越瀧棧

營業中

休息中

見聯和墟有新野，過黎試下。咁你話你係越南餐廳，我無理由食你既泰式炒飯，right?見你個火車頭貴普通牛肉粉 66% ，應該有 d 料到，來吧即管叫一碗。等左大約十分鐘，碗粉到，第一眼望落去，有 d 唔對路，牛肉三大片，牛丸兩粒，牛腩兩件，牛柏頁就竟然有六大塊。金不換，芽菜伴碟一律欠逢。先飲一啖湯，個湯頭可以話完全唔係果回事，不但無越南湯河應有既鮮味，而且喊到有點苦，個味道其實似茶記牛腩河既味道，師傅大概未食過真正越南牛河吧？  河粉，厚左 d，無乜特別。牛肉，熟到透，應該係佳 x 凍肉級數既牛。牛腩，一個韌字。而且應該係點炆都唔會淋既肉。牛柏頁，雪白既牛柏頁點樣整，你懂的，我選擇食一兩件算了。牛丸，當然係出面交黎，又係佳 x 級數既野，都幾一般。碗野我食左 2/3 左右，快快腳去隔離街買罐汽水解味精。