越瀧棧

營業中

休息中

見聯和墟有新野，過黎試下。咁你話你係越南餐廳，我無理由食你既泰式炒飯，right?見你個火車頭貴普通牛肉粉 66% ，應該有 d 料到，來吧即管叫一碗。等左大約十分鐘，碗粉到，第一眼望落去，有 d 唔對路，牛肉三大片，牛丸兩粒，牛腩兩件，牛柏頁就竟然有六大塊。金不換，芽菜伴碟一律欠逢。先飲一啖湯，個湯頭可以話完全唔係果回事，不但無越南湯河應有既鮮味，而且喊到有點苦，個味道其實似茶記牛腩河既味道，師傅大概未食過真正越南牛河吧？  河粉，厚左 d，無乜特別。牛肉，熟到透，應該係佳 x 凍肉級數既牛。牛腩，一個韌字。而且應該係點炆都唔會淋既肉。牛柏頁，雪白既牛柏頁點樣整，你懂的，我選擇食一兩件算了。牛丸，當然係出面交黎，又係佳 x 級數既野，都幾一般。碗野我食左 2/3 左右，快快腳去隔離街買罐汽水解味精。

今晚終於試到呢間越南菜。點左鹹金桔梳打。味道好淡，梳打吾夠，好似飲緊冰水。黃咖喱牛腩配蒜蓉法包，雖然鹹左小小,如果配飯會好啲。味道吾錯。生牛河，湯底夠味，牛肉好食，河粉就「削」啲。仲有個香茅雞翼，即炸好食。坐位較小，但空間尚算闊落，坐得都舒適。出餐快。今次二個人食,款式試得小，下次試埋其他。見到隔鄰枱點嘅食物都好想試。

今天晚上想吃越南牛肉河粉，2人去了試一下在聯和墟新開的越瀧棧，我們入去時看到枱上放置了泰國料理用的辣味粉，竟然在越南餐廳的餐枱上，跟著看看餐牌，發現有破多泰式料理的選擇，決定叫了泰式炒肉碎生菜包、一碗越式火車頭金邊粉及鷄扒撈檬。結果食物質素如何...實在不得不倒抽一口涼氣！很生氣....生菜包完全不是一回事，豬肉質地好像用粉哪了很久，口感像是死肉軟軟爛爛的、味道也不用說了！火車頭的湯淡而無味、湯底不似預期，需要加上了極多士拉差，才勉強吃過填飽肚子！

咁岩經過見到開左新野，難得係粉嶺見到有越南菜，於是試試佢！一望到餐牌見到燒鰂魚竟然只係$98，咁平一定要試下啦！上到枱真係嘩嘩聲！條鰂魚超！級！大！條，目測應該超過30cm，勁厚肉，仲要燒得岩岩好，好嫩好多汁！出面食百幾蚊條都係得三分二大條！米紙卷一樣都好有水準，基本上呢樣都好難會唔好食，所以就唔評價了，生牛河好多料好大兜，牛肉夠牛味又嫩，不過我未去過越南食pho，所以都不能評價正唔正宗，但湯底係幾濃郁同甜甜地唔錯的👍🏽