車品品小食 (已結業)

今日終於「的」起心肝同男友去係眾多openricer心中評價甚高的車品品，我哋大概兩點鐘到達，唔算多人，地方乾淨企理，女侍應十分有禮，令客人食得開心舒服。我們點了碗仔翅、魯肉餃、淨蘿白和菜飯。碗仔翅果然名不虛傳，稀杰適中，用料足，口感一流。淨蘿白嫩口無渣，不過我就不太喜歡呢種甜味，個人認為「大利」嘅淨蘿白好味啲。魯肉餃我同男友都唔太欣賞，魯肉餡又咸又甜，味道怪怪的，不過啲唐生菜唔錯，非常嫰。菜飯好普通，啲飯太腍，如果白菜多啲仲好。我和男友都係芋頭fans，這裡的「紫牛」(芋頭雪糕溝支裝雪碧)非常好飲，芋頭味夠重，必試。