走肉蔬食研究所 (已結業)

原本是經過去搵其他餐廳的 但店員很熱情 望入去裝修也唔錯 就入左黎因為食飯體驗太好 又便 又健康 開心到寫comment 鼓勵下呢間新開舖頭 健康特飲 羽衣甘藍蘋果汁 黯然銷魂飯素叉燒 口味同口感都唔錯太陽蛋流心 火候剛剛好車仔麵是我朋友食 佢都話好OK 自助餐吧的沙律很新鮮 湯也好味 試業期間免費 覺得好抵

最近香港的氣氛，實在無食欲。加上天天爬文，新聞不斷，前途茫茫感覺無力。好攰。朋友見狀，叫我出来吃飯，特登帶我。到D2,我去過，剛好有市集，行了一會，倾下计，人好似開心D。上到三樓已見到很多學校枱，又有小賣部，好靓好得意。個名叫“走肉蔬食研究所”，有趣。課室般佈置，令人好懷念的從前...，我爱的那個年代。我朋友發版，三個人叫左個叫黯然销魂饭比我，佢话啱我。佢叫佐個腸粉，蛋糕，泡沫咖啡及花茶。好怪的组合。就是好似我地三個。個飯加上旦汁及甜豉油，好正，素叉燒外脆，而且份量不上少。腸粉齊醬，弾牙好味個花茶熱水任添，又有洋燭保暖，很好喝。驚喜是泡沫咖啡，好香好濃，荳奶好味。食個餐仲要送沙律前菜，抵到爛。我們三姊妹影了大多相。因太靓了。這家逗得我們十分開心，是不錯的加油站

D2Place 新開校園feel素食餐廳 #走肉蔬食研究所 . 餐廳好有校園feel，好光猛，有幾款lunch set，車仔麵，仲有自助Salad Bar同湯，非常扺食🤩今次試咗：💚黯然銷魂飯 $68💚快活鮮茄焗豬扒飯意粉 $68兩款午餐都好足料，叉燒雖然係平時買到嗰種，但係碗飯有好多好多叉燒，仲有兩隻蛋😍焗意粉個汁好濃，有茶餐廳feel😋食完飯可以行下附近嘅特式小店，狗奴仲可以帶埋主子嚟㗎😁^餐廳純素款式暫時唔多，希望遲啲有多啲嘢揀啦

中午有時間，到D2走走。2:30pm 下午茶時間，逛了個圈，發現有間新開的餐廳，佔地很大，裝修簡潔漂亮，就好像課室一樣，令人聯想起是否台式餐廳。既然新開，當然試下幫襯，order了吉列豬扒蛋包飯伴沙律，以及車仔麵，下午茶時間減$10 ，外面有小食吧，有餐湯，有白飯自取。大頭蝦地，上菜的時候才知道，原來這間是素食餐廳，豬扒吃下的口感有彈性，味道還可以。主要是餐廳的環境，令我感到很舒服，所以這一餐還不錯，偶然吃素食也是不錯的選擇，感覺比較健康。因當天帶著小朋友，餐廳環境佔地比較大，坐得舒適，人不太多，小朋友也可在餐廳隨便走一走，服務員態度也很友善。

喺D2 Place揾野食, 去到3樓, 見到有間新開(只開左幾日)嘅素食- “走肉蔬食研究所”, ”研究員”好落力介紹話好好食, 每個餐包餐湯, 沙律🥗Bar同飲品, 裡面裝修得好靚好有文青feel, 一於試一試.>門口cashier俾錢後會收到個buzzer, 食物ready就會響. 等嘅時間就裝碗湯先, 我揀左creamy西蘭花🥦湯.>沙律🥗吧有大路蔬菜, 蕃茄仔, 粟米, 薯仔沙律....仲有辣辣韓式麵選擇真多, 完全唔hea👍🏻.>四寶飯 (HKD68)勁似有肉嘅四寶飯🤩, 味道好天然, 沙薑點”雞”係最出色嘅, 全個飯唔油膩非常健康.>咖哩羊腩+印度餅 (HKD62)辣度十足嘅咖哩, 好多薯仔洋葱紅蘿蔔🥕, “羊腩”係無羊味嘅, 但係非常有口感. 除左印度餅之外仲有有糙米嘅飯, 點咖哩好正! 不過印度餅好似硬左少少🤣, 值得推介😋.>熱奶茶奶香茶味濃.>凍檸水 (+HKD4)Er....我覺得太細杯了.