車品品小食 (已結業)

昨晚與女友到新店試,環境一般,叫了招牌車仔麵同碗仔魚肉翅同炸油渣,因糖水已經沽清,叫不到,而餐牌上的食物亦寥寥可數,選擇比上以前少了很多.....另外阿姐的招呼態度頗為惡劣,坐低幾分鐘亦無人招呼,場內人又不多首先上的是炸油渣,細細碗只有幾粒,但要$8,一食之下,只得個脆字,加上又凍,感覺唔新鮮,有少少反感,之後魚內翅到了,質素上與普通街外的魚肉翅無異,料不多,魚肉太'林',無咬口,加上魚肉本身又無魚味,很失望,到最後招牌麵上檯,料很多,但質素頗差,湯底太淡,食到一半已經無乜興趣再食,到埋單,企在門口成個字都無人理,阿姐仲要懶懶閒咁走過黎,頗過份整體上,質與量及選擇性不強,感覺上已經名過其實,要改善一下,還是舊店好得多.......

一條友去，叫左蝦籽魯肉餃& 秋梨茶，lunch time 秋梨茶特價$2，抵到爛，又好飲，好滋潤，同屋企煲既一樣！蝦籽魯肉餃有勁多蝦籽，好似唔洗錢咁，餃有8 粒，好細粒，唔算特別好食，同埋有好多好多菜，$20都ok既~~但三個鐘頭後我就敏感喇！！！成身又紅又痕又熱，我第一次食蝦籽，um.....可能我對蝦籽敏感啦~我諗蝦籽係唯一令我敏感既食物~~所以我俾中立。想食蘿白架，但點解無得淨叫既？一定要食車仔麵先有架？唔覺得特別好食，但算係好既。

碗仔翅:非常好味!足料新鮮!蘿蔔:從未食過咁好食既蘿蔔,真係好清甜...唔實得黎又唔爛!超好味蝦子粥:真材實料!仲食左:子薑皮蛋,魯肉餃,魚旦同紅豆沙!

一個字: 慢~之前同男友吃過一次,味道OK, 吃得過~ 不過要等十五分鐘以上先有0野吃到> <" 0個日落大雨, 客人接近一半, 唔知關唔關事... 之前同事都試過來吃, 又是上菜好慢...咁我見都吃得過, 帶了另一同事一起試, 入到去得我地兩個, 得了十分鐘左右, 個同事超唔耐煩, 其時店員通知我揀漏了粉麵類~ 心諗: 唔係而家先開始整呀嘛?! 都冇其它客...唉... 咁都咁慢, 最後都要十五分鐘左右先送到來... 我同事好失望... 幾次經歷都是咁慢...同埋0的"小辣" 都好勁... 第2次去都叫佢"小小小小辣", 佢都仲係"小辣"...

九月廿四日最近看雜誌知它重開，專誠去試。叫了碗仔翅、生菜魚肉、油渣、金牛及車品品招牌麵(雜麵)，叫招牌麵時問過有冇滷餃在內，答案話有，於是冇另外叫滷餃，但等很久送上的麵原來係冇滷餃，非常失望，味道亦不及太子的『老地方』，由於唔想再等15分鐘先有野食，所以冇要求換。其他食物評語如下：碗仔翅：足料，好味(全餐最好味)生菜魚肉：魚肉冇味，生菜太大塊油渣：不錯，起碼脆口金牛：不錯，其實冇咩特別服務方面還可以，但上菜極慢，所有人都好生手，在店內見到不少客催單，有個人仲走唔等。馬士打(史利夫太太)代筆

前日中秋節翌日夜晚食完飯，男朋友話想去食車品品..咁我緊係陪佢去啦...點知我地去到先知無開，男朋友唔開心。尋日星期日同男朋友去完唱k就過去車品品食啦..叫左兩溝、蝦籽粥、十蚊蘿蔔同埋黑牛..本來我想要紫牛架...不過無..搞到好失望...服務員擰兩溝同埋蝦籽粥黎時好細心問我地要唔要多隻碗...見到老闆娘好忙...外賣啦招呼客人啦...男朋友都好忙..掛住約朋友食飯..因為佢就快唔o係香港..所以想盡量見一見d朋友..搞到我自己一個食悶餐....不過車品品ge食物質素仍然保持水準...男朋友走左之後可能就得返我自己一個去食啦.....

