越蘆越南牛肉粉

營業中

休息中

呢間越菜小編一直都係叫外賣，次次都係點佢個會安番茄蝦檬(尿蝦.豬肉.蝦丸.扎肉），佢有瀨尿蝦好特別同埋個扎肉好好味，等外賣時見佢個餐廳環境幾唔錯所以今次下午茶無咩人既時段小編特登揀堂食😍 好可惜既係，入錯等左10分鐘都無人畀menu後竟然亦被告知小編心心眼既會安番茄蝦檬呢段時間都唔會出所以無得食😭唯有試下其他下午茶食物：【西貢咖哩牛腩湯金邊粉】$52呢個味道非常之普通，小編並無食晒⋯同食開既會安番茄蝦檬既美味程度真係有太大落差⋯【越南蛋餅香茅猪扒配米飯】$62呢個就相對唔錯，係正常發揮合格以上。但始終食唔到過去食開既美味今次試新食物說真的是有點失望⋯

是日午餐！想食清D揀左素春卷撈檬+椰青糕，個素春卷撈檬食落都清爽既，係D配料切得唔夠幼細，同埋只俾左一盒汁唔夠撈，另外椰青糕都幾好食，賣相可愛，味道清甜，啱晒食完撈檬之後清一清味蕾！

餐廳裝潢清新，光猛寬敞，令人感覺舒服，環境乾淨👍❇️雞絲扎肉撈檬🌀大大碗，雞肉同扎肉份量平均，而且扎肉好爽口彈牙。❇️香茅豬扒撈檬🌀大大碗，豬扒又大大塊，充滿肉汁，肉質鬆軟，抵食之選，食完好飽😅❇️芒果軟殼蟹米紙卷🌀非常清新、開胃，有芒果、牛油果、軟殼蟹，材料、開胃，有芒果、牛油果、軟殼蟹，材料足👍❇️馬拉盞炒通菜🌀通菜嫩綠，咬落去爽脆，雖然唔用馬拉盞炒，但味道唔會太鹹。

《不負責任食評 — 越蘆越南牛肉粉》評分：🌕🌕🌕總評：佢個感覺我有少少似高級版越式茶餐廳不論係服務、裝修、佈局都好似但價錢就偏高少少💸weekend去仲要再加一🤯佢個牛肉湯粉可以配唔同粉面選擇河粉係幾滑嘅 湯底都唔會好重味精 帶啲清甜都唔錯👍🏻亦都有唔少香草配料 都幾貼近越南風味但係牛肉、牛丸份量相對就幾少雖然食落口感、味道都OK 牛丸仲幾juicy但對應返個價錢就覺得唔係好抵🥹另有兩杯嘢飲同加左春卷春卷勁細條亦都冇乜特別 仲幾貴😂😂😂跟他送嘅話梅鹹吉水仲好飲過價錢嘅滴漏咖啡冇諗過茶餐廳服務都要加一埋單每人都百幾蚊味道上冇乜問題但係我就唔會再黎🥱

同事食過佢嘅外賣讚不絕口,我懷疑真定假?一定要親身去試下。皆因年幾兩年前去食嘅時候覺得佢認真麻麻,一次就夠嗰隻,今日畀個機會佢。lunch time有得攞飛,好快就入座。立即叫個例牌生牛肉河,朋友叫個炸豬扒撈檬,追加個蒸粉包,另外叫咗兩杯三色檸七,全部都好滿意!牛肉片夠嫩河粉又ok,湯底些味鹹,但可以接受。朋友話個豬扒撈檬豬扒夠厚,肉地鬆嫩,檬粉就正常,合格以上。三色檸七,有邊三色?有檸檬青檸咸寧,幾得意喎!味道ok。每人$100,性價比正常,可以翻食。今次經驗推翻之前感受,難得有進步嘅餐廳。

