走肉蔬食研究所 (已結業)

聰明的素食朋友聽到「走肉蔬食硏究所」的店名，就猜到是「走肉朋友」的姊妹店，在荔枝角 D2 Place 商場三樓不賣素自助餐，改為非常港式茶餐廳style的餐點，看起來跟一般餐牌沒分別，但真肉都全換成素肉，概念都幾有趣。餐廳室內設計以學校為主題，黑板、桌椅和書架都讓人充滿童年回懷。除了主題有趣之外，現場用餐均附自助沙律、中西靚湯仲有白飯任裝，價錢很划算，難怪每到午晚市用餐時間都會客滿。餐廳位於商場三樓，同一位置前一手是中式素食餐館，現在則換成新派玩味素食。店內桌椅很有學校課室的味道，也提供圓桌子供較多人的家族或同事一起用餐。午市有車仔麵和飯餐可以揀，可自選湯底、汁、麵條和三種配料，雖然是素食餐廳，但可以選「腩汁」和「豬骨湯」都幾搞笑。配菜除了多款素料之外，也有菜和菇可以揀。車仔麵不含飲品，可加錢另外點。配料每加一款要 HK$8，考慮到有自助沙律不加料應該都很豐富。招牌客飯是港式經典「黯然銷魂飯」和「所長三寶飯」，另外也有西式意粉和馬來亞風味，看起來都很飽肚。菜式以蛋奶素為主，部分可以走雞蛋轉全素，不過我覺得如果這樣的話餐點不是縮水了嗎？何不乾脆也提供素雞蛋？飯餐同樣不包飲品，可以補錢加點

某日OT完同同事去食，9點last order,我地8點半去到，唔洗等位。諗好食乜要就行出去落單，個阿叔勁唔耐煩，態度極差。健康嘅嘢都唔一定難食嘅，素食健康，都可以好食，但呢間嘢實在太令人失望，食物嚟到全部係凍嘅，味道亦不合格，感覺似隔夜飯餸；唯一比較好味嘅係個甜品朱古力蛋糕，不過勁細份。食到尾聲，個黑面大叔走埋嚟話要關門趕我地走，咁我地準備走，佢西面叫我地執埋啲拓盤先好走！每人食咗成百二蚊，又貴，又背脊骨落。

自己本身食開素，遇上朋友聚會，佢地就話想揀間素食餐廳試下🤣餐廳環境舒服，似茶餐廳風格但唔會迫。有沙律吧任食👍🏻食物賣相質量都唔錯，impossible meat真係整到似肉，帶食肉嘅朋友上嚟食飯都係一個唔錯嘅選擇。餐廳仲會提供遊戲，例如card games

半年無黎，今次過來商場食野發現好多新嘢食。行行下發現有間素食,入邊好似一個課室好好奇入左去幫襯,見到菜單有臘味煲仔飯喎一定要試下啦，再加三款炸雞，原來個餐包埋自助沙律飲品湯飯，好豐富喎。臘味煲仔飯真係好真，但係個飯係暖，如果可以熱辣辣就好啦,炸雞我食到菇味,我估到係咩菇但諗不起咩名。湯係西洋菜湯，好咸。糖水係紅豆沙，好甜。有檸檬水同熱水供應｡沙律吧有啦,有薯仔青瓜粟米粒其他唔記得｡場地好大好寬敞坐得好舒服｡

