越男仔

營業中

休息中

聽朋友介紹，廣華醫院附近 有間好抵食，人氣超旺 越南菜餐廳，今日行旺角順便去朝聖一下。我哋喺門外見餐廳都是滿滿食客，店員見到有客人在門外，好快便替我們安排坐位。琳琅滿目既餐牌，多選擇到唔知點揀，於是我哋order 2 個套餐，價錢大眾化，食物有水準，值得推介👍💫 招牌無骨雞配黃薑飯 （Set A) 色澤金黃的海南雞看起來很吸引，份量都唔少，全部都去晒骨，雞皮滑溜、肉質軟嫩，黃薑飯的香料味道 沒有油飯那麼濃郁，但相當健康。 💫 河內蒽油三味配黃薑飯 （Set B) 有扎肉，豬扒及豬頸肉，肉質外脆內軟 ，唔會太乾身，仍保留番肉汁，加上香料味道，正👍 💫 牙車快沙律 + 椒鹽脆蛋魚柳 沙津酸酸甜甜，好開胃，魚柳 好脆口，唔會油膩。💫 無骨鳳爪沙律 + 手撕雞檬紙卷 鳳爪唔係白色 無骨鳳爪，係啡色，入口 肉質有點彈牙，甜甜地，好特別好好味。紙卷材料有菜，粉絲，加上魚露，味道淸新鮮甜。💫 椰香拉茶 拉茶味道濃郁香醇。💫 越南仔 冰凍水果茶 有青瓜，菠蘿，好清甜的一杯消暑飲品。

今日同朋友出去旺角廣華街附近買嘢，到3點幾見肚餓就去搵嘢食，就揀咗”越男仔”食個下午茶餐廳多已貼滿了餐牌介紹，仲有個”午市十大推介”兩間店舖(旺角/沙田)都可以儲印花。有假日套餐，好抵食，一個價錢有5樣食物。最後叫了A同E餐。1. 無骨鳳爪沙律+手撕雞檬紙卷。手撕雞好多配上菜加檬紙卷，一口一件啱啱好。無骨鳳爪少少辣同酸酸地，入口十分醒神2. 牛+豬PHO 紅蕃茄湯檬。首先湯檬非常之大碗，粉同餸都好多，加上蕃茄湯味濃郁，入口有一種好新鮮嘅感覺。3. 椒鹽脆蛋魚柳+牙車快沙律。椒鹽魚柳好脆，沙律非常之好味，好出色嘅前菜。4. 招牌無骨雞配黃薑飯，拉茶紅豆冰。無骨雞啖啖肉，雞肉好滑，有燒烤過嘅味道，唔使點汁已十分好味，加上黃薑飯份糧好多，確係超值之選。5. 熱朱古力滴滴啡，套餐加12蚊已可以飲到，又一推介。整體來講，食物水準出色，特別係假日套餐，價錢十分抵，性價比極高，可一試再試。

原隻軟殼蟹（$78）估唔到隻玄學蟹都幾大隻！外殼非常香脆可口，唔驚會好油，點埋旁邊嘅沙律醬都可以減低油膩感3course dinner (沙律加小食加主菜）手撕雞檬紙卷（跟餐小食）用煙靭嘅紙卷包裹住手撕雞，手撕雞一啲都唔會鞋口，加入碎檬粉令食落更充滿層次～加埋啲菜更加清新！值得一試招牌去骨海南雞配黃薑飯（主菜 $89）小編加$5轉左鴛鴦雞，分別係海南雞同埋脆炸雞，海南雞非常嫰滑，點埋醬汁一齊食超級滋味！炸雞外皮炸至金黃，食落都幾香脆，係預期中嘅味道～ 個人認為海南雞更加出色！招牌手撕雞拼扎肉椰汁酸湯湯檬粉（$69）湯底椰汁味比較重，食落酸酸甜甜，都幾特別！招牌手撕雞份量好足，基本上每一啖都食到手撕雞😋啖啖肉好滋味！扎肉就正正常常～ 記得要試呢個湯底！非常驚豔！蒜蓉牛油雞翼雞翼外皮炸到勁香脆！炸粉亦唔會過厚，食囉啖啖香味😍😍😍推介！

