越發地道河內料理

營業中

休息中

成日都覺得香港好難食到碗好食嘅牛肉粉，其中一個原因係間間出名嘅都位於港島、有間在西貢，我住天水圍...今日試呢間越發，好評頗多，決意試下交通好方便，搭鐵油麻地A1出，直行轉右一直行就到，兩分鐘左右間野開12點，已有三個人排隊，我排第四，男老闆好有禮貌一坐低就叫左牛丸牛柳粉一上到枱，個碗好大，份量唔細架，我一見到多蔥我就開心，我好鍾意食蔥啖湯清甜到不行，那種香係pho獨有牛柳一開始我睇佢一舊舊咁唔多靚，食落去，有驚喜，牛味十足，有汁架牛丸亦好，有油香，同旺角通記嗰隻牛丸差唔多唯一油炸鬼我覺得多餘，又唔脆，話索湯食把鬼越南河嘅河粉，一定要幼身，夾落唔會爛而有米香為之上品，食落愈食愈起勁食完整杯凍咖啡，濃到不行，香到呢食飽飲飽，嘆返口茶，滿足，提提大家早少少黎，閒日都好快坐滿間野唔太大一碗粉一杯啡$130咖啡散叫

砵蘭街小店, 平日夜晚都要排隊, 一碗越南河價錢亦不便宜, 接近$100。不設+1只收現金。店舖內有特色裝飾:招牌河內牛柳牛丸粉，牛丸十分濃味有咬口，唔係平時出邊食嗰啲平野，但細粒同只有兩粒，剪開一半上。希望料會多啲，令性價比更高。豬頸肉伴越南粉，非常特別，濛粉已經一份份分好，每次夾一份放落湯入邊再食，甜甜地嘅湯意外地同濛粉非常夾，食落很開胃，湯入邊亦有不少肉，值得再吃。蒜香牛油雞翼，正常發揮，勝在熱辣辣。

之前小編有介紹過一間係廣華街嗰邊既越南餐廳，款式多亦好創新。今次小編繼續係旺角一帶搵越南美食，而係砵蘭街近住油麻地有一間餐廳竟然大排長龍🤯，小編當時係到諗餐廳既食物質素應該有一定既水平，所以決定就算等30分鐘都要一試🤔，而呢間越南餐廳名叫「越發地道河內料理」😉。✦✦✦✦✦✦✦✦✦✦✦✦✦✦🎈碳燒豬肉伴越南檬粉 $76等咗咁耐終於都入到去坐底等野食，小編都真係佩服餐廳吸引到大量食客呀🙏。小編呢個越南檬粉非常之特別，因為廚師已經將檬粉整成一團😳，係等食客可以一團一口，非常之方便，又細心❤。佢地好詳細咁講解菜式既食法，首先將薄荷葉一片片咁放入香濃湯底到，然後再將一口檬粉浸係湯到，食法就好似沾麵咁🍜，浸一浸再落入口，非常有趣，呢一種全新食法都係小編第一次食👍。湯汁酸甜好開胃，碳燒豬肉亦香味十足👅，而且燒到合適，唔乾身仲唔硬添，認真唔錯🤤。✦✦✦✦✦✦✦✦✦✦✦✦✦✦餐廳座位雖然唔多，但都盡量令食客坐得寬敞。雖然要食到呢間餐廳可能需要排15-30分鐘🚶‍♂️，不過論食物質素，服務態度同餐廳環境亦可以一值試試👍。餐廳位置係砵蘭街近住油麻地方向，因為餐廳晏就會落場，所以要嚟食飯記得睇住時間🕐，十二點至

越發都算係價錢非常高檔但仍然不斷有人潮聖既黃店講真 食一個午餐要百幾蚊都幾心痛 不過間唔中一兩次係可以的我12點過D就已經到餐廳 好彩即刻有位 如果遲少少黎已經要排隊老闆服務態度非常好 會細心講解點樣食法 值得一讚地道碳燒豬肉伴越南檬粉 ($76) + 咸檸七 ($28)餐牌寫呢個係奧巴馬粉 係奧巴馬食左呢個粉之後覺得好好食而聞名老闆話每份粉既份量都係一口可以食到 然後要沾上魚露湯而食魚露湯偏甜不過係好食的 汁裡面有4-5舊炭燒豬肉 每舊都好入味仲有一舊類似冬茹既野 睇真原來係肉丸 呢個都係非常出色整體黎講 呢道菜係幾特別 不過略嫌嫌奧巴馬粉份量偏少

