車品品小食 (已結業)

因為己經飽既關係，加上附近無位泊車，所以就外賣碗仔翅試下。果然名不虛傳，好大碗，很多料，又不會太杰，正﹗

睇過好多關於車品品ｇｅｉ食評，有好有唔好，之前都想去食，但無留意到星期一係唔開ｇｅｉ，今日終於去過一次，ｏｒｄｅｒ左幾樣，一牛腩二豆卜三魯肉餃四米粉我自己唔係食肉，所以只係食左一隻魯肉餃，我個人認為有ｄ咸，唔算特別好食我最鍾意ｄ米粉，好入味。同行的朋友認為服務好好，我認為作為一間小店，老闆娘好有熱誠，值得欣賞，有機會會再黎。

响力奇大殺三方後，轉移陣地再嚟呢度搏過..儘管各方食友覺得呢度水準比前稍遜，但小弟仍然認為佢係一間好有性格及heart嘅小店...人唔多，可以同老闆娘談天說地...已經好飽好飽，但都忍唔住叫到一枱都係嘢..芝蔴糊甜度剛好，清楚可以見到粒粒芝蔴，texture亦夠滑，跟炮台山福元各有千秋；紅豆沙入面嘅紅豆用上天津靚貨，夠淰，甜度亦啱，但稍嫌陳皮味不夠，但已係高水準之作...例牌叫蝦籽魯肉餃，味道一如以往，驚喜不大...傾傾吓老闆娘忽然攞個暖壺出嚟，問我哋試唔試靚豬油，即刻嗱嗱聲擔櫈仔排頭位la..打開一看，晶瑩雪白，好香嘅豬油味，老闆娘即刻淥一個蝦籽粗麵，之後加一匙豬油，吃一口，香而不膩，同老友馬上搶食，連相都唔記得影好精彩...最後老闆娘仲贈送一樽神秘果醬俾我哋，叫我哋估吓係乜嘢嚟，我一望就話係火龍菓，哈...真係中...原來係用上紅色火龍菓加上鮮橙汁製成，絕無加魚膠粉，食落好fresh...用嚟搽麵包一流...多謝晒老闆娘...就咁完成咗一個精彩嘅美食之旅...^_^

聽聞車品品大名好耐,在富榮花園時代已想幫襯,但拖拖拉拉直至今日至實行,真係超out!以為地址好難搵,原來唔係!由奧運站一條直路就可以搵到,都好方便。星期六下晝好少人,獨佔卡位一大個!!已經無左早期附送既濕紙巾,不過仍然有紙巾供應,貼心。雜錦燒賣($6/5粒):冬菇、魚蓉、龍蝦燒賣應係來貨,味道ok,個人比較鐘意冬菇燒賣多d;一口粉果的的骰骰,外皮煙un,味道比我今早所食既粉果好吃,但我又食唔出係什麼餡料囉。師傅豉油香香甜甜,唔知係什麼牌子呢??雜錦米粉($25):製作需時,為左一齊影相,等到燒賣都凍左添。的確好大碗!!好多款食物堆在一起,肚餓既我即時口水直流......蘿蔔的確係無渣、香甜,但唔係蘿蔔個種天然香甜,不過都好食;生菜份量相當足夠,好青綠新鮮;鹵水豬腸、雞翼/腎好入味,多d腎更妙!!其他如魷魚鬚、豬紅、豬皮、牛柏葉就一般;魚蛋魚片尚算彈牙,應係靚貨;魚肉令我想起細個時係街邊食既生菜魚肉味道;最後有我鐘意既紅腸、脆皮腸,雖然我鐘意食呢2樣,但如果用其他食物如炆冬菇代替相信會更加好。湯底幾清淡,因為無加辣汁/腩汁關係,初期食得淡出鳥來!後來加左辣菜甫,味道即時變得惹味好多,好神

上星期四26/10/06 初次去食, 叫了一碗碗仔翅, 一碟什錦燒賣,以前試過呂仔記的碗仔翅, 感覺太杰,這裡的稀度適中, 材料十足, 燒賣不錯.

睇咁多網友對呢間食店好評，所以都忍唔住去試，其實位置對我講唔算就腳，不過因為大家都話正，去見識！首先叫個招牌雜麵，可以試多唔同款式食物嘛，哂我，有：魚肉,牛柏業,牛腩,芝士腸,紅腸,豬紅,蘿白,魷魚,豬皮,雞翼尖,魚蛋,魚片,豬腸,生菜等，每樣一舊起兩舊止。上述食物除了魚蛋爽爽地有睇頭外，其餘食物質素一般，蘿白仲甜都「漏」，好似浸過糖水先出！完全唔係鮮甜隻甜！豬皮白雪雪，又無味！魚肉都係，硬生生！另外我朋友叫碗烏冬，點知食幾條食剩哂，佢話烏冬硬唔夠淋、唔好食！不過翅撈飯就幾特別，起碼出面無，未試過！不過都只係一般碗仔翅加菜飯，味道不過不失！整體就真係麻麻！服務員算okay啦！

十月二十二日午夜安排的清蒸大閘蟹聚會，見濕紙巾印有貴網公益廣告也特地貼文支持。圖中是在車品品預訂的太湖大閘蟹，經壹打食痴中年共濟會連夜商議後從24只雄蟹中嚴謹選出認為是質量一般重近九兩的一只做參考，每隻均一作價三佰。本會認為若Blind Testing一般食店若有如此全雄蟹貨式供應絕對是天大意外。是次連小食廿五年陳埋單七千九佰元，不收加一。(給老闆娘Florence:超時工作又物超所值因此給貴店的貼士是應該的。更感謝百忙中為本會的貼身安排。)

