走肉蔬食研究所 (已結業)

星期四夜晚6:30到達😊開頭我諗座位兩成滿～不過大約去到7:30差唔多滿座，好多人，建議大家早啲黎 🌟入到去好有學校feel，有學校嘅風扇、窗、百葉簾、書架，仲聽到有鐘聲😂 真係回到校園時入咗之後有職員好細心咁樣問：「我哋係咪第一次嚟食」，我哋唔係，職員好清楚咁講解「配菜、白飯、湯&水」係自助形式，要去門口落單買野食&食完要自己擺番嘢食落一個特別位置！ 事關我哋都係第一次嚟，對於自助形式係好surprise，原來有10款簡單配菜選擇～真係算唔錯！食物方面，當然唔少得就係食一啲前菜（配菜），其中我同朋友最鍾意就係「粟米、薯粉同埋醃左嘅酸蘿蔔」☺️ 其實仲有其他，如沙律菜、蘿蔔、醃青瓜等等... 配菜主要都係常溫我地3個人就order 左一個「二人鐵板餐」同埋「台式滷水拼盤配素肉燥飯」🌟👏🏻 由於餐廳係自助，點餐同埋拎餐都有客人自己出去處理～ 落單之後唔夠2分鐘已經有飲品出，再隔一陣就攞晒啲嘢食返啦😄 1️⃣台式滷水拼盤配素肉燥飯肉燥真係完全食唔出係素肉，好好味！ 肉燥嘅份量都啱啱好 份量適中👌🏻 滷水拼盤上嘅嘢食中規中矩啦，雞蛋都算醃得入味2️⃣無可能系鐵板漢堡扒配雜菜之前喺其他餐廳食過Impos

其實，上次老婆嘅生日飯都常帶佢嚟試，不過，種種原因就打消咗。今回就因為要落去荔枝角攞手機，所以，就順道會一會呢間「 研究所」，研究研究一下佢哋嘅素食喺點。因為星期六都唔喺返工日，諗住嚟食個晏，但估唔到都比預期多人，不過，咪睇門口企咗好多人，佢哋唔喺等位，只喺望緊有咩揀，因為呢度有少少快餐營運模式，晌出面收銀落單、俾錢，之後等攞嘢食。入到餐廳裡面，地方都幾大吓，唔算有咩裝修，光管、吊扇、鐵窗、懷舊擺設……等等，帶有一種懷舊風；不過，相信都喺因為由廠廈改建，保留番原有設定而已。亦因為窗口上擺放咗好多書籍、掛咗一張驗眼嘅E字牌、加上餐廳尾嘅大黑板，有人會覺得喺帶學院風，話晒佢都喺「研究所」嘛。然而，枱櫈嘅風格，就俾我嘅感覺喺食堂風，就當嚟咗學校嘅飯堂食餐飯。而防疫措施方面，餐廳都有做番足基本嘢。服務方面，由於呢度都喺自助形式，由落單、取餐、收拾都喺客人自己搞掂，所以，都無咩服務可言。而一入門口，量完體溫，俾個餐牌你兼講兩句就喺咁多，快到基本上唔喺好知佢講乜，只好埋位再研究。但佢哋嘅態度都OK嘅，再有問題問，佢哋都樂意答你。午餐嘅選項都非常之多，全部都定價$75，包一款主菜，餐湯同埋沙律就任取

非常好味嘅素食，幾乎可以以假亂真🤣推薦三寶飯同台式滷味肉燥飯，素雞好好味，豆腐都滷得好入味。免費提供嘅前菜款式多又好味，最愛紅薯粉同醃蘿蔔👍🏻👍🏻👍🏻

估唔到會有咁多選擇沙爹汁味道好正 串燒一陣就食晒 真係有啲似肉 如果可以日日黎 我5介意日日食素！而且有脆卜卜嘅春卷同蝦片 好多配菜依度仲有小食 白飯任添 超級推薦拍青瓜 5會辣 酸酸地好開胃不過食得晒先好拎啊ps對女士黎講食物分量比較多 下次叫少飯先