牛油雞翼雞皮好煙韌，牛油味好香。炸春卷wrap好脆好好食，記住要包薄荷葉啊。蝦紙卷一般般可以唔食。牛肉粉牛肉夠咬口夠滑牛丸都唔錯，湯清清哋不太鹹，如果牛丸唔一開議可能口感仲好，應該冇味精吧。 今日2:30到都要排咗20分鐘食午餐嘅朋友要注意排隊時間啦。我哋點左百香果特飲還有越南咖啡（凍飲）飲品也不錯。

I don’t think it gets better than this. Their food is good, but be prepared for queue whatever time you go 😂Bun cha hanoi 碳燒豬肉伴越南檬粉“Bun” means rice noodles, “cha” means pork. The usual sweet tangy nuoc cham is heated up hot like a broth 🤤 and as you rip apart the fragrant mint and basil leaves ... ugh. So f-ing good. The BBQ pork is also to die for.Pho Bo Vien 河內牛柳牛丸粉I guarantee you’ll drink all the broth; and you’ll feel good about it. The beef balls, the beef slices so good.. so juicy, so mari

「牛丸係唔錯，D肉都唔錯.個法包好食呀，米紙卷好食咖啡好膿呀.已經好飽啦」 ———-—————————————總括來講 係唔錯既雖然有可能要排一下隊........

味道：⭐️⭐️⭐️⭐️⭐️餐廳位於旺角同油麻地交界既內街入面💛位置相對地唔起眼 座位少少但長期long Q🚶🏻‍♂️❶河內牛柳河🍜 $79半生熟既牛柳帶有香濃既肉味 口感嫩滑🐮湯底清甜 一飲就知係真料實料用上牛骨淆制而成 🍜 無添加味精 入口仲輕輕地帶著香料既餘韻除咗碗入邊香料之外 仲有一d辣椒🌶️ 青檸🍋 同已切成一小片既油條 比你自由選擇份量放入湯度🥘河粉係幼身既亦好滑溜 又唔會一夾就碎散散 仲好吸湯添整體來講係一碗好高質既🇻🇳 pho❷ 碳燒豬肉伴越南檬粉（奧巴馬粉） $76賣相一般般 但食落都唔錯🤓食法係同沾麵一樣夾起少量檬粉輕輕地放入湯底中浸一浸 再放食🙊醬汁嘅味道酸甜甜好開胃 入面有烤好既豬肉 豬肉入口軟而嫩 又唔會好乾身👍🏻食嘅時候仲可以將d香葉整碎 放入粉入面 味道嘅層次感更加豐富👻

星期五晚同朋友諗唔到食咩，隨手 search 下有咩好食，突然醒起油麻地個頭有間越南餐廳門口成日排長龍，咁就的起心肝，睇吓佢有咩咁巴閉先得。排左都15 分鐘最少，到我地了，叫番個招牌河粉。一食不得了，越南感覺番左來。我懷疑佢係越南人過來開店。真心抵食。係排隊耐左d。

🔸 招牌牛柳牛丸粉 𝐩𝐡𝐨 𝐛𝐨 𝐯𝐢𝐞𝐧 $𝟗𝟓 (𝟑.𝟗/𝟓)越式幼河粉，河粉幾滑身，半生熟的牛柳肉質鮮嫩，牛丸彈牙多汁，湯底鮮甜，入口湯底香濃，飲到香草味同埋牛香味，加埋青檸、紅椒、金不換呢啲配料，就更有層次，好飲呀！仲配有油炸鬼，用來吸湯，另一番味道香茅豬扒撈檬𝐛𝐮𝐧 𝐱𝐮𝐨𝐧𝐠 𝐧𝐮𝐨𝐧𝐠 $𝟕𝟐 (𝟑.𝟕/𝟓)豬扒好大塊份量十足，都算淋身入味，佢同出面檬粉有啲唔同，佢比較幼身，醬汁亦都唔同，佢用咗青木瓜同少少酸醋，入口比較清新😋 越發牛油雞翼 𝐜𝐚𝐧𝐡 𝐠𝐚 𝐜𝐡𝐢𝐞𝐧 𝐛𝐨 $𝟔𝟓 (𝟒/𝟓)廚房即叫即製，雞翼炸完再炒，一炒已經充滿牛油香，食落去甜甜地又香牛油味，超正😋越南熱情果冰茶𝐭𝐫𝐚 𝐜𝐡𝐚𝐧𝐡 𝐥𝐞𝐨 $𝟐𝟖 (𝟑.𝟗/𝟓)⁣熱情果直接由越南進口，佢味道比較谈口，同其他國家嘅百香果有啲唔同，但係百香果味都好香，而且唔太甜，好好飲㗎！

