影片
更多
2022-06-03
680 瀏覽
Bookmark咗呢間「越男仔」一排... 今日行開旺角... 一於去食吓先!雖然已經過咗食晏時間... 但係門口都仍然企咗啲食客喺度等位... 可見食店嘅受歡迎程度都幾高!餐牌上面嘅菜式都好多元化... 而且亦都不乏特色小食! 我推介叫「 5 course meal in lunch 」... 有2小食 + 1主食 + 1餐湯 + 1飲品... 價錢由$89起... 都好夠份量、好抵食!Set A ($89)👇✅【招牌無骨雞配黃薑飯】✅【無骨鳳爪沙律】✅【手撕雞檬紙卷】 (加海膽topping +$39)✅【椰汁酸湯】 (+$5)✅【鴛鴦冰】(+$15)另外... 朋友散叫一碗✅【皇牌3+2撈檬】... 再share一d熱門小食!✅【海膽牛他他】$88✅【火辣蒜椒雞翼】(3隻) $33✅【法式芝心蝦多士】$39 🍚講番我個招牌無骨雞配黃薑飯... 雞肉非常嫩滑... 配上大量蔥油... 非常香口! 黃薑飯份量好足... 黃薑味香... 米飯軟硬適中! 🥗無骨鳳爪沙律... 鳳爪爽口... 沙律有青瓜絲、甘筍絲、白蘿蔔絲、椰菜絲... 用咗酸酸甜甜嘅汁撈埋好開胃!🫔海膽手撕雞檬紙卷.
雖然已經過咗食晏時間... 但係門口都仍然企咗啲食客喺度等位... 可見食店嘅受歡迎程度都幾高!
餐牌上面嘅菜式都好多元化... 而且亦都不乏特色小食! 我推介叫「 5 course meal in lunch 」... 有2小食 + 1主食 + 1餐湯 + 1飲品... 價錢由$89起... 都好夠份量、好抵食!
Set A ($89)👇
✅【招牌無骨雞配黃薑飯】
✅【無骨鳳爪沙律】
✅【手撕雞檬紙卷】 (加海膽topping +$39)
✅【椰汁酸湯】 (+$5)
✅【鴛鴦冰】(+$15)
另外... 朋友散叫一碗✅【皇牌3+2撈檬】... 再share一d熱門小食!
✅【海膽牛他他】$88
✅【火辣蒜椒雞翼】(3隻) $33
✅【法式芝心蝦多士】$39
🍚講番我個招牌無骨雞配黃薑飯... 雞肉非常嫩滑... 配上大量蔥油... 非常香口! 黃薑飯份量好足... 黃薑味香... 米飯軟硬適中!
🥗無骨鳳爪沙律... 鳳爪爽口... 沙律有青瓜絲、甘筍絲、白蘿蔔絲、椰菜絲... 用咗酸酸甜甜嘅汁撈埋好開胃!
🫔海膽手撕雞檬紙卷... 有2件... 一口size... 清新嘅檬紙卷配鮮味嘅海膽... 口感特別!
🥣呢度嘅椰汁酸湯檬係招牌菜式... 但我唔知口味啱唔啱自己... 所以呢個set嘅餐湯我就揀咗椰汁酸湯... 細細碗... 唔啱飲都唔會太浪費! 點知........ 原來好正㗎... 酸酸地... 又有椰汁香... 入面加咗洋蔥、生菜去煮... 成個湯都好好味!😋 我依家明白椰汁酸湯檬點解成為招牌菜式喇!
🥤飲品我同朋友都係椰汁冰... 不過一個係加紅豆... 一個係加鴛鴦豆! 都唔錯... 椰汁味都夠!
🍜朋友order嘅皇牌3+2撈檬... 所謂3+2即係手撕雞、豬頸肉絲、脆豬肉、扎肉絲、烤牛肉! 一碗有齊豬牛雞... 認真豐富!😍
🐂海膽牛他他... 係牛肉片捲住洋蔥... 上面再放海膽... 香濃美味!
🐔火辣蒜椒雞翼... 雞中翼炸得香脆... 辣汁加咗茄醬煮... 酸酸甜甜又有少少辣辣... 好惹味!
🍞法式芝心蝦多士... 幾乎係必叫嘅小食... 冇理由錯過㗎! 多士塗上厚厚蝦滑... 中間釀入芝士... 上枱時d芝士流緊出嚟 ... 見到都想食呀... 用嚟打卡就最啱!😬
整體上... 「越男仔」食物有水準、店員有禮貌... 尤其係帶位嘅阿姐... 讚!👍
張貼