—————📍油麻地#油麻地@越男仔 #越男仔💛💛之前睇Arho Tv介紹呢間小店 話啲越南🇻🇳野好高質 我已經心思思好想試 因為我本身都幾鍾意食越南野🤤 上星期搵左日平日去試✨ 夜晚7點幾已經爆曬場 我已經好期待佢啲食物質素🤤😍——————❏ 招牌去骨海南雞 配 黃薑飯 $72✨海南雞顏色金黃 仲要好好彩鴿雞髀🍗位 啲肉好嫩滑 黃薑飯吸左啲雞嘅精華之外仲有黃薑粉嘅香味 🌟必食！❏ 牛 + 豬pho （生牛肉+烤牛肉+豬頸肉+豬扒 配紅蕃茄湯檬粉）$98😲碗粉黎到之後 個份量大到嚇親我😂😂😂 兩個人都未必食得曬🙌🏻 呢度嘅蕃茄湯係甜味比較重 所以如果鍾意酸味重啲嘅朋友就要留意喇🫶🏻 啲配料每樣都做得好出色 岩曬咩都想試嘅人✨❏ 串燒沙嗲拼盤 $49（+$10菠蘿🍍）呢度嘅串燒竟然好食過小x谷嘅串燒 佢嘅沙嗲汁係特別調過 食得出佢係加左蝦油 仲要價錢好抵食👍🏻👍🏻👍🏻🌟大推——————————越男仔 (旺角)旺角廣華街2-20號翠園大樓二期地下5號舖#winfat#winfat九龍#winfat油麻地———————————————————📍🇭🇰

Bookmark咗呢間「越男仔」一排... 今日行開旺角... 一於去食吓先!雖然已經過咗食晏時間... 但係門口都仍然企咗啲食客喺度等位... 可見食店嘅受歡迎程度都幾高!餐牌上面嘅菜式都好多元化... 而且亦都不乏特色小食! 我推介叫「 5 course meal in lunch 」... 有2小食 + 1主食 + 1餐湯 + 1飲品... 價錢由$89起... 都好夠份量、好抵食!Set A ($89)👇✅【招牌無骨雞配黃薑飯】✅【無骨鳳爪沙律】✅【手撕雞檬紙卷】 (加海膽topping +$39)✅【椰汁酸湯】 (+$5)✅【鴛鴦冰】(+$15)另外... 朋友散叫一碗✅【皇牌3+2撈檬】... 再share一d熱門小食!✅【海膽牛他他】$88✅【火辣蒜椒雞翼】(3隻) $33✅【法式芝心蝦多士】$39 🍚講番我個招牌無骨雞配黃薑飯... 雞肉非常嫩滑... 配上大量蔥油... 非常香口! 黃薑飯份量好足... 黃薑味香... 米飯軟硬適中! 🥗無骨鳳爪沙律... 鳳爪爽口... 沙律有青瓜絲、甘筍絲、白蘿蔔絲、椰菜絲... 用咗酸酸甜甜嘅汁撈埋好開胃!🫔海膽手撕雞檬紙卷.

今日熱辣辣，想食d好似撈檬嘅凍嘢，所以去咗「越男仔」!我同朋友一個叫檬一個叫飯，再加d小食share，食到飽飽都係三佰幾蚊，好抵食!👍我地order咗:💢皇牌3+2撈檬 ($63)配料係手撕雞、豬頸肉絲、脆豬肉、扎肉絲、烤牛肉，好豐富! 檬粉Q彈凍凍地，淋魚露食，即時消暑降温!💢椰汁紅豆冰 (另+$12)💢 Lunch Set A ($89)~ 招牌無骨雞配黃薑飯 ~ 無骨鳳爪沙律 ~ 手撕雞檬紙卷 (加海膽 另+$39)~ 椰汁酸湯 (另+$5)~ 鴛鴦冰 (另+$15)呢個餐好豐富，份量夠大，認真抵食夾大件!雞肉嫩滑，配大量蔥油，好香口! 黃薑飯飯味香濃，軟硬適中! 沙律同檬紙卷好開胃!椰汁酸湯有意想不到嘅美味!💢法式芝心蝦多士 ($39)強烈推介‼️‼️ 香脆唔油膩，仲要芝心，邪惡得嚟好吸引! 💢海膽牛他他 ($88)一客得4件，但牛肉味濃，好好食!💢火辣蒜椒雞翼 (3隻) ($33)炸得香脆，辣汁好正，好惹味! 下次可以試吓三拼，聽講另外兩款都好食(蒜香牛油雞翼&金蒜脆雞翼)!

💛#黃店位於旺角廣華街都相當多人幫襯，味道的確幾好！上次主要食無骨雞飯，今次試新野 椰汁酸湯粉好正！Lunch set👓5 course meal in lunch-Set A 招牌無骨雞配黃薑飯（2小食+1主食+1餐湯+1餐飲）$89．小食-無骨鳳爪沙律+手撕雞檬紙卷，越式酸甜汁沙律好開胃好食配上一隻細細的無骨鳳爪，但檬紙卷稍為普通細細舊又唔算特別好食，可能轉做椒鹽脆蛋魚柳會比較好。．若果普通lunch set無骨雞配黃薑飯就$66，雞肉嫩滑肥美，幾欣賞黃薑飯唔太肥膩，唔係淨係加咗雞油先令到變成黃色咁邪惡評分：7.5/10👓鎮店四鳥 椰汁酸湯檬粉（雞脆皮、手撕雞、雞滑件、香脆雞）大讚椰酸湯👍🏻酸辣又有椰香，尤其粉索晒啲湯好滋味，湯底係靈魂！不過四款雞就唔算好鍾意因為本身已經唔太食雞皮仲要炸雞皮，個人比較鍾意海南雞飯嗰種無骨雞款式，所以下次會叫無骨雞配椰汁酸湯粉🤤👓越南乳酪滴漏咖啡 跟餐+$18 單點$38一飲落口好重乳酪味，不過可能有人接受唔到呢種味😅想均勻啲冇咁明顯就要徹底搞啊杯咖啡，個人就認為非常濃郁咖啡味，好越南咖啡香，甚至就咁齋飲咖啡其實仲好飲🤣不過個個口味唔同例如隔離枱喺度