上星期日，冇街去，跟爸媽到屋企附近的車品品試新野。三個人叫了超多野，兩碗雜麵+ 碗仔翅+ 糉 + 魯肉餃，最後還叫多兩杯梨水。飽到癲。雜麵(我果碗是走牛+ 中辣的) 好大碗，有蘿白(超甜) + 生菜(係我最鍾意的「綠色」生菜呀，一d黃都冇，正呀~~~) + 翼尖+ 豬紅+ 魚蛋+ 魷魚+ 魚肉(生菜魚肉的魚肉) + 大腸......都幾好食丫，d咖哩幾夠味，加埋d菜甫，夠晒辣，正呀~~~魯肉餃幾好味喎，個餡好濃麵豉味，不過就真係得麵豉味，我本人係好鍾意麵豉味，所以好鍾意。媽媽就覺得麻麻地......碗仔翅唔錯丫，夠味，但唔係味精果種死鹹味，幾好丫。隻糉我冇食到(因為太飽)，不過媽媽話個蛋黃好好食咁話喎。老闆娘好健談+ 講野好快(似我，哈)，只不過係埋單的少少時間，大家都可以有野講，讚~

大家好,一向在OR潛水,今日係第一次寫食評,希望大家多多指教.既然係第一次,筆者就挑了近期在OR大熱的車品品作題材.畢竟我也是看了OR才專程搭車去試的.今日我一個人去,試不到很多東西,其他食評家推薦的魯肉餃也沒有叫.只叫了個招牌雜菜飯跟一個黑牛.貪一次過可以試齊多種車仔麵餸.先說招牌雜菜飯,內有翼尖,牛腩,蘿白,冬菇,水魷,豬紅,魚蛋,生菜魚肉和芝士腸.其中芝士腸個人認為根本不應該出現,筆者食車仔麵,總喜歡要一些店家自家烹調的東西如冬菇和雞翼,芝士腸嘛,我自己買回家淥公仔面好了.另外蘿白無渣但味道太甜,甜得十分人工化,始終跟合益泰有一段距離,雞翼尖味道不錯,但未及得上榮安小食.大家別看我左彈右彈,人家一家合益泰在深水步,一家榮安在荃灣,你一家車品品食齊兩處美食,仲想點?雜菜飯另一個問題係放了魚棗(生菜魚肉那些魚肉),筆者自細到大食生菜魚肉都係配清湯,問題係車品品的雜錦餸內有牛腩,有牛腩自然有腩汁,加左腩汁的生菜魚肉,看倌大可自己想像.但不得不讚的是他們落的生菜的確菜味十足且十分翠綠,不像其他車仔麵鋪用一些又黃又爛的生菜,誠意可嘉!至於黑牛嘛,筆者本來是要紫牛的,不知為何他們的雪碧售罄,

上月9月19號，專試坐巴士再轉的士去此店。這店位置確實難找，或許可能我很少來大角咀吧、埃華街也是第一次來。山長水遠來到，甫進門，便看見像老闆娘的人。店內較暗，一排檯整齊排列，以為空間只有這丁點兒，原來內有乾坤，間隔怪特別呢。中午12時左右，只有三幾個客，事前已做足功課，二話不說叫了客魯肉餃，碗仔翅、菜飯、車仔食品。先來碗仔翅，只是微溫，一入口就是清淡的感覺，也可以說根本毫無味道，沒下師傅是好事，但用不著啖如水吧？車仔食品等了15分鐘也未來，經過跟進，老闆娘說什麼爐要再熱才煮，莫名其妙的。再等多5分鐘，車仔食品終於來了，沒有我叫的蘿白，卻來了豬紅，也不想再等了就沒更換，還是一般應有的水準。之後菜飯和魯肉餃也來了，先說菜飯，濕濕的，菜和冬菇也滿多的，嚐一口，不錯！雖則只有菜和冬菇，但飯充滿著菜香，很有味道，不只乾把菜放上白飯上，是有料理過的。然後再嚐魯肉餃，吃一顆，和我想像中的一樣，甜甜的，很像台灣的肉橾呢~一口一顆，小小的，加上蝦子，還滿滋味的。一場來到，再叫了一杯秋梨茶解解渴，喝起來淡淡的，這個我喜歡，雖然味道淡淡的，但喝得出梨味，冰冰涼涼，真的不錯！可惜份量較少，所以臨走要多杯外帶。

