越瀧棧

營業中

休息中

裝修簡約，牆身放上油畫，酒吧用粗麻繩吊住燈泡同燈籠，帶有一點越南色彩。雞翼湯河雞翼炸到香脆，咬落口熱辣辣，肉質嫩滑唔乾。河粉爽口，湯底唔會太咸。香茅豬扒飯豬扒份量好多，而且大大舊同入味，係飽肚之選。但豬扒肉質略帶乾身，如果可以更為JUICY更佳。 飯會配上薑蓉，小弟最愛，足以食哂D飯 lol 。酸辣無骨鳳爪酸辣度啱啱啱好，而且十分爽口。每次當前菜都愈食愈開胃。蜜糖菊花茶好少餐廳會有菊花茶，小弟最愛。 淡淡菊花香配上蜜糖，清涼之選。

今日同兩個姐妹黎到呢間食越南菜既小店食晚飯，店舖裝修得好有越南特色，而且店員好有禮貌，特別係有個後生仔好好笑容，而且價錢整體都好合理好親民。軟殼蟹紙米卷($52)，呢個好正，要重點推介！外層米紙煙煙韌韌，包住檬粉、甘筍絲、青瓜絲、生菜、九層塔，仲有大大隻熱辣辣既軟殼蟹，一啖咬落去係好豐富好好食，四件包到脹卜卜，大大件好抵食，必點!!手打炸蝦餅($78)，有六大件，新鮮炸起熱辣辣，炸到金黃香脆，而且蝦肉爽口彈牙，正!香葉肉碎生菜包($68)   一籃生菜，份量好多而且每塊都好大塊而且係好新鮮，肉碎炒到好乾身唔會油膩，幾惹味但辣味唔會好勁，正!馬拉盞炒通菜($52)，通菜唔老，份量多，幾惹味。 香葉馬拉盞炒花甲($88)，好大碟，蜆肉份量多，都幾肥，第一次食用馬拉盞炒既花甲，好特別。蝦頭膏海鮮炒飯($48)，又係好大碟，海鮮份量多，炒飯好夠味，幾好食。鮮椰青($27)，夠冰凍，好好味，唔會淡，正!!  

最近睇電視有介紹開聯和墟美食好去處，愈睇愈想食，聯和墟真係比較多野食，今次專門走入當區食個飯啦！呢間餐廳位置聯和墟入口，主打越南菜，見到價錢都OK，就再食多次啦！今次食越瀧棧既香茅豬扒撈檬，大大塊豬扒，切成一條條，好易入口，而且味道幾好，而撈檬不太碎濕濕，加入醬汁伴食，酸酸甜甜好吸引！此外，蝦頭膏海鮮炒飯都好大碟，蝦頭膏咸香超惹味，比起平時普通蝦膏炒飯好似更加好食呀！份量就好大碟，一個人係食唔曬呀！平日食都好多人，建議六點半入座就唔使等位！

食店雲集的聯和墟，這間開店時已經想試一試，終於……來了！內裡的裝修有點越南風~坐得舒舒服服的~好由前菜說起……酸辣鳳爪($4x)味道很不錯！酸不太酸，但頗為開胃，作為前菜是正確的選擇平時蘿蔔多過鳳爪，CP值高就是鳳爪多過蘿蔔，而且好味道~抵食呢香茅牛扒米紙卷($4x)又一抵食又好味之作一碟八大件，牛扒的味道剛剛好，量也不少，配合上生菜、粉、三絲的爽脆，吃來不油膩good good~香茅雞翼河($4x)為什麼說CP值高？四隻雞翼win~味道更是很不錯！雞翼不乾，而且是大雞翼（你懂的……), 滿滿的香茅味~作為雞翼控，真的可以一個人KO半打。河粉有兩片大蘿蔔~真心大件！湯底濃而不咸，讚！生菜包見到有生菜包就一定會點😁，不論泰式越式！這個生菜包，朋友讚的點是生菜好大塊😂，一次可以包好多~不過生菜的確新鮮，脆又綠！肉碎好味道~辣味因為有兩種辣椒，青色同紅色，好豐富的🤣加上不油又不咸，剛剛好~不配生菜，配飯應該同樣夾！薄荷檸檬梳打一片片薄荷~加分！珍多冰~椰汁贏！P.S. 見到隔離枱點了馬拉盞炒芥蘭，大碟到呢！😂😂真的貫徹平靚正、高CP值

晚上行入聯和墟見到有間越式餐廳， 見過裝修好特別所以入去試下， 裏面裝修有個吧枱有一幅特色牆 餐檯與餐枱之間都唔會太迫。 坐低叫嘢食店員服務都好快， 叫左個越式生牛肉河一個軟腳蟹卷仲有一個咖哩牛腩 同蒜蓉包。 咖哩牛腩好冧 都有好多件我覺得個薯仔好好食。 臨走的時候嗌多杯三色冰。 好滿足食物質素好高價錢亦唔貴。 去開聯和墟嘅朋友可以試下球場隔離

