車品品小食 (已結業)

好一般！！！

每位廚師, 都有自己的"味"。幾個人就算落的材料一樣, 但味道都會因應廚師本身而有所不同。車品品無論係車仔麵, 蘿蔔, 碗仔翅, 甚至係糖水, 都有老闆娘的"味", 不知道大家覺唔覺。自從車品品搬遷後, 去過一次, 吃過魯肉餃, 蘿蔔, 碗仔翅及阿婆甜蛋湯。魯肉餃懷疑煮得唔夠時間, 餃皮未腍, 餡亦無以往的咇汁, 作為主打菜(我是因為此味而來的), 稍稍跌watt。蘿蔔加入冰糖去煮, 個人比較喜歡吃蘿蔔清清的味道, 加入冰糖吃不到蘿蔔的真味, 不太喜歡。碗仔翅好多料, 不太杰, 是眾多味中至正的。喝過阿婆甜蛋湯, 覺得老闆娘最拿手應是糖水。蛋花雲吞皮的配搭幾得意, 不過只有冰糖的甜, 太plain了, 可考慮加入其他配料令其無咁plain。點講呢, 這裡的食物, 我覺得都好plain, 硬係無高潮迭起的感覺。不是我杯茶。

碗仔翅好味道. 材料十分豐富.車仔麵okay. (其實好似無咩特別)老闆娘十分之好人. 佢會介紹一d o個日既special 比你. 同埋睇得出佢地好有心. 因為如果你係食素既話. 佢地可以為你用另一set用具去煮野比你食.

間舖好簡潔, d地道小食令人好懷念兒時的歡樂時光...碗仔翅, 菜飯, 車仔麵, 燒賣, 津紅, 仲有不定時出品的甜品小吃. 樣樣都好有少準.特別是車仔麵的蘿蔔, 超甜~! 仲有d菜甫都好惹味, 辣得好過癮. d紅豆沙都好好味ga~~!!值得一讚是老闆娘及大老闆bon bon的熱情款待~~!

坐近門口. 冷氣很強橫, 坐了一陣子己經有點鼻水. 首先點了魯肉餃蝦子湯麵. 魯肉餃皮薄, 賣相一流(看樓下各食家的照片就知道了!). 味道反而普通, 不是那麼突出. 不過麵質很不錯! 然後點必叫的碗仔翅. 口感一流, 料足. 推介.之後有感冷氣太勁, 移到裏面坐, 但是椅子沒有近門的口坐~.~|||再點了黑牛, 是朱古力雪糕+可口可樂, 朱古力雪糕味道很好, 裏面還有些果仁. 提醒一下倒了可樂進去後, 杯雪榚變得很難看=) 不過還是推介.最後要說的是, 從放筷子的罐, 到放餐牌的夾子都能看出店主是個有心人. 洗手間也很乾淨. 一家不一樣的小店.

車品品....實在想去很久了.....昨晚女朋友興之所致，便提議去呢度食野啦﹗舖頭雖然唔當眼，但都唔難搵...去到大角咀大同新村m記，直入果條街就係了﹗入到去女友當然想食出名的魯肉餃啦﹗又想食蝦籽撈麵，所以就叫左魯肉餃蝦籽皇撈麵﹗魯肉不油不膩，吃下香口....加上特製的蝦籽....真係好香口好正﹗而我自己就食左車仔麵，味道也不錯。最後就來碗每日不同的甜品....是日係手磨"粗芝麻糊"，比一般芝麻糊唔同既係，入面係有好多咬得到既小芝麻粒....吃落幾特別，也知道肯定唔係「開粉」果d芝麻糊.....值得一提係，由入舖頭至離開，老闆娘都係充滿笑容，而且非常好客....面對客人既要求又好快咁處理...有一檯客話d魚肉燒賣好硬，佢不但冇用言詞辯駁，而且還很樂意地為客人換番另一客﹗雖然魚肉燒賣並唔係咩貴野，但看老闆娘在這些事情上得體有禮既回應.....加上佢既好客，真係令人食都食得開心﹗真係絕對值得推介﹗

今次係第一次踏足呢間舖食，一於試試食家推薦的美食，叫了碗仔翅，魚翅撈飯，魯肉同脆炸豬油＆車仔麵加大辣咖喱汁，食物味道算好，碗仔翅夠香味，又不會水汪汪，好有食真魚翅的感覺，個飯底軟硬適中，脆炸豬油原本唔覺得好食，但浸在翅中食又唔覺得差，只係份量很小食得唔夠喉，魯肉覺得食味有d怪怪，面頭d蝦子仲有d腥味，唔掂，車仔麵老婆食過話好味，辣度佢\\\胃口，總括而言，行經附近去就ok,專登去就不需了，因為地點都幾隱蔽，好唔就腳

今日專程到訪,叫咗3種食物,食評如下:碗仔翅-基本上唔錯,材料豐富,不太稀.生菜魚肉-完全唔惦,像吃麵粉.一口粉果及燒賣-本人寧願揀街邊的魚肉燒賣.另外本人覺得傳煤的影响力真大.順經可一試,但不值專程.

