越瀧棧

營業中

休息中

是日同住粉嶺既朋友gathering, 今次揀左唔近火車站既聯和墟~見到間越南菜都幾旺場, 好彩仲有位~入面既裝修都好講究同別緻~有唔同既套餐可以揀, 每個套餐都好豐富!亦有唔少既散叫小食~由於我地2個都有選擇困難, 所以決定揀二人套餐(B)~香茅雞中翼+手打蝦餅雞中翼煎到外脆內軟, 好juciy~手打蝦餅爽口彈牙, 炸得鬆脆!香茅雞扒撈檬+香茅豬頸肉撈檬天氣熱, 食撈檬就至岩喇~撈檬個汁簡直係個精髓, 有齊甜酸辣鮮味~十分開胃!而且碗撈檬材料好豐富~每一口都食到哂唔同既配料!另外配上既雞扒同豬頸肉份量都頗多, 亦好好食! 雞扒唔會煎得好油,  豬頸肉亦十分爽口~馬拉盞炒通菜同樣都係份量十足, 炒得岩岩好, 通菜依然嫩綠~配埋乾蔥茸, 夠哂咸香味~軟殼蟹紙米卷散叫左呢個小食, 好清爽~軟殼蟹唔會用好厚粉炸, 加埋唔同既配料, 相當有層次既口感~米紙最怕有陣油益味, 呢度既紙米卷完全冇,配埋個汁, 酸酸甜甜, 一流!龍眼冰香甜解渴~三色冰足料香滑~!涼粉最後食埋個涼粉, 清熱消暑, 十分滿足!!

近日社會氣氛好差，都冇心情煮飯，所以去屋企附近食啲比較清爽嘅嘢， 見到有兩個2人餐都好抵， 揀咗個索價178，另外再加特飲（加十五蚊一杯）。兩個大食積見到有法包，忍唔住嗌多個香茅豬肉法包！飲品就揀咗龍眼冰同三色冰三色冰～啲顏色好靚一層一層咁，非常足料，口味方面，亦都唔會過甜。龍眼冰～質感比較清爽，帶有香濃嘅龍眼味。香茅豬扒撈檬～ 撈檬用咗極大量嘅配料，加埋自家調製嘅酸汁，配埋夠味香口嘅豬扒！👍🏻雞扒湯檬～ 首先雞扒煎到極度香口， 一上枱已經俾佢吸引眼球， 湯檬上有兩大舊白蘿蔔，好清甜！ 而湯底雖然個樣望落去比較清，但實際上好夠味！喜出望外！炸蝦餅 、炸雞翼～ 兩款炸物都炸到好香口，雞翼夠味；蝦餅彈牙，配上甜酸醬極度開胃！香茅豬肉法包～ 一嚟到見到兩粒星星就覺得好靚， 點豬肉法包嘅原因係因為佢冇骨方便食，一啖咬落去啖啖肉， 豬肉煎到香口，法包夾住有醃製過嘅蘿白，帶有酸味係清爽之選！馬拉盞炒通菜～ 估唔到份量咁大，同出面中式小炒嘅份量一樣，不過食菜絕對難唔到我幾多都食得曬！ 而且有咁多佐料，愈食愈香口，水準極高！涼粉冰～ 甜品就係一餐完美嘅句號， 呢個句號深得我心！ 冰冰涼涼唔會太甜涼粉仲

今日响粉嶺禮賢會中學附近做嘢，經過門面滿有越南風嘅呢間食店，越南菜係我喜愛嘅菜款之一，睇睇門口餐牌，價位合理，晚餐就响呢度解決啦。店內環境明亮清雅，掛畫、裝飾都好有特色，可以見到店家嘅心思。選了二人套餐 (B)，再加一個小食。軟殼蟹紙米卷軟殼蟹炸得香脆熱辣辣，紙米卷包住軟殼蟹、甘筍絲、檬粉、青瓜絲、蘿蔔絲、生菜、九層塔，米紙軟韌適中，就咁食清香新鮮又爽口，點埋魚露更添風味，正。二人餐有小食作前菜，香茅雞翼、手打蝦餅。香茅雞翼皮脆肉嫩香味誘人，蝦餅新鮮熱辣辣，鮮味濃郁，做過手打蝦膠嘅人就會食得出，口感有手打嘅彈性，真材實料。香茅豬頸肉河粉河粉拎嚟時已經聞到好香，上面好多塊豬頸肉，下面有河粉、芽菜、洋蔥、蘿蔔。豬頸肉質爽口惹味唔肥膩，河粉夠滑，蘿蔔腍甜，個湯都好味。香茅豬扒撈檬檬粉上面鋪滿紅蘿蔔絲、青瓜絲、花生粒、炸蒜、蔥油同埋香茅豬扒。豬扒醃得入味，口感軟腍最鍾意食凍檬，檬粉夠乾爽有彈感，加埋酸辣魚露酸撈配料，好食又醒胃！馬拉盞炒芥蘭香噴噴好有鑊氣，芥蘭新鮮爽脆無渣，馬拉盞辣辣哋加咗蝦皮，又香又惹味！套餐包埋甜品，椰汁冰涼粉，椰汁好香，好味。成個套餐份量幾多，我哋食唔晒，好抵食！

