魯肉餃比舊鋪果陣好似淡味左d蘿蔔陣冰糖甜味太重啦好怪秋梨茶真係想飲多幾杯特別係落雨凍凍地老闆娘服務態度真係好好或者係d野唔係太岩我口味如果唔係去開果頭我都唔打算再特登去

老實說，的確是被食評吸引而來!一入門口最令人滿意的就係老闆娘的笑容，成日同人講對唔住好搞笑，但係都幾親切，睇門口的黑白芝娃娃都好得意。講到野食，好遺憾冇我食最想一試的魯肉餃同羅白，只好食其他東西。試了蝦子撈面，講真可能係我唔識食，我只覺一般。又試左D雜送，25蚊一份原來得好少好少野食，有好多菜但係D送平心而論真係少得有D可憐，味道亦屬一般，累我俾d friend鬧......價錢方面真係幾貴，如果相比起食物的份量，如果每樣平5蚊就差唔多了。最後都食埋個糖水阿婆蛋... ok啦綜合以上，只能俾個ok，笑面實在唔可以偏心俾。

同bf係奧海城睇完戲,就順便黎會一會車品品la~搬左之後第一次去...2個完全唔識路...好在有map姐~奇實都唔難搵~入到去地方大左~好明顯係間餐廳~唔似以前GE一間小食店~我地2個人食左蘿蔔~哇,仲係咁好味,咁甜又冇渣(食左2份呀..HAHA)碗仔翅~足料,但係冇咩味咁GE~D魚肉就仲麻麻地LA~油渣~哈哈~好耐冇食過呢家野啦~後尾老闆娘仲比左細細碗白"祝"比我地加埋黎食~再加D辣菜甫~好好食架~大四喜~有香香GE桂花味,好清甜~我好鍾意呢個呀...仲有土多啤利~真係好特別~黑牛~未試過GA~可樂+朱古力雪糕..原來咁得意GA...個味同思樂冰好似GA~但佢仲有朱古力碎TIM~總括黎講都係食得咁開心,仲好飽TIM~老闆娘有時會走過黎吹下水~佢仲係KEEP住咁開心GE笑容同親切~不過我覺得佢好似比以前仲瘦左,保重呀~

今日終於「的」起心肝同男友去係眾多openricer心中評價甚高的車品品，我哋大概兩點鐘到達，唔算多人，地方乾淨企理，女侍應十分有禮，令客人食得開心舒服。我們點了碗仔翅、魯肉餃、淨蘿白和菜飯。碗仔翅果然名不虛傳，稀杰適中，用料足，口感一流。淨蘿白嫩口無渣，不過我就不太喜歡呢種甜味，個人認為「大利」嘅淨蘿白好味啲。魯肉餃我同男友都唔太欣賞，魯肉餡又咸又甜，味道怪怪的，不過啲唐生菜唔錯，非常嫰。菜飯好普通，啲飯太腍，如果白菜多啲仲好。我和男友都係芋頭fans，這裡的「紫牛」(芋頭雪糕溝支裝雪碧)非常好飲，芋頭味夠重，必試。

9月22日22:00受不了OR圈內品牌誘惑，需在皇崗口岸開過餐，已九成飽，仍要一會這店。地方大了，用了仿原木卡位，有特色；廚房開陽。本想要油渣粉仔，可惜不再供應，祇有油渣淨食。結果要了油渣、碗仔翅和梨茶。油渣：薄而細長，炸得通透，乾身不會滲油，極脆身口感好；老闆娘說白色是肥膏，比偏黃的更滋味，細嚼在真的甘香無比。本想將油渣混入翅內或一片油渣一口翅，結果還是一片接一片地吃光為止。碗仔翅：清淡素翅，片片冬菇和木耳絲，還混入炖肉絲絕不肥膩，吃得健康。秋梨茶：保持水準，清甜無比。老闆娘加油^m^

聽左車品品個名咁耐終於有機會黎呢度試下,因為我夜晚係附近返學,放學同男友黎試下,連續黎左兩晚蘿蔔甜, 鬆化,冇渣,好好味,我bf話從未食過咁好味的蘿蔔,軟硬適中蝦籽粥粥好綿好綿,好好味,蝦籽我本人不喜歡,bf中意.下次我會叫白粥/皮蛋粥,呵魯肉餃我bf覺得好食,我就中意墊底的菜,好新鮮好青綠,好味碗仔翅好多料,唔會好稀,味道清清地幾好,唔太濃梨茶好清好潤,有梨香,唔太甜車仔麵既送,都係蘿蔔最好,其他一般,但量多,抵食.通常會比第2度多兩至三粒.下次有機會想試大四喜,我中意桂花香,不過唔多想飲凍野,呵..另外好想試紅豆沙,希望快d有啦老闆娘好nice,成日主動問客人d食物點,聽佢講都接受左唔少批評,我覺得,覺得好味的客人自然會再上門,果d唔中意既人就由佢啦.講真,煮野食既做法係自己既自由,d唔中意既人咪由佢囉. 有人話佢用冰糖浸蘿蔔, 咁人地用醬汁, 調味料醃食物都係一樣姐.整得好食咪得囉.另外希望可以多幾種食物可以揀,因為好多野都係流質的,叫太多會一肚水..好想試粉果..既然而家人手多左,應該唔難@@我諗我會變成呢度既常客,因為放學要食野,加上佢食物唔錯.不過有點怕遲d愈黎愈多人會冇位