有咩係放工會諗做啲，就係買唔買外賣好。其實依家夜晚無得食，真係好多膠盒，自己個飯盒又唔夠大，往往都放唔哂。之前成日行過都幾多人排隊，今晚放工路過竟然無，即刻上前睇下有咩食。價錢唔平，同錦x有得揮，而且呢段時間係無外賣有折。鋪頭完全唔大，一眼望哂，確實堂食都真係好容易就滿。叫咗個牛柳撈檬，74元，無加一或外賣盒費用。牛係好多，初初睇落有啲鞋咁，但食落又ok。份量好多，好少何無芽菜。個汁無平時魚露結身啲，幾特別，但未至於湯。撈埋好大碗，食到好飽。

路過看到有人排隊，好奇心驅使下我一個人排了15分鐘便被入座。餐廳空間不大，而且因開放式厨房的關係，空調製冷能力不高，令整個環境覺得較悶熱。我點了招牌牛柳牛丸河粉，生的牛柳與牛丸泡在河粉上，和其他餐廳的越南河粉不同，他不供應芽菜，反而提供了幾塊油條一起吃。喝了第一口湯的感覺只是清淡中有絲絲的的牛味，牛柳切得較幼較細，吃下來太嫩沒什麽特別，牛丸彈牙有點點的黑椒味，整碗粉量不多，以95元一碗相對來説是有點貴的。

每次行過旺角，都會諗起依一間好食嘅越南餐廳。平時每次想食嘅時候，餐廳出面都會排勁。好彩今次午市都唔算好多人，等咗兩張枱就到我哋。入到去一定必要我嘅最愛，就係呢度地道炭燒豬肉配越南檬粉。佢呢個檬粉食法都幾特別，唔係平時嗰啲用湯浸住嘅粉，而係要你自己將份放入去個湯，而且每一扎嘅粉都係一啖嘅份量，食起上嚟好方便。至於佢個湯底係用炭燒左嘅豬肉整成，再加左唔同嘅越南香料味道非常之濃郁唔好睇佢個碗好細碗，但係入面其實都有幾舊豬肉，每舊肉都好結實，而且豬肉非常入味。如果唔夠嘅朋友亦都可以再另外加檬粉嘅份量。

成日都見好多人排隊，而且岩岩有朋友食完，都話好好食，咁我咁鍾意越南，一定要黎試試。Around 6點7黎到，已經有條隊，入緊客，去到我前面果個就截左，先發現6點半先開，即係我要等第一輪食完先。等左9個字，初頭只係熱，排到第1個嘅時候，就勁多蚊咬入到去，冷氣唔係好勁，我叫左碗粉，唔怕熱嘅我都食到出汗。Staff見到隔離檯食到流哂汗都開大左個冷氣，但之後部冷氣竟然噴水花，又熄番。雞翼sauce係類似炸蒜mix蜜糖，甜甜的，幾好食豬扒太硬，味道無咩特別湯底都好普通，得牛丸係比較出色總括係可一不可再，CP值低。。。

呢個鋪位做過好多唔同類型的餐廳，但係多數都好短命....呢間開左有一段時間嫁喇...由初初冇咩人...到而家日日排隊.....當然關的報導事喇.....佢一開個陣有食過一次....但印象唔算好...過左咁多年...又俾多次機會佢吧....當日去到已經過左中午食飯時間，但前面都有差唔多10個人係門口等.....等左差唔多半個鐘終於到我....入到去冷氣夠既....呢樣加分!同埋佢鋪入面的水加左班蘭葉...所以係有一種香味的!!呢樣都加分!叫左一碗牛河同一碗幾特別的粉.....叫做奧巴馬粉(碳燒豬肉伴越南檬粉)初初以為佢會係燒豬頸肉檬粉，點知上台個陣我都嚇左一跳,完全唔全想像中的樣...係一碗熱湯加凍檬，檬粉要浸去湯之後食...個湯酸酸地，係幾開胃，但係豬肉幾硬.....食到面唔係好想再食....同埋個湯唔算好熱....食到後面的粉浸完都唔夠熱......有點古怪....牛肉粉就係牛肉粉...真係冇咩特別...只係可以確定佢個湯係牛肉湯...唔係關粉或者味精湯...不過可能係我眼中的正常...係香港已經係一樣好特別的野....呢間餐廳真係算難食...但係被評為香港最食五間越南湯河之一就..