剛去完峴港旅行不久, 就已經好想念越南河粉了。於是今晚一放工, 就搵左一間越南菜餐廳。位於聯和墟的食街的「越瀧棧」，雖無華麗既裝修, 簡單的用越南草帽作吊飾, 播放著地道的越南歌調, 很有越南既地道風味。選了二人套餐，前菜有香茅雞翼和手打蝦餅。 雞翼是必食，無論牛油或是香茅，那陣誘人的香脆果然無令人失望！蝦餅也很不錯，沒有太粉的感覺，證明蝦肉夠多！生牛肉湯河牛肉優質，入口軟滑牛味濃，河粉幼滑，吃得愜意。粉夠多，已盡力了！香茅豬扒撈檬夏天特別喜歡食凍檬，除左降溫外，酸微微的汁又醒胃！香茅牛肉紙米卷米紙卷塞滿甘筍絲、米粉、青瓜絲、白蘿蔔絲及生菜，口感頗清爽，米紙唔會太韌，沾點魚露提提味，唔錯。馬拉盞炒通菜所謂蝦頭膏是用大頭蝦頭的蝦膏及蝦油爆香再燜成醬汁，所以用以炒菜, 味道比一般蝦膏炒更見鹹香!套餐份量多, 價錢抵食！食到飽飽！原來仲有甜品，係椰汁涼粉！飽到不行了！

見到餐廳花咗唔小心思去做佈置！ 越南嘅畫同埋裝飾都好靚！menu係一張雙面嘅！一邊係嘢食，另一邊係飲品， 清楚簡潔。每一個食品都可以加錢叫埋飲品，飲品大部份都可選擇，價錢都平成50％，對於夏日嚟講，必加無誤！凍菊花蜜（右）、咸檸七（左）， 夏天都係忍唔住飲凍嘢，咸檸七固然係解渴之選，但養生一族嘅我，都係要飲菊花蜜嚟潤下喉、解解熱毒。 菊花都真係好足料，而且蜂蜜味好強，入口清新怡人！雞絲撈檬（上）、 炸春捲撈檬（下）～ 撈檬主要都係睇個汁夠唔夠惹味、 酸度會唔會over咗， 而呢個汁，我係滿意嘅！ 上面配嘅雞絲真係嫩滑，份量都算幾多，食落啖啖肉！ 炸春捲係即炸出嚟嘅！熱辣辣夠曬香口，而且一啲油膩感都冇，好食！下次等天氣冇咁熱 ，一定要叫埋湯檬！！！！❤️

下午時份，到聯和墟打球後醫肚，經過有間越南《越瀧棧越南菜館》🤩 是家庭形式打理，有住家菜感覺 環境仿似茶餐廳，看眼服務街坊為主 。 有位男仕跟老闆說我們來三次了，還讚美這裡的餸菜好味，暪不過他舌頭👅😂海南雞飯 套餐 HKD 58 (配油菜、白飯）有驚喜！ 皮豐亮澤、金黃色～ 全碟的雞肉很嫩滑少量骨 ～飯有油香，軟硬度適中。 套餐跟菜加蠔油，多葉少莖沒渣～ 酸辣無骨鳳爪 HKD 22 另外也加了小食鳳瓜，多肉，size 適中，辣度帶少許辣。 三色冰 HKD 10 味道不錯，椰汁味很重又多料

