車品品小食 (已結業)

食完神廚館, 過來試了一碗紅豆沙, 因平時上晚班, 很難試到, 那些紅豆很大粒及起沙, 有很香的陳皮味.只是貴了一些$12.

見到咁多個好..終於搵到時間去試下啦!搵左好耐先搵到..同男友2個叫左招牌雜面,魯肉餃,碗仔翅,梨茶以為好有驚喜好好食..但點知..無咩咁出色..可能期望過高..招牌雜面+腩汁..好似同出面個d無咩分別魯肉餃..一般碗仔翅..好多料..但都係一般梨茶..的確幾有住家feel我諗都唔會有第2次架啦..

看到有咁多好評，所以特登黎試吓。叫了碗仔翅、淨魯肉餃同招牌雜麵...碗仔翅—好多料，有肉絲、冬菇絲同粉絲，味道幾好，不過唔係話真係好特出淨魯肉餃—魯肉餃上面有好多蝦籽，我覺得好腥呀，劉森記ge蝦籽做得好食好多。呢間D蝦籽係好多，不過真係幾腥！魯肉餃ok lar，不過D肉都幾鞋招牌雜麵—咩料都有一兩件。正如之前好多食評所講，D蘿蔔真係甜得好怪，唔係清甜，係好似糖水ge甜。本人亦唔覺佢D車仔面特別好食，因為D餸唔係炆得好入味！選材亦唔係好好，D腸仔同紅腸D味有D怪囉！老闆娘好熱情好多野講，有點令人吃不消呢！

久聞車品品大名，於是同老婆專程到訪。第一次黎，諗住叫d出名既野試下先。雖然老闆娘不在，但各員工的招呼不錯，叫麵時主動問我們要不要加腩汁，又主動拿碗仔給我們分食物。碗仔翅：整餐最愛之食品，冬菇味香，料足，味道亦很鮮。招牌雜麵：足料多餸，但味道不算突出，一般，要了少辣，但老婆嫌太辣。魯肉餃蝦子麵：魯肉餃帶甜味，口感不錯，蝦子也很香。老婆話下次要撈麵，味道可能會再好濃d喎。淨蘿蔔少辣：蘿蔔真係無渣，好淋。但甜得黎有少少假，失去了蘿蔔本身的味道。驚喜係兩杯飲品：秋梨茶：住家feel，不太甜，幾清。篤篤：半個羅漢果加龍眼肉沖水，味道甘甘地，飲完仲可以加水，天氣乾燥，飲完當堂潤番哂。食物分量不算大，埋單$91，價錢不算便宜，味道好不好可能要見仁見智，但看得出是有一家對食物和客人都有heart的小店。

今日收工約左友人專登轉幾次車去試...好不容易終於搵到了...好怕行奧運站以外的大角咀...叫左:龍蝦燒賣- 一般街頭小食一口粉果- 味道跟一般粉果無異;但勝在係一口.我喜歡!蘿蔔- 好入味!好!豬腸- 一般辣魚旦- 一般,個人唔鍾意呢鍾魚旦.豬紅- 一般碗仔魚肉翅- 唔錯啦魯肉餃蝦子撈面- 魯肉餃唔錯啦,友人則報告蝦子撈面冇味及一般咸肉粽- 唔錯啦紅豆沙- 起哂沙;但不夠甜及有苦味...可能是老陳皮的關係吧飽左,唔係就會叫埋金牛:vanilla ice-cream + cream soda因地點的關係,好難有下次...

從富榮花園搬到大角咀,地方闊落了,沒以前背貼背的擠擁。地方是一個漏斗型,有條長走廊在中間相隔,廂看不到大門,店怕客人得不到照顧,每設over機一個好照應,好貼心。在酒樓做完節,故只叫了甜點:金牛,紫牛,黑牛,千年紅豆沙,粗芝麻糊,秋梨茶還有篤篤......老板娘強力推介四十年老陳皮紅豆沙,別處賣不了這個價。京貴,所以好細碗;好味,所以要食兩碗。全晚話不多的老豆,埋單時說:老婆,我們平安夜來這撐腳吧....

