貓之眼

營業中

休息中

一直都聽聞過灣仔有一間日式咖喱飯，叫做貓之眼。今日終於可以嚟一試。要左兩種不同嘅咖喱汁蛋包飯，第一印象係啲咖喱汁唔夠熱，只係溫暖，扣左好多分。整體來講，味道係OK嘅，餐廳就坐得迫夾啲，最後睇返相先至發覺原來貓之眼嘅意思，係佢嘅咖喱蛋包飯形象好似貓嘅眼，都幾得意

餐廳係小巷入面，under amour附近，不過都唔難搵。舖頭唔大，得廿個位左右。D waiter 都幾有禮貌。我叫左白汁雞肉拼蕃茄牛肉蛋包飯，個白汁超好食！！唔係KFC果隻，估唔到做得幾好食，幾有驚喜！d雞幾嫩滑🤤蕃茄牛都好食，但個人比較中意白汁😚😚隻蛋煮得幾滑溜，撈飯飯好正，好似去左日本咁。朋友叫左漢堡扒，佢覺得一般般....依個一個餐平均都唔洗一百蚊，幾抵食👍🏻👍🏻👍🏻會再黎食！

同老公喺灣仔等 , 沿路我先睇openrice搵有咩日式食店 , 見口碑好好所以試下呢間 , 同埋我都鍾意食日式咖哩 , 因為唔會辣 , 去到門口見有人龍 , 不過係4至5 pair人 , 有店員姐姐先遞上落單紙比等候既食客同講定今日既咩食材已賣晒 , 唔想食客白等 , 我地大約10分鐘就入座 , 坐BAR枱店員示意枱底有鈎可掛手袋 , 坐位有向街既window seat , 亦有一邊6至8人既對坐坐位 , 雖然坐位與坐位間算窄 , 但店鋪整體夠整潔 

每次經過這餐廳見到長長的人龍，多想吃的心也會卻步。只好默默放回自己的to-eat list。 今天下著大雨，人龍終於散去，機會來了 不用排多久就順利進去。店內座位不多，只有幾張枱和幾個吧枱位置。廚房就在餐廳中央，看到廚師在中間位置忙碌。🤤🤤🤤🤤🤤 (5分為滿分) 賣相十足日式感，未食先like! 一碟菜可以有齊三種款式: 咖喱牛肉雞肉和蛋包飯，最適合我這種有選擇困難，樣樣都想試的食客😂 咖哩牛肉配上紅蘿蔔粒，味道較為濃味，更易送飯。咖哩雞肉甜味較重，像日式咖哩。雞肉嫩滑腍身，切成細細件。兩種咖哩都不辣，我吃不了辣的也不覺得半點辣味。蛋包飯: 蛋煎得嫩滑香口，連飯也沾上蛋香，份外好味！不愧是人龍店，無論是食物賣相味道價錢，甚至服務質素，都很高分！那waiter講解清楚，笑容加分，有禮令人食得特別盡興！一讚！👍🏻

🍳 招牌三色蛋飯 HK$79揀咗咖哩豬肉同番茄牛肉，汁好多撈飯一流，日式咖哩香濃得黎又唔會辣嘅感覺真係幾正。不過蕃茄唔會好似茶餐廳咁濃。.🐂 手打和牛漢堡蛋包飯 HK$89漢堡好正同現成個啲無得比，好厚，而且好有重肉嘅味道，但個類似燒汁比較鹹。

呢間咁嘅餐廳，某男侍應簡直係極品，已經網上被人公審緊， 今日經過呢度 就睇下態度有幾差先，反正出咗名，就感受下啦！！點知入到去，好似殺咗佢全家咁惡言相向，冷言冷語，當你係狗你坐，都要指示你： 90度坐，手袋放前，不可以放後。否則佢就會‘’問候‘’你 手袋擺得唔靚 喺呢度食飯，連手袋點樣擺，佢都要管，係連擺手袋嘅自由都冇㗎 ！仲有帶入去的雨傘，一定要摺好！否則他會用粗口命令你，垂直，放好的雨傘，才可以進入餐廳。入去餐廳，真係連做人嘅資格都冇！！！大家去食，係會感受下被恥辱嘅感覺

