越發地道河內料理

營業中

休息中

睇報導見到油麻地有間幾出名食越南粉既隱世小店，好多時都大排長龍，所以特別來試試。呢到既粉麵價錢都唔平，平均要80幾蚊一碗，真喺要食過先知味道究竟價值唔值呢個價錢。✨香露牛柳撈檬牛柳喺肉碎來的，都食得到有牛肉味，不過個人比較鍾意一塊塊既牛柳，食落啖啖肉會開心啲。撈檬既湯汁都唔錯，食得出落左好多料去煮，有淡淡魚露咸香。✨炭燒豬肉伴越南檬粉平時食開嘅檬粉都喺一大碗的，不過呢到既檬粉就好唔同，事先已經分成一團一口的份量，食既時候夾起一團再浸一浸湯底就放得入口，做到好似日本沾麵咁既食法，幾有趣！炭燒豬肉燒到好香口，豬肉都醃得好夠味。不過略嫌湯底有啲偏咸，無想像中既檬粉咁開胃。職員提醒我地食之前記得先將香葉撕碎，然後再放進湯底，香味先會更加突出。粉麵整體味道都唔錯，而且食法有新鮮感，不過價錢就唔算抵食，試過就夠了。

呢間人龍店，透過唔同渠道見到都唔少人推薦。我同男友都鍾意食牛肉粉，係做足心理準備會等好耐既情況下，決定前往一戰！當日大約6:30，人龍唔算長，前面大約10位等緊。等左唔駛半個鐘已經可以入座。見到個個強推越南脆春卷，當然要試下啦，脆口野我最愛。招牌越南脆春卷 $68好老實，三條春卷$68其實真係好貴。但食完就會明白呢條春卷係花左好多心機入面。餡料好足好香，個皮好薄，好脆，不過好油職員教落將春卷用生菜同九層塔包埋一齊食，幾樣野夾埋味道真係好清新，味道更加層次分別。食得出條春卷係即叫即炸，因為上左枱好耐條春卷仲係熱辣辣，呢個必試！食完春卷，岩岩好黎到今日既重頭戲：招牌牛柳牛丸粉 $96好老實，個人覺得比較普通。可能大家吹捧得太勁，我對佢都好有期望，食完之後我覺得就係一碗用料優質既牛肉粉。湯底清淡，重口味人士唔岩，但飲得出無味精，真材實料。牛肉比較碎，但有牛味，食得出比出面牛丸粉既牛係高質D。牛丸都係屬於中上，但唔切半會比較好，可以更加保留到佢既原汁原味。不過我食過更好食既牛丸，所以唔足以令我驚歎。簡單黎講，呢碗粉$96我個人覺得性價比好低。碳燒豬肉伴越南檬粉 $80呢道有D驚喜，因為坊間真係

越發地道河內料理 ｜旺角會發現呢間舖頭絕對會係因為門口長長的人龍，每次經過都會見到最少排十幾人，今次好彩前面唔係好多人所以雖然天氣非常之熱都耐心等候，而且店長人很好又幽默，知道大家排得辛苦會走出嚟派濕紙巾俾大家。🐷碳燒豬肉伴越南檬粉（奧巴馬粉）$80食法好似沾麵，可以將香葉滅說放入湯中，將已經切成一口size的檬粉沾上魚露進食，味道超級好味酸酸甜甜，碳燒豬肉好惹味，而且有粒豬肉丸，外表燒得焦香！🐂香露牛柳撈檬 $80食法係有一碗魚露，可以先加一半撈勻再食，等唔夠嘅時候再加埋另一半咁樣就唔會令食物好稔， 魚露同其他舖頭唔同冇咁酸但係好香，牛柳味道炒得好香滑。🍹越南金桔冰茶$28金桔來自越南，每星期空運到港，甜味新鮮解渴，非常好飲。招牌越南春卷 $68可以加埋香葉包上生菜點魚露進食，春卷煎得香脆香口味道豐富👍PS.呢度連水都特別花心思，浸了一束斑蘭葉，所以斑蘭味特別香，食完就心心明白到點解咁多人30幾度下大排長龍都會等，好期待食晒成個Menu😋📍旺角砵蘭街99號地舖

果然是要排隊的餐廳，工作日放工去，排了大概半個鐘，服務很好，知道是第一次來的話都會幫著介紹，我們點了一個越南包都好好吃，還有一個類似沾麵的，比較新奇，百香果蘇打和柑橘冰茶，飲料ok噠