Xin chào 旺角特色越南菜▫️生牛生蝦椰汁酸湯檬🐮🦐椰汁酸湯有驚喜，好香椰奶味道有別於泰式椰奶酸辣湯少左香辣，濃郁椰汁嘅湯底更開胃 檬粉夠軟滑，生牛肉口感好鮮嫩大大隻嘅生蝦，半生熟蝦肉爽口彈牙味道鮮甜，忍唔住啜埋個蝦頭 ▫️招牌無骨雞配黃薑飯雞肉唔會柴口，口感嫩滑黃薑飯帶有淡淡嘅薑香配搭味道一流 ▫️牙車快沙律🥗越式雞絲沙律炭燒過嘅雞絲配上青瓜、蘿蔔絲滿滿嘅花生碎，再淋上魚露味道清爽開胃 ▫️手撕雞檬紙卷爽脆嘅蔬菜加埋手撕雞，配搭清新口感豐富 ▫️越南乳酪滴漏咖啡☕越南黑咖啡配乳酪乳酪嘅酸味同黑咖啡嘅苦澀味，出奇地夾每啖都品嚐到濃郁咖啡香同乳酪嘅微酸味道好有層次 ▫️椰汁拉茶紅豆冰🧋越式拉茶味道似港式奶茶茶味香濃，紅豆煮得夠軟但可以甜多少少

今次去咗旺角呢間特色越南菜~ 店面裝修非常有氣氛 擺咗好多掛畫同裝飾~ 牙車快沙律+手撕雞檬紙卷沙律同紙卷入面都有生菜蘿蔔青瓜同手撕雞 食落好清新 作為前菜好開胃！招牌手撕雞拼扎肉椰汁酸湯檬粉呢個湯底酸酸甜甜咁幾開胃 酸味唔會太濃 椰汁味比較重 但整體都唔會太濃味 佢另外有調味三寶: 青檸 辣椒仔 蒜汁 如果想重味啲可以自己調味~蒜香牛油雞翼呢個雞翼個皮炸到好脆 雞肉肉質都好嫩 會食到蒜蓉嘅香味椰青個椰青好大好多汁！飲落非常清甜解渴

平日去的，大概七點就已經不少人需要排隊，品種很多很豐富，還有自選撈粉！不過所有的點單都要在室外進行，所以一定要提早看好餐牌！整體味道酸甜開口，算是滿足，三檸七夕好喝，蝦多士略顯油膩

每個禮拜日 都係食好西日今次就食越南野 就去左廣華街嘅越南仔咁岩係5點半前嚟 係Lunch時段價錢比起晚市會平啲😌Lunch set 包兩個小食 主食 同飲品我就叫左 係佢地先有嘅三鮮PHO($139)三鮮就包括生蠔生蝦同滑雞配上佢哋比較出名嘅椰汁酸湯湯底椰味濃 唔會太酸唔中意太辣但又中意飲冬陰功嘅可以選擇至於配料方面 好欣賞佢用大頭蝦啲蝦頭都幾多膏 用嚟送湯一流而蝦身輕微炙燒過 始終係生蝦所以肉身唔會好爽 不過就啖啖肉同時滑雞係用左沙嗲醃過嘅雞 好正👍🏻係生蠔就普通左啲 個人認為同湯底唔太夾附上嘅小食 真係必食手撕雞檬紙卷手撕雞充滿麻油香味 同時紙卷做法好清新另外飲品方面好多選擇 我揀左三檸七三種檸放係一齊真係第一次試 又咸又酸 I like it😛整體上 想試新派嘅越南菜 呢度係好選擇🥰

今日遲遲兩點先黎lunch，但居然仲見到好多人等位！證明好多人食😍相信長期爆滿，應該會唔錯。好彩好快已經安排到座位👍🏿👍🏿胡志明市紅番茄四寶湯濛粉$65茄味香濃，超多肉，好抵食。最正係燒肉粒！勁爽脆！超級推薦如果再次黎一定會再叫呢個芝士蝦多士+軟殼蟹沙律$49+$88全部新鮮炸起，蝦多士啲芝士多到流出嚟！🤭😍軟殼蟹好入味最後仲試左越南乳酪三色冰，酸酸地，又沒平時三色冰咁甜，幾岩我😍

