越瀧棧

營業中

休息中

今日特登入粉領同女朋友食飯,佢就帶我去左呢間 “越瀧棧越南菜館”餐廳入面既牆紙好有傳統越南既風味,乾乾淨淨同埋燈光好有情調,就算係平民小店都好有feel 餐牌行簡單路線,唔係太多圖片睇,不過見到佢個裝修咁有心機啲食物果然無讓我失望 我叫左個海南雞 (配油菜,油飯/白飯/湯河) $58無論係擺碟,或者係個木托盤都覺得好精緻,海南雞既份量好多,夠味都夠曬嫩滑,好想叫多碗油飯配,仲有一碟油菜,食到舔舔琍,CP值夠高 !

今日朋友約我去佢屋企，家在粉嶺，去之前順便食小小野，咁啱經過間越南餐廳，我們就去食下午茶啦。餐廳叫越瀧棧鋪面裝潢是簡單的，就如平時見到的越南餐廳一樣坐低後我們開始點餐，我們分別點了生牛肉湯河及海南雞湯粉，一碟酸辣無骨鳳爪，一杯荔枝冰同青檸檬蘇打。好快食物就上齊曬。首先想講下碗聲牛肉湯河，個湯是特別香甜的牛肉湯底，而牛肉的份量也是特別多同平時食開的真係好大分別，好似食極都仲有，而且牛肉的質量同口感超嫩超滑，看得出這家是一家良心店為服務市民的胃，真係用料上乘，不惜成本。海南雞米粉是比較清淡的，食海南雞餐通常都看重個雞，呢度既雞亦是香滑肉嫩，肉質是新鮮的，真係會令人想食多幾件。而酸辣無骨鳳爪係我特別喜愛吃的，呢間的鳳爪真係好味，有點出乎預料之外，味道剛剛好而且鳳爪的口感也是非常彈牙入味，加上有酸蘿蔔鋪底，一口鳳爪一口酸蘿蔔，真能滿足味蕾，強烈建議小菜可以點鳳爪。食飽飽嘆返杯野飲，大大杯的荔枝冰同青檸蘇超抵飲平民價可以又食又飲，真係無得彈。

今日特登入粉嶺搵朋友食飯，誤打誤撞去做間越南餐廳叫越瀧棧，我們兩個人order左碗生牛肉湯河，海南雞米粉，酸辣無骨鳳爪，一杯荔枝冰同一杯青檸蘇打。重點表揚生牛肉湯河，因為真係好好味同好足料，d牛肉好似食極都食唔完，因為真係好多塊，同埋牛肉超滑超新鮮，真係抵食啊。而酸辣無骨鳳爪也是我喜歡的，味道剛剛好，不會過酸過辣，同埋有d酸蘿蔔伴菜，一樣咁好食，呢個都係值得一試啊。整體來講，坐得都舒服，野食都好食，絕對推薦👍🏻👍🏻👍🏻

由屋企行過黎只係十分鐘路程，之前老婆食過，話好好食，今日我同囡囡行過黎一齊食。餐廳裝潢以白色，藍色為主，帶有越南色彩。豬頸肉撈檬-豬頸肉份量有十塊左右，夠入味，配料好足料，大熱天時食撈檬，酸酸辣辣好開胃點了豬頸肉撈檬，我太喜愛撈檬，但呀囡唔食酸辣，如果叫多一碗湯粉又食唔晒，最後問店員可唔可以比小小湯我，再比小小檬粉呀囡，竟然店員好好人，比左一配湯粉我，餐廳真係好有人情味，而且服務態度好好。手打炸蝦餅-蝦餅炸得金黃香脆，蝦肉爽口陣牙，而且還食到粒粒蝦肉龍眼冰

今日同朋友去咗八仙嶺行山 行完之後就喺粉嶺落山 落到去之後就梗係要醫下個五臟廟啦 咁啱有朋友就話想食啲越南嘢 咁我哋就搵下 見到呢間越瀧棧越南菜館 啲嘢好似幾正咁樣 所以我哋就一行人入去試下我叫咗一個香茅雞扒飯 雞扒煎得好香好脆口 而且滲咗啲香茅嘅味道 零舍開胃 加上少少酸汁 更加令到成度菜有一多一個層次之後就叫咗一個香茅雞中翼 雞中翼亦都炸得非常之脆口 令人食上癮 非常之正最後就叫咗一個越南春卷 味道十分之正宗 同之前喺越南食到嘅春卷冇分別 個外皮好香脆 用料有絲瓜青瓜蘿蔔絲等等 十分開胃總括而言呢一餐係喺香港食到少有嘅正宗越南菜

今日同男朋友係粉嶺想搵間平平地嘅粉麵見到依間餐廳幾乾淨整齊 價錢又合理就入咗去啦🤣-🍜熟牛肉湯河 $46平時食越南野一定食生牛肉湯河🐮但男朋友唔鍾意食生野強迫咗我叫熟牛肉🤯但竟然係出乎意料地好味!!!🤣牛肉熟嘅程度啱啱好 唔會有紅絲又唔會太老😝食落口好嫩滑 入口即溶🤤重點係 佢有成五大片牛肉片!!我從未試過食湯河有咁多肉🙈而且佢嘅湯底好香濃 每啖都會連湯飲🤣真係超級好評因爲估唔到$46可以食到咁好味嘅湯河🤣真心 絕對挑贏錦麗😏