見到咁多人都讚此食店，終於下定決心去食返餐\ (因為吾就腳)一坐低望望餐\牌碗仔翅$12 見到嘩！咁細碗都...魯肉餃$20...... 咁貴o既。見一心來到點都試下啦，一個人食呢兩樣都夠哂。先食碗仔翅，正呀！如傳聞一樣肉鮮，菇香，無味精，是鮮不是豉油味。魯肉餃，都正呀！魯肉無正宗台灣咁肥，好！(因為我Keep fit緊)蝦子幾香加埋賣相更好！味道真的good!good!good!唯一建議係肉可以多返20%依家少左，加埋d皮令肉味減低哂。同埋皮口感差少少我食完明白點解會貴d, 因為\"用料\" ，好廚藝都要有靚料先發揮到！單係冬菇都知靚料貴d都值下次要再試埋其他先！

上次來吃因為沒有吃魯肉餃,今次特意來品嚐魯肉餃很特別,味道很濃郁,口感也很特別,只是略有點咸車仔麵普普通通,豬大腸好好味溏心皮蛋好正,好特別

喺某免費報紙專欄見到「車品品」三個字，怕見報之後人多，思前想後一晚，終於戰戰兢兢去埃華街，第一次。星期六兩點，鋪外冇人龍，度自動趟門夾親出嚟o既人，因為佢行最後，又夾親我前面嗰一位，又因為佢行最後。鋪內近街張張枱都有人，最入面大枱長邊近牆就仲有幾個位。原來係風口位，唔怪得大家聚埋另一邊坐。想食碗仔翅先嚟，所以少有咁唔洗諗，不過唔見有阿姐，所以攞個menu睇下。落咗單，等咗一陣（就梗o架啦）。碗翅一嚟，「好嘢！」個樣變咗少少，因為ｄ瘦肉撕碎哂，不過都仲係好似以前咁，好多料，同埋，冬菇幾靚，仲有，唔太杰又唔太稀，唔會好似食緊生粉芡咁。不過係正正常常一碗碗仔翅，不過係正正常常o既味道。不過，食完唔口渴。唔簡單o架。入去顧住度門，出嚟先見到高佬。真好。

久未到車品品了,想起其紅豆沙,蝦子白粥.甚為掂念.蝦子白粥仍然惹人心動,綿如羊毛的白粥,面頭咸香細致的蝦子,簡直如一盅招人回魂的老火湯.回魂過後再來個陳皮紅豆沙,老闆娘說今次轉用一排比舊店更加靚的陳皮.味道的確更加甘甜.質感豐厚,仍然起沙.留有餘韻.早上一杯熱朱古力,等如Norah Jones在你耳邊唱床頭歌的話,車品品的紅豆沙,如Isobel Campbell,待你臨訓之前,醒你一首Loving Hannah.這夜的夢,特別甜蜜.

帶著興奮期待的心情去車品品,一心想去試脆油渣及魯肉餃可惜太早魯肉餃未整...脆油渣不如想像中的滋味,凍冰冰,脆脆地,無味道...車仔麵不過不失...期待下一次再光臨嘗嘗魯肉餃

20-1-2007碗仔翅: 豐料，好味。豬皮羅白: 有水準。魯肉餃: 一般，蝦子味比較腥，不鮮甜，湯亦不夠熱。羅漢果桂圓肉茶: 味道一般，但對身體絕對有益。紅豆沙: 沒有食，不能給予評語芝麻湖: 真正自家制，真是買少見少。

20-01-200712點幾俾乙朋友點左我打去車品品問下今日有冇開舖,老闆娘好快就聽左我電話啦.同佢傾左一陣,佢問我有冇睇品品個網,其實果時我睇緊個blog.睇緊bonbon狗張相.由於我自己都有兩隻狗仔,就同老婆娘傾左一陣啦;) 好開心3點幾就到左車品品喇,老闆娘過唻招呼我地兩個,介紹新的貢丸同奶黃芝心丸,仲有當日推介的滷水豬利!哇真係好好味車仔送的仲有叫左甜甜蘿蔔雞腎! 滷水的食品真係好入味呀! 另外叫左碗仔翅加辣菜蒲魯肉餃菜飯加腩汁! 哈哈哈!真係好好味;]最後乙朋友點了一杯熱羅漢果桂圓肉茶本身感覺唔甜點知d圓肉慢慢會浸出甜味最後仲要加加水中和番(免費加水的) 我自己就叫了期待已久的黑牛上次到訪的時候病左就冇機會試喇. 今次飲到好感動;P 有好多雪糕o係杯入面啊有朱古力碎的雪糕食/飲得好開心兩個人共食左92蚊真係食到肚都反呀不過最開心可以同老闆娘傾下偈!!*咁岩中間老闆娘入左廚房炒菜蒲!好香啊! ;)熱烈推介!