平安夜=]和老公再次到車品品,話哂車品品是以車仔麵起家,今次就要了一碗招牌雜麵($25)和咸肉粽($8)。招牌雜麵,名副其實,真係所有車仔麵應有的材料都有,有紅腸、生菜、魷魚、魚蛋、魚蛋片、魚肉、雞翼尖同豬紅等等,材料可謂非常豐富。老公則認為腩汁非常入味＝ｖ＝但食完碗麵之後就好口乾。至於咸肉粽,一開始就覺得D豉油好少,但還好隻粽不太油膩,餡料只有大量綠豆蓉、少許黑色的東西,(我也不知道是什麼)和蛋黃,成隻粽都幾夠味同健康,食落先知D豉油其實岩岩好,不多不少,抵讚!

不須吃仍想吃，入o左去先算。要的，當然是淨魯肉餃：淨食襯底的生菜，不單滿足了人體對植物纖維的訴求，更墊起了八顆剛熟的魯肉餃，令灑在面上的蝦子不會浮來浮去，牢牢的跟魯肉餃長相廝守。話明「魯肉餃」，是冰糖調製的肉餃子，皮煙煙靭靭，猶如嚼煮得剛好刀削麵的口感；自問不大好甜絲絲的餃子，但平心而論，肉是鮮的，蝦子也是鮮的，鮮上加鮮；一次半次，未嘗不可。Duk Duk（不想寫成「篤篤」- 由它越南文去罷），說穿了是羅漢果煲桂圓茶：三者在落柯打後才「拼湊」一起上在所難免（其實是四者：半個生生的羅漢果+好多生生爽爽的桂圓肉+預先煲好的羅漢果茶，還有...加水）。意向是矛盾的：一邊嫌羅漢果、桂圓肉不夠熟，一邊又想如果煲得太爛，又何來有得啜羅漢果籽？不論甚樣，有菜有肉，又清熱解毒，是速食中少有的。

昨天是第一次去幫襯,但是失望而回.車仔面全無特別,豬皮不夠"林"及入味,蘿蔔甜得很跨張,很不自然,全無蘿蔔味.唯一只是無渣.燒賣粉菓口感不及花園街通達.還試了竹笙翅,都幾好,皮蛋酸薑一般.但老闆娘的服務態度是令人最滿意的.

看見甘多人給好評，今日特登去試一試．可惜不外如是！碗仔翅十分普通－５分皮蛋瘦肉粥，豬肉又硬又細碗－４分魯肉鮫太細隻－６分唯獨一口粉果較特別－７分無下次了！

與外子第N次到車品品,想一嚐老闆娘親自磨製的粗芝麻糊,但可惜因為老闆娘今日有事遲返,只好叫別的吃吧~來了一碟雜錦點心($6)----有兩隻一口粉果,龍蝦、冬菇豬肉同魚蓉燒賣各一粒。一口粉果,絕對是名到其實一口食哂,餡料雖不至於豐富,但絕不油膩而且新鮮,沒有肥豬肉,味道絕可媲美一般的大酒樓!但略嫌有d不夠喉。而香菇豬肉燒賣,實實地,看不如有些冬菇燒賣,可以食到一粒粒冬菇,但可以食得出有真材實料,並不是混雜一大堆粉團和水,好香冬菇味。再來了一碟久違了的魯肉餃,外子依然是讚不絕口。

第一次同男友黎試.一入到去已經覺得佢裝修得幾特別, 同一般車仔麵舖頭好唔同. 雖然d櫈好硬, 但都算幾闊落. 整體環境都幾乾凈. 睇真d原來幅牆上既圖案係自己畫上去既, 幾得意呀.叫左碗三溝, 個碗仔翅好好味. 魚肉都ok, 不過質地略嫌淋左小小, 同埋成碗得幾舊...碗車仔麵有蘿蔔, 紅腸, 同菜心. 紅腸同菜心都好味. 不過d蘿蔔甜到得人驚, 絕對唔係天然既蘿蔔甜味, 我覺得係放糖水煮過先咁. 我未黎得切欣賞佢既無渣, 已經俾佢既甜味嚇親...可惜.最後要一提既係果位女侍應既態度好好, 反應雖然唔算十分快, 但態度幾誠懇.