🌟生牛肉牛腩片金邊粉 $76同同事食lunch，叫左金邊粉。 可以自己揀河粉金邊粉定係檬粉質數十分之好， 雖然係快餐店形式但係 睇得出有用心做食物同飲品首先講下碗麵先啦生牛肉片上嚟嘅時候係粉紅色， 浸一浸湯好快就變淺啡色， 入口十分軟淋， 略嫌唔夠牛味牛腩片有驚喜 有三至四大塊， 每一塊都有少少肥膏同少少筋位，肉絲位亦一咬即斷，厚度亦有番咁上下，有牛脂所以牛味濃郁食肉獸十分之喜歡😚💕😊🙏 可以見到佢落咗大量嘅香料調味料， 所以唔好以為佢清清哋其實佢好濃味。有大量綠葱絲、紫洋蔥絲、炸洋蔥、芽菜 鋪面，另配有青檸及青椒重口味既我梗係全部扔哂落去再有咁大力得咁大力吱佢幾下🤣最後個湯出嚟有葱香、牛脂香、湯底甜、青檸酸、青椒麻香嗅覺味覺都豐富…高汁。 🌟青檸檬茶（午餐包凍餐飲）我第一次飲用青檸整嘅檸檬茶多咗浸涼涼嘅香味， 唔係好似平時咁淨係得個酸冰都唔會好多配埋熱辣辣嘅面就真係幾正😌😌

是日午餐！今日外賣生牛肉湯粉午餐，就係因為外賣所以要求整熟D生牛肉，咁會安全D，結果…… 牛肉既口感當然無堂食咁好啦！但味道上都無乜問題既，近期疫情反覆都係買外賣好D！

是日午餐！好耐無食過一碗覺得好食既越式生牛肉湯河🙄，今日呢間掂喎🤤，湯底清甜😋，食完會想回頭的😉，加左一款小食：越南蟹肉春卷，熱辣辣，正😏，掛住食忘記影杯話梅咸桔水😅，午餐套餐價錢都OK，推介！

越蘆牛肉粉 咖喱牛腩煲法包 $78 + 凍青檸紅茶 （free） 呢個午餐，我真係要突登寫呢篇食評！ 太好食啦！ 打工仔，lunch可以食道令你re-charge 既食物真係好重要！ 而呢個餐好正，咖喱十分濃鬱，而且黃咖喱黎講，少少辣，配埋個牛腩燜到好諗，簡直係絕配！雖然我寫到好似普通茶餐廳都做到甘~ 但你去食一次就明我講咩噶啦~！仲有個，超脆法包，點落D咖喱汁，真係食唔停口，如果可以無限添法包，我一定可以食十條，哈哈。 如果店家看到我呢篇食評記得記得，法包一定要脆！一定要keep 住熱！ 否則就浪費你個咖喱牛腩呀！！！ 跟餐有野飲，講真，呢杯係出面一定要加你錢啦，所以計番條數，50蚊一個咖喱牛腩煲，20蚊一杯野飲，幾蚊比餐廳環境既，值得啦~ 我其實已經食左好多次啦~ 係我食厭之前，我都會keep 住食呢個餐。 反而我沒有食其他餐，越南河粉之類。有機會再食，聼同事講都唔差，但個個比我荼毒左之後都轉食呢個餐，哈哈。 所以店家千萬不要因爲多單，就唔烘熱烘脆個法包呀！

本来一开始是很期待的，但是一进店这位女服务员态度很差，想问一下她点单的事她就不理而且还说她很忙没时间。接着我们因为忘带现金和信用卡，想问问能否微信支付，她说不行我们就准备回去拿现金，但她又说那样太麻烦，可以直接微信支付人民币162元，结果最后账单上显示港币162，问她这汇率差价二十多块怎么办，她语气非常强硬且理所应当，说不给这个差价给她她是不会帮忙的。其实这20多块不算很多，但是她可以提前先说，这二十多块当做服务费了，我们也能接受，拜托不要搞这种事后坑你一把把人当傻子的恶心操作OK？就这样吧，大家注意避雷

上環又係一個超多美食之地，今次黎食越南野！次次中午都見到好多入，今次過黎睇睇個menu, 咦，一個有瀨尿蝦既lunch 只係$66？未試過，感謝好特別食lunch 竟然會食到瀨尿蝦🤩 【 會安蕃茄蝦檬 】$66一個餐有野飲，有瀨尿蝦，蝦丸同扎肉，看似不俗。味度竟然同樣有水準，湯底唔算濃 ，但有埋炸蒜其實已經好夠味好夾！瀨尿蝦味度一般，不過lunch 食真心少有。重點係蝦丸同扎肉！！！超好味，扎似入面有d軟骨好似豬耳既咬口，好好味，大大力推介！❤️