前幾日去車品品,總共$77.00, 叫了以下外賣:<br />1.招牌雜麵~ 餸菜好普通,只係多款<br />2.碗仔翅~ 好食,鍾意夠多料<br />3.蝦籽魯肉餃撈面~ 好嬲,返到屋企發<br /> 現俾漏咗個魯肉,食淨麵.<br />4.油菜~ 勁少,我冇留意幾多錢,但只有<br /> 5條菜心.<br />5.豬油渣~賣晒.<br />其實老闆娘好nice,又主動,問我會唔會拎好遠,主動分湯給我.但入面D亞姐態度真係麻麻,雖然D亞姐冇直接對我,但睇到佢\地對其他人(店內一位男士)態度超差,返到屋企仲要發現少咗個餸.更加覺得離普.

FLORENCE，多謝你為我的食評作交代，我想可能是那個員工無心之失，用不著革走呢，寫了篇食評令人掉了飯碗著實心內難安。說真的我並不是貴店老客顧，在舊店時也只外賣了一次紅豆沙吧了。OR著實太多人談論貴店出品，其實對你來說並非好事，雖然多人稱讚生意自然會好，但來吃的都會帶著很高期望，相對出品便要更加小心。那天我除了外賣了一碗紅豆沙外，還要了碗凍大四喜給太太，可惜回家後大四喜裡的料可能黏性大，已互結在一起，變成了大一喜，致令太座不滿，還請老板娘多加注意吧。順道祝貴店生意興隆！

2個人上星期六晚叫左個雜麵,碗仔翅+魚肉,仲有大四喜雜麵: 叫左米線..米線有點硬..都係鍾意食軟的~d車仔料就無乜特別..唔夠入味~碗仔翅+魚肉: 碗仔翅都好足料好味..魚肉得好少..um..無乜特別~大四喜: 好味..唔係太甜..不過d料就好似少d..可能係買到最後一碗啦~ 老闆娘..我覺得係可以熱食的..你諗諗佢啦~ 樓面加埋老闆娘有5個人, 不過都好似唔係好夠人咁, d阿姐好似乜都唔知咁..有點慢喎.. 老闆娘好nice, 每個客佢都走埋去傾計..不過只有老闆娘一個人落力仲要入去整埋野食就真係辛苦佢啦~洗手間可唔可以提供紙巾呢?

環境幾好, 裝修簡潔, 坐得好舒服, 廁所好乾淨, 值得一讚. 老板服務周到, 不過略為hard sell左少少.食品方面就有點失望, 可能係期望過高什錦米線-足料, 但味道唔突出. 米線幾彈牙.碗仔翅-夠份量, 料靚. 唔會好似一般咁一pat槳.梨茶-普通, 不過唔夠凍.魯肉餃-餃麻麻地, 不過清湯加左蝦子, 配搭幾好.魚旦/魷魚/蚊東菇油麵- 一般貨式... 不過魚旦唔掂.

以往只有在openrice內得知車品品有多好食,一值無几會來搵食! 昨晚終於試了~三溝--碗仔翅好足料,肉絲真是幼幼的"絲",冬菇夠淋,雲耳好爽,魚肉軟熟帶爽,無腥味架!! 生菜好翠綠,不會"碌"得過淋.雖然料多款,但食得出每樣都是fresh貨!蟹籽魯肉餃--蟹籽夠多,細細粒,好易食.喜歡他沒有過多的肉!肉經過充份調味,帶甜味的.整體好好味,但皮略硬.蘿匐--好好食呀!! 好淋,還有咬得開的渣~ 食得出新鮮蘿匐味!黑牛--玻璃樽奘coke+朱古力雪糕.玻璃杯入過冰箱,雪糕不易用.夠細心! 雪糕几滑,有兩球,但份量不太夠哦.太飽,下次再試糖水!地方不算難搵,好乾淨!老闆娘好好人呀=)

1.好正的碗仔翅，$12食到這級數的翅真係抵。2.菜飯($8)，我覺得好香冬菇味，又少油，好健康。3.車仔麵($22)，我叫了雞翼、魚蛋、牛腩、蘿白和幼麵。*個湯好鮮甜*蘿白好甜，我本身不太愛吃蘿白，但都覺得好味*魚蛋有魚味，不過我較喜歡細細粒的魚蛋*牛腩好濃味，正！一定再去！