心血來潮好想食越南菜，就搵朋友一齊去啦。知道粉嶺到正好有一間專門食越南菜既餐廳，就叫做越瀧棧。就嚟行到入去個陣已經聞到餐廳裡面傳嚟陣陣餸香味，令期待值更加上升！裡面個環境唔錯，擺設都好靚，牆上面掛住草帽、又有油畫，成個氣氛都塑造得好好，係到食嘢一定會好舒服。事不宜遲就嚟睇MENU啦有湯河、飯唔同選擇，甚至仲有越式咖哩同海南雞飯，樣樣望落都好吸引，令人揀唔落手！諗咗一輪都係決定要嗌湯河，另外再加碟小食。而我嗌咗碗牛肉湯河，個湯陣味夠哂清甜，唔會過濃，係上面灑埋啲蔥令到成碗湯河既味道再昇華，更加美味小菜就嗌咗越式春卷，唔知同平時係茶樓食到既味道會有幾大差別呢？食落就覺得，呢度既春卷裡面啲料都同一般食到既好唔同，特別好食！可惜佢只係得三個，好快就比我清哂啦湯河同小食都好抵食，性價比好高！下次一定要再試其他嘢

粉嶺我一向唔熟路 亂行去聯和墟度搵食 見到呢間越瀧棧越南餐廳 午市好似幾抵食 於是就坐低啦 大約兩點鐘坐低唔太多人 冷氣好足夠坐得幾舒服叫咗個越南豬頸肉撈檬 豬頸肉好香嘅香茅味 而且一啲都唔乾身 撈檬配上酸酸辣辣嘅撈檬汁非常開胃 檬粉仲加埋蔥油同埋炸乾蔥非常惹味 跟餐有嘢飲 我就加咗十蚊轉龍眼冰 龍眼肉都幾多粒清甜解渴消暑一流午市仲可以用優惠價加小食由十幾蚊至廿幾蚊都有 叫咗個越式炸春捲 外皮脆卜卜 入面嘅餡料好足料香茅雞翼 雖然得三隻但每隻都脹卜卜好巨型 外面炸得乾身 入面仲係juicy 香茅香料連入面嘅肉都入味 做得出色

和朋友看完醫生後，去搵野食。經過呢間餐廳聞到好香，就入左去試下，裡面裝修都好有心思，有越式風味。員工們好似一家人咁，態度親 切。見到有小朋友客人主動給小孩專用椅，細心又周到，見到都唔小家庭來幫襯。香茅豬扒湯金邊粉，餐廳會細心咁分開上。豬扒唔同外面的製法，不會炸到焦濃，沒有脆的感覺，但感到好新鮮，味道調得好恰當，沒外面餐廳的油䑎感。湯底用蘿白熬，有很多洋蔥作配菜，湯底好甜好香，令人一直食落去。朋友因為懷孕無咩胃口，叫了豬頸肉撈檬，朋友表示味道清，加上魚露好入味又開胃。岩晒佢食。叫了菊花薑蜜，夠薑夠甜，好有特性的飲品。椰子冰以椰漿調配的特飲，甜甜的，好有越南風味。令人懷念上年去峴港的味道。

呢個炒雜菜炒得好香好惹味好有鑊氣,有菜心芥蘭通菜!!!炒蜆個調味好重金不換既香味,份量多,唔會話炒到出嚟好少或者好多都冇咗粒蜆肉,當晚係大陸落到嚟香港都好晏啦,d蜆肉都仲保持到幾新鮮唔錯唔錯!!!蝦頭膏炒海鮮飯 ,原先以為蝦頭膏只係一個名稱,估唔到食落原來蝦頭膏個味好出,一啲都唔腥係好甘香,就好似拎住個蝦頭啜蝦頭膏一樣嘅味!!!除咗個飯嘅調味好之外仲有份量係好多係超多,同埋海鮮配料都有好多,每一啖飯基本上都會連住海鮮嚟食,口感好豐富!!!呢度嘅價錢好親民選擇都幾多,服務又好好,好有親切感!!!除咗餐牌嘅食物之外仲有廚師推介,應該係會成日轉款睇下邊啲時令就出邊啲,不過嗰日太晏去啦,原先想點蝦同魚都賣曬...