誤打誤撞見到呢間越南餐廳環境闊落乾淨企理而且仲做緊下午茶就入去試吓啦下午茶選擇都好多，價錢相宜抵食侍應服務態度不錯有禮貌主餐牌竟然有啲地道嘢食鴨仔蛋醉蝦牛骨髓都有幾有意外驚喜比起平時出面嘅越南餐廳增添更多新鮮感！！！登登登登！！燒牛骨髓配蒜蓉包好大份好香蒜蓉味而且個賣相都好靚，打卡一流個蒜蓉包好足料 焗得好酥脆配合一啖啖嘅牛骨髓牛脂十足，撈埋上面嘅醬汁一齊食好入味，超級邪惡10分入面我比10分真係好好味😋而且仲係$98超級抵食出面西餐廳食呢款菜式起碼都挨近$200出盡飲奶嘅力都要推薦呀👍🏻烤牛肉撈檬配菜酸蘿蔔絲酸酸甜甜好開胃而且夠爽 伴碟嘅生菜都好鮮下午茶個份量又係超大碟我一個女仔都未必食得晒而且烤牛肉唔會好乾食落口依然食到嫩滑口感肉質鮮嫩夠入味👍🏻👍🏻👍🏻夏天真係一定要食撈檬食完個人超級清爽😋暫時依家係我喺香港覺得最好味嘅越南餐廳👍🏻👍🏻👍🏻👍🏻👍🏻今次醉蝦賣晒，下次一定再幫襯希望試到🤭

清爽 簡單又滿足的一人高質晚餐 ～～～媽咪話收工唔想煮飯，所以收工就自己近近地去咗屋企附近嘅呢一間越南餐廳度食晚餐，餐廳環境幾舒服，餐牌選擇都唔少。～～～一個人食野，簡簡單單一個主食，兩個小食就已經好夠。香茅豬扒撈檬 $72傳統蝦卷$66西貢醉蝦 $98～～～香茅豬扒撈檬嘅檬粉份量比得超多，好大方，醬汁方面有素汁同越式愚魯汁，可以滿足唔同人嘅需要，幾貼心。清爽嘅撈檬，加埋嫩口香茅豬扒，濃淡中和恰到好處。🥢～～～兩款小食就各有千秋，傳統蝦卷同樣都係清清爽爽，毫無油膩感，蝦肉彈牙配搭大量蔬菜，食完覺得好舒服。🦐～～～西貢醉蝦就調味特別，醉汁滲透入賴尿蝦嘅內層，非常入味，就算一個人食，都可以輕鬆ko。～～～越蘆越南牛肉粉 (上環)上環皇后大道西2-12號聯發商業中心地下B舖

本身見餐廳有裝卡機，以為收信用卡。點收個收銀員勁大聲係咁講八達通、現金。其實有收加一服務費。駛唔駛咁樣？野食就一般啦。但態度太差。野食再好都係假。所以食野前自己諗下去唔去啦

凍冰冰嘅檬粉鮮蝦柚子沙律$86～前菜來一客零舍開胃🥰，即叫即整，柚子肉大大件，拌上花生碎紫洋蔥，充滿口感，酸微微嘅醬汁令大蝦食落更爽口，清新感Level up🙌🏻越式咖喱軟殼蟹$138～另一半鍾意食飯，冇返啲咖喱汁配搭點得😆，即叫即整，大約等20分鐘就有得食，軟殼蟹香脆，有6大件，醬汁又濃又香，帶點香料嘅口味，會難以自控配上白飯❤️越南素春卷撈檬$66素春卷會配上素酸汁，好細心，內裏材料有木耳、甘荀、冬菇、椰菜等，一絲絲，口感爽口，外皮春卷皮脆卜卜而不油膩，隔油又做得幾好👍🏻同凍冰冰嘅檬粉好夾。