老闆娘與魯肉餃都回來了有一次特地老遠走到大角咀企圖幫襯點知唔記得上網仄清楚原來那個星期日老闆娘休息!之後牙痕狼痕心掛掛了一輪工作忙起來以後也唯有死心了老闆娘的確是有心人幫襯的當然也很有心竟然有人會千里迢迢的送外賣到辦公室來魯肉餃雖然浸了一輪的湯但只有一隻穿了依舊的鮮甜可口蝦籽白粥每粒米都起花軟綿蝦籽的口感和甜味更是錦上添花再配以炸油渣送粥還有更好吃又更簡單的配搭嗎?皮蛋子薑當然不及鏞記但那皮蛋的甘香加上那溏心得不得了不立刻吃便會四圍流走的蛋黃令人感動的除了味道當然還有那份心思心意第一次喝的秋梨茶起初以為是酸梅湯之類的飲品飲落順喉慢慢才有梨味滲出你幾時係便利店買既「天然」梨味飲品有咁既味道?最後來一個季節限定的大四喜作結糊糊的桂花糖水加上圓子和士多啤梨想也沒想過的配搭卻創出了和諧的味道令我無法不盡情地愛上盡情地偏心我想批評車品品的人一可能是吃不對應吃的食物二便可能是他們的味蕾太過習慣被味精所騙了吃到簡單小巧卻有心思的一餐甚至乎一句微不足道的鼓勵甚或乎一件小得不可再少的小事已可教人比面對千軍萬馬都來得感動重點是能讓身邊的人感受那一份細緻的關心和認真機會其實便是這樣製造的了

第一次寫食評，就俾左車品品。其實公司都係位於大角咀，不過一直懶得行所以都未試過去食，尋日見可以準時收工，就行左過去買碗仔翅同紅豆沙外賣返屋企同阿媽一齊分享。可能係時間既關係，去到舖頭一個食客都冇，得個阿姐響車仔麵檔位坐陣，服務就普通啦，話好好又唔係，又唔算好差個隻啦...不過速度好慢就真既...碗仔翅唔錯，我阿媽難得話OK，佢仲話肉絲好幼細，但係我覺得個紅豆沙仲正過碗仔翅，紅豆足，仲起沙，正!!我同阿媽唔停口係咁"畢"黎食，碗仔翅阿媽都係食左細半碗咋，紅豆沙就同我搶食..下次lunch可以試下食車仔麵，試下個個都講既無渣蘿蔔先得~!

老闆娘重出江湖, 近日事忙, 終於在一個週四有機會支持. 新店當然舒服得多, 加上老闆娘招牌的笑聲同誠懇的態度, 真溫暖.同文迪食飽先來到, 只食兩樣冬日湯水. 上次車品品最後一夜只試了兩啖芝蔴糊, 今次試真D.粗芝蔴糊: 9分熱辣辣, 大大碗的芝蔴糊, 一食落口, 又一次回想到小時候常食, 用粉開的那一種芝蔴糊. 無錯, 就係那份溫暖的感覺, 跟八記的不一樣. 無過甜, 滑一滑, 飽飽都要成碗清.紅豆沙: 8分, 比較杰身的紅豆沙, 份量充足, 起沙, 沒有過甜. 不過不是我的偏好, 我喜歡水多一點的紅豆沙.老闆娘告之兩日後有西米布甸特別出爐一晚, 見小弟的專頁就知我最喜愛的食物是車品品的西米布甸. 難得有得食, 即刻約埋弟兄M同姊妹C再戰車品品.週六晚來到, 一行四人坐在老闆前面, 晚飯兼甜品.金牛: 9分, 芒果雪糕+ 忌廉, 自小常自製雪糕溝汽水, 再食金牛就如重溫舊夢. 先食幾啖雪糕試雪糕味, 再同忌廉打散在一起, 小弟不變的食法.糖心皮蛋: 10分, 或者無鏞記的糖心皮蛋般矜貴, 但能用如此價錢食到這樣甜美的糖心皮蛋, 令人感動.糖心皮蛋瘦肉蝦籽粥: 9分, 蝦籽粥綿綿的,