食物 : 招牌三色蛋包飯賣相 : 賣相如店名一樣，好似貓眼，果然名符其實味道 : 咖喱味道十分之好，唔會有辣嘅感覺只有淡淡咖喱香環境 : 7/10 價錢 : hkd 88/ 人性價比 : 8/10

我係灣仔番工，之前lunchtime同同事排過隊，食過一次，蛋包飯真係好好味，個蛋好滑好香蛋味，好食過好多間日式餐廳。今晚打算同女朋友一齊再食。今晚去到如常排隊，見到有兩個吉位好耐都冇入人，就入去問聲係咪我地之前都冇2人入座所以有吉位。但俾個鬍鬚佬職員好大聲咁呼喝我出去排隊，態度勁差，我都係問聲，唔入得咪講囉，唔洗咁冇禮貌。呢個職員之前既態度都麻麻，呢次真係接受唔到。呢間野食幾好食又點，職員咁既態度，稱唔上一間好餐廳。以後都唔會黎食。

主打蛋包飯嘅專門店唔多，早前見到關於灣仔貓之眼嘅推介，所以襯假期專程出黎試試。餐廳位於灣仔汕頭街，即使係午市，都有長長人龍。店面唔大，有幾個望向街邊嘅單人座、幾個面向廚房吧枱嘅位置同少量二人枱。裝潢方面並無講究，樸實小店形式，開放式廚房，可隱約見到製作過程等候期間，店員時不時會出黎觀察排隊情況，以便安排座位；同時會遞上點餐紙，提高效率。進店後唔洗幾分鐘就上菜，所以等待時間唔會太長，翻桌率幾高。餐牌選擇唔多，主打四種醬汁，包括咖喱豬肉、濃茄牛肉、忌廉雞肉汁、燴牛肉汁，搭配蛋包飯、和牛漢堡扒飯，醬汁可單併或雙併，定價$79-109。另有沙律及少量小食例如冷豆腐、浸茄子。咖喱豬肉、濃茄牛肉三色蛋包飯 $79點選招牌三色蛋包飯，試勻兩個醬汁，配咖喱豬肉同濃茄牛肉汁。短短數分鐘上枱，一位廚師製作雞蛋、另一位盛飯、汁，賣相吸引。日式甜蔥咖喱豬肉汁以35種香料、天然蜜糖、蘿蔔等蔬菜慢火煮成，豬肉正常水準，醬汁稀身。日式咖喱一向偏甜，不帶辛辣，同一般日式咖喱磚嘅味道差唔多。濃茄牛肉汁以大量牛肉、蔬菜、蕃茄汁、紅酒慢火煮成，牛肉軟腍，茄味未算濃厚，勝在醬汁量多，足夠下飯蛋包呈鮮黃色，雞蛋滑溜唔乾，火喉適

蛋包飯原本已經好味，但得一隻味有啲齋，呢間正啦，有兩隻味，淨係相都夠吸睛！唔止啲醬汁正，其實佢個蛋都好滑，啲飯又正，難怪大家都瘋傳佢咁正！食到最尾仲有個logo多謝你食哂佢，呢啲細位都令人覺得成間店好正期待下次再黎

cats's eye 係睇FB發掘出來的食店，果然係名不虛傳，未到12:30已經有條人龍排隊食飯。等左10分鐘左右終於入到舖。呢間舖仔細細，真係好似日本本土餐廳的。咁野食就好攪笑，好似好多款揀，但係其實都係將D不同材料左配右搭。我就叫左個店主推介，一上台以經要相機食先，又靚又工整，又大碟，見到都開心先。味道呢，我就覺得淡左少少，旦係好滑但係如果再香啲就好了，肉有少少嚡，汁夠多可以啖啖飯啖淡汁，但我總覺得要咸少少先夠味。最後我地叫埋杯冰咖啡，咦佢又真係好唔錯喎﹗好有咖啡香，好滑，冰凍但啲冰又沒有沖淡咖啡味，反而成為成餐的一個生色位。