終於試左久仰大名既車品品~因工作關係去左大角咀，見到係openrice大獲好評既車哈品，所以放左工就走去試下~星期六中午時份，食客並唔多，叫左一個淨蘿蔔、同埋一個淨魯肉餃。本來就叫左個油渣，但因為未有既關係，所以冇得食>.<淨蘿蔔($10)：好好食，從來都未食過咁甜同埋冇渣既蘿蔔﹗淨魯肉餃($20)：細細隻，唔太油。蝦籽份量都算多…埋單30蚊，以同區黎講，真係算貴…不過出名就真係冇計~下次希望可能試下其他~

其實上次同家人幫襯過, 已經唔識欣賞, 兼被家人埋怨。不過友人誠意推介它的紅豆沙,ok啦, 試試啦!紅豆是起沙, 但味道總是有點怪,不夠甜(但朋友說ok)。其中1個朋友也認同, 好像有很微的苦味, 但她的老公就feel唔到

今晚朋友仔話要陪我食飯後再番屋企食佢既晚飯叫左招牌雜米線($25)同辣魚蛋蘿白($10)招牌雜米線配料分量多但米線就相對少左d而且有d過淋配料就有魚肉,牛柏業,芝士腸,紅腸,豬紅, 蘿白,魷魚,豬皮,雞翼尖,魚蛋,魚片,豬腸,生菜或者因為我無加咖喱辣汁全部味道只屬平平魚肉更係無味只有蘿白仍然係食得過記憶中以前o係舊舖時味道略勝一籌而家就有d失望但老闆娘既服務態度仍然係值得一讚

今日lunch黎左呢度食車仔麵，都唔錯，有D特色~車仔麵$4-5一個餸，要左碗牛腩蘿蔔辣魚蛋生菜油麵+ $2梨茶~車仔麵份量其實都ok，但隻碗大D個賣相會好睇D，要左"小辣"都幾辣下，蘿蔔夠晒甜兼無渣，好食；魚蛋夠辣味，都算彈牙；牛腩ok但就少左D~梨茶滋潤唔太甜，幾好飲~另外同同事share左碗淨魯肉餃$20，餡料D肉甜甜地，加埋蝦子香味幾特別，如果D餃大粒D就更好啦~

男朋友今日走...尋晚食完飯都陪佢過車品品...叫左佢最鍾意ge蝦籽白粥，仲有兩溝、車仔麵同埋兩碗大四喜...員工服務唔錯..碗兩溝擰到埋黎仲遞埋醋呀菜甫呀o個d比我..搞到我有d唔好意思...兩溝ge魚肉都幾多...蝦籽白粥仍然係咁好食...車仔麵有豬「月利」...我好耐無食過啦...d豬「利」好入味...我好鍾意食...大四喜係最後先送上...隔離「木台」見到我地叫左就問老闆娘咩係大四喜..最後都叫左碗...大四喜仍然係咁好味...不過如果可以好似老闆娘話咁以前成日都有唔同type ge糖水就好啦...咁每次去都會有驚喜...埋單想同老闆娘合照..但佢唔肯..哈哈...男朋友走左之後可能剩返我自己一個去車品品啦.....

等o左好耐等到車品品開返,lunch o個陣再黎試下真係有o的失望,o的野食等o左好耐好耐都未到,同埋呢個價錢黎講份量的確好少,叫o左碗魯肉餃麵食,連女仔食完都唔覺得飽。同事仲話o的墨魚丸裡面係冰既...雖然我都幾鍾意食車品品,但係一間食唔飽既餐廳好難說服同事再去食

上個月頭有個星期日, 去開媽咪屋企, 竟然見到車品品重新面世...於是星期一晚放工專登坐車入去食, 點知佢原來改0左星期一休息, 摸門針....之後擇日重賽, 終於再嘗佢0既食品...當日叫0左雜叮, 皮旦瘦肉粥同魯肉餃唯一要彈0的唔知點解0的叮面好似公仔面0甘, 唔彈牙.其他野都保持水準.另外新請0既嬸嬸真係唔係好惦, 淨係掛住嘈交賴人, 唔識做野.最可惜係無0左鎮台之寶油渣面, 雖然大角咀英記0既油渣面係皆知卷聞, 但係我0地呢0的食開清淡0既真係食唔到佢碗油淋淋0既面, 反而車品品碗面先係我0地杯茶...仲有, 可唔可以照顧下我0地呢0的大肚婆, 有0的熱飲品飲下, 我真係好miss 你杯秋莉茶, 不過老公唔比飲凍野呀.florence, 比心機, 車品品必定會做得比以前更加好...

早兩晚特登坐車去試之前睇過哂食評所以都係試必食items碗仔翅三溝$20確實係比一般街頭既好d起碼冬菇絲, 雲耳?絲, 肉絲等材料分明唔係一petpet唶喱個種但論味道又唔係話好驚喜反而北角外賣個檔至係正...淨魯肉餃$20細細隻一粒一口面頭d蝦籽夠香, 配清湯ok餡似係肉粒, 甜甜地... 味道都ok但幾樣野其實唔係好夾車仔麵$31河粉配牛柏葉, 紅腸, 魷魚, 咖喱魚蛋仲有人地話必吃既蘿蔔同埋當日特別推介既鹵水豬利各樣材料都比一般車仔麵檔靚爽口, 味道又ok, 咖喱魚蛋好彈牙蘿蔔真係好甜...但甜到有d唔係咁自然好似係唔知點煮過豬利都爽, 唔咸, 但都係無乜驚喜秋梨茶x2 $6@呢個真係唔錯有梨味又唔會太甜另外推介桌面d辣菜甫夠辣得黎又唔會搶哂菜甫d味但略嫌切得太碎如果大粒返少少口感會更好總括而言都算係有心之作但又唔駛特登去試...