今天往廣華醫院見完醫生後已是中午，覺得肚餓，於是往附近廣華街醫肚。看見越男仔餐廳門口的廣告牌內的食品好吸引，入內叫了一碗火車頭湯河粉，附送跟餐的越式拉茶。另外加二十六元有一份炸魚沙律作為小食，牙車快沙律菜酸酸的味道令胃口大開，配上椒鹽炸魚柳的香味更是好配搭！然後再享用大大碗的越南粉，內容非常豐富，生牛肉和熟牛肉皆軟滑無比，可以一口食完而無牛根渣滓，又有牛筋，牛栢葉，牛丸夠爽，配上二塊籮白和生菜，食完非常滿足。最精華是湯底夠濃，食完牛肉各部份後再飲完濃湯不剩，快哉！可惜是濃湯不夠滾熱和蘿白不夠腍，還是半生狀態，唯一缺點！

以前廣華街嘅印象係全部好多甜品舖，但近呢幾年已經全部唔同晒，今次就食一間人氣黃店-越南仔。食之前最緊要有心理準備，因為個Menu真係超多嘢食，越南粉都好似車仔麵咁樣有唔同嘅配搭。唔睇返五分鐘以上你都知道自己想食啲咩😂😂😂1️⃣無骨鳳爪沙律（跟餐）睇落個顏色就知同平時食嘅泰式鳳爪好唔同呢個鳳爪係甜甜地嘅，作為前菜開胃唔錯。2️⃣手撕雞檬紙卷（跟餐）米紙半透明望到啲材料，證明處理得唔會太晏亦都唔會淋身，配埋酸酸甜甜嘅醬汁食，加分。3️⃣招牌 去骨海南雞配 黄薑飯🐓最怕食海南雞白曬曬冇雞味，睇呢隻雞就一定知道唔錯啦，就算唔點醬汁都已經好夠味道，雞肉超滑溜，睇啲色澤就知道💖再配埋係黃薑飯唔係雞油飯，配搭埋好有新鮮感4️⃣牛豬pho配紅蕃茄湯檬粉一碗pho 已經有生牛、烤牛肉、豬扒、豬頸肉，超級足料，選配左紅蕃茄湯，味道偏甜，鍾意食較甜口味湯底嘅朋友可以試下。6️⃣牛油雞翼炸到熱辣辣，咬落去爆晒肉汁🐓👍，雞肉同啲海南雞一樣超級嫩滑多汁🔥7️⃣越式蝦餅蝦肉彈牙，每件都好足料🦐，配埋酸酸甜甜嘅汁汁，簡直係天衣無縫👍8️⃣串燒拼盤呢個滿足晒鍾意想食晒唔同串燒嘅我，有齊牛雞豬肉三隻唔同口味各一串，配埋沙嗲醬食一流，再追加埋燒菠蘿🍍

《越食越好味😋》———————————————-#越男仔 🇻🇳-weekend出咗旺角行街，地頭蟲嘅朋友推介呢間佢嘅最愛，呢間越南菜良心小店好食得嚟仲要CP值極高，價錢親民，水準真心高，果然無介紹錯🙌🏻-🐣 鎮店四烏椰汁酸湯檬粉呢碗叫得鎮店之寶的確唔少野，裡面包咗雞脆皮、手撕雞、滑雞件同香脆雞四種唔同煮法嘅雞肉~雞脆皮脆卜卜夠哂香口，手撕雞就充滿麻油香，滑雞件啖啖肉，特別中意個香脆雞，外脆內軟😘而個湯底更加係十分驚喜，陣陣椰香令奶油感好重，略帶微酸，好開胃，兩者超夾🥥 聽朋友推薦話一定要加埋個調味三寶，即係新鮮指天椒、新鮮青檸同蝦油蒜頭，立即令個湯昇華，更加提味🧄-🐣 無骨鴛鴦雞黃薑飯鴛鴦雞包咗無骨雞同脆雞，脆雞好特別，小店用咗火炙燒雞皮，所以食落會有少少焦脆嘅感覺，雞肉一啲都唔鞋，配埋酸甜汁簡直一流，撈埋黃薑飯一齊食好正👍🏻-飲品方面我哋就各自叫咗杯三檸七同越南仔冰凍水果茶😚三檸七其實就係檸檬+青檸+鹹檸檬，檸味夠哂香，十分清爽🍋而越南仔冰凍水果茶嘅味道就有啲似雜果賓治，非常refreshing🧊-⭐價錢參考：（星期六日另收加一）鎮店四烏椰汁酸湯檬粉： $81無骨鴛鴦雞黃薑飯： $7