以前係灣仔返工會成日過黎食今日行過又重遊舊地因為岩岩開門黎到所以唔駛等位咁侍應就叫我地填落單紙喇填左落單紙後侍應走過黎串我地寫錯枱號 等左十分鐘左右飯黎到 好豐富多汁貫徹以往水準食完因爲我地趕住走所以起身出黎俾錢侍應叫我地返埋位🙄 (其實餐廳已經好窄)然後開聲同同事講「客人趕時間」話趕時間就唔好行出黎住預備好現金先飯係好食但侍應咁既態度會叫公司既同事以後唔好再黎

公司附近有間日式咖哩蛋包飯，每次放lunch 都要急急去排隊，因為店舖較細，座位不多，而且因為真係超級好食，越來越多人嚟食，齊人先可以入坐。先在門口排隊，店員會派點餐紙同筆畀食客揀定食物，嚟到當然要食招牌菜，就係最熱賣既招牌三色蛋包飯 (咖哩豬肉+濃茄牛肉飯)。我好鍾意食日式咖哩，就係鍾意個汁有咖哩味，但又唔辣，仲帶點甜味，再配上滑蛋係最好食。貓之眼既招牌三色蛋包飯 (咖哩豬肉+濃茄牛肉飯)，一碟有齊3個味道好滿足，飯係用日本米，流心滑蛋勁嫰滑，咖哩汁香甜又冇辛辣味；茄汁牛肉係用牛腩，燴得好入味、好腍，肉質鮮嫩又大件，性價比高！$79 絕對合理！

貓之眼係灣仔比較出名嘅餐廳之一，繁忙時間門外常常出現人龍。呢日早少少夜晚6:00嚟到，成功避開人潮。漢堡扒係一種令人欲罷不能嘅美食。聽聞貓之眼嘅和牛漢堡係賣完即止，所以有幸可以品嚐和牛漢堡，當然唔會錯失呢個機會。蛋包飯嘅三種醬汁分別係忌廉汁、咖喱汁，同埋茄汁。對於初次嚟到貓之眼嘅我，三種都好吸引。但係見到食評嘅照片，似乎忌廉汁有比較多嘅蔬菜，所以就決定咗試一試忌廉雞肉。和牛漢堡果然名不虛傳，漢堡厚身，但唔會太實淨。調味唔多嘅漢堡扒食落充滿肉汁，令人一口接着一口。至於忌廉雞肉更加係有驚喜。本身有啲怕個忌廉汁會係金寶湯質素，但結果食落有甜味又唔會太膩，送飯一流。而最好食嘅就係個蛋包飯，半熟嘅蛋漿除咗滑之外就諗唔到其他形容詞。

去完會展睇展唔知食咩好醒起之前有frd話諗住專登嚟灣仔食蛋包飯心諗有冇咁大吸引力😂😂問個啱啱收展嘅frd佢話佢lunch 都食過係好食 於是帶我地去😂😂哩度最出名係鴛鴦蛋包飯即一半咖哩 一半忌廉汁其實佢仲有燒牛汁、濃茄味揀不過一場嚟到梗係食招牌舖頭位唔多聽講平時係要排隊我地今晚唔使實在太好彩😍講真 首次覺得忌廉係可以煮得好食過咖哩 真係好creamy好濃又唔會太鹹個蛋係滑到想食多碗飯咖哩第一啖食係好正後尾食咗忌廉就覺啲味真係比佢搶晒總括而言 好正！！好好味呀