🥘椰香馬來咖哩羊腩配麥香抓餅配飯$75🥘第一次食素食主餐 估唔到咁好食同一般咖哩差唔多 有微辣羊肉就無咩羶味 不過好惹味同埋個麥香甩餅好好食🤣.🍗沙爹串燒$30@2串🍗值得加 個沙爹汁杰杰地偏甜嘅沙爹汁 鐘意佢有唔少花生粒🥜串燒個肉都幾似 有肉絲口感 勝在幾軟口.🍜台式滷水拼盤配素肉肉燥麵$75🍜我冇食 不過個賣相唔錯 同埋好大碗

店內的環境都幾舒服，最緊要係唔洗點等位，因為座位都幾多，而且裝潢感覺都好自然～中午餐牌出去叫餐之後有BB機，可以返位慢慢坐，襯呢個時間又可以出沙律bar有自助沙律Bar可以任揀，嘢食都幾多選擇，比較喜歡最左的青瓜吞拿魚沙律，仲有中間的辣青瓜見佢有用impossible meat，少食肉始終都對世界有好處R12 台式滷水拼盤配素肉燥上海麵 $72新加坡喇沙湯麵 $68水蜜桃焗豬扒螺絲粉 $72記得食完要自己清理返枱面呀！

呢間舖頭係朋友發現帶我去嘅，我覺得好新奇有趣，因為佢入邊嘅所有衫都係素食嚟㗎，雖然睇落去好多都唔似係素食，但係真係佢哋係100%素食嚟嘅。例如呢個雞籠，入邊好似有麥樂雞、韓式炸雞、同炸雞扒咁，但係其實佢哋真係素食嚟㗎！仲要呢個配左勁多薯條，香口野相信冇人可以抗拒。令一個呢就係素肉窩蛋飯，呢個肉係impossible meat 🍖 所以佢唔係真係肉造成嘅，但係食落去嘅口感就同真嘅肉差唔多。通常兩個人去食都會叫二人餐，會送埋沙律吧，嘢飲方面呢就有檸水，啲沙律呢我覺得非常之好食，亦都有好多選擇，所以我覺得係幾抵嘅，同埋呢個餐仲會送埋桃膠糖水，抵食！

以前一聽講食素，都會好驚係食啲口感勁假嘅豆類製品，但嚟到呢間餐廳，就顛覆晒對食素嘅不良印象啦！已經嚟食第三次，今次試嘅係素肉餅飯，從容器到味道都似到十足。但好傷心嘅係疫情期間暫停供應自助配料吧，平時可隨意任添心水配菜、湯水同糖水架！希望遲啲嚟嘅時候會有返啦！

裝修同擺設上都有心思，有黑板仲畫滿化學符號。枱凳都係校園風，櫃筒仲有塗改液寫ge字，好有那些年ge感覺。早過開門時間15分鐘左右到餐廳，店員都俾我地先入餐廳坐，到佢地準備好都主動黎邀請我地去落單。叫左個叻沙湯麵同印尼沙嗲串燒黃薑飯伴蝦片，叻沙湯麵不算太特別，係常見ge素蝦，味道正常。印尼沙嗲串燒黃薑飯伴蝦片則有驚喜同賣相都不錯。串燒加上沙嗲醬食落好有感覺，個飯黃薑味不算多。餐廳一切自助，可以自己到自助吧夾涼菜/沙律，仲有中/西湯、糖水同白飯都係任裝。

唔食素嘅人都想吃素，都會話好似好似或者都唔似嘅今日又來試吓朋友話好似好似嘅地方食物半自助餐形式，叫完主菜可以出外拿配菜和飯。賣相好靚，肯得雞用茹整成，底部全部薯條。相似度✋✋✋。只係最大個件粉厚咗小小燒味拼盤叉燒最似....真係似90%....其他也不錯食食完飯記得幫手自己收盆呀

去咗D2 Place行下 經過見到餐廳裝修特別 好似一間課室咁 又見到個餐牌上午餐款式幾得意🤡就同幾個frd去食lunch自選車仔麵🍜揀咗貢丸 牛腩 麵根 油面 喇沙湯底 貢丸應該係蒟蒻做 好Q彈 牛腩係素肉 有柱侯醬味 喇沙湯好濃郁 好味！台式肉燥飯拼滷水拼盤🥙滷水汁好香花椒八角味 特別係豆腐 入晒味 肉燥好有台式風味印度咖喱羊肉飯拼薄餅🍛咖喱夠辣夠香料味 感覺正宗馬來西亞串燒配黃薑飯🥘沙嗲汁好香花生味 素肉串燒有口感 朋友特登叫黃薑飯話幫助提升抵抗力💪再叫多咗兩件蛋糕 tiramisu 同檸檬切餅 蛋糕就普普通通😿 tiramisu 咖啡味唔夠 檸檬切餅偏硬唔夠spongy