夏日熱辣辣，來一頓開胃解暑的越南菜就最適合不過了，同朋友見這家新開的越南菜館裝潢雅緻，價格相宜，就決定一嘗新店滋味😁🥢鮮椰青　$27椰汁冰凍清甜，椰子肉質嫩滑，不錯！🥢香茅豬頸肉撈檬　$44好吃！豬頸肉份量頗多，其肉質爽而不韌，香口惹味，燒得恰到好處；檬粉細緻彈牙，爽口有韌勁，加上蘿蔔絲、青瓜絲和花生粒，非常足料。但論到最精彩的，則莫過於那酸甜醒胃的撈檬汁🧡酸中帶辣，味道層次豐富，醬汁果然是越南菜的靈魂！🥢火車頭湯粉　$70非常大碗，有生牛肉、牛丸、牛坑腩、牛腱、牛柏葉和蘿蔔等，絕不欺場。生牛肉新鮮幼嫩，牛腩軟腍無渣，入味好吃！湯底乃其精髓所在，牛味濃郁而不膩，可自行加入甜醬或是拉差辣醬，又是另一番風味。🥢馬拉盞炒通菜　$52簡單一道炒菜也見誠意。大大碟，香辣有鑊氣，通菜上面有些蝦米乾，令整道菜味道昇華，送飯一流！其實我們已經吃得很撐，但炒菜實在美味，一口接一口便掃個清光👍🏻🥢軟殼蟹紙米卷　$52軟殼蟹的酥脆與紙米卷的嚼勁配搭得宜，再蘸一點酸甜醬汁，為整道菜添彩，亦為悶熱的夏天添上一抹清爽。

有次渣車經過，見到有新開既越南餐廳，今日同朋友就入去食晚餐餐廳裝潢具有越南特色，光猛企理，環境坐得舒服，而且餐牌價錢合理，有二人套餐，四人套餐，六人套餐可選擇。我地點了二人套餐（$178），小食-香茅雞中翼，手打蝦餅手打蝦餅，手打的蝦餅爽口彈牙，一人一件香茅雞扒撈檬撈檬粉每次來到越南餐廳必點，我真係好喜愛撈檬粉，酸酸辣辣好醒胃，配料亦夠多，雞扒大件又厚肉蒜茸炒菜心夠穫氣，蒜茸味濃，唔會炒到過老最後仲有碗冰凍甜品熱柯華田三色冰甜度剛剛好

今日親子遊去左沙頭角同埋聯和墟,其實聯和墟有好多古蹟，非常值得参观。夜晚喺聯和墟行到攰又口喝又唔想食飯，咁就試左越瀧棧，因之前有位住粉嶺嘅同事介紹话好食又抵食、咁试下有冇驚喜｡當然佢介紹左主菜俾我，最後會同大家介紹番。一開波一定要整番個棷青先，天氣熱解下喝，棷青夠冻夠冰。仔仔豬B叫左杯棷汁名冰也很不錯。首先我叫左香茅雞翼🐥, 雞翼炸得好好,恰到好處皮脆肉嫩,唔使一分鐘，已經KO一隻。跟住叫左個木瓜絲沙律,木瓜絲切得好幼細，酸酸地易入口同好開胃，增加左我嘅兽性食慾。本身已經肚餓架啦,攪到仲肚餓，大獲 ☺❤係你啦, 我最愛食嘅軟殼蟹🦀,OMG! 點解咁大隻㗎，軟殼蟹炸得好脆, 唔似其他餐廳的軟殼蟹細細隻咁食到到喉唔到肺，呢個一定要試。仲有越式蝦米纸卷，記住要点住汁食。我叫左我嘅主菜火車頭湯河，呢個河粉超大碗，料真係十分足，牛丸、牛展、牛怕葉都好食，唔會太硬｡有時其他越南餐廳啲火車頭粉，会overcook左D料，令成碗河粉浪費左，呢碗嘢好抵食，我都要同豬B share食。最後就係我講嘅主角出場，誠意推介這間店的越南咖啡，因為真正的係越南咖啡係慢慢滴，滴完一飲，咖啡非常滑口.非常高質。吾似有些

同事lunch time成日黎食呢間越南野，貪其大份量夠飽肚，今日終於黎試下。香茅雞翼撈檬（$46）自己要左個撈檬，有四大隻雞翼喎，賣相仲幾靚添。大大隻好有香茅味，皮脆肉滑，咬落有雞油，好味好味。檬粉爽口，加埋酸酸嘅魚露汁好正，啱哂夏天食。香茅豬頸肉湯河（$44）同事叫左湯河，賣相都幾好，豬頸肉有成五六塊，厚切，正。河粉好滑湯底偏鹹少許，都ok嘅。海南雞飯（$58）另一位同事叫海南雞配油飯，個餐有油菜送，價錢真係幾抵食喎。雞無乜味，但勝在夠滑又多肉，加上個雞汁好味，酸酸辣辣有蒜香，雞件點汁食好味。軟殼蟹紙米卷（$52）仲叫左個小食一齊share，軟殼蟹即炸好香好脆，紙米卷有菜有蘿蔔有檬粉，清新爽口，好味好味。熱奶茶茶香奶滑又夠熱，好飲。薄荷青檸疏打（+$10）薄荷味好清新，夏天特飲之選。咸檸檬七喜（+$10）鹹鹹酸酸幾解渴，又係夏天啱飲。午餐四十幾蚊起真係幾抵食，好味又大份。

