車品品小食 (已結業)

第一次寫食評，就俾左車品品。其實公司都係位於大角咀，不過一直懶得行所以都未試過去食，尋日見可以準時收工，就行左過去買碗仔翅同紅豆沙外賣返屋企同阿媽一齊分享。可能係時間既關係，去到舖頭一個食客都冇，得個阿姐響車仔麵檔位坐陣，服務就普通啦，話好好又唔係，又唔算好差個隻啦...不過速度好慢就真既...碗仔翅唔錯，我阿媽難得話OK，佢仲話肉絲好幼細，但係我覺得個紅豆沙仲正過碗仔翅，紅豆足，仲起沙，正!!我同阿媽唔停口係咁"畢"黎食，碗仔翅阿媽都係食左細半碗咋，紅豆沙就同我搶食..下次lunch可以試下食車仔麵，試下個個都講既無渣蘿蔔先得~!