一間位於荔枝角的D2 Place 1期的「走肉蔬食研究所」，令我印象真是深刻，因為早幾天我已經上網不尋找素食餐廳，看過下食物相片都幾吸引，所以今晚收工後來一試食個dinner。餐廳外面都有一些素食的食材可以給客人購買，近來大熱的新豬肉，方便在家都可以食到素食。店中地方都好寬敞，店員都穿上寫上研究員或研究所長的 T- shirt，四周的環境都好扮成課室，都幾分似研究所入座前先到門外的收銀購買食物，其後由店員帶領入座，我選了海陸空鐵板雜扒($158)當中有不可能漢堡、素炸魚柳、素腸仔及雞蛋，有翠玉瓜、車厘茄、洋蔥、甘筍粒、西蘭花及粗炸薯條，I售票後店員會給我一個call機，待機響時客人自行到水吧拎食物及飲品。impossible漢堡其實是一些植物蛋白質及黃豆製成，不過賣相真是好像漢堡肉炸魚柳外層雖然帶微脆，但內餡的咬口都有幾分似魚柳，爽口嚼勁，素香腸的仿真度真是好似香腸，再倒入牛肝菌汁，鐵板都有吱吱聲，熱辣辣的鐵板都可以不用食肉。另加$10 的紅棗茶，紅棗茶都好清甜，1人鐵板餐中仲有醃蘿蔔、青瓜及紅薯粉，都是不錯的開胃菜。店中有供應自助斟水吧，也可以自行舀白飯。食物水準都晤錯，今晚入座食素

荔枝角少有專做素食的舖頭, 一試果然有驚喜店內好多打卡位, 課室桌椅, 玩味十足. 我特別鍾意不锈鋼餐具, 好衛生前菜有salad bar, 麻辣鳥冬好惹味, 粟米好甜, 沙律菜都新鮮爽口, 醋蘿蔔都好啱味. 清完碟都refill 得好快, 淨係前菜都飽咗三成我地試咗幾樣嘢: 黯然銷魂飯, 日式咖哩海鮮飯, 焗肉醬意粉, 仲有沙爹串同蝦片叉燒飯一定係鎮店之寶, 蛋夠焦香, 叉燒汁濃, 上菜時暖笠笠, 幾可亂真 日式咖哩海鮮飯 唔係我杯茶, 不過小朋友食得好開胃焗肉醬意粉都好味, 一陣間就清晒沙爹串燒好香口七彩蝦片大碟抵食，搶晒先諗起無影相最後更鼓勵餐盤回收, 成件事好環保

----------💛#黃店💛5/8, 11/11, 13/11/2019 罷市----------🌶麻婆豆腐茄子煲 $118麻婆豆腐有驚喜，除左冇肉碎同平時嘅麻婆豆腐一樣味，唔算太油，夠濃味又夠辣。不過整體食物偏貴。-🍅鴛鴦炒飯 $108有蕃茄醬同芝士忌廉，蕃茄醬味道唔夠濃，芝士忌廉夠濃夠傑，素肉份量都算多。-有任食自助沙律吧有沙律、前菜(酸蘿蔔、辣酸青瓜、粟米、蕃茄仔等)、湯(菜乾甘蔗粟米湯)、糖水(紅豆沙)、白飯。-客人拎位後要到門口比錢點餐，食完要自己收拾到餐具收集處。呢度係以參考學校班房裝修，用學校枱櫈枱燈，後面仲有個大黑板，仲會有落堂鐘聲。----------🔎走肉蔬食研究所🚩荔枝角長義街9號D2 Place 1期3樓302號舖

呢間走肉蔬食研究所好特別，裝修設計同一般素食餐廳走文青風格唔同，反而係好貼地。嚟食過幾次，食物味道唔差，最正係每點一份餐點，都有得享用自助吧，任食前菜，湯和糖水