去到6點左右未開門，已經有7-8個人排緊隊，好彩都第一轉入到~<河內牛柳牛丸粉>要價一百蚊既牛柳牛丸粉，牛柳既分量唔算多，不過肉質真係幾好。黑椒牛丸有兩粒，對半切開變左4舊，味道正常🤣 個湯底好鮮甜，配埋個粉食，就知道點解一百蚊碗都咁多人排隊。<地道碳燒豬肉伴越南檬粉>好似無係其他越南粉店見過呢個沾麵食法既越南檬粉🤔 店員好細心，知我地第一次食，重特登講左個食法我地知。碳燒豬肉好香口，湯底有啲似撈檬煮成湯，都幾開胃。<熱情果冰茶>用上新鮮熱情果，幾清新，不過略為偏甜。

早排個腦成日 loop 住 Viet Spa，跟住見 FB 回顧兩年前五月又正正喺越南風流快活，結果忍唔住就走咗去食有傳係全香港最好食嘅越南嘢。越發地道河內料理一直好想試，無奈佢冇得訂位，舖入面又細得十幾個位，次次經過門口都大排長龍，每次都望門興嘆。今次決心好大，冒住三十幾度高溫大汗疊細汗企喺門口排隊🥵。總算皇天不負有心人，企咗廿分鐘左右就有位，謝主隆恩🙇。一坐低，店員送上一杯水，飲一啖，濃濃嘅班蘭葉味充斥口腔，感動😭。雖然我係牛魔王，但係一場嚟到，當然要試佢哋個名物炭燒豬肉越南檬粉，呢個又叫做奧巴馬粉，因為奧巴馬 2016 年去越南外訪時喺河內食過。等食期間，叫多杯越南柑桔冰茶，柑桔每星期由越南空運抵港，味道酸中帶甜好清新，不過冰茶就略嫌甜咗少少。食物上枱，負責人過嚟介紹食法：首先將羅勒，薄荷葉，芫茜等香草摵碎（愈碎愈好）放入醬汁內，然後每次夾一份檬粉（廚師已預先將檬粉分為十小份）蘸醬汁進食。酸酸甜甜嘅醬汁入面本身已經有烤豬肉丸同烤豬肉片，一加埋香草，真係不得了，好食到飛起😍，係我食過最好食嘅炭燒豬肉檬。同負責人傾咗陣，我話呢個檬粉比我喺胡志明市食過嘅更加好食，佢解釋因為呢個係越北地

⭐️良心越南菜⭐️⭐️旺角黃店⭐️越發地道河內料理地址:砵蘭街99號地鋪🍖奧巴馬粉 $80 (9.5/10) 🌟激好食🌟因為奧巴馬鍾愛食而命名做奧巴馬粉其實係炭燒豬肉撈檬! 食法同沾麵一樣架🤣大家首先要將d薄荷葉,金不換捏碎放落碗湯入面，再將d粉浸落酸甜適中嘅湯度，最好再加埋裹面d脆嘅紅蘿蔔同豬肉一齊食🤤又甜又酸又有口感成件事簡直就係完美咁係口裹面爆發💥令人忍唔住一啖接一啖🍜佢裹面仲有粒半肥瘦嘅肉丸，依碗粉可以話係我食過最好食嘅粉！🍖越發牛油雞翼 $75 (9/10) ⭐️好好食⭐️我會形容自己食緊雞翼味嘅爆谷🤣 其實佢係焦糖味重過牛油味，雞翼面會淋上焦糖同灑上厚厚嘅花生，咬落去首先會食到脆嘅焦糖甜味再加上雞翼本身調味好嘅鹹味，絕對係鍾意鹹甜人士必食嘅一樣菜色！🍖鮮蝦米紙卷 $60 (7/10) 作為一個starter佢係幾refreshing，d金不換味都好香，出面層米紙好有口感，最驚喜係裡面隻蝦係好味架！冇雪藏味！🍖薄荷青檸梳打 (8.5/10) 好似mojito嘅無酒精版🤣好飲！