上星期六（21/12）晚上與弟弟和弟婦到旺角吃冬至晚飯。 我和媽媽先到荔枝角吃下午茶。 因為我要到荔枝角取網購商品。這是走肉 • 朋友蔬食自助餐廳在荔枝角的分店。 這裡沒有提供自助餐。 餐單上有多國菜式的主菜。 包含自助形式取用的沙律、蔬菜、涼菜、湯品、糖水和白飯。內用的客人要到門口的收賬櫃台點餐和付款。 食物享用完畢要自行收拾到後面角落的餐具收集處。位於年青人集中地的D2 Place，餐廳的佈置也要花點心思。 迎合這商場的風格。 所以，餐廳包裝成學校的樣子。餐廳地方頗大。 有很多座位。 靠近門口的是廚房。廚房前面便是自助食物桌。 左面則有水和湯品提供。 我沒有留意糖水放在哪裡。 當時也沒有看清楚餐單上的字，不知道有糖水供應。我夾取了四款涼菜。 有醃製酸蘿蔔、韓式粉絲（或是薯粉？）、醃青瓜和紅豆。原來醃青瓜是辣的。 辣的程度也不少。這些涼菜的味道也很好。湯品有中湯和西湯。 西湯不是純素。 我只取了中湯 — 紅菜頭甘筍粟米湯。 味道清甜可口。媽媽點的豆乳忌廉牛肝菌汁雜菌炒意粉，$72。我吃了少許意粉。 牛肝菌汁的味道濃郁。我點了新加坡喇沙湯麵（去蛋），$75。有油條，很特別。 還有白蘿蔔

-🦄走肉蔬食研究所-三餸車仔麵 Hkd66Rating🌕🌕🌑🌑🌑-#大家平安夜快樂#預祝聖誕節快樂💚💚💚💛💛💛💙💙💙上個星期五我就去左D2Place 本身有一間餐廳好想食但點知佢仲裝修緊味開張既😭😭😭於是就要簡過第二間啦 就簡左呢個素食餐廳🍴叫左個三餸既車仔麵🍜番茄湯底走汁🍅餸就叫左木耳//時菜🥬//蘿蔔 配米粉🍜落左單之後都等左好一段時間 先有野食😟不過呢段時間大家可以出去拎沙律同湯先出面既沙律吧啲沙律係任食架🌝個人覺得最好味係酸酸甜甜既醃蘿蔔🔥同埋手拍青瓜不過青瓜可以再辣啲同多啲蒜湯同飯同啲飲品都係任拎架🙈🙈🙈所以變左其實你叫一個餐已經有好多野食 絕對夠飽好喇講返個車仔麵先 唔明點解叫番茄湯底但會咁油真係好油好油 睇相可睇唔到好清楚但真係有好多油浮曬係面😅😅本身叫米粉都係想清淡啲健康啲😂但最後變到咁油想清淡都幾難🤭其他蘿蔔呀木耳時菜個啲都正常番茄湯底都好正常仲有啲番茄溶Tim唯一美中不足就真係好多油😟😟😟其他食物都ok既 環境ok 仲可以充電Tim😛-

行街經過見到環境唔錯，就選擇係度食午餐，環境唔錯 空間夠大唔會太嘈可以靜靜地食飯點左個黯然銷魂飯雖然飯量唔多，但賣相好，味道唔錯仲有杯蘋果茶，唔會太甜 味道岩岩好有機會會再試下其他嘢食。

今日星期六難得同男朋友一齊放假就額鬼佢話嚟呢度食自助餐無同佢講其實係素食自助餐😂😂咁佢就要咗個叉燒飯 我就叫咗個咖喱羊肉飯佢哋呢間餐廳嘅裝修有少少似以前嘅課室放咗幾張中學生用嘅枱同鄧仔有少少似以前中學時代會掉轉張凳一齊食lunch嘅時光😂光陰似箭呢度嘅飲品同甜品同埋沙律都係自助式只要叫一個主菜就可以享用呢度嘅午餐主菜基本上都係$80以下飲品方面有普通嘅凍水熱水 熱湯係中式而且冇加味精 甜品方面好似係綠豆沙不過太飽所以冇食自助式沙律有基本嘅薯仔沙律 沙律菜 車厘茄粟米韓式泡菜蓮藕都算係幾多選擇 今日嘅湯係牛奶蘿蔔湯 真心好好飲 好飲過平時嗰啲西餐廳嘅羅宋湯而且佢冇加味精好適合冬天飲呢個咖喱羊真係做得唔錯 羊肉當然係素啦不過口感都好似 咖喱味好足夠有蘿蔔薯仔 但係另外值得一讚嘅就係佢呢塊麥薄餅 我好想加錢再叫多幾塊男朋友就叫左呢個叉燒飯 隻蛋就應該係真嘅叉燒就當然係素啦 口感我覺得好似 應該係豆腐或者麵筋做嘅 個叉燒醬好入味所以食落我覺得好正 男朋友居然比我呃咗黎但係佢都話好好食總括兩人嘅午餐半自助式呢一個價錢唔使$90 $80一個人都算唔錯值得一試食完之後要自己收返埋啲餐具分翻開俾人洗