好耐無係粉嶺食Lunch，原來開左唔少新餐廳。今次先試一間比較就腳既餐廳，下次先行入D試其他新野。餐廳食物價格唔算貴，全部都係$50樓下，選擇亦唔少，Lunch set仲包埋飲品。香茅豬扒撈檬 $46豬扒雖然切開左，但其實都幾大塊，不過無香茅味之餘，仲要好硬，雖然未到好韌好乾，但由於自己本身一邊牙痛，食得特別辛苦。檬粉唔會碎濕濕，配料都唔少，食落幾豐富。香茅豬頸肉撈檬 $46份量正常，男仔食既話應該唔飽。豬頸肉份量算多，而且睇圖都知道唔韌、夠肉味，食落爽口、少少彈牙，比豬扒好好多。

今日搵食搵到去粉嶺，試吓呢間越瀧棧先午餐非常抵食，價錢實惠，每個餐都包飲品菊花薑蜜有震震菊花嘅香甜美我就叫杯三色冰，真係有晒三隻色嘅分別係綠色既珍多、黃色既綠豆、灰色既奇亞籽，白色既椰汁係超濃味呀，非常解渴湯粉終於嚟啦叫咗個香茅豬扒拼香茅雞翼，相拼都只係需要加$6而我呢實在太鍾意食香茅雞翼，單拼就一共有四隻，雞翼炸到外皮超香脆，但雞肉依然十分嫩滑河粉一大碗，入邊仲有啲超甜既蘿蔔添價錢親民，兩個人都係食咗$116

在聯和墟這美食之地，最近又有一家越南粉開了，越瀧，看餐牌價格還不錯，於是試了一下＄４Ｘ—５Ｘ的價錢一個套餐，不錯～在２點鐘的時間，人流還真的不少呢～點了一份撈檬，雞扒雞絲４６＋６撈檬必備的酸辣汁開胃醒神，甜中帶酸非常好吃，撈檬充滿花生碎，青瓜絲跟蘿蔔絲，應有的東西都有，加上爽口的檬粉，夏天吃超醒胃！我覺得配雞絲最好吃，雞絲夠乾身又不膩，喜歡惹味的話雞扒也不俗，雙拼的餸份量不會比較少，很均真！三色冰　＋＄１０下了大量椰汁的煙韌加工馬蹄三色冰，色澤非常好看，有西米綠豆喝起來口感多重，而且因為椰漿較濃，很飽肚！

今日夜晚去粉嶺探朋友， 佢帶我去食越式小店， 內裡有好多越式嘅畫像同擺設，好有氣氛呀！熟牛肉湯檬～ 湯底係湯麵嘅靈魂， 熟牛肉採用肥瘦參半嘅牛肉片 ，牛嘅油香滲入湯底，加埋越式獨特嘅香料，真係回味無窮！香茅雞扒湯檬～ 淡香嘅清湯底，附上清甜嘅白蘿蔔，雞扒係另上的，可以保持雞皮嘅脆度！生菜包～ 豬肉碎，非常惹味，亦都炒到好乾身，生菜新鮮，絕對感受到佢嘅脆度！馬拉盞炒通菜～ 出色嘅鑊氣表現！！而且份量非常之多，cp值非常高！咸檸七～ 連特飲杯都咁講究，要襯埋一套，顏值立刻高咗十倍！哈哈！青檸梳打～ 微酸有氣嘅飲品，令人大開胃口 ，如果唔係因為佢，我一定食唔曬咁多嘢！😂

第一次同朋友去粉嶺玩，行到咁上下肚餓求其揀左一間食越南粉麵。我叫左海南雞湯金邊粉，而朋友就叫左豬頸肉湯河，我地不約而同都嘩左聲:咁大碗既! 唔單止麵份量多，連肉都好多，我隻雞食落啖啖肉，朋友既豬頸肉超多塊，有成十塊以上，湯底算濃郁，餐包埋野飲，先共四十零蚊實在抵食。不過份量實在太多，我地兩個女仔最後都食剩一半，所以男仔黎到唔驚食唔飽啦! 再講餐廳環境，睇得出老闆用心設計過，成個餐廳風格當然走番越南路線，光線明亮突顯出整個藍色主題，配合埋環境氣氛令人覺得食落更滋味。

朋友話粉嶺聯和路球場附近，就見到招牌光亮的越瀧棧越南菜館平靚正，餐廳裝修簡潔優雅，乾淨企理，坐滿8-9成食客，我們點左黃咖喱牛腩配法包$60套餐有餐飲，牛腩夠腍又入味咖喱很香，法包脆脆，很好吃👍。青咖喱牛肉配薄餅$60，薄餅香軟沾咖喱汁很惹味，極不錯。海南雞半隻$88，雞肉嫩滑又厚肉，大大碟真抵食。香茅牛肉紙米卷$43，嘩有八大件，真超抵食，米紙口感煙韌，薄得晶瑩通透，包住牛肉腍滑肉味香香軟可口，青瓜絲、檬粉、紅蘿蔔絲🥕、九層塔，清香又新鮮勁爽口，超正餐飲咖啡和檸檬水🍋