越瀧棧越南菜館聯和墟聯和路3號富貴樓地舖經過聯和墟一帶想食個便飯就返屋企見球場側邊有間越南菜 就好想試吓入到去個吧枱嘅佈置好搶眼 燈光好柔和見餐單咁多款食物 真係唔知食乜好一心想拿拿林食完返歸所以直接叫咗個$178 二人套餐好幸運地 出餐有效率 而且食物質素唔錯我哋係二人套餐到叫左兩個主食兩杯飲品 一個小食 重有個菜仲有甜品送香茅雞扒飯雞扒好似台式嗰啲咁大件 厚切肉質嫩滑 配埋啲蒜蓉蔥 成個飯好香口豬扒撈濛個酸汁係成個粉嘅精華所在因為好鍾意酸 落咗好多 好開胃而豬扒亦唔會煎得過火 炸雞翼 炸蝦餅兩款食物都炸得好合時唔會炸得成口油 同時保留到當中鮮味平時唔鍾意蝦餅 最怕食到膠質蝦餅得身邊嗰個鍾意 但今次實係好唔同你會睇得出係人手打蝦餅 粒粒蝦肉 唔馬虎 珍多冰 龍眼冰珍多冰做得同出面好唔同好重真椰味 係椰漿咁結結地 龍眼冰清甜 會好想飲多杯 好正淡奶涼粉有家嘅味道 仲有清熱作用 無諗過食個便飯都咁開心 食得好開心

今日返工係屋企附近搵左間食越式餐廳味道不錯👍🏻香茅牛肉撈檬牛肉香噴噴，夏天食涼拌就岩曬，配料紅蘿蔔、青瓜絲、花生碎、配埋酸甜汁非常開胃，味道偏微辣軟殼蟹紙米卷外層米紙口感煙韌，軟殼蟹炸得香脆紙米卷包住軟殼蟹、甘筍、檬粉、青瓜、蘿蔔、生菜、有越南香料，食落清新，爽口推介炒蜆👍🏻👍🏻蜆肉size適中，全部無沙，味道鮮甜配埋炸蔥好香，又惹味另外叫左咖哩雞薄餅，雞件肉身算滑，多肉少骨，味道香濃送薄餅岩岩好👍🏻👍🏻非常滋味

去開粉嶺體育館，開波之前同朋友食餐好野，搵左呢間越南野試下，menu超級多選擇，朋友叫荔枝特飲，好飲得黎又靚，搞暈佢成杯粉紅色好靚，我就叫左個鮮椰青，好多汁同多果肉，而且好清甜，我地食咖哩辣野配椰青超解辣，勁爽！最正係佢咖哩有青同黃揀，而且唔中意食飯可以轉配蒜蓉包或者薄餅！！呢樣超級好！因為我朋友唔中意食飯，真係啱曬佢，佢啲薄餅超好食，熱騰騰又夠厚，海南雞飯都多肉，可以一試，仲有椒鹽軟殼蟹，真係砌得返成隻蟹出黎！勁好味，又唔會太油，一定會再返黎食！

環境設計用藍色做主調,感覺好有海洋氣息,牆上重掛左好多小掛畫,令人感覺好舒服!!!依到有d晚飯套餐,價錢抵食,重有飯後甜品,岩曬一家大細,或者兩個人食唔洗諗咁多!!!依兩隻醬好好味,影低左,下次行開買越南野既雜貨店睇下有無得賣先,一枝係辣醬,另一枝個味好似燒烤醬好好味!!!店餔提供免費清水飲用!!!青木瓜絲沙律,賣相好靚,味道清新,個沙律汁係偏甜既微辣而唔係偏酸個種辣!!!蝦頭膏海鮮炒飯$48,第一眼真係以為自己睇錯價錢,心諗咁平既,上枱見到枱野真係更加不可思議,一黎又有鳳尾蝦,魷魚,日式魚片,栗米紅蘿白青豆粒,蛋絲,,二黎份量好大碟,$48真係好抵食!!!抵食得黎係好味既!!!炒通菜,加有左d方魚絲伴炒,更加灣味香口!!!通菜炒得靚,炒得夠乾身,上枱唔黑重嫩綠!!!

呢間越南菜館都幾好生意，晚市要等一陣位。餐館選上藍白主色，其中bar 檯部份有幅椰林樹影o既圖畫，牆上亦掛上零散掛畫同傳統彩繪碟等等，天花o既燈都係採用草帽或者燈籠o既設計。唔知係咪老闆d 細路呢？見收銀處背後一角，成為o左小朋友o既玩樂天地；雖然空間細小，卻玩得悠然自得。掙扎食湯粉定撈檬好，我鍾意食越南o既pho，但天口興又唔想食d 咁熱o既o野，最後寫o左碗香茅牛肉撈檬($44)。d 牛肉o岩o岩上檯時香氣撲鼻，只係略嫌個別肉片會燒得比較乾身。個檬粉用上紅蘿蔔、青瓜絲、花生碎、香茅仆仆脆同蔥油佐料，倒上魚露醋簡單一撈，即成消暑美食。再o黎一客軟殼蟹紙米卷($52)，呢個超正勁擁介！外層o既越南米紙口感煙韌，雖然都係包住米粉、蘿蔔絲、生菜可能同頭先看似差唔多，但配上薄荷葉，立即溢出一股東南亞o既獨特氣息。當然未計主角軟殼蟹，充滿鹹香，一啖咬落去d 油同蟹o既精華咇晒出o黎再滲到d 米粉入面，好食非常～飲品都唔錯wo，叫o左杯椰汁綠豆冰($20)。佢o既椰漿好杰身，感覺足料，然後下面o既綠豆都相當清甜，幾鍾意呢兩者自然無添加o既味道。最近都食得多熱氣o野，要清熱下一下火！