為了健康少少，這個午餐決定要走肉！而公司附手剛好有間素食主題的新式餐廳，做一次孤獨的美食家。店內設計風格是校園主題，對所有人而言都有一定的熟悉感，木桌子木座位。 窗口位置掛了點小玩意，好活潑的感覺。而且高枱和高凳更有輕鬆悠閑的環街。每一個主食都包了自助沙律吧，中、西湯。沙律吧的選擇算多，不管中式、西式、日式、韓式都有，任君選擇。豆乳溫泉蛋卡邦尼意粉以素肉代替火腿，口感相近，味道比較清淡。同時，加入了爽口的紅蘿蔔絲，為了營做和普通卡邦尼相似的味道和感覺。意大利較軟身，口感欠奉有點似米線。豆乳作醬料也不失色，也和牛奶也相似。最後，溫泉蛋是認真地外熟內嫩，蛋黃汁與其他材料混合，豐富了味道的層次。

香港人生活壓力咁大，又成日多肉少菜唔飲水唔食生果，真係好唔健康。所以最好一星期食番一兩次素菜，清清腸胃。今次就揀咗呢間係荔枝角D2 Place 嘅走肉蔬菜研究所，聽個名覺得好新潮，原來唔係非一般嘅傳統素菜館，佢將素菜打造為年輕人都鐘意嘅餐廳。即係點？睇吓餐牌就知呢到除咗有午餐餐牌，仲有得食素菜版車仔麵！估唔到車仔麵都有素菜版，不過我唔記得咗影。車仔麵就有貢丸，豬大腸嗰啲揀，而午餐餐牌仲有得揀黯然銷魂飯，仲唔係年輕人都鍾意嘅素菜館？呢度係要行出去收銀位置點餐先，之後就會有個機俾你去攞餐。係等緊食物嘅途中，出邊係有沙律吧俾你任拎，仲有湯同埋糖水，一個價錢包晒㗎啦。其實佢沙律吧都有好幾款選擇，我最鍾意係車厘茄，不過冇影，因為佢啲車厘茄好新鮮，超甜！我個車仔麵到啦，但係拎完之後發現成個麵底唔見咗，應該係打單嗰陣打漏跟住我同返員工講，有位貌似老闆嘅人好好，佢話即刻幫我處理返仲會幫我送去我張枱，然後仲請我食兜冇蝦嘅蝦片。我覺得呢個蝦片好好食，仲冇咁油，好乾身。講返我個車仔麵先，蕃茄湯底食得出應該係有茄膏，所以冇乜特別，有茄膏一定好食。但係佢個響鈴真係好出色，好鬆化，勁好味！最後要講埋佢湯同埋甜品，

今日約埋一班舊同事去試試呢間新開既走肉蔬食研究所！入面環境算寬敞，12:40pm到都仲有7-8人大枱😊算係多餐揀，R9就係幾好食既三寶飯，兩隻半熟蛋仲熱辣辣👍🏻R1份量就一定吾夠男人食，但傳說中既黯然銷魂好似無咩驚喜，味道算過得去！R3意粉汁有誠意，即落單即炒，牛肝菌味濃😊下次要試埋其他！最最最重要既緊係餐牌上既字🙌🏻🙌🏻（自己睇）