今日自己一個入粉嶺做野，晏晝又唔想食飯，所以就打算去食碗粉，食飯嘅時間都幾多人，但一個都易啲搵位越式春卷炸得香脆，夠熱，春卷餡料都好好味，再點返少少醬已經好正豬扒撈檬，一上枱已經覺得好香，豬扒分量都好多，本身已經醃製過嘅豬扒夠入味鬆軟，一啲都唔乾唔鞋，而檬粉都俾得唔孤寒，再加埋佢嘅酸酸甜甜汁撈埋一齊食，滿足最後叫埋杯青檸梳打做個總結，爽😊以一個午餐嚟講，佢唔算太貴嘅，但以依個質素嚟講我絕對好滿意呢

喜歡聯和墟有好多特色小店，今次介紹呢間讓我諗返起當年的越南🇻🇳峴海遊。內裏嘅裝修，好有越南嘅味道、風格，讓你有點感覺自己身於越南的感覺。餐廳有多款不同的選擇，要辣又得、唔辣亦得😉😉想淺嚐要小食又得，想大餐要海鮮、撈檬、湯粉、小菜亦得，真係豐儉由人😌😌我地就點左一個至抵食的一人餐及點左幾個惹味小食😋😋*法式蒜蓉包*不得不介紹的係這個其貌不揚的法式蒜蓉包👍🏻👍🏻👍🏻唔講唔知道，越南曾經係法國嘅殖民地，睇住張相，都會看到佢由遠處傳嚟的香味，佢嘅蒜蓉包外脆內軟，咬落，聽到「索索聲」😋😋*軟殼蟹紙米卷*即叫即做，薄薄的室溫米紙，包住熱、脆的軟殼蟹、及香草🌿，咬一口，不同的層次同時間湧入味蕾，讓人一再回味😍😍😍*海南雞飯套餐*不得不提這個大件夾抵食的套餐，雞的份量不但比其他餐廳多左1/4，而且油菜亦大大碟，我們的大胃王有口福了💃🏻💃🏻💃🏻 雞肉軟度適中，唔會過左火喉，飯有微微雞油香，又唔會過火太油膩，一切也是盡善盡美，無得彈😉😉

餐廳裝修簡約帶有淡淡的越式風俗,牆上面有越南草編草帽同埋單車坐低之後睇一睇menu,真係好多選擇,真係唔知從何入手好除左a la carte menu,仲有廚師推薦、海南雞套餐、晚市套餐(多人) 由得你揀最後我地叫左-軟殼蟹紙米捲(四件)-越式春捲(配生菜)-炒金邊粉-青/黃咖哩套餐-荔枝冰熱辣辣既”軟殼蟹紙米捲”香味撲鼻而來,啲軟殼蟹大大隻,米紙包住軟殼蟹甘筍絲、檬粉、蘿蔔絲、生菜、九層塔,酸酸甜甜做小食好開胃,軟殼蟹炸到好酥脆,越咬越香. “越式春捲(配生菜)” 金黃色既外表,配埋生菜食真係好正,一擺入口已經碎曬“炒金邊粉”大大兜,好有鑊氣,上檯果陣仲出緊煙,真係即叫即整. 一向好中意食荔枝既我,就叫左杯酸酸甜甜既荔枝冰,配埋金邊粉“青/黃咖哩套餐”就叫左黃咖哩配雞扒,仲有蒜蓉包,加埋杯三色冰.咖哩好惹味又濃郁,雞扒大大件好足料,沾住蒜蓉包食同配飯食好唔同

今日去咗粉嶺嗰邊行山，差唔多到晚飯時間就去覓食 ！ 喺一啲舊墟食飯總會及掘到隱世小店， 經過見到呢間越南餐廳，睇完menu就食指大動！見到佢店外有一張枱，相信係方便吸煙或者帶寵物嘅客人好貼心呀！已入面都係亮麗嘅裝修，睇住啲色彩鮮艷嘅顏色，胃口都好啲啦！三色冰、荔枝冰～ 黎越南餐廳當然要飲返一啲特色飲品， 三色冰用料非常豐富而且配料帶有咬口， 飲完都有少少飽嘅感覺！ 荔枝冰，整粒荔枝見到， 始終係生果令人感到健康一啲！黃咖哩雞扒配蒜蓉包～ 幾時食咖哩都係因為個執以奠定佢夠唔夠好味！ 我想講呢個汁真係可以攞足100分！ 而且佢好隨意，可以畀客人多個選擇， 例如果晚唔想食白飯就可以選擇蒜蓉包 ，蒜蓉包嚟到嘅時候啱啱焗起，暖暖的，是幸福嘅滋味！炒金邊粉～ 同泰式金邊比較，會有啲唔同，泰式嘅一定會有蝦，反而佢落咗扎肉突顯咗越南風味！ 對於會對蝦敏感嘅人嚟講，簡直一大福音！越南春捲～ 佢有得畀你選擇加錢跟埋菜， 包住食，多重口感，呢個錢絕對值得加！ 而且佢係熱辣辣新鮮炸起，由於網紋嘅皮又薄又脆， 真係食多幾件，都唔會覺得膩！軟殼蟹米紙卷～ 本身已經熱愛食軟殼蟹，加埋越南出色嘅烹調方法，果然別有一番