每次經過門口都排長🐲, 今次晚市未開已經早15分鐘去排隊🍜招牌牛柳牛丸粉$80, 少貴, 幼河、牛柳(即生牛肉片), 普通貨色, 牛丸終於食出個未來, 媲美手打和牛丸🍅週末限定蕃茄蟹檬$80, 曾經在其他越式餐廳吃過, 味道不相伯仲, 但此店風味更濃。粉麵平均八、九十蚊碗, 正常份量, 造型一般, 純粹賣味道, 湯底牛粉清蟹粉濃, 前者貴料, 後者貴湯再來是尋覓法包之旅🗼越南法式三文治盛惠$72, 同樣正常份量, 法包並非最脆一家, 但材料清新, 吃出蔬菜、香料本身應有的味道，當中蘿蔔最為清甜。餡料有豬肝醬, 亦有扎肉, 扎肉坊間少見, 膠原部份勁彈牙, 乾爽而不膩, 絕非超市貨順帶一提, 侍應哥哥見到靚女會介紹返另上的香草和青檸如何配粉麵吃😉

定期就會掛住越南菜的我🙈每次經過都係排長龍的小店越發地道河內料理 ，今次早啲去試下😬排隊間已想好要吃什麼😋😋😋 超期待等了大半個小時終於到我們了🤩店內播著jazz music, so relax 🤗我們點了：店長推介越南新鮮運到的 #熱情果梳打 真的零舍不同😀好香好甜好fresh🍹招牌牛柳牛丸粉 除了青🍋🌶仲有油炸鬼伴碟，使用牛柳片跟平時食的生牛或肥牛片不同，肉質鮮嫩更有牛味🤤鮮蝦紙米卷 是水平之作，最愛是個魚露汁和內裡的酸甜蘿蔔菜😬越南春卷 大推大推👍🏻👍🏻👍🏻 伴有香葉和生菜包著吃🥬🥒 春卷鬆脆香口又不乾，咬一口juicy食落感覺不太熱氣，十分滋味😌😌而且真係其他地方無食過呢D質素芽車快 第一次食，原來是沙律來。酸酸甜甜很開胃。食完春卷再食幾口芽車快消膩一流😃由於座位有限，食完乖乖地走了。等多D人入來享受這地道河內越南菜😌😙一定會再來

🉐整體評分: 9/10.喺旺角行完街，忽然想食越南菜，但好似剩係得幾間連鎖店嘅選擇，結果上網搵到呢一間「越發」，果然係旺角鬧市入面嘅隱世好食小店🇻🇳.1️⃣河內牛柳牛丸粉($96)店主係規定咗用越南直送嘅幼身河粉(不能轉檬粉喔)，湯底比出面嘅餐廳濃，牛味非常突出，同時間香葉同埋蔥帶出牛嘅鮮味🐮而牛柳非常之滑同埋好重牛味🐮🐮🐮🐮🐮牛丸用料十足，可以稱為世界上最好食嘅牛丸🤪😂對比起招牌的牛柳河粉，要比多$16有四粒牛丸，其實可以值得一試❤️小編直接想直接購買佢店舖嘅牛丸，可惜非賣品🤪.2️⃣新鮮熱情果冰茶($28)小編都係第一次飲新鮮熱情果😂😂😂😂因為平時出面飲嗰啲都係預先整好，所以相對上比較甜。而呢一個因為新鮮嘅關係，熱情果比較酸，可惜茶底不夠濃🤧仲可以有進步空間☺️☺️☺️

隱世越南菜小店係河內嘅味道重拾當年飛越南嘅感覺🛫˜”*°•Pho Bo河內牛柳粉($80)🍜•°*”˜味道: 8.5/10係精緻版嘅河內牛肉粉配料都算齊全有油炸鬼 青檸 同辣椒絲係差左啲香葉同芽菜牛肉上枱嘅時候被熱湯灼到半生熟牛肉質感軟綿綿真係好軟綿綿湯肉味濃郁好味˜”*°•Bun Cha炭燒豬肉拌越南檬粉($80)•°*”˜味道: 9/10同正宗奧巴馬粉可以話係一模一樣點解叫奧巴馬粉?因為2016年奧巴馬拜訪越南嘅時候食過呢碗粉大讚 當地嗰間餐廳亦因而聲名大噪佢嘅食法類似日式沾麵廚師已經將檬粉分成一團一團方便顧客食用只要將一小團檬粉蘸上旁邊嘅湯汁就可以進食湯汁入口酸甜 後調有啲啲辛辣好惹味材料豐富 勁多炭燒豬肉炭燒味好香 除左炭烤豬肉仲有炭烤豬肉丸豬肉丸外焦脆內juicy好味˜”*°•越發招牌冰咖啡($39)🧉•°*”˜超濃郁越南冰咖啡雖然係甜左啲但真係好有越南感覺好飲小總結:佢真係冇改錯名的而且確係地道河內料理仲要係高質嘅店員親切有禮感覺窩心連免費供應比客人嘅水都別出心裁喺水入面加左斑蘭葉飲嘅時候聞到陣陣淡淡嘅斑蘭味好似去完泰國按摩咁💆🏻‍♀️