究竟他們知唔知道咩叫做素食，從來未食過咁難食嘅素食，叫咗四樣嘢，所謂冇可能扒餐真係冇可能咁難食嗰舊漢堡扒雖然唔係牛肉但係成舊粉咁樣咬落去鬆散啦；雜扒餐嗰舊雞扒雖然唔係雞,但係都冇諗過硬實實咬都咬唔郁；凍檸茶有檸檬有茶有冰但係冇檸茶味；叫雞絲意粉，雖然係數雞絲冇所謂，最重要係啲意粉未煮熟，咬落去都咬唔郁。海鮮飯，話明走酒肉就一定冇海鮮啦，但係都唔使煲飯成Pat野咁,最重要四個人食咗成六百蚊，最後居然叫你自己執返啲嘢，大酒樓價錢，快餐店格局，職員冇禮貌，粗魯。呢度唔可以比零星，所以比一粒。做左實驗品，蠢左。

同學各位找個位🎼這是你的開飯禮🎵四圍看🎶想着吃着各種素時多美味🎼早前，終於來到甚具課室感覺的「走肉蔬食研究所」進行「開飯禮🎉🎊」了。事不宜遲，馬上就來看看開飯禮這晚的過程吧第一課:開飯禮的啟動入到「研究所」進行「開飯🍚禮」，第一件事當然係搵位坐，然後拎餐單啦。拎餐單揀定心水美食後💖，去收銀處點餐就可以了。第二課:輕輕鬆鬆的自由走動課未「正式上課」(食正餐)前，可以在所內走動一下🚶‍♂️🚶‍♀️，到「自助沙律吧」研習一下。經研習後，版主覺得微辣的青瓜作為開胃小食，是不錯之選。此外，有一款「條狀物體」(不知是甚麼食物🙈)也很煙韌，口感不錯。此外，還有大大的蕃茄🍅、小小的粟米粒🌽、灑上芝麻的蘿蔔🥕、可加上醬料的蔬菜，林林總總，在這兒輕鬆走一圈，定可滿「碗」而歸。第三課:探索面對無可能時產生的錯覺這一課，我們研究了「無可能系鐵板葱花牛肉芝士汁撈丁麵」。餐單中介紹這食品時，重點是「吱吱聲，好好聽👂」，指的當然是芝士汁和鐵板觸碰的剎那間，那種仿佛充滿着激情🔥的聲響。不過，可能由於我們顧着拍照📸，當那滿滿的汁向着鐵板傾瀉而下時，那原來潛藏着的激情可能已冷卻下來(簡單的說，即是鐵板熱度下降了)，期待着的吱

呢間餐廳係D2 place開，幾不錯佢有啲位好有特色，係學校嗰啲枱凳，令人好懷念以前讀書嘅時光前菜任食，自助形式，味道都幾好，居然有菠蘿食，好甜，仲有薯仔沙律😜黯然銷魂飯幾好味，啲雞蛋超正，流心咖！配凍咖啡焗豬扒意粉，素食黎，覺得好香，蕃茄味濃😝配凍檸茶，解下膩整體幾好味，服務勁好，任坐任食，絕對唔會趕你走，其實店面都唔算細，我覺得就算晏晝嚟飲杯嘢都幾好，佢旁邊嘅位有得叉電㗎，下午茶嚟hea好正！

懲罰黃店系列 must go on! 今晚「走肉」。【日式咖哩炸漢堡扒飯】塊「肉」真係似肉，炸得好香脆，無論質感定味道都似真豬肉喎。男朋友都話勁似真漢堡扒，不過佢嫌咖哩汁太少。咬開近鏡 🥺【口水雞】我估係菇菇扮？分開唔同方面講先。味道：坦白講唔似雞，啲菇菇味本身太濃 質地：究竟係點整到連肉絲都有嘅呢？賣相：我俾滿分! 痴線連雞皮啲質感都整埋!! 😫醬汁：麻而不太辣，但唔似傳統口水雞醬汁你地評下理，個雞皮質感點整出黎架？沙律、白飯、湯、糖水，一律任裝。有無人同我男朋友一樣好鍾意食酸蘿蔔？佢話5分滿分嘅話佢要俾100分啲蘿蔔!! 🙄好似我之前評另一間新派素菜餐廳咁，做素食一定有心，齋搵錢就不如賣垃圾快餐同肉食好過。我覺得呢種新派素食真係好適合嗰啲唔想殺生，但又放下唔到屠刀食全素嘅人 (like me)，你地快啲同我一齊黎幫香港積下陰德啦。