粉嶺聯和墟出了名多野食。無論什麼菜式。今次朋友帶我去一間比較偏左一旁。近球場的越南菜館。室內裝修別具風味。連燈罩亦有越南特色。餐牌上亦價錢合理便宜。由於我兩人不算太肚餓。只點幾味分享。生牛肉湯粉生牛肉新鮮肉色鮮紅。入口滑而不乾。肉汁鮮嫩。湯底亦濃而不俗。粉麵入口滑流。最緊要係份量配合完美。手打炸蝦餅這個一定要點的撚手小菜。炸出來不會有有多餘油份。入口脆皮。蝦肉肉味濃厚。細緻看肉內更顯手打的重要性。份量不多不小。鹽燒烏頭魚呢條魚不得不能說。因為足足等了30分鐘。即叫即燒。配料頗多。但見到的。真是廚師真功夫。魚內充滿香茅香草等。芳香撲鼻。魚肉入口甜而不過。再配合魚上配料可口。緊記要混合海南雞汁而食。直頭回味無窮。配合完美。舌齒留香。

早幾日同朋友收早，就入左聯和墟搵間嘢食！見呢間新開，就試下啦！其他嘢唔多講，想講下碟菜，好足料，而且炒得好有火氣，不過，就咸得濟啦！ 連白飯食就無咩太大問題既！另外，不知道係咪太早到，七點鐘，都無咩人，傾計唔嘈，算好環境啦！

其實有時過開北區, 真係唔知道有咩地方好食！好 在，有個住喺粉嶺嘅朋友， 介紹粉嶺中心有幾間新開嘅餐廳。見到呢一間裝修新鮮、型格嘅越南菜。我同朋友諗就冇諗過，即刻入去搵位食飯啦！撞正晚餐時段，人流特別多！ 不過都係等咗陣就有位喇！我哋叫咗個越式炒金邊粉,金邊粉幼滑,花生碎淋喺面,有咬口！酸甜汁令 人胃口大開呀！ 份量非常大兩個人都食唔曬！另外最特別嘅係有抹茶芝士蛋糕 同黑朱古力芝士蛋糕,個人比較喜歡抹茶芝士蛋糕。 因為抹茶嘅口感 非常濃烈，配搭輕輕嘅芝士味道，完全唔覺得滯呀！ 不過,最可惜芝士蛋糕冇影相...

這間店的裝潢光鮮，有越南風格，座位寬敞舒適，環境乾淨。熟牛肉湯河的牛肉夠淋又入味，牛肉湯底味道濃郁。扎肉湯河和香茅豬頸肉湯河的湯底都是清湯，雖不及牛肉湯底的惹味，但也調味適中。湯河都配有芽菜、洋蔥和蘿蔔，份量適中，不會搶佔了河粉的味道。我曾經吃過一間店的越式湯河，芽菜落得比河粉還多，令我有好一段時候不想再吃越式食品。軟殼蟹紙米卷材料豐富，軟殼蟹的味道也很好。越式春捲炸得鬆脆，餡料也很美味，是我最喜歡的菜式。

工作中午餐，去呢間新開越南菜🇻🇳餐廳，去到唔使等位，場內都幾爆場，店內裝修藍白色清新，加上越南掛飾，幾舒服越式春卷湯河（$42）春卷係網包春卷，炸得好鬆脆，點橙色酸汁開胃啲！河粉好大碗，配菜有白蘿蔔，味道清甜無渣，大量芽菜，爽脆清甜，河粉幾滑，洋蔥絲爽脆，唯一係湯底比較淡，喜歡清淡嘅人會喜歡！（同事嘅牛肉粉湯底佢話夠味）薄荷葉青檸梳打（跟餐加$9）叫了少甜，薄荷葉好多，青檸味略淡，好清爽開胃！拍青瓜（$20）比預期大碟，青瓜新鮮，好爽脆多汁，清甜爽口，汁料以酸味蒜香為主，好好味！同事食：生牛肉檬粉（$44）熱檸茶（跟餐）食物足料，味道不錯，不過有啲規定就唔多為客人，好似跟餐飲品咁，椰青、越南滴漏咖啡都唔可以加錢轉飲，跟正價，講真心，叫得呢兩樣嘅客人，價錢通常比較鬆手，店家可以比客人加錢，不過扣減少啲，兩邊都開心，結果我同同事都無飲滴漏咖啡，因為唔想浪費杯餐飲！店員們有禮斯文，不過上春卷無比沾汁，我問先比！除此之外一齊正常如果彈性少少會開心啲！