由旺角搬到黎大角咀，一直都想黎試，尋日終於有機會黎試o左。特別叫左出名既魯肉餃，碗仔翅，雜麵同秋梨茶。個碗仔翅同雜麵都幾足料，而且好大碗。但個魯肉餃就好似冇咩魯肉咁既？而呢度既蘿蔔真係好甜同埋個秋梨荼都好潤。

車品品新舖都開了近兩星期，一直都話同朋友一齊去試，但講左咁耐，尋日先有時間去。我對大角咀既路不太熟悉，好在有盲公竹，我們才順利找到。是晚我們一行三人到店搵食，大概是七點零鐘到埗，但出乎意外地係唔太多人，無需等位。照舊是點了很多招牌菜，如魯肉餃、蘿蔔、雜麵、蝦子白粥、黑牛和梨茶等。蘿蔔仍是清甜無渣，看得出是花了不少心機和時間去炆，是我的最愛。魯肉餃的賣相比起我第一次來試時確實是遜色了一點，但當然，味道仍是好好。蝦子白粥的粥底總是十分綿，其他地方永遠比不上。同時，第一次食這裡的雜麵，好大碗，勁多料，蘿蔔、魷魚、豬紅、魚肉、魚旦、豬皮等一應俱全，丁麵就真是用出前一丁，不像大部份的食肆般用光麵或其他什牌麵去代替，我最欣賞。叫了失散近廿年的黑牛出來，雖不是枝庄可樂，卻已能勾起我的童年回憶。有點不同的是，車品品的朱古力雪糕並不是我們廿年前吃的cheap cheap雪糕，而是現今的高檔雪糕。新舊融合得一樣親切。吃擺黑牛也不夠，我們三條友還是要再叫梨茶一邊飲，一邊和老闆娘談天說地。從老闆娘的言語間，可感覺到她正承受著不少壓力，但更容易感受到的是她經營這舖的喜悅，這是令我們感到欣慰的。不經不覺和老闆娘都

從openrice的網頁中得知車品品於大角咀重開，一直想試試﹗由於對大角咀的路不是很熟悉，故都要小小時間才找到﹗新店果然如大家所言，大了很多﹗根據網友的comment，點了碗仔翅魚肉、車仔麵﹗由於男朋友不吃蝦籽，故放棄了魯肉餃﹗碗仔翅真的很足料，很香﹗蘿蔔果然無渣，很甜﹗老闆娘如常的食客傾談﹗最後還要了老闆娘介紹的大四喜(甜品)，果然很濃的桂花味道，喜歡桂花味道的人一定要試﹗

今日放天同女朋友專誠黎試，之前舊店路過太多人未能一試，今晚叫了魯肉餃湯麵，碗仔翅，紅腸龍蝦丸墨丸丁麵，菜一碟，諗住食完叫黑金牛但最後都無，魯肉餃比想像中細粒，麵餅大未煮林，碗仔翅足料，女朋友無乜投訴，其他中規中矩，價錢其他地方可以俾到更多。新環境老板娘重摸索緊，點菜有少少亂，這過倒是不大問題，反而後欄食野有大陣廁所味(近廁所)，唯一美中不足。

我評論這碗仔翅沒味道,就給其他人硬說我愛吃"味精"的食物。是否有味道的食物就等於下了味精呢?這碗仔翅有木耳,冬姑,雞絲(我有朋友同意是雞絲.,但家人又說是瘦肉絲.,但根本是沒肉味,根本不能在味道那裏感覺是雞還是瘦肉絲)。而冬姑的價格可以由平到30元1斤到貴到500元１斤也有,它們的分別在那裏呢?貴價冬姑你可以臭到濃濃香味的冬姑味道.,但賤價冬姑給你怎樣索也索不到一絲味道出來。而雞也有鮮雞,大陸冰鮮雞,美國雞同賤價6元2塊的巴西雪藏雞柳肉。分別又在那處呢?就算冰鮮雞,你也可以吃到一點雞味來,但賤價雪藏巴西雞,你就算用什麼調味料醃制,你也吃不到一點雞味！情況就有如頂級新鮮牛扒同賤價巴西雪藏牛扒的分別。餐廳就算用上很多調味料醃制巴西雪藏牛扒,也一樣給食客批評沒味道(這個味道就是牛肉味了),而頂級新鮮牛扒.,根本就不需用任何調味料醃制也會有濃濃的牛肉味。用賤價材料當然不可能煮出有"味道"的食物來的。有人會說;你也不需要這麼認真去考究這款碗仔翅吧!!朋友;祗不過是碗仔翅而矣咋!!是對的.,但既然這裏有這麼一班朋友讚到天上天地下無的人間美食.,我是應該用美食角度來談論這碗仔翅的!!坦白說句.,深水