河內道整條街都無咩人行，唯獨呢間餐廳門口總有人排隊。今次11:55經過見到餐廳未開閘，門口已經6-7人排緊隊，趁人唔多當然我排埋一份試下有咩名堂啦😌小店得7-8張檯，而且只有1-2人檯，所以一次接待唔到太多人。檯面都會預先設置好，牆上仲有幅水彩畫👀今次一個人食我做左大胃王，試多啲試真啲。🌟招牌牛柳牛丸粉 $95牛柳軟淋又有牛味，牛丸一咬爆汁，河粉來貨好靚，係越南河內運黎，唔會一夾就斷，每條晶瑩剔透。仲有個油炸鬼跟粉送上，浸湯索湯汁食😉🌟越發牛油雞翼 $75如果想食記得一開始落單叫定，因為呢到菜炮製需時，我食完個面先上到（表示女仔已經食得慢㗎啦）但叫左你唔會後悔🤭一黎到好香蒜味，而且咬落外皮香脆，而且仲有點甜？唔知係咪落左蜜糖呢🥰🌟越南柑橘冰茶 $28柑橘系越南坐飛機黎㗎。我叫左少甜少冰都好甜，個人覺得怕甜可以問下有無得糖漿另上自己落🤔味道不錯👍🏻只係價錢略貴，呢到無lunch set全部都要單點，但無收加一。

但一間每個月都會轉主打越菜既黃店就肯定永不過時💛.會安雞飯（$138）係越南新年時必食菜式，除左係用洋蔥同香料醃過既走地雞整外，個飯都唔係一般飯來，而係特製糯米飯！不過唔知糯米飯係咪煮得唔夠耐既關係，略嫌整體唔夠軟糯，食左幾啖我已經要夾擺係盤後面d酸菜嚟消滯😂反而隻雞就真係大件兼入味，食得出真係幾新鮮，配合老闆特調既小青柑+准鹽+辣椒仔濃醬，不得了，blow my mind 🤯🤯🤯I'm lovin it ！.河內雞絲湯粉絲（$86）係老闆誠意推介既。第一下飲落既感覺係個湯底真係好清好香，雞絲數量當然無隔離個盤咁澎湃，但都有三塊大大既扎肉紥住我個胃😀D雞湯好適合淋落隔離堆飯度食😂

留意到砵蘭街有一小店，幾乎不論任何時間經過也有一條人龍，是日下午近兩點只有兩個人等位，擇日不如撞日，決定一探究竟。越南法式三文治 $72法包烘得香脆，配料味道不算突出，論價錢味道都與我最愛的第一郡有尚一段距離。地道碳燒豬肉伴越南檬粉 (奧巴馬粉) $76以沾麵形式呈現，豬肉帶少少肥，滿有炭燒香氣又軟腍；檬粉已塑成一口大小，浸一浸酸甜有蒜香的湯底，好特別亦好好食，有驚喜。招牌河內牛柳牛丸粉 $95牛柳新鮮腍身，牛丸彈牙味濃又有肉汁，另外有兩件油炸鬼配上，沾些濃得來清甜的湯底同吃，有趣美味。回家後略做資料搜集，原來小店屢獲不同雜誌推介，實在有眼不識泰山，失敬！見隔離位個春卷相當吸引，留待下次再試。

此店向來任何時間都大排長龍排十五分鐘已經算很快了因為店舖空間比較小不能容納太多客人不過對廚師而言是好事因為不用趕頭趕命可以保持食物質素老闆及店員的服務態度都很好所以就算價錢偏貴也值得一試既先來一客招牌越南脆春卷春卷炸得挺香脆連同青瓜、九層塔再加醋醃蘿蔔用生菜包著一齊食清爽可口開胃美味至於香茅豬扒撈檬份量真的幾大碗,細食的女生一定食不完魚露湯清清甜甜幾特別豬扒都好大塊,咬落亦鬆軟但我最欣賞的是杯越南咖啡咖啡味